حياة منتقبة

البارت الحادى عشر❤

رواية" حياة منتقبة"
#البارت—الحادى عشر
عمرو بذهول:- ازاى
فدوى:- من اول يوم شفتك فيه فى الكافية لما جينا انا ونور حسيت وقتها ان قلبى اول مرة يدق وحبيتك ومكنتش اعرف انتا مين ولا ان مصيرنا مرتبط
عمرو بفرحة :- انا انا انا بحبك اوووى يا فدوى يلا بينا بقا نرجع بسرعة عشان نكتب الكتاب
فدوىبضحك:- اصبر طيب لحد ما اخد باقى حاجتى انا وماما وكارما من هنا
عمرو بهيام:- مستنى لاخر يوم ف عمرى
....
عند باهر ونور
باهر:- نور نونا نونتى
نور باستنكار:- نونتك مالك يا باهر انتا عيان
باهر بعصبية:- ماهو بصر بقاا انا عاوز اعمل زى الواد عمرو اه بصراحة كده انا بحبك اوى وهتجوزك يعنى هتجوزك مفيهاش نقاش
نور بصدمة:- بتحبنى وهتتجوزنى طب هتجيبلى أكل
باهر بنفاذ صبر:- ايوا هكتبلك مهر 25 بيتزاية ومؤخر 10 شاورما وكل يوم هجيبلك هجيبلك كشرى هااا قلتى اى
نور بفرحة:- بجد يا باهر بجد انا بحبك اوووى يا بيرو(واسرعت من امامه تجرى لتخبر فدوى)
باهر بصدمة:- بحبك وبيرو ف جملة واحدة هاااااا دى بتقولى بحبك بتقولى بحبك استنى يا مجنونة( واسرع يجرى خلفها)
ذهبوا الاثنان حيث يوجد عمرو وفدوى وأخبرهم باهر كل شئ
باهر:- بص بقا يا عمورى يا حبيبى احنا بربطة المعلم كده نعمل فرحنا ونتجوز ف يوم واحد هاا قلت اى بقااا
عمرو:- اول مرة تقول حاجة عدلة
نور بفرحة:- يعنى انا وفدوى هنبقى عروسات مع بعض
باهر:- عروسات !!!!! اسكتى يا نور اسكتى يا حبيبتى متتكلميش تانى
فدوى بضحك:- هنبقى أحلى عروسات يا قلبى
عمرو:- طب يلا بقا عشان نلحق نروح ونطمن على طنط شكرية
الجميع :- يلا بينا
عادوا جميعا الى الاسكندرية ف اليوم التالى والفرحة تغزوا قلوبهم
مر شهر على أبطالها قاموا فيه بتجهيز كل شئ للزفاف وتحسنت صحة شكرية وها هو اليوم الوعود يوم زفاف عمرو وفدوى ، باهر ونور
كانت فدوى ونور فى غرفة التجهيز ف الفندق ارتدت فدوى فستان أبيض جميل ضيق من الصدر ومتسع من الأسفل وفوقه خمارا من الحرير الابيض ونقاب حرير أبيض وكانت جميلة بعينيها الزرقاء أما نور فكانت ترتدى فستاتا ابيض ضيق الى الخصر ومتسع فيما بعد وحجاب تنسدل منه خصلة من شعرها الأسود البراق فكانت جميلة جداا
اما عند عمرو وباهر كان عمرو يرتدى حلته السوداء بجرافت حمراء فكان وسيم للغاية اما باهر فكان يرتدى حلة سوداء جميلة وببيونة سوداء فكان توم كروز فى نفسه
بعد ساعات انتظار كانت كل من فدوى ونور تتأبطان زراع عمرو وباهر وصوت الزفة يعلو وهما فى أعلى السلم كان يقف عمرو وفدوى على الطرف الايمن من السلم ويقف باهر ونور على الطرف الاخر منه وينزلون بخطوات منتاسقة حتى دلفوا الى قاعة الزفاف وبدأ صوت الاغانى يعلوا وافتتح الحفل برقصة اسلو جميلة من العروسان
..........
عند عمرو وفدوى
عمرو:- مبروك يا حبيبتى
فدوى:- الله يبارك فيك يا حبيبي
عمرو :- مش مصدق انك معايا اخيرا
فدوى:- ولا انا كنت أصدق انى خلاص هرتاح من التعب اللى عشت فيه
عمرو:- أنسى كل اللى فات يا فدوى وخلينا نبدا سوا من جديد مع بعض
فدوى:- ربنا يخليك ليا يا حبيبي
.......
عند باهر ونور
باهر :- مالك يا حبيبتى ساكتة ليه ومبوزة كده
نور:- جعانة يا باهر هو البوفيه هيفتح امتى
باهر بصدمة:- نعم ياختى بوفيه بتسالى على البوفيه انتى مش متوترة ولا خايفة يا نور وبتسالى على اكل
نور:- امال اموت من الجوع يعنى
باهر:- ياقلبى حالا اخليهم يفتحوا البوفيه بس بالله عليكى ابقى خلى شوية اكل للمعازيم
