عقلً يرفض و قلب يريد
بقلمي //فراقد حسن علي
——————————-
البارت -17-
شيرين /أتفاجأت بسفانه وبعيطتها
وانوب دعت على أدومي
دايه صفيه ما رضتلها ،،
عمر بقى ساكت بس يفور
اني كبت خبالاتي خليت ادومي على التخم
وكمت تفلت عليها
وهي والله تكولون متحملة عليه
كمزت مثل العتوي من التخم وكفت على طولها
ودفعتني بقوه من صدري
شمرتني ليوره
أختل توازني وكعت بقوة على الارضية
كعدت بقوه على نهاية ظهري
(منطقة أسفل الظهر العصعص)
بحيث حسيت أعظام مقعدي تفلشت
وكف ايدي صار جوايه ونلوى للداخل وصار كل ثقلي عليه
كمت أعيط بصوت قوي من ألم نهاية ظهري وكف أيدي
روحي طارت من الالم حسيت راح أفقد من قوة الالم
الموجودين أنخبصوا بيه
لان كولشي شافوا وسمعوا وهم شهود
وشافوا شلون وكعتني بقوه ،
والحمد لله من لابسة تراك شتوي
يشبة الزي الهندي شويه فوك الركبه
جان أتشلحت وأنفضحت
عمر/صح غثتني كلمات سفانه
والاغثني أكثر تصرف الطركاعة من تفلت عليها
بس الصدمني دفعة سفانة الها كانت بحقد وغل
دفعتها دفعة كافره
موقف المر ثواني ،بس كانت كمية الالم
التعرضت اله شيرين كبيره ،،
أنخبصت ماعرفت شلون ألزمها
لو شلون اشيلها ،
لو أفتهم شصار وياها
شيرين/اتمددت وبقيت أنفض بكف ايدي واعيط
عمررررر ايدي أنكسرت
والله ظهري أنكسر
أريد مااااااما ،،
ألحكلللللللي عمرررررر
ظهرررررري
عمر/لزمت أيدها عاطت ،
كلبتها على صفحتها لزمت ظهرها عاطت
وهاي أول مره يوسف يسويها
ضرب سفانه راشدي كدامنه وهي صعدت تبجي لسكنهم
والله هو راشدي جذوبي تمثيل كدامنه
دغدغ خدها ،،لو أني ألا اطرها وصلتين
شيرين/كعد كدامي يوسف ،
-ولج بس أنطيني أيدج أشوفها
لزمها تكولون يحرك بشرايين قلبي
كال/الحمد لله مابيها كسر ،بس بيها رض قوي
واكيد ظهرج هم أنرض
عمر/شهد اذا مصير عليج زحمة
امشي ويايه أخذها للطبيب ماتت من الوجع
شيرين /زينه ركضت جابتلي عبايتي الاسلاميه
من سكنه وياها شالها،،
ماكدرت اكعد لبسوني اني نايمه
وانوب التراك شتوي ويه العبايه
طلعت من صدك فزاعه وأخوف
أنت تقرأ
عقل يرفض .....وقلب يريد
ChickLitألصدفة جمعت عمر مع شيرين ،، فأصبح هو الجاني وهي الضحية ،، كيف حصلت تلك ألجريمة ؟؟؟ هذا ما سأقصة لكم من خلال سرد أحداث هذا القصة،،،
