عقلً يرفض و قلب يريد
بقلمي //فراقد حسن علي
——————————-
تكملة البارت (15)
عمر /وروح أبني هل الطركاعه أعشقها
مو بس أحبها ،،
بس مشكلتها عنودية والله تشتري العناد بدمها
وأبد لا تسمع الكلام ولا تاخذ بالنصيحة
عاذرها واكول صغيرة ومدللهه
وبهوايه مواقف وأمور أخذها على كد عقلها
واعدي الموضوع
ومن جهه ثانيه مقدر وضعها لان حامل
واعرف بسوالف خربطة الهرمونات وشكد
تأثر على المراة الحامل
بس عدها تصرفات أطلع الواحد من دينه
بالبيت هي وسفانه محارب
على اشياء تافة وماتسوه الواحد يسولف بيها
اعرف بسفانه حقودة وتغثها بالكلام
وهي ترجعلها المغثه وتعلك بيناتهن
وحدتهن عقل الصخلة اكبر من علقها
واذا أجوي شهد واولاد المرحوم
أسمع صوت ضحكها وشقاها ويه احمد ومحمد
لراس الفرع ،باباتي صوتج ،،بطلي الشقه
مايفيد الكلام ،،لو أحاجي الحايط
يفتهم وياخذ مني الكلام
تكعد من النوم تبجي تكول ضايجة أستخطيها
لو أخذها لبيت أهلها تغير جو ،
بس مااقبل تبات يمهم
الصراحة لان تعودت على وجودها بحياتي
واحس سكني أظلم من دون ضحكتها وخبالاتها
لو أطلعها ناخذلنه فرة بغداد
واذا دخلنه مطعم لو مول لو أفترينه بمتنزه
لازم تسويلها سالفه وتطلعلها بطنكورة من جوه الكاع
ليش ،،والله هاي تباوع عليك وهذيج عيونها منك
باباتي واني شكو بيهم مايهموني
تضوج نفسها بنفسها وترجع تبجي
طلعنه نفتر بالمول وتعاركت ويه وحده
بس باوعت للبنيه استغفر الله من ذنبها
مبينه مو خوش أدميه ،من هذني النفوسهن وسخة
وتخون زوجها من أجل أرضاء غرورها
الله ستر وماكبرت السالفة وسديتها بعظم هدهد
وتقلد وين الشغلات الطايح حظها
من ردنه نرجع للبيت بعد مااخذناله جوله بالمول
صادفني زميلي بالدوام طالع ويه وحده ،
الله يستر على بنات أمة محمد هي مسقطه
تخلص من واحد أدورلها على صيدة جديده هذا شغلها ،
صافحتني وهي عدها عادي سالفه
وما أشوف الا الطركاعة مالتي
هم قلدي هل المسقطه وصافحي زميلي
يالله هو أكلها بعيونه بس ماتجاوز بالكلام
لان عرفها زوجتي ،نار وشعلت بصدري
لان اعرفه واحد مو خوش ادمي
لزمت أعصابي عنها بالكوة ،وبقيت الطريق كوله
اتعوذ من بليس اخاف لا اضربها وأذيها
هسه شفتيني مدخن من الاعصاب
عفتيني صعدت وحدي فوك
وبقيتي دك سوالف وثرد حجي جوة
شكلتي النفسج
انتظرتها ثلث ساعة وصحت عليها
صعدتلي بس ماضربتها ،بس فهمتها
واني مدخن من الاعصاب كتلها جيبيلي
دولكة وبيها بس ثلج ،
لان اريد انزل امليها من الفلتر الجوه
البراد دبه مالته مخلصة ،
تجيبلي الدولكة مليانه مي من الحنفية
وأحنه اصلا منشرب مي الحنفيه
اني مدخن من سوالفها رشكتها بالمي
أنت تقرأ
عقل يرفض .....وقلب يريد
ChickLitألصدفة جمعت عمر مع شيرين ،، فأصبح هو الجاني وهي الضحية ،، كيف حصلت تلك ألجريمة ؟؟؟ هذا ما سأقصة لكم من خلال سرد أحداث هذا القصة،،،
