مساءالورد والفل والياسمين
معلش بتأخرعليكم
اتمنى يعجبكم فصل النهاردة
تعالوااااا نشوف باقى احداث
#لقاءفى_الظلام
-----------------------------------
---------------------------------
فى شقه فاتن
-----------------------
سوسن........قوليلى هتعملى ايه
فاتن........بصى انا هخرج اجبلك تليفون تتكلمى منه وتجيبى الرقم بتاع الباشا
بس باسرع ما يمكن
فاهمه يا سوسن
بس قوليلى انتى هتجيبى الرقم من مين
سوسن.........بقلق هجيبه من اختي ومش هقول اكتر من كدا غير لما نخرج من هنا
فاتن......وانامش هضغط عليكى
سوسن........طيب يلاا روحى هاتي التليفون بقي بسرعة
فاتن........ماشي
خرجت فاتن ورجعت بعد لحظات معاها تليفون محمول
سوسن....... انتى جبتى التليفون دا منين
فاتن....... بعدين بس خدى كلمى اختك واكتبى الرقم هروح اجبلك ورقه وقلم
رجعت فاتن بالورقه والقلم
فاتن........ يلا اتصلى بس استنى اوعي تقولي لاختك اى حاجه فاهمة يا سوسن عشان خطتى تنجح
سوسن....... خطة ايه
فاتن........ بعدين هفهمك كل حاجه بس اتصلى الاول
اتصلت سوسن على صابرىن وكانت فى البيت
سوسن..... الووو
صابرين....... الوووو مين معايا
سوسن..... ايوة يا صابرين انا اختك سوسن ايه انتى نسيتى صوتى
صابرين...... بلهفة سوسن انتى فين كل دا
سوسن...... بصت لفاتن
فاتن........ شاورت لسوسن انها مش تتكلم 🤫
سوسن....... بعدين يا صابرين المهم انا عايزة منك حاجه مهمه
صابرين........حاجه ايه وعرفيني انتى فين الاول
سوسن...... بعدين يا صابرين بعدين
: المهم انا عايزه منك حاجه مهمه اوى ومش تقولى لاى حد على اللى هقولهولك دا الوقت سمعانى يا صابرين اوعى اى حد يعرف ولا حتى ماجد عباس ولا حتى جوزك جلال
صابرين...... بقلق هو فى ايه بالظبط يا سوسن
سوسن....... بصى انا عايزة رقم فارس صاحب الشركة اللى انتى شغالة فيها
صابرين....... بصدمة ايه مين
سوسن....... ايوه زى ما سمعتى عايزة رقم فارس
وعايزة الرقم اللي يرد عليا بنفسه فاهمة يا صابرين
يلا ملينى الرقم بقي
صابرين....... انا مش فاهمة حاجة
سوسن....... بعدين يا صابرين قولتلك
هاتى الرقم بقي
سوسن...... كتبت الرقم عندها فى ورقة
سوسن...... اسمعى يا صابرين انا كلها يومين وهاجيلك ماشي وبفكرك تانى اوعى حد يعرف اني كلمتك بحذرك يا صابرين عشان مصلحتنا
صابرين....... انا مع انى مش فاهمة حاجة بس طيب ابقي تعالي وفهمينى فى ايه
سوسن...... طيب سلام
وخلصت المكالمة بين صابرين وسوسن
____________________
فى اوضه زينة فى بيت والدها
___________________
زينة........ بتعيط😭😭 بهستريا وبتبص لوالدتها كنت عارفه انه هيعمل كدا معايا اول ما يشوفنى ليه كدا بس
والدة زينة...... بتعيط😭😭 وضمت زينة لحضنها معلش يا حبيبتي سبيه لما يهدا ونرجع نتكلم معاه
زينة....... لا يا ماما اخر امل ليا راح خلاص بس انا مش هقدر اهرب واسيبكم تانى انا تعبت من غيركم
مسكت ايد والدتها وطبعت قبلة عليها وبلهفة ماما عشان خاطرى خلينى معاكى حتى لو خدامة تحت رجليكى بس اوعى تسبينى اضيع منك تانى وبقت تعيط بهستريا 😭😭😭😭
والدة زينة بتعيط وضمت زينة لحضنها حبيبتي يا بنتى مش هسيبك تضيعى منى تانى ابدا
بكرا نتكلم معاه تانى
زينة..... ويا ترى هيصدقنى ويسامحنى
