المدرسة المسكونة

الجزء الرابع (الخروج من الهلاك)

اتفزعت لما شوفت جثة رءؤف .. كان مفزوع وباين عليه انه مر بأبشع تعذيب ممكن .. جسمي كله مليان طاقة خوف .. فضلت متسمر فمكاني لحد ما جالي شخص ضخم جدا بيقرب مني .. وشه مش باين لان معلق ف راسه كشاف شديد جدا .. كان ماسك ف ايده شينيور .. عمال يشغله ويطفيه اثناء قدومه .. مع كل مرة كان بيشغله فيها كان قلبي بينتفض وخلاص .. اتاكدت ان دي النهاية ...
وقف قدامي وقال بصوت مليان حشرجة :-
- عادل مش كده .
رديت وصوتي بيطلع بصعوبة ورهبه :-
- ايوه .
- كل اصحابك بقوا خدام المكان .. روحهم دلوقتي فالسما .. وتم استبدال منهم اتنين .. انتا الوحيد اللي دخلت ارضنا محصن وقايل ذكر ومحافظ علي صلتك بالإله .. عملنا معاك حجات كتير تجيبلك سكته دماغية لكن واضح انك قدرتك الدماغية ف افضل مراحل السكينة والهدوء .. محدش غيرك وصل هنا وممتش ...
شغل الشينيور ونزل بيه علي راس رءؤف لحد ما خلاها ف ابشع ما يمكن .. جسمه كله كان بيسيب من بعضه .. وفقدت الوعي تاني ...
سامع صوت مازن .. ويوسف بينادي برضو .. وفيه اصوات ابعد .. الشباب بينادولنا .
كنت جوه الفصل فالدور التاني مسكت تخته وجيت انزل بيها لقيت يوسف بيقولي :-
- سيب كل حاجه انا خلاص جهزت كل التخت اللي محتاجينها ونظمتهم .
بصات يوسف كانت غريبة لكنه قالي :-
- خلاص يا عادل .. كل حاجه انتهت .. هما بيظهروا بليل بس .. انا كمان شوفت بلاوي زيك .
نظراته كانت تخض .. لكن النهار حسسني بطمأنينة غريبة .. نزلت لقيت (رءؤف) غرقان ف دمه بشكل مرعب .. وحطين جثمانه علي جنب .. لقيت يوسف بيقولي :-
- قدره ونصيبه .
لم اتكلم بكلمه .. حملت أنا ويوسف مازن وحتي اوصلناه لأول السور .. وانزله الشباب بينما قفزت انا ويوسف بعد ذلك .
اخيرا خرجنا من المدرسة .. سئل الشباب :-
- رءؤف فين ؟؟
قال يوسف بهدوء شديد :-
- بلغوا الشرطة .. رءؤف مات .. نزل نزلة غلط وهوا بينط السور خبط ف الحيط خبطة شديدة جدا رأسه نزفت بزيادة ومات .. بالإضافة لإنه خبط ف بعض الحجارة .. واضح انه جاله نزيف المخ افقده القدرة علي البصر ف وقع عدة وقعات ادت انه نزف ف اماكن متعددة ادت برضو إلي وفاته ...
اتصل احد الشباب بوالد رءؤف .. بينما طلب الآخر الإسعاف ...
هدوء يوسف راعبني جدا .. مش عارف هوا حصله ايه جوه بس شكله مش طبيعي .. قلت ليوسف :-
- هوا انتا جوه شوفت ايه ؟؟
هناك الكثير من القصص قد تم تنزيلها يمكنكم قراءتها أيضا ⁦❤️⁩
ويشرفني أن تتابعوني حتي تصلكم القصص الجديدة ⁦❤️⁩
#يتبع
#المدرسة_المسكونة
#دمتم_سند ❤

يشرفني متابعتكم علي يوتيوب قناة ابن عشري وكذلك الفيس بوك بنفس العنوان :-