Love On Fire 🔥 [ Uni + ZG ]

LOF Episode 1

Unicode Version

" VVIP Room ကကြည့်ကောင်းကောင်းနဲ့
လူနာလေးကအခုထိသတိမရသေးဘူးလား "

" မရသေးဘူး .. သတိမေ့နေတာတော်တော်ကြာပြီ
ဒေါက်တာကျန်း ပြောတာတော့
ဒီတိုင်းသာဆို Coma ဝင်သွားလိမ့်မယ်တဲ့ .. "

( ဟင် ... )

Reception မှမိန်းကလေးနှစ်ယောက်ရဲ့
အပြောကြောင့်သူခုံမှာထိုင်နေရင်း
ဆတ်ခနဲခေါင်းထောင်ကြည့်မိသည်

" ဟယ် သနားပါတယ် ..
ရုပ်ကလေးကမင်းသားတောင်ရှုံးတာကို ..
ပိုက်ဆံလည်းတော်တော်ရှိမယ့်ပုံ .. "

"ရှိဆိုသူ့အဖေကငါတို့နိုင်ငံရဲ့
လူချမ်းသာစာရင်းဝင်လေ ..
သူမေ့နေတာတစ်ပတ်ရှိပြီနော် ..
တစ်ခါမှတော့လာမကြည့်ဘူး ..
ငါသတင်းသဲ့သဲ့ကြားထားတာတော့
သူကမိထွေးနဲ့နေရတယ်ပြောတယ် ..
ပြီးတော့မိသားစုနဲ့အိမ်ခွဲနေတာတဲ့ .. "

" ဟယ် ဟုတ်လား ..
ဘယ်လိုအဖေပါလိမ့် .. သူ့ဘဝကလည်း
ချမ်းသာပေမယ့်လည်းတစ်မျိုးကြီးနော် "

မချင့်မရဲပြောလာသည့်မိန်းကလေးရဲ့စကားကြောင့်
ဝေ့ရင်း ပြုံးလိုက်မိသည် ..

သူဝမ်းမနည်းပါ ..

သူ့အကြောင်းကိုလူတွေဒီလိုပြောကြတာ
ပထမဆုံးကြားဖူးတာမှမဟုတ်ပဲ ..

အဖေသူ့ကိုဂရုမစိုက်တာလည်းအမှန် ..
မိထွေးနဲ့နေရတာလည်းအမှန် ..

အဲ့တော့ရောဘာဖြစ်လဲ ..
သူဘာကိုဂရုစိုက်ရမလဲ ..

ဘဝကိုဒီလိုပဲအရွဲ့တိုက်ပြီး
အလိုက်သင့်မျောလာကာ
လုပ်ချင်တာလုပ်ရင်းနေလာတာကြာ ..

( ဒီနေ့ရောဘယ်ထပ်လျှောက်သွားရမလဲ .. )

ထိုင်နေရာမှထလိုက်ကာ
ဝေ့ရင်း အတွေးများနှင့်သာကော်ရစ်တာပေါ်
ခေါင်းငိုက်စိုက်လျှောက်လာသည်

ဆေးရုံမို့လူအသွားအလာများတာသိပေမယ့်
လျှောက်လမ်းကိုသူမကြည့်မိ ..

လူတွေသူ့ကိုဝင်တိုက်လည်း
သူ့ကိုယ်ထဲကနေဖောက်ထွက်သွားကြမှာပဲဟာ

ဝေ့ရင်း ရုတ်တရက်နှလုံးဖောက်ရာက
Emergency ရောက်ပြီး
ခွဲစိတ်နေစဥ်ဦးနှောက်ကို
Oxygen ပြတ်လပ်မှုဖြစ်ခဲ့တာ ..