والدة زينة......... ان شاءالله يا بنتى بس نصبر عليه شويه المفاجأة كانت جامدة عليه
ربنا يهديه
زينة....... بصوت شهقات العياط يااااااااارب
_______________________
فى فيلا فارس
---------------------------
ندا...... قاعدة مع فارس
ندا........ هى ياسمين حصلها ايه
فارس....... مافيش حاجه هى بس تعبانه شويه
واول ما تخف هترجع زى ما كانت
كوكى...... جات تجرى
بابى. بابى
فارس....... نعم يا كوكى عايزة ايه
كوكى....... مامى بتعيط كتير والباب مقفول عليها
فارس....... اتنهد بحزن طيب يا كوكى تعالى العبى مع ندا وانا هطلع اشوفها
ندا..... تحب اجى معاك
فارس...... لا خليكى انتى مع كوكى
وطلع لاوضه ياسمين
طق طق طق افتحى يا ياسمين
ياسمين....... كتمت صوت العياط
فارس...... افتحى نتكلم يا ياسمين عرفينى مالك فيكي ايه
ياسمين.......بصوت العياط لو سمحت ودينى لماما انا محتاجاها اوى
فارس........ حاضر بس نتكلم شويه
ياسمين....... مش عايزة اتكلم عايزة اروح لماما وبس لو سمحت
فارس....... طيب يا ياسمين بس خليكى فاكره اني حاولت اتكلم معاكي
ياسمين....... ابتسمت بسخرية
فارس...... دخل اوضته وفجأة تليفونه رن
فارس...... بص للرقم
رقم مين دا
رد فارس..... الوووو
الطرف التانى..... الوووو وطبعا كانت فاتن
فارس...... ايووة مين معايا
فاتن........ باستهزاء طبعا ليك حق مش تعرف صوتى يا باشا
استغرب فارس مين بيتكلم
فاتن...... لسه بتستهزء بردوا لسه مش عرفتنى
انا فاتن يا باشا
اتصدم فارس...... ايه فاتن
فاتن...... انت شكلك نسيت انك حبسنا ولا ايه يا باشا
فارس...... كان فعلا نسى انه حبسهم بسبب مشاكله
فارس..... بعصبية انتى جبتى رقمى ازاى وتعالى هنا انتى اتصالتى بيا ازاى انتم خرجتوا صح
فاتن...... ضحكت بصوت عالي عشان تستفزه
اهدا بس يا باشا احنا مستنينك فى السجن اللى انت حبستنا فيه اتمنى تيجى على طول عشان لو اتاخرت علينا عمرك ما هتشوفنا تانى ابدا ومش تنسى تليفونتنا اللى عندك يا باشا سلام
وخلصت المكالمة
فارس....... بعصبية انا حد يقدر يتكلم معايا كدا انتى اللى جبتيه لنفسك يا فاتن
وخرج بسرعة فى طريقه لشقه فاتن
__________________
فى شقه فاتن
_____________
سوسن ورشا وسهير كانوا بيسمعوا مكالمة فاتن لفارس
رشا....... انتى جبتى الجرأة دى منين
سهير....... بت يا فاتن انتى مش خايفه منه
فاتن........ يعني هيعمل ايه فينا
سوسن....... لا يا فاتن هو يقدر وانتى عارفة انه يقدر يعمل اكتر من كدا
فاتن........ بصوا بقي انا خدت القرار انى هتغير ومش هخلى حد يتحكم فيا تانى
بصوا بهدوء كدا لما يجي الباشا سبونى اتكلم انا معاه وابعدوا عنه عشان ممكن بسبب عصبيته اللى احنا لسه مش شوفناها يعمل فينا حاجه
سوسن....... بحزن دا لو سبنا يبقي اكيد مجنون
اكيد هيخلص علينا
فاتن........ متخافوش انا قولت لاستاذ عبد الله انه يرن علينا الجرس بعد ربع ساعه وهو قالى انه هيراقب الشقه
رشا...... ايوة يا عم بقي العاشق الولهان
ضحكت سهير هو دا وقته يا زفتة انتى
سوسن....... مين دا
فاتن........ سيبك منهم دول بيهزروا
رشا....... لا مش بنهزر دا العاشق الولهان اللى بيحب ست فاتن وهى مش معبراه
ابتسمت سوسن طيب ليه
فاتن........ هو دا وقته احنا في ايه ولا فى ايه
