حياة منتقبة

البارت الأول❤

رواية "حياة منتقبة"
#البارت—الاول
«فدوى» فتاة ف الواحد والعشرين من عمرها تسكن ف مدينه المنصورة تزوجت مجبرة بسبب والدها من شاب يكبرها بعشرة اعوام وانجبت فتاة جميلة اسمتها «كارما» وبعد عامين من زواجها طلقها زوجها لأنه لا يحبها فقد وقع ف عشق أخرى وكان شرطها تطليق زوجته والتخلى عن ابنته ففعل وقام بطردها ف منتصف الليل ذهبت المسكينة تحمل صغيرتها الى فيلا والدهاا «شريف المنياوى» تشكو له ظلم زوجها لها ولكن ما لم تتوقعه ان لا يقبل بها والدها ويقوم بطردها ف الليل هو الاخر بحجة انه لا يقبلها كونها مطلقة وتعلل بكلام الناس
فدوى ببكاء:- حرام عليك يا بابا هروح فين ببنتى اللى عمرها سنه بس والدنيا ليل
شريف :- معرفش اتصرفى انا مش هدخل بيتى مطلقة ابداا يلا روحى دوريلك على مكان تعيشى فيه
بكت المسكينة وحملت صغيرتها وذهبت الى حيث لا تدرى وأثناء سيرها تعبت وجلست بجوار منزل تستريح فقدماها تولمانها تذكرت صديقتها نور التى تكبرها بعامين وتسكن ف مدينه الاسكندرية قد تعرفت عليها عبر موقع التواصل الاجتماعي منذ سنوات وهما صديقتان حميمتان
أسرعت «فدوى» واخرجت هاتفها من حقيبتها وقامت بالاتصال بها فأجابت نور فورا
نور:- انتى فين يا بنتى بتصل بيكى من الصبح قلقتينى عليكى
فدوى:- اهدى بس يا نور وانا هاقولك كل حاجة
وبدأت فدوى بالكلام وحكت لها كل شئ
نور:- الكلب الواطى الجبان ازاى يرميكى ببنتك ف نص الليل كده لا وكمان ابوكى اللى معندوش رحمة
فدوى:- انا مش عارفة اروح فين يا نور وخايفة على بنتى اووى
نور :- متقلقيش يا حبيبتى انا هبعتلك حد بالعربية بتاعتى دلوقتى يجيبك هنا عندى وهتعيشى معايا مانتى عارفة انا وماما بس لوحدنا
فدوى :- انا أسفة يا نور انى بتقل عليكى بس انا مليش غيرك دلوقتي
نور:- اخص عليكى يا فوفاا لو مكنتش انا اساعدك هتطلبى من مين بس
بصى كلها مسافة الطريق وهيكون الراجل عندك انتى بس خلى مكانك متمشيش وانا هكلمه واكلمك تانى انتى هتنورينى يا فوفااا وكمان الامورة كارما دى اللى هموت واشوفها
فدوى:- ربنا يخليكى ليا يا نور وميحرمنيش منك ابدا
نور:- ويخليكى ليا يااقلبى يلا اقفلى لحد ما اتصل وارجعلك علشان نفضل نتكلم لحد ما يوصلك
فدوى :- حاضر يا حبيبتى سلام
أرسلت نور لفدوى سيارة وصلت لها عند حلول الفجر وركبت معه فدوى إلى مدينة الإسكندرية

ترى ماذا سيحدث لها ف الاسكندرية وما هو القادم

استنوا البارت التانى😍😍😍
قولولى رايكووووا🙈🙈🙈🙈واتفاعلوا😒😒😒