الفصل الخامس
بقلمي : Jawhara
******
دحكت عالساعة بالوحدة ونص عيني متاخذ نوم
شلون بيه ياربي احس روحي مختنكة بدون حمادة
صارله يومين الحقير انه اعلمه شلون هيج فاركني
حتى من خابرت ام لينا تكول مكيف لان حكيم يطلعهم هو ولينا اكيد يونسه حتى يخلي ينساني
استغفر الله هسة اني ليش هيج افكر حكيم رغم
علاقتنه المتوترة محاول يحرمني من حمادة
لان يدري روحي بي واتخبل عليه اااه ياحكيم ااه
شلون بيك يريدني وبايع ثكل وياي واني هذا الكاتلني ليش بطل يلح بس قبل يومين توسل
حتى ارجعله واني صديته اووووف
بقت تفتر بغرفتها وتحس بخنكة راحت توضت
وفرشت سجادتها تصلي كم ركعة
بعدها وقتت الموبايل على صلاة الفجر وراحت نامت
ورى صلاة الفجر مكدرت تنام بين الغافية والصاحيه
حست على رنة موبايلها اخذته بسرعة وشافت رقم
لينا ..
يمه صخام بوجهي اكيد محمد بي شي رجفت ايديها
وهي تفتح خط حتى مسلمت ..شبيه حماده
_شلونج عمه شبيج لاتخافين
_ولج شلون ماخاف وانتي مخابرتني الفجر
فدوه لعينج ليونة حماده زين
_اسفة والله لان اتصلت بهيج وقت حتى ماما مقبلت
كالت الصبح تحاجيج بس اني متحملت وخابرتج
بدون ميدرون ترى
طبعا ندى مظلت قطرة دم بيها وايديها كوة مسيطرة عالموبايل
عاطت بيها ولج شكو متحجين
_البارحة بالليل حمادة وكع وانكسرت ايده
والله هسة زين والصبح يطلعو من المستشفى واحنه هسة ويا
صرخة ندى رجت البيت رج ..يمممممممه ولييييدي
عمت عينها الأمك نايمة وابني مكسر
لينا عليج الله احجي الصدوك
_وروح الحسين بس ايده اليسرى البارحة خالو حكيم طلعنا ورحنا مول وتدرين حماده شلون يحب اللعب جاي يلعب واحنه نباوعله وهو ويركض
دفعة ولد على اللعبة وانشمر على ايده ومنسمع
بس عيطة حمادة لو تدرين شصار بخالو تخبل وتعارك ويه ابو الولد يكلة ابنك بكد الثور شلون هيج يدفعه والله اذا صار بي شي لسجنك وشال حماده وركض عالمستشفى واني اركض ورا اريد الحك عليه ليروح يعوفني لان فقد حتى نساني
ندى شبعت بجي ومحست اله رحاب حاضنته اسم الله شبيج عيني
سدت جهازها وكعدت تبجي حماده مكسورة ايده
وهسة بالمستشفى وحجتلها الصار ركضت للكنتور
طلعت عباتها وشال وكعدت تلبس وتحجي هسة اروح يمه حبيبي اكيد جاي يتوجع وانوب اني مو يمه هسة حال الضيم حاله
_اسم الله على عمره مابي غير العافية شو تعاي
هسة اخابر اشوف علاء موجود لان البارحة مشفته
خل يودينه
طلعت من غرفتها وهي تحط جهازها وجزدان بجنطتها ..هسة ناخذ تكسي عالسريع وين رايحة
خابصتهم الساعة بالخمسة الفجر
_اووف من عنادج والله اذا راشد سمع طالعين
تكسي الفجر يخبلنه
نزلت تركض عالدرج ورحاب تصيح عليها ..لج مخبلة
اوكفيلي خل البس عباتي
الطريق كله تلوب وعيونها مبطلت دمع حتى ابو التكسي من عرف واساها عمي كولي يالله ليش تفاولين على وليدج
مصدكت من وكفت التكسي اباب المستشفى نزلت تركض وعافت رحاب تحاسب ابو التكسي
_ااخ منج ندى الله يبرد كلبج ويهديج
شافتها تسال ابو الاستعلامات وراحت تمشي وصلتها
_ها بنيتي عرفتي بيا طابق
_ اي مخلي بالجناح الخاص بس ميقبل يدخلني
يكول مو قت زيارة هسة
_ولج بنتي ليش هذا مقفول ...حاجتها ودغتها على راسها باصبعها ..كوليله زوجي هنا مرافقه شبيج
يحظي
عافتها وراحت للموظف سلمت ..عيني بلا زحمة
عقيد ركن حكيم المالكي هنا مرافق ويه ابنه البارحة دخلو لان انكسرت ايد ابنه
كام الموظف من مكتبه وفتح سجل ..اي حجية
جناح خاص الطابق الثاني تفضلي منا المصعد
اشرلها عالمصعد ورجع كعد حاجتها بصوت ناصي
من الاول واحجي شبيج
_ام ريمة عوفي سوالفج هسة
دغتها رحاب بجتفها امشي امشي فوك مدبرتها
شفتي من سمع بالعقيد كام يزحف
خزرتها ندى لان تدري بسوالف اختها ..ايييه
هو اني شحصلت منه بس الفخفخة والمظاهر
_من ايدج ديلا هسة خل نشوف حماده اسم الله
حبيب خالته الله يبعد عنه الشر
طلعن من المصعد وجاي تشوف الجناح وتوهة تريد تدخل محست الا رجال يوكف بوجها لابس عسكري
_وين تردين خافت من صوته الخشن محجت ويا
_خالة احنه اهل المريض محمد حكيم المالكي
_بس دقيقة حجية
سحب جهازة واتصل ..سيدي نسوان اثنين اباب الجناح يكولن احنه من الاهل... امرك سيدي
رجع جهازة واتقدم هسة يجي سيادته
عافهم ورجع لمكانه
شاورت ندى ..شفتي شلون رجلج شخصية وهيبة الله يحفظه
ندى ساكتة بس دموعها تصب
ماكو ثواني ويشوفن حكيم يطلعلهم وعيونه حمرا
وشعره مخربط مبين منايم جان شكله حيل تعبان
ومهموم من شافته ندى ركضت تبجي ..كلي ابني مابي شي ..كلي حماده زين .فوك قهره على ابنه من شاف ندى شلون تبجي بحركة كلبه انمرد بالزايد
حضنها لان جان محتاجها .