انتم مش عارفين ان الباشا جاى وجواه بركان 🌋مولع وممكن يولع فينا
البنات اتنهدوا بحزن وقعدوا ساكتين
بعد شويه جه فارس واستغرب لما جه يفتح الباب لقاه مقفول بالمفتاح
فتح ودخل مرة واحدة لقاهم واقفين بعيد ما عدا فاتن هى اللى قاعدة مستنياه
فارس......... بيبص لفاتن بغضب عايز اعرف اللى انتى عملتيه دا عملتيه ازاى وليه
فاتن....... لسة قاعدة بهدوء مع ان من جواها مرعوبة
فارس....... اهلا يا باشا اتفضل بيتك ومطرحك
فارس....... مسك فاتن من ايديها وشدها جامد هتتكلمى ولا اخليكى تتمنى الموت
فاتن........... بألم من مسكته ليها هقولك كل حاجه بس سيب ايدى
فارس...... ساب ايديها وزقها بعصبية
اتكلمى اهو سبتك
فاتن....... بعدت خطوات عن فارس
انت عايز مننا ايه يا باشا
فارس....... بيبصلها بغضب
فاتن...... انت من اول مره شوفتك وكلمتك فيها فى المحل عرفت انك جاى عشان حاجه معينة واتاكدت بعد ما جبتلنا سوسن هنا
فارس....... بص لسوسن بغضب
فاتن........ بص يا باشا تعالى نكشف ورقنا لبعض عشان نرتاح
فارس....... لسة بيبص لسوسن وقرب منها ومسكها من شعرها انتى بقي اللى عرفتيهم كل حاجه
سوسن....... صرخت شعرى سيب شعري انا مقولتيش حاجه سيب شعري بقي
فاتن....... سبها يا فارس بيه احنا منعرفش حاجه عنك غير اسمك
وسوسن مقالتيش حاجه بس قالت انك ممكن تخلص علينا ومحدش يحس بينا
فارس...... كويس انكم عارفين كدا
فاتن....... خلينا نخلص من الشبكة دى يا باشا وقولى انت لسة عايز حاجه مننا ولا خلاص
فارس..... يعني ايه
سوسن...... قربت من فاتن انت عرفت كل حاجه منى
قولنا عايز ايه تانى عشان احنا زهقنا من حبستنا دى
وعايزين نخرج بقي
فارس...... ضربها على وشها بالقلم
فارس..... بغضب تصدقوا انكم مش تستاهلوا انى كنت عايز انضفكوا من الوحل اللى كنتم غرقانين فيه
سوسن...... انت مالك بينا نغرق ولا منغرقش انت ليك حياتك وسبنا نعيش حياتنا زى ما احنا عايشين
فارس....... ضربها على وشها تانى بسهولة كدا
فاتن....... مسكت سوسن وبعدتها عنه
بص يا باشا اظن انت عرفت اللى كنت عايز تعرفه من سوسن اللى احنا مش عارفين ايه هو
ومش عايزين نعرف حاجه عنك المهم احنا عايزين نسيب بعض بالمعروف
فارس...... ضحك بسخرية نسيب بعض بالمعروف بالساهل كدا
فاتن....... احنا كنا ممكن مشينا من غير ما تعرف وعمرك ما هتلاقينا بس احنا كان بينا عيش وملح
وعايزين نسيب بعض بهدوء كدا
سوسن....... بعصبية وكانت بتصرخ سيبهم يمشوا هما مالهمش دعوة
انت حوارك معايا انا
صح يا باشا صح
فارس....... يعنى انتى اللى هتشيلى الليلة
سوسن....... ايوة سبهم بقي يمشوااا
جريت رشا وسهير عليها اما فاتن كانت واقفة بعيد عنهم
رشا....... لا يا باشا كلنا زى بعض يا تسبنا سوااا يا تموتنا سوااا
سهير...... ايوة يا باشا
فاتن...... كفاية لحد كدا يا باشا انسانا وسبنا فى حالنا واذا كنت خايف من حد فينا تجيب سيرتك مع حد متخافيش احنا هنمشى من البلد كلها
بصلها فارس
فاتن..... ايوة يا باشا احنا هنسيب الشغل وهندور على مكان تانى نعيش فيه ونبطل عيشة الوحل اللى كنا غرقانين فيها
سوسن...... انا كمان هروح معاهم بس وحياة اغلا حاجه عندك بلاش تأذى صابرين اختى هى غلبانة وكانت عايزة تعيش عيشة كويسة مش اكتر
