عقل يرفض .....وقلب يريد

ألجزء ألاخير من ألحلقة -20-

عقلً يرفض ...و قلب يريد
بقلمي //فراقد حسن علي
——————————-
(تكملة /الجزء ألاخير -20-((ألاخيرررررررررررررر))

شيرين/عمر بس غطيني بردانه اعظامي توجعني

يعني ماعندي قوة أشيل روحي
جسمي تكولون دكمة كهرباء وطفت

اخذني عمر للمستشفى ،،وللصالة النسائية
خطية داية صفية خايفة عليه وتسألني
شنو الصار ويايه ،وخو ما عمر ضاربني
كتلها/لا هو صارلة فتره طويله حباب ويايه
بس مااعرف ليش صار عندي نزف

بعد ماسألتني الدكتوره كم سؤال
وسوفلتلها خربطت معدتي وشلون صخنت وتمرضت
سوتلي سونار وأنصدمت من كلامها ....

الدكتوره /يا حبابة أنتي حامل

وهذا النزف يسمونة نزف بداية الحمل
وبسبب حب المانع التاخذينه وأنتي حامل ومتدرين
صار عندج النزف زايد عن الحد الطبيعي

وحاليا مااكدر أحكم على حالتج عندج أجهاض أو لا

اولاً ،،بسبب بلع حبوب المانع التاخذيها سببتلج
ألنزف وهاي التجلطات الدمويه.

وسبب الثاني هذي التشنجات القوية العندج
بسبب الغثيان والتقيؤ والإسهال وقشعرير ألصخونه
سببتلج مضاعفات غير متوقعه

يا حبابة شوفي هذا كيس الحمل موجود بموقع جيد بالرحم

والنزيف العندج حالياً نعتبرة نزف مبكر
ومنحكم على حالتج بالاجهاض
نراقب حالتج من هذي الساعة
لحد ٢٤ ساعةً تمر ،،اذا أستمر
بشكل غزير أو متوسط بعد ماتاخذين
ابرة ألاختبار نتخذ غير أجراءات بحالتج

لكن أذا توقف كولي الحمد لله حملج سليم
وان شاء الله للتاگد من سلامة الحمل
بعد ثلاثة أسابيع لازم تراجعين دكتوره نسائية

-دكتورة عفيه شلون صار الحمل
والله أليوم عمر يذبحني ،

والله أبلع حبوب منع الحمل
مرتين باليوم الظهر وبليل

واخذتها بس هذاك الشهر بين يوم ويوم

دكتورة /ماما شنو تشربينه مرتين ميصير
غلط هذا الشي فقط مره وحده تاخذينه باليوم
ولازم بشكل يومي

-والشغلات العائلية شي خاص بيكم

-عموماً الحمد لله على سلامتج
واخذي هذا وصفة العلاج بس جيبي من بره

طلعنه من الصالة النسائية وداية صفية كامت تحجي عليه
-ولج يوم غير تكولين تسألين
شلون تاخذين الحبوب مرتين
وبشكل مخربط

كتلها/داية مرات عمر يعجبة يتقربلي الظهر
واكول خاف يصير الحمل أبلع الحبوب
ويومية بليل أخذ حبايه