عقلً يرفض ...و قلب يريد
بقلمي //فراقد حسن علي
——————————-
البارت -19-
شيرين /بعد ما خلصنه الفطور وجانت يمنه شهد واولادها
زينه وطيبه أشرلي تعالي لغرفة زينه ،،،
وعمر أشرلي أصعد وراه للسكن ،،،
بقيت محتاره وين أروح عاد خليت وصعدت للسكن
مابيه حيل رزاله
عمر/شيرين بعد عندج أتصال بنورس ؟؟!!
شيرين/لا والله أبد
والقران ولا متصله بيها
ولا متواصلة وياها من هذيج السالفة الصارت
وكسرت بيها قلبي
عمر/هاج تلفوني وأتصلي عليها
مااريدها تعرف رقمج الجديد
شيرين/ترى دوختني من باب متقبل اتواصل وياها
وهسه تكولي تعالي اتصلي عليها
عمر/اكو سالفة صايره وأريد أتاكد من عدها
هذا الجهاز بي خط الدوام ويسجل المكالمات
يعني خلي ألفاظج حلوه لا تلوصين وياها بالكلام
وروحي جيبي ورقه وقلم خاف أكتبلج أسئلة
أثناء الاتصال حتى هي تجاوب عليها
شيرين/عمر والله دوختني شكو وشصاير ؟؟
عمر/دكومي جيبي ورقة وقلم
بين ماانزل أدم جوة يم ألاهل
حتى أفتهم دربي
شيرين/كمت جبت دفتر ملاحظات صغير
موجود بمجر الكومدي البجهة منام سرير عمر
موتني يقراءة بهل رواية (عقل يرفض وقلب يريد )
ويسجل كل الملاحظات بهذا الدفتر
صعد وكعدنه بالصالة سجل رقم نورس بجهازه
وأتصل عليها وفتح السماعه الخارجيه
والدفتر والقلم بيده
أتصلت عليها مرتين ما فتحت عليه الخط
عاد دزلها عمر مسج (أني شيرين فدوة جاوبيني
عمر راح يطلكني وأريدج تساعديني )
أتفأجأت ،،عمر أسم الله شنو هاي الرسالة
صدك راح أطلكني والله ما سويت شي
عمر/أبقى بخبالاتج ،
هذا المسج تمويه،، طعم يالذكية ،
هسه ترجع تتصل عليج
لان هاي سوسه وتريد خراب بيوت العالم
شيرين/بقينه ننتظر ربع ساعة أو أكثر
رجعت أتصلت عليه ،
عمر ضحك من خاطره ،
ضحكة أنتصار حسيتها
شيرين/جاوبت على أتصالها ،
وبعد السلام أعتذرت منها
لان كتلتها من أجتي علينه لبيت اهلي
وكتلها جنت أمر بحالة نفسيه ،وبحالة أكتآب
نورس/أنتي شلونج ،،أبنج شلونج
-الشايب الوسيم شبي وياج
-بس سؤال عليج الله بليل بي حيل
لو يعض لسانه ويفحط من التعب !!
شيرين /بقيت ساكته شريد أجاوبها وعمر
كاعد يسمع كل الكلام اليدور بيناتنه
لان مفتوحة السماعة الخارجيه
والجهاز يسجل
أنت تقرأ
عقل يرفض .....وقلب يريد
ChickLitألصدفة جمعت عمر مع شيرين ،، فأصبح هو الجاني وهي الضحية ،، كيف حصلت تلك ألجريمة ؟؟؟ هذا ما سأقصة لكم من خلال سرد أحداث هذا القصة،،،