فارس...... لسة ساكت
فاتن متخافيش مننا يا باشا احنا اقل واضعف من اننا نعمل حاجه
وكملت بحزن ودموع عشان احنا ولا حاجه يا باشا احنا نكرة وكل الناس تخاف تقرب مننا عشان اللى انت عارفه عننا احنا هنبعد ونبدأ من جديد يمكن نقدر نعيش حياة نضيفه ومين عارف ربنا كبير واحتمال يقبل توتبتنا
بصلها فارس باستغراب
فاتن....... بدموع ايوة يا باشا احنا ناونا نتوب على اللى كنا بنعمله هنبعد عن الطريق اللى كنا ماشين فيه عشان مشينا فيه غصب عننا
وقف فارس سرحان فى ياسمين
وهو بيكلم نفسه انتى اللى جابك فى بالى الوقت ايوة كلام زى اللى قولتيه قبل كدا يا ياسمين يا ترى فيكى ايه انت حيرتينى معاكى لو اعرف بس ايه حصلك خلاكى اتغيرتى كدا فجأة
فاتن........ قولت ايه يا باشا
فارس....... فاق من شروده هاااا
فاتن...... هتسبنا نمشى ونعيش حياتنا بشكل انضف واحسن من قبل كدا
فارس........ بصلهم
وبدأ يهدا طيب لو احتجت حد فيكم
فاتن....... ربنا ما يحوجك لحد فينا
انت احسن واحد عاملنى فى حياتى بعد ابويا الله يرحمه
عارف يا باشا اكتر واحد كنت بحس معاه انى بنى ادمه كان ابويا الراجل اللي حاول على قد ما يقدر انه يعلمنى ويعيشنى عيشة كويسة لكن الفقر والظروف هما اللي رمونى فى الوحل اللى احنا كنا عايشين فيه وخلاص مش هنرجعله تانى
سيبنا يا باشا سيبنا نكمل طرقنا بالحلال يا باشا
سوسن...... قربت من فارس بص يا باشا متخافيش منى انا اوعدك انى مش هنطق بكلمة من اللى بينا اعتبرينى نسيت كل اللى حصل بنا
فارس........ اتنهد بصوت مسموع
طيب قولولى هتروحوا فين
فاتن....... احنا هنروح الجيزة
فارس....... باستغراب اشمعنا الجيزة
فاتن...... بلد كبيرة احنا كنا هنروح القاهرة بس
القاهرة. ممكن نلاقى حد يعرفنا
فارس...... وقف يبصلهم
فاتن...... قولت ايه يا باشا
فارس.......وهتعيشوا ازاى بقي
فاتن...... احنا هنجمع الفلوس اللي معانا ونأجر شقة على قدنا ونشوف اى شغل يناسبنا ومش هنرجع للى كنا فيه تانى
فاتن........ هاااااا يا باشا قولت ايه
فارس....... خلاص اعملوا اللى انتم عايزينه بس خليكم فاكرين انى مش سهل لو حد فكر بس
قطعت كلامه سوسن.ابدا يا باشا ابدا
فارس........ وبالنسبة لاختك هتاخديها معاكى ولا هتسبيها
سوسن........ انا هقولها رضيت ماشي مش رضيت هى من سكة وانا من سكة
وهى حرة تعيش وتتحمل
بقي نتيجه اعمالها
فارس......اتنفس بصوت مسموع
وقفوا البنات يبصوا له مستنين رده
فارس...... طيب اعملوا اللى انتم عايزينه بس خليكم فاكرين انى مش هسامح حد يقف قصادى
البنات فرحوا وحضنوا بعض
ومشى فارس وقفل علاقته ببنات ملهى دلع البنات
________________________
رجع فارس الفيلا وكان الليل دخل
لاحظ هدوء الفيلا ووجود الشغالين
قابلته سميحة
فارس...... باستغراب انتم لسة هنا
سميحه....... الانسة ندا طلبت مننا نفضل ونشوف شغل البيت عشان المدام تعبانة شوية
فارس....... طيب
سميحه.......... حضرتك تؤمرنى بحاجه
فارس....... كوكى اتعشت
سميحه...... ايوة اتعشت هى والانسة ندا بس المدام قالت ملهاش نفس
فارس....... طيب تقدرى تروحى تنامى انتى
سميحه....... تصبح على خير ومشيت من قدام فارس
فارس...... طلع اطمن على كوكى ووقف يبص على اوضه ياسمين واتنهد بحزن ودخل اوضته ونام
