عقلً يرفض و قلب يريد
بقلمي //فراقد حسن علي
——————————-
تكملة البارت (12)
عمر /وحق كتاب محمد متندم بكد شعر راسي
المشكلة من اعصب افقد عقلي
واني اول ماتزوجنه كعدتها وفهمتها على طبعي
عيوني هذا الاحبه وهذا الاكرهه
وكتلها بس طيعيني أعيشج ملكة
ادري بيها صغيره بس الصغير هم لابد يكبر
ويتعلم ويفتهم قابل يبقى كل عمره صغير
وكتلها اتخبل من المراه التفشر وتلفظ كلمات قبيحة
شنو فرقها عن بنات الليل ،وحذرتها اذا سمعتها
تفشر او استغفر الله تكفر كتلها اجرم بااحوالج
اتذكر غفران الله يرحمها مره سمعتها كفرت استغفر الله
بسبب رامي جان طفل وزهكها
وجانت مو على صلح ويه شهد
زهكت روحها وكفرت ،
بس شنو كفرتها استغفر الله حسيتها هزت عرش السموات
وحق كتاب محمد جلدتها بالحزام شطبت جلدها
كتلها /شنو فرقج عن الكافر
وانتي علساس مسلمه وعلى دين محمد
اذا هيجي تكفرين شخليتي للمشرك
ومره نزلت من شقتي بالصدفه واسمع
زينه تسولف ويه صديقتها جانت جايه عليها خطار
كاعدات بالفسحة ،
حجيهن ماصخ وبي فشار مبطن
عديت السالفه عيب من صديقتها ،
وره شويه زينه لفظت لفظه بحجة الشقه
على صديقتها ،،بنت الليل متلفظ هاي الكلمه
بس طلعت صديقتها سالتها بالبدايه استفسر من عدها
وتجاوبني تكولي /عادي هاي الكلمات نكولها بيناتنه بالصف
وهي جانت صف ثاني متوسط ،
كطعتها بالصونده بحيث من الكتله العفو ادررت على روحها
والوالده رجعت وفركت حلكها من سمعت بالكلام
من عدها وزينه صارت غير زينه نملة وتمشي بصف الحايط
وادخل لبيتي واسمع الطركاعه صوتها يلعلع
وتعد وتصف على مراه يوسف وتفشر بعد
طفيت لان اني محذرها سابقاً
بس مااتوقعت عقلها هلدرجة صغير وتنتحر
من رجعت من المستشفى دخلت سبحت وبدلت ملابسي
وبالمطبخ واشوف سلفانات الادويه والكبسول الفارغه
شكد اتندمت بوقتها وبقيت الوم بروحي
لو ميته البنيه وكتاب محمد مااسمح حالي
انقهرت وتندمت بالزايد
من كالي يوسف مسقطه الجنين
بسبب تعنيفي الها ،
بس اكو بقلبي بصيص امل
بلكت بعد عدها حمل الخاطرها
لان من صدك تغار من سفانه
وتريد تراجع دكتوره علمود الحمل
بس اني ماقبلت لان اعرف بيها بعدها صغيره
مو زين عليها هسه الحمل
وادري بيها مو مال تتحمل مسؤوليه طفل
لان هي مسووليه روحها بلكوه امدبرتها
عدها اهمال فضيع ،وعدم ترتيب ،وقليلة النظافه
وماعدها نباهه وفطنه يعني فاهيه
اهم شي عدها اتابعلي مسلسلات هنديه
وتكعد لا ساعه ولا ساعتين
تتفرج من مسلسل المسلسل ،
هسه انتي تتفرجين مسلسل
ليش تعلين صوت البلازمه ،،
وانوب حظي الحلو
تضحك وتبجي وياهم ،
أنت تقرأ
عقل يرفض .....وقلب يريد
أدب نسائيألصدفة جمعت عمر مع شيرين ،، فأصبح هو الجاني وهي الضحية ،، كيف حصلت تلك ألجريمة ؟؟؟ هذا ما سأقصة لكم من خلال سرد أحداث هذا القصة،،،
