مازال نائل و محمود غارقان في دمهم ميتان
ولكن محمود الشاهد الوحيد على الجريمه هل مات ولكن كيف و هو يحرك أطراف أصابعه
يدخل رجل البيت متخفياََ و يسحب محمود من قدمه خارج البيت
***
جاسر يقف في الحديقه متوترا يذهب و يعود لاحظته مي ونزلت اليه وقالت
"مالك يا جاسر رايح جاي في ايه"
"مفيش اطلعي انت فوق انا مش طايقك الوقت"
"مش طايقني ليه أن شاء الله"
"عشان انت السبب في كل اللي انا فيه تحبي اقول كمان ولا هتسكتي"
بنبرة سخريه"قول كل اللي عندك واطمن محدش هيسمعك"
"طب كويس عشان محدش ينجدك مني"
صفعها على وجهها وامسك بشعرها وشدها على السلم إلى غرفتهما في ظل صراخها وعندما فتح الباب ألقاها بالأرض وقال
"تعرفي اني ممكن اقتلك الوقت "
و هي تبكي " ليه عملت لك ايه"
"ليه..... لنفس السبب اللي قتلت نائل عشانه"
" انت بتقول ايه.... نائل"
" زعلتي عليه يا زباله"
"انت فاهم غلط"
"مش عايز اسمع صوتك خلاص..... انت طالق"
***
الشرطه بكل مكان في بيت نائل يرفعون البصمات فقال أحدهم للاخر
" في أثر لقتيل تاني"
"ازاي"
"في بقعتين دم في مكانين مختلفين واحده بتاعه القتيل والتانيه خط منها على الحيطه والتاني لحد باب الشقه "
" يعني الشخص التاني ده سند على الحيط وبعد كدا وقع على الأرض وبعدين اتسحب بره الشقه...... وعمال تقول قتيل ما الراجل لسه فيه نفس اهو"
***
يفوق محمود وقد ربطت رأسه فيسمع صوت
"حمد الله على السلامة "
" مالك !!! انت ايه اللي جابك هنا"
" حاجه هتفهمها الوقت"
" افهم ايه"
" انا عايز ثروه عمي كلها و انا اللي وقعت بين جاسر و نائل عن طريق رسايل و انت جيتلي من السما عشان تساعدني"
باندهاش"اساعدك!!! ازاي و مقابل ايه "
"مقابل ايه... مقابل علاج اخت ومليون جنيه ازاي.... هتسمع اللي هقولك عليه وتنفذه بالحرف"
***
صرخه نيللي تملئ بيت ال سليمان أمام الشرطه بينما أخواتها يحاولون تهدئتها
الشرطي"المشكله أن كان في حد تاني ومش لاقينه "
زينه"حد تاني ازاي ومين "
يدخل عليهم محمود عليه فجأه قائلاََ
" انا يا باشا "
" انت ايه "
" انا الراجل التاني.... انا كنت رايح لنائل بيه استلم منه فلوس لقيت جاسر بيه بيضربوا بالتمثال ولما شافني ضربني انا كمان ولما فوقت قعدت ازحف لحد ما خرجت من الشقه وخدت أداه الجريمه معايا قبل ما يرجع ياخدها "
و أعطاه التمثال الملفوف بقطعه قماش فقال الشرطي"تعالي معانا القسم عشان تقول اقولك دي لحد ما نشوف نائل ده هيفوق امتي من الغيبوبه"
***
مرت شهرين على الجريمه وقد أثبتت التهمه على جاسر بعد اعترافه وحدد معاد الجلسه الأخيرة بعد اسبوع ذهبت زينه لناديه
ناديه" ده ايه الرخامه دي ده انت فيتك مش طايقه نفسك بسببه"
"كل شويه مالك ييجي يفاتحني في موضوع الجواز واقولو لا "
"معلش بكرا يزهق ...... شوفتي محمود "
"معرفش عنه حاجه من ساعه مساب الشغل"
"مش عارفه جايب الفلوس دي كلها منين بقا آخر شياكه والفلوس في ايده رز"
"الله أكبر ربنا يزيده"
" آخر أخبار القضيه ايه"
" جلسه النطق بالحكم خلاص ولو نائل فاق الحكم هيتخفف لشروع في قتل"
"ربنا يقومه بالسلامه.... بس نيللي من بعد ما عرفت موضوعه هو و مي وهي اتغيرت من ناحيته خالص "
" الموضوع بردو مش سهل عليها..... هو ايه اللي ورا ضهرك ده"
" ده مفاجأة افتحيه"
أخرجت من الكيس الصغير باروكه شعر في فرح شديد وضمتها قائله
" قومي نجربها وانا راحه اجيب التحاليل"
***
تجلس ناديه و زينه أمام الطبيب الممسك بالأشعة فقالت الاولي
" طمني يا دكتور"
"التحاليل بتقول انك الحمد لله خفيتي ومعتش محتاجه كيماوي"
صرخت ناديه و زينه في فرح وضمو بعض
زينه"الف مبروك يا حبيبتي"
***
يقترب موعد الجلسه كل يوم والوضع عل ما هو عليه وفي ذلك الوقت كانت زينه في الحديقه تستمع للاغاني
"مش كل يوم والتاني تشكيلي مر اسااك ابعد بعيد و إنساني صدقني مش حساك"
يدخل مالك عليها في ذلك الوقت فقالت
"ابن حلال جيت في وقتك كانت انغام لسه بتكلم عليك"
عندما استمع إلى الكلمات نظر إليها بغضب حاول اخفأه ثم أغلق الصوت و قال
"بس انا بحبك"
"يوووووه..... انا قايمه"
"خلاص اقعدي انا عايز سبب واحد ليه لأ "
" عشان مش بحبك يا مالك فهمت ولا لا بردو"
نظر لها بغضب ثم امسك اللاب توب واعتدل وقال وهو يضغط على ازراره
"انا سمعتك مشغله الاغنيه دي قبل كدا حلوه اسمعيها"
وضغط على تشغيل
الاغنيه" انا اللي تعبت وبنيتني ومش هقبل يهدوني"
***
مالك أمام غرفه نائل يتحدث مع الطبيب
" وهو حالته ايه الوقت يا دكتور"
" حالته اتحسنت واحتمال يفوق قبل الجلسه"
محاولا اخفاء توتره"الحمد لله"
***
يجلس مالك مع محمود في السياره بمكان معزول فقال محمود
"عايز ايه مني تاني"
" عايز اديك مليون كمان "
"ازاي يعني "
"هقولك.... تقتل نائل قبل ما يفوق"
***
بعد منتصف الليل يدخل محمود غرفه نائل متخفياََ بيده حقنه بها سم وعندما اقترب من نائل وهم باعطاءه السم حدثت مفاجأة سمع صوت نائل الذي فاق للتو يقول
"انت بتعمل ايه يا محمود"