_______________________
: فى اوضة الحاج رجب
دخلت والدة زينة بالاكل للحاج رجب
الحاج رجب....... ايه اللي دخلك هنا انا قولت مش عايز اشوفك
والدة زينة....... بحزن اسمعنى بس يا حاج رجب
الحاج رجب..... مش عايز اسمع صوتك تانى افتكرتى انى وقعت خلاص وبتتصرفى من دماغك طيب ليكى اخوات يترد عليهم
والدة زينة...... بحزن بعد العمر دا كله عايز تشتكينى لاخواتى يا حاج رجب
الحاج رجب....... ايوه لما تعملى اللى عملتيه يبقى مالكيش غير اخواتك
والدة زينة...... عيطت وقربت من الحاج رجب ومسكت ايده واهون عليك بعد العمر دا كله تشمت فيا الناس
الحاج رجب...... مش انتى اللى صغرتينى لما دخلتي اللى حطت دماغنا فى الطين انا لو بصحتى كنت قتلتها اول ما شوفتها بس احنا فبها انا هتصل باخواتك واخويا وابنه الدكتور احمد وكلهم يكونوا شاهدين عليا
والدة زينة...... بصوت عالي اخوك وابنه هما السبب فى كل اللى حصلنا منهم لله
اتصدم الحاج رجب من كلامها
الحاج رجب....... قصدق ايه
والدة زينة....... بتعيط طمعهم وجشعهم هما اللى خلوا بنتك تهرب فى يوم كتب كتابها
الحاج رجب....... انتى ازاى تتكلمى كدا على اخويا وابنه الدكتور
والدة زينة....... بسخرية اخوك وابنه وتلاقى مرات اخوك مشتركة معاهم
: الحاج رجب........ لسة مش مصدق كلام والدة زينة
والدة زينة......... صدقنى يا حاج انا مش بكدب عليك
الحاج رجب..... بالراحه عليا وفهمينى ايه معنى كلامك دا
والدة زينة...... انا هحكيلك كل حاجه
والدة زينة....... حكت كل اللى زينة قالته وتصرف احمد لما شافها فى المستشفى
الحاج رجب........ انا مش مصدق اللى بسمعه دا
والدة زينة..... لا صدق وعارف انا السبب معاهم
الحاج رجب...... بصدمة ايه انتى كمان كنتى مشتركة معاهم
والدة زينة......... ايوة يا حاج انا السبب معاهم لما ما سمعتيش بنتى وقت ما كانت بتحلل عليا عشان اسمعها
الحاج رجب....... يعني اخويا وابنه كان طمعانين فيا وعايزين ياخدوا بنتى ويشغلوها خدامة عندهم
اخص عليهم
معقولة اخويا الوحيد يعمل فيا انا كدا
والدة زينة....... اسمع يا حاج رجب لازم نرجع حق زينة قدام البلد كلها
عشان الناس كلها تعرف ان بنتى مش هربت عشان حاجه تانيه زى ما قالوا عليها
الحاج رجب....... هى كانت عايشة فين كل السنين دى
والدة زينة....... كانت قاعدة مع بنات اصحابها وكانت شغالة فى شركة عند واحد كبير ومحترم
الحاج رجب..... حبيبتي يا بنتى يحصلك كل دا بسبب طمع اخويا وابنه
لحاج رجب....... بلهفة هى فين زينة يا ازهار
والدة زينة...... بفرح فوق بتعيط فى اوضتها
اطلع اندهلها تكلمك
الحاج رجب........ ايوه بسرعة
طلعت والدة زينة.ونزلت معاها زينة
زينة...... قبل ما تدخل عند والدها يعني بابا صدقك يا ماما
والدة زينة....... ايوة يا بنتى وهو اللى قالى اطلع اندهلك
والدة زينة......... فتحت الباب ودخلت وهى ماسكة ايد زينة فى ايديها
زينة........ بابتسامة مليانة دموع
الحاج رجب...... بنتى حبيبتي
زينة........ بتعيط بهستريا بابا بابا وجريت رمت نفسها في حضن والدها
الحاج رجب......... وحشتيني اوي يا بنتى
زينة........ وانت كمان يا بابا كان نفسي اشوفك باي شكل واقولك اللى سمعته من عمى وابنه
