3 ساعات واكفين ننتضرهم انه وابوي وماكو گلوبنه كامت تدك حيل والخوف سيطر علينه ليش هلكد تاخرو جنه نحسب الدقايق والثواني واحنه منتظرين يجي واحد منهم اشوف ابوي شون كاعد يهز برجله حيل وجنطة الفلوس يمه .. بقيت اروح واجي نفذ صبري وامي كلساع تدك وعمومتي ولولد خبصو الموبايل خبص ... انا خلص صبري عطت
: ولد الخراااااااا دكو بينه الناقصه ومااجو
الاب : اهدأ شويه بويه... يجون يجون.
وره ربع ساعه من الانتظار والترقب اجت سيارة وكفت يمنه نزلو ثنين ملثمين وجهو السلاح علينه
واحد من رجال العصابة : وين الفلوس ؟
كام ابوي انطاه الجنطه
: الفلوس كامله
الاب ياسر : اي اي كامله 7 ملاين ماكو نقص
... خوش
اخذ الرجال الجنطة ورجع للسيارة
انا ركضت وراه بسرعة : واختتتتي وينها ؟ اوكف
التفت عليه ووجه السلاح على راسي وصرخ : ابقى بمكانك .. باجر بسبعه الصبح نخابركم ونكللكم على مكانها
أدم : شنيه هيه بويه مو كلتو بس نجيب الكم الفلوس تسلمونه رفل
الرجال : لا تصرخ كلك خلك نعال وجاي تصرخ كناللكم باجر نشمرها عليكم
ردت اهد علي لكن بسرعة سحب اقسام السلاح عليه وابوي لزمني حيل يرجعني لوره
ياسر : بروح امك اسكت لاتحجي كافي رفل عدهم وكسروني بيها لاتكسرني بيك انت هم ...
باوعت على حال ابوي يكسر الخاطر وخايف لااتعارك وياهم ويصوبوني بسلاحهم شددت قبضتي بغضب احس نار جواي مشتعله
الرجال : هه اي عفيه صير عاقل
بسرعه صعدو بلسيارة وشخطت بقيت اصيح واضرب بلحايط وابوي كعد بلكاع مكسور ومذلول مايهون عليه اشوفه بهلحاله ودموعه تنزل كرفصت يمه
أدم : بويه كوم لاتسوي هيج بروحك .. وعلي مايهون عليه اشوفك هيج ..دموعك غالية يابه ولله دموعك غاليةة
ياسر : بويه كسرو ضهر ابوك برفل
جان يحجي ودموعه تصب لميت قبضتي بغضب .. يابه اوعدك وعد زلم بس يرجعولنه رفل سالمه اله اكسرهم نفس ماكسرونه ... گومت ابوي وانه نار شابه جواتي .. ومتحلف بيهم واحد واحد بس خل يرجعون اختي .. انه بتالي عمري ابوي ينكسر وينذل كدامي واختي بيديهم واختي تحت رحمتهم وانا باقي اتفرج
رجعنه للبيت وايد وره وايد كدام اول مدخلنه اجوي عمامي وولدهم ها بشرو ابوي نزلن دموعه كال باجر انشالله يرجعونها دخلنه للمطبخ اجت النسوان وامي تركض حالتها حاله واملخه روحها ... وجها صاير احمر من التخرمش والدك من يوم الخطفوو رفل وهيه هاي حالتها ركضت لابوي لزمته من قميصه
الام (سحر) : ياسر ياسر بنتي وين... ماشوفها. ... وينها ... ليش مااجت وياكم .. ضلت بره مو مو ...