شبعت بجي بحظنه انتبهت على روحها وجرت روحها
_اريد اشوفه كلبي جاي يوجعني حموت والله
_الحمدلله الاشعة بين بيها كسر واحد وهسة هو نايم
موتنه لما نام يبجي يريدج
عاتبته ..ليش مخابرتوني ليش
_مردت اهبطج كلت اطلعه الصبح واخبرج
_عيني حمدلله على سلامته
_تسلمين ام ريمة ..يلا تفضلوا
دخلوا الجناح ندى راحت على حماده الجان نايم
وبقت تتلمس ايده المجبسة كولها وتبوس بيها
ام ريمه سلمت على ام لينا وبنتها وكعدت تسولف
وياهن خطية جانن منايمات من الهبطة
اتقرب حكيم من ندى وكعد بصفها على كرسي ثاني
والله كسره مو ثكيل والدكتور طمني
غمضت عيونها وتحس عبالك كزاز مكسر بعيونها
هلكد مبجت ..والله حسيت بي جنت الليل كله
مخنوكة
_كوة نام هواي بجى عليج
شهكت ندى وكامت تبجي ..عمت عيني ماما
اكيد تعذب من جبروا ايده
_اي والله حاضني ويبجي بلوعة ادري بي
متوجع ومابيدي شي اساعده بس هسة الحمدلله شوي احسن
رحاب همست لام لينا ..شوفي شلون يسولفون
المصايب جمعتهم
_اي والله ربي يهديهم بجاه ابو عبدالله الحسين
انتبهن لندى الي كامت وجتي تسلم على حماتها
باوستها ..شلونج ام لينا
_هلا بالحبيبة حمدلله على سلامة حمودي
_الله يسلمج ..التفتت على لينا الي حظنتها
_سامحيني لان هبطتج
_اي والله انهبطت وهسة احس روحي مابية حيل
يمكن شهر مترد عافيتي
حجت امها..سودة بوجج لينا مو كنالج لاتخابرين
_ماما خطية شلون ماخابر
_ميخالف زين سويتي لعد غير اعرف اخبار ابني
طلع حكيم لان راح يجيب ريوك وبقن يسولفن
وندى مكابلة حماده الي بدى يصحى متوجع
بجى بتعب..ماما ماما
باسته من كصته ..عيون ماما هياتني حبيبي
دحك عليها وبجى ..توجعني توجعني
ندى تخبلت متعرف شتسوي جت ام ريمة ..يمة حبيبي حملله على سلامتك بعد روحي لاتبجي
هاا منو اليكول اني سبع مثل بابا
بهالاثناء دخل حكيم شايل علاكتين
خلاهم عالطبلة وتقرب على حماده باسه من راسه
ها وليدي توجعك
_فدوه حكيم شوفله دكتور كاعد يتوجع
دحك عليها وبكلبه حجى كسرة حمادة وعتج لو
انتي مرغمه والجاي تسوي لخاطر حماده ابنا.
🌺🌺🌺🌺
لاتنسون التصويت 😊
أنت تقرأ
روابط
General Fictionيعلم جيدا ان الحياة لم تنصفه ابدا ولطالما اعتصرته روحا وقلبا ومشاعر قد يبدو للجميع انه اخذ حقه منها بكل مافيه من منصب ونفوذ وقد تبدو حياته مكتملة لكنه يشعر بالخواء لان قلبه ينزف شوقا وحبا ورغبة..💖في الجانب الاخر ابن الجنوب او الجنوبي كما تم اطلاق...