الحاج رجب...... دول حسابهم معايا عسير بس اصبرى عليا الوقت تعالى احكيلى كل اللى عملتيه كل السنين دى
زينة....... بخوف مافيش حاجه يا بابا كنت بشتغل واصرف على نفسى
الحاج رجب...... بيكلم زينة ووالدتها عارفين انا عايز اعمل ايه الوقت
والدة زينة...... خير يا حاج
الحاج رجب........ عايز اشوف اخويا وابنه الوقت حالا عشان اعرف احسابهم بطريقتى
زينة....... بخوف ان احمد يقول حقيقه زينة قدام اهلها وتتدمر لتانى مرة
زينة........ بلاش يا بابا بلاش عشان خاطري الله يسامحهم
الحاج رجب........ ابدا. حقك عندهم وانا لازم ارجع حقك يا بنتى منهم ومنى قبلهم ونزلت من عيونه دمعة حزن
حضنت زينة والدها يا حبيبي يا بابا كنت محتاجة حضنك دا فى ايام كتيرة وانا لوحدي
ضمها اكتر والدها مش هتكونى لوحدك تانى ابدا يا بنتى
_____________________________
تانى يوم الصبح
فى فيلا فارس
_______________
صحى فارس متاخر
كانت ندا وكوكى صحين وفطروا
فارس....... نزل لتحت شاف ندا وكوكى قاعدين لوحدهم
ندا....... شافت فارس قربت منه
ندا....... اتاخرت كدا ليه فى النوم انت مش رايح الشغل
فارس....... لا لو سمحتى خلى حد يعملى قهوة ويجبهالى المكتب
ندا...... حاضر وسابته ودخلت المطبخ
كوكى قربت من فارس
كوكى....... بابى
فارس....... نعم يا كوكى
كوكى...... بحزن مامى مش بتكلمنى ليه ومش بتقعد وتاكل معانا ليه هى لسة تعبانه
فارس...... بحزن ايوة يا كوكى لسة تعبانه
جابت ندا القهوة اتفضل
فارس....... شكرا يا ندا
ندا...... احنا هنسبها كدا دى مش بتاكل ولا تشرب ولا تتكلم حابسة نفسها فى اوضتها هى حصلها ايه بس نفسى اعرف
فارس...... روحي يا كوكى العبى فى برا
خرجت كوكى
فارس..........بصى يا ندا ياسمين عايزة تشوف اهلها
ندا........ باستغراب اهلها
هما فين اهلها هما مش هنا مع اخوها جمال
فارس...... لا هما فى مصر
ابتسمت ندا بحزن لما افتكرت كلمة ياسمين
فارس....... قصدى فى القاهرة
ندا...... طيب وناوى على ايه
فارس....... هوديها تشوف اهلها بس خايف عليكي انتى وكوكى
ندا...... متخافيش علينا بس المهم هى ترجع زى الاول
فارس...... اهو هعملها اللى هى عايزاه
ندا....... طيب مش هتقول لاخوها
فارس.......لا مش هقوله هو ماسك شغل مهم ولو عرف حاجة زى كدا ممكن يسيب كل حاجه عشان ياسمين
ندا....... طيب هتسافر امتى
فارس......هعمل تليفون واطلع اقولها تجهز واخدها واسافر على طول
وانتى يا ندا اعملى حسابك انك انتى وكوكى هتروحوا عند جلال عقبال ما ارجع ممكن نقعد كام يوم هناك لسة مش عارف
ندا....... بقلق ليه طيب ما تخلينا هنا احسن انا مش عايزة اروح عند حد
فارس...... هكون قلقان عليكي انتى وكوكى
ندا....... لا متخافيش انت ظبط بس الحرس ومتخافيش خلى الشغالين هنا مش يروحوا
فارس...... ماشى هطلع ابلغها
ندا...... بس بالراحه عليها احنا مش عارفين هى فيها ايه
فارس...... طيب
طلع فارس لاوضه ياسمين
طق طق طق
ياسمين....... بارهاق وتعب مين
فارس...... انا يا ياسمين افتحي عايزك فى موضوع مهم
ياسمين........ موضوع ايه
فارس....... مش هينفع كدا افتحى يا ياسمين بقي
ياسمين........ قامت من على السرير بتعب وارهاق من قلة الاكل
ياسمين....... نعم عايز ايه
فارس...... لسة