انا (عادل) .. تبدأ قصتي لما كنت بلعب أنا وأصحابي كورة .. كان عددنا تمانية .. كل جمعة كنا بنلعب فالمكان ده (قدام المدرسة) .. هيا مدرسة عبارة عن 4 طوابق .. كنا فمدينة بدر .. او اعتبروها مدينة بدر .. المهم انها منطقة سكنية من المناطق الجديدة بالقاهرة وخلاص ...
المدرسة كان حواليها ارض واسعة وقبل المدرسة بيكون العمار كله .. بعد المدرسة فيه مباني كتير لسه بتتبني .. لكن حلني بقي علي ما تتبني .. المهم كنا بنروح كل اسبوع عشان نقضي شوية وقت مع بعض .. كان فيه منا شباب جامعي وموظفين وطلبة مدارس .. كنا تقريبا عشرة .. بس من كل فئة ولون ...
اللعب كان بيبقي بعيد عن المدرسة .. بس خليني اوصفلكم المدرسة اللي ابتدت عندها قصتنا .. المدرسة عبارة عن تلت أدوار .. كل دور فيها لما تبص من بوابة المدرسة تشوفوا كئيب اكتر م اللي قبله .. الدور الواحد فيه حوالي 6 غرف او فصول بمعني اصح .
انقال انها مشتغلتش لحد دلوقتي بسبب ان نابص فيها شوية معدات رغم ان الغرف كلها زي الفل وتقريبا كمان بشوف فالدور الاول الديسكات او التخت اللي الطلبة هتقعد عليها .. ناس كتير قالت انها مسكونة لكن علي اي حال احنا اساسا مكناش بنقربلها وكنا دايما بنلعب بعيد عنها تماما ...
بس النهاردة الموضوع كان غصب عننا للاسف لأن صاحبنا (رءؤف) اتغاشم جدا وهوا بيشوط الكورة لدرجة انها اترفعت وفضلت طايرة لحد ما عدت سور المدرسة ووقعت جوه .. انا قولت لرءؤف :-
- عاجبك كده يا فالح .. قولتلك كذا مرة متتغاشمش فالشوط .
- خلاص يا عم مجراش حاجه .. حد يشبكلي بس هنط السور اجيبها وعادي يعني .
- طب وهتطلع ازاي ؟؟
- هتصرف يا عم .. ولو زنقت اوي يعني هجيب تخت وانط .
روحت انا والشباب ورءؤف وشبكتله اناومازن صاحبنا وعدي ودخل جوه .. قولتله :-
- ايه ياض لقيتها ؟؟
قال وهوا بيضحك :-
- وانتا تعرف عن كوري اللي بتتشاط انها بتتلاقي بسهولة كده .. لازم ابوظلكوا اليوم واللعب طبعا .
ضحكنا وأثناء الضحك (رءؤف) صرخ صرخة عمرنا ما سمعناها فحياتنا منه قبل كده لدرجة اننا نفسنا اترعبنا .
قلت انا ومازن والشباب :-
- رءؤف .. رءؤف .. انتا يا ابني .
مسمعناش الا الصمت .
تلاته مننا قرروا الدخول .. أنا ومازن و(يوسف) .. طلعت انا اولهم ومن اللي شوفته اتفزعت لدرجة اني كنت هقع من كتر الخضه .
#يتبع
هناك الكثير من القصص قد تم تنزيلها يمكنكم قراءتها أيضا ❤️
ويشرفني أن تتابعوني حتي تصلكم القصص الجديدة ❤️
#المدرسة_المسكونة
#ابن_عشري
#دمتم_سند ❤
يشرفني متابعتكم علي اليوتيوب قناة (ابن عشري) وكذلك الفيس بوك بنفس العنوان :-
أنت تقرأ
المدرسة المسكونة
Terrorمن يدخل المدرسة لا يعود .. إنها أرض صممت عليها الكثير من الطلاسم واللعنات .. فهل يستطيع الأصدقاء الخروج ؟؟