نور:- ربنا يسهل
وبعد ساعات من الرقص والغناء وجومن الفرح الشديد انتهى الحفل وصعد العرسان الى جناحهم ليستعدوا صباحا لشهر العسل
........
فى غرفة عمرو وفدوى
دخلوا الى الجناح وما ان دلفوا حتى جرت فدوى الى الحمام واغلقت الباب خلفها ضحك عليها عمرو وبدا فى خلع ثيابه وارتدى بيجامة وبعد فترة انتظار خرجت فدوى ترتدى اسدال صلاة وتلف وجهها بحجابه عندما راها عمرو ذهل من جكال وجهها فكانت جميلة جدااا فهو رغم انه كتب كتابهم قبل ايام الى انها لم تقبل ان يرا وجهها الا يوم الزفاف تقدم منها وقبل جبينها
عمرو:- انا هاروح اتوضى عشان نصلى
اكتفت فدوى بإماءة من راسها دلف عمرو الى الحمام وتوضأ وخرج أمها فى الصلاة وبعد انتهائهم جلس وجلست بجواره وضع يده على جبينها وقال الدعاء ثم ضمها إليه بشدة وبعدها اقترب منها و..... (سكتت شهرزاد عن الكلام الغير مباح)
........
فى جناح باهر ونور
منذ ان وصلوا  وصلوا وهى جالسة تاكل بشهية شديدة
باهر:- نور يا حبيبتى حرام عليكى بطنك انتى خلاص هتنفجرى خلصتى على البوفيه ولسه فى معدتك مكان لده كمان
نور:- جعاااانة يا باهر الله سيبنى اكل
باهر:- صبرنى يا رب بت أنتى اسمعى بقا اما اقولك ماهو الليلة مش هتضيع بسببك اه انا قتيل الليلة دى
نور:- يعنى اى مش فاهمة حاجة
باهر:- طب سيبى اللى فى إيدك ده وتعالى وانا افهمك
نور:- اوك يلا
أخذها باهر الى السرير واجلسها وجلس بجوارها وقام باحتضانها بشدة فقالت
نور:- مالك يا بيرو
باهر:- اشششششششششششش اسكتى
وقام باطفاء النور المنبعث من المصباح القريب و....... سكتت شهرزاد عن الكلام الغير مباح
فى صباح اليوم التالى كانوا شكرية وسميحة واحمد وكارما يودعون العرسان فى المطار
احتضنت فدوى أحمد وكارما
فدوى:- أحمد خلى بالك من كارما لحد ما ارجع
أحمد:- كارما ف عيونى يا ماما فدوى متقلقيش عليها انا واخد بالى منها على طول بس انتى خلى بابا عمرو يرجعك بسرعة عشان هتوحشينا اوى
عمرو :- حاضر يا حبيب بابا عمرو هنرجع بسرعة
باهر :- يلا يا جماعة هنتاخر على الطيارة
نور:- ايوا يلا علشان نفطر ف الطيارة لانى ملحقتش افطر
باهر بصدمة:- يا مفجوعة دا انتى خلصتى على فطار الفندق لوحدك
نور:- الله اكبر هتحسدنى
ضحك عمرو وفدوى ثم توجهوا الى جميعا الى الطائرة المتجهة الى شرم الشيخ
وبعد مرور أسبوعين كانوا من أسعد الايام على فدوى وعمرو كان اليوم موعد العودة
فى مطار الاسكندرية هبطت الطائرة القادمة من شرم الشيخ نول منها كلا من فدوى وعمرو ونور وباهر وبعد الاجراءات اللازمة خرجوا من المطار وما ان خرجوا حتى وجد عمرو رصاصة تخترق صدره وشعر بالم حاد يعتصر قلبه وفقد الوعى صرخت فدوى صرخة مدوية وأسرع باهر ونور نحوه ببكاء شديد
باهر بصراخ:- حد يطلب الإسعاف بسرعة
أحد أفراد الامن:- احنا مسكنا اللى عمل كده وملحقش يهرب واتصلنا بالشرطة والاسعاف وزمانهم على وصول
فدوى ببكاء وهى تحتضن حبيبها الغارق فى دمائه:- يااارب متحرمنيش منه بعد ما ادتهولى يااارب
احتضنتها نور ببكاء شديد:- متقلقيش يا حبيبتى عمرو هيبقى كويس ان شاء الله
فدوى:- يااااارب يا نور يااارب
باهر:- فين الاسعاااااف
بعد دقائق وصلت سيارة الاسعاف وحملت عمرو إلى المستشفى ومنها إلى غرفة العمليات فورا وتركوا فى الخارج قلبا محطم حزين يبكى جرح نصفه الآخر لم يعرف للسعادة طعم سوى لأسبوعين فقط

هل هذه النهاية؟؟؟

استنوا البارت الثانى عشر😍