.... المهم نزلت الجامعه ودخلت واتعرف لي على وحده اسمها رهف كانت بت ظريفه شديد طويله وكانت سموريه وعندها غمازه ( فظيعه طبعا)....
اتعرفت عليها وانا كنت بسأل عن الحمام ف جاتني وحده وسألتها...
رزان : لو سمحتي ممكن بس اشوف الحمام وين؟!..
....... : شوفي اول م تنزلي من هنا حتلاقيها هناك ع طول اليسار..
رزان : شكرا..
( وفجا لقيت كل الناس بتعاين لي وبتضحك وم كنت عارفه هم بضحكو ف شنو....)
جاتني وحده وقالت لي..
.... : انتي ماشه وين دي حمامات الاولاد..
رزان : انا م عارفها والله لقيت وحده سألتها من الحمام ووصفت لي دا...
.... : 😂😂😂😂
رزان : مالك؟!.. 😕
....: متزكره شكلها يعني ممكن توصفيها لي؟!. 😂
رزان : ايوم القاعده هناك ديك الونها فااتح.. ( وصفتها ليها...)
....: 😂دي اي وحده تجي الجامعه جديده وتكون اسمح منها بتعمل فيها كدا....
انا اسمي رهف وانتي اسمك؟!.
رزان: انا اسمي رزان.. من وين انتي؟!.
رهف: من الجزيره انا.. وانتي؟!.
رزان : والله م عارفه م حصل سألت ابوي واصلا دي لي اول مره اجي السودان..
رهف : وانتي جايه من وين...
رزان : من الإمارات..
رهف : نورتي البلد 😍
رزان : النور نورك... المهم ممكن اسالك وين الحمام تبع البنات... 😁😂.
رهف : امشي طوالي وبعدين يمين...
( مشيت الحمام وجيت وبقيت اتونس مع البت دي مسافه طويله اول يوم م كان في محاضرات المهم الوقت مره ب سرعه وفجا تلفوني اتصل وكان الرقم م مسجل عندي وقررت ارد...
رزان : ألوو.. الو
...... : اطلعي بره..
رزان : منو معاي..
..... : انتي اطلعي وبتعرفي
رزان : محمد؟!.
محمد : م عندي وقت بمشي بخليكي....
رزان : تمام تمام طالعه.....
رهف : دا منو؟!.
رزان : دا ود خالي...
( يلا وانا طالعه شافتني البت القبيل الودتني حمامات الاولاد وشافتني م اتمقلبته طبعا اتغازت شديد ودمها فاار.. 😂😂)
رهف: مع السلامه نتلاقه بكره
رزان : مع السلامه... ☺️
المهم طلعت ولقيتو واقف ( وااي طبعا من بعد عليهو سمااحه 😍😂 بس الحمد لله... وصلت العربيه وقال لي...
محمد : دقيقه تاني وكان م لقيتيني... 😒
رزان : 😕...
المهم رجعنا البيت ولقينا خالتو وليان مجهزين الاكل وانا كنت جوعانه اصلا م اكلت شي م الصباح....
ولما كنا بناكل ف السفره محمد كان قصادي وقان بيعاين لي ب طريقه مشمئزه... المهم
وفاء : اها ي بتي كيف كان أول يوم..
رزان : ماشي حالو يعني الحمد لله..
( م كلمتهم ب البت كان ب النسبه لي موضوع تافه...)
و بعد الأكل جاتني ليان وقالت لي تعالي غرفتي....
المهم مشيت وبقت تشوفني لبسات لي بكره 😂😂😂
رزان : دا شنو ي بت الجامعه بكره م الليله بليل 😂
ليان : اي بعرف لكن انا دايره لي سنه عشان اقدر اطلع لي لبسه تعجبني وحقعد اطلع واجرب لي بعدين... وتاني شي م متعوده يكون عندي اخت ذيك عشان كدا انا متحمسه شديد 😂😅
رزان : لالا تماام ي زوله... 😄
المهم بيقينا نجرب ونطلع لحدي المغرب وانا ذاتي مشيت جبت لي لبسات عشان اجربهم للجامعه تاني يوم...
بعد صلينا المغرب بقينا نتفرج لينا كدا ف مسلسلات هنديه ( طبعز السودان كله بيشوف مسلسلات الهنديه بعد المغرب)..
يلا المسلسلات المتابعينها انتهت الساعه 9..
رزان: ليان انا ماشه استحمه بعد دا عشان امشي الف شعري وانوم بدري عشان انا الصراحه لو نمت متأخر عارفه نفسي م حمشي الجامعه بكره..
ليان: تماام وانا ذاتي ماشه استحمه واعمل لينا انا وانتي سندوتشات..
رزان: تماام..
ليان بعد تخلصي تعالي غرفتي....
رزان : اوكي!!
أنت تقرأ
محبوبي ♥️
Romanceبقلم : رغد ميسره..... بت سافرت ومشت السودان تقرأ الجامعه هناك ومنها بدت قصت حبها ❤️
