حياة منتقبة

البارت السادس❤

رواية" حياة منتقبة"
#البارت—السادس
دخلت فدوى غرفة نور
فدوى:- نور
نور:- امممممم تعالى
فدوى:- كنت عاوزة رقم عمرو
نور باستغراب:- عاوزة رقم عمرو ليه
فدوى:- هاتيه وخلاص يا نور انا عرفت كل حاجة وعمرو صادق بس عاوزة اعرف اى اللى هو يعرفه
نور:- طيب حاضر استنى
وذهبت نور واحضرت هاتفها
نور:- خدى يا ستى الرقم اهو
اخدت فدوى رقم عمرو من هاتف نور وقبل ان تذهب التفتت لنور قائلة
فدوى:- نور
نور:- هااا
فدوى :- ركزى مع باهر فى كمية ف الموضوع وانتى لوح مش عاوزة تفهمى
نور:- هاااا تقصدى اى
فدوى :- مش بقولك لوح فكرى سلام
ذهبت فدوى الى غرفتها وقامت بالاتصال بعمرو
.............
فى منزل عمرو كان يتحدث ف الهاتف وعلى وجهه معالم الصدمة
عمرو بصدمة:- مش معقول تكون فدوى هيا بنت عمى هشام ( هيا فدوى حبيبتى اللى بدور عليها مش مصدق)
المتصل:- لا هيا يا باشا انا سمعت كل المكالمة بتاعتها مع مامتها
عمرو :- اقفل انتا دلوقتي وخلى عينك مفتحة كويس مش عاوز والدتها تتاذى فاهم
المتصل:- حاضر يا باشا متقلقش
انهى عمرو الاتصال وظل يفكر فيما عرفه( معقول دى فدوى حب طفولتى وشبابى واللى كنت عايش علشان الاقيها تجينى لحد عندى لا وكمان الكلب بيخطط لموتها انا همحيه من ع وش الأرض لو فكر يقرب منها )
وأثناء حديثه مع نفسه وجد اتصالا من رقم مجهول عقد حاجبيه وأجاب
عمرو :- الو
فدوى:- أستاذ عمرو انا فدوى
قام عمرو من مكانه واقفا وقال بفرحه :- فدوى وحشتينى اووى
فدوى باستغراب:- نعم
عمرو باحراج:- اسف أنتى اتصالتى كنتى عاوزة حاجة
فدوى بحزن :- انا اكتشفت انك عندك حق وكمان شريف مش بابا وبابا اسمه  هشام الجمال و......
قاطعها عمرو قائلا:- انا عارف كل ده ممكن نتقابل بكرة علشان أعرفك كل حاجة
فدوى:- بس نور هتبقى معانا
عمرو:- باهر كمان هيبقى موجود
فدوى:- تمام تصبح على خير
عمرو:- وانتى من أهله(وانتى من أهلى قريباااا)
...........
فى المنصورة ف فيلا شريف المنياوى
شريف بغضب:- اسمعى هتتصلى بيها دلوقتى تيجى والا قسما بالله هقتلها هى وبنتها
شكرية ببكاء:- انتا اى مفيش ف قلبك رحمة
شريف:- لا ياختى مفيش ويلا اتصلى
قامت شكرية بالاتصال بفدوى وجدت هاتفها مغلق

شكرية:- تليفونها مقفول
شريف:- ساعة واحدة وتتصلى تانى والا انتى عارفة انا ممكن أعمل اى
ثم تركها وغادر
شكرية ببكاء:- يارب ملناش غيرك انا وبنتى ياارب
..................
فى صباح اليوم التالى فى إحدى مطاعم الاسكندرية كان يجلس عمرو وباهر ينتظرون الفتيات وخاصا عمرو فبعد ان علم انها حبيبته لم يعد يطيق الانتظار اكثر لمحها عمرو تدلف من باب المطعم وقف لاستقبالها
نور:- صباح الخير يا شباب
عمرو وباهر:- صباح النور
عمرو:- عاملة ايه يا فدوى
فدوى باستغراب من نظراته المخجلة:- الحمد لله تمام
عمرو :- هطلب الفطار وتدخل في الموضوع على طول
..............
يا ترى اى الحكاية كلها
وهل فدوى وعمرو هيكملوا

استنوا البارت السابع😍