المحامي خالد "بس عشان ابقى خلصت زمتي قدام ربنا.... انتو عارفين ان انا وفريد كنا اصحاب فريد في مره حكالي على حاجه كدا مهمه"
مالك "حاجه ايه"
المحامي "فريد بيه عنده ولد"
انتفض مالك في مكانه ولكن حاول اخفاء ذلك
نيللي "يعني ايه...... وازاي بابا يكون مخبي علينا حاجه زي دي "
المحامي" واضح انها كانت حاجه قديمه قوي...... يعني حتى لما فريد حكي لي الموضوع ده ماقليش هو مين...... بس انا قلت اقول لكم علشان ابقى خلصت ذمتي قدام ربنا ومايبقاش على ذنب "
مي " يعني كمان احنا مش عارفين هو مين وهنقعد ندور عليه لسه "
زينه" طبعاََ هندور عليه عشان ياخد حقه ولازم نعمل اللي علينا ولو ملقنهوش ساعتها بقى مالك هو اللي يورث"
مالك في محاوله اخفاء انزعاجه " انا مش مهم عندي الورث خالص المهم نلاقي ابن عمي"
***
مر أكثر من شهر على وفاه فريد ومالك أقام مع بنات عمه في المنزل وفي يوم كانت زينه جالسه في الحديقه تستمع لأغنية لانغام وهي تشاهد صور ياسين
" لو اختار ما بين نفسي وما بينك هعترف بان انت اغلى و اولي وكمان اولا بحبك سنين في السر ومحدش عرف و انا ادفع سنين تانيين واحبك في العلن"
بينما تعلو كلمات انغام كان مالك واقف وراء زينه ورأى صور ياسين على هاتفها فادرك انها تحبه ظهرت عليه ملامح الغضب ولكن اخفاها قبل أن يظهر لها أنه خلفها اعتدلت قائله
" انت هنا من بدري"
" لأ لسه جاي اقعد معاك شويه"
"معلش يا مالك انا قايمه راحه لناديه "
وقامت مسرعه من احراجها بأن يكون شاهد صور ياسين
***
تجلس مي في غرفتها وصلت لها رساله
"جوزك قرب يعرف كل حاجه... في ايدك تلحقي ده قبل ما يحصل اخرجي من اوضتك كدا وقابلي نائل و اتفقي معاه هتدوني مليون جنيه ازاي " لم تعرف ماذا تفعل غير أنها ترسل رساله لنائل
" قابلني في ضهر البيت الوقت حالا "
***
تجلس زينه مع ناديه يتحدثان
ناديه مازحه "أدى اللي جالك من ورا انغام"
" لأ معلش انغام براحتها تعمل اللي هي عايزاه"
" يا سلام بتحبيها اوي كدا "
"طبعا مش من نفس العيله....... اه و الله مش انا اسمي زينه فريد سليمان وهي اسمها انغام محمد علي سليمان و بيتنا اسمه بيت ال سليمان "
"صدقي صح تبقوا قرايب " ضحك الاثنان وقطع ذلك ياسين الذي اتصل بزينه
" ايوا يا ياسين....... عايزني الوقت اهو.... طب ماشي ساعه وابقى عندك... سلام "
" الله يسهلو يا ستي...... الجو حر كدا ليه"
" من الطرحة دي ما تقلعيها "
مدت ناديه يدها لتنتزع الطرحه لتجد قد سقط بعض خصل شعرها على الأرض فنظرت لزينه وقالت
"دي لسه بدايه العلاج"
***
نائل ومي واقفان في ظهر البيت قالت
"هنعمل ايه "
" مش عارف هنجيبله مليون جنيه كتير اوي على حاجه بقالها سنين"
" انا كل اللي عايزاه علاقتي بجاسر متبوظش"
***
ياسين "خلاص بقا كفايه عييط"
زينه "انت لو شوفت منظرها اول ما شافت شعرها وقع "
"صدقيني هتبقى احسن من الاول"
"يارب يا ياسين يارب"
"انا عايز اقولك حاجه "
"ما تقول "
" انا ب.... "
" هيه قول باينها فرجت عليك
".....ا"
لا انجز"
" بحبك"
"يخربيتك اخيرا ده انا بقالي سنين مستنيه الكلمه دي وجاي تتهته الوقت"
"بحبك قوي كمان"
" لأ دي بركه دعا ناديه بقا..... وانا كمان اوي"
***
يجلس جاسر في مكتبه فتصله رساله
" أقربها ليك اكتر خلي بالك من مراتك و نائل شكلك بقا وحش اوي"
ارسلت رساله أخرى فتحها ليجد صوره لمى و نائل وهم واقفان في ظهر البيت
***
زينه تحاول الاتصال بياسين الذي لايجيب عليها فتتصل بوالده قالت
" الو ايوه يا عمو ياسين فين"
"ياسين مات يا بنتي.... الشقه ولعت وهو فيها"
***
يدخل مالك على نيللي مسرعا قائل
"في حاجه مش هتصدقيها "
"في إيه خضتني"
"مش هتصدقي مين ابن عمي فريد"
"مين"
"ياسين ابن خالتك"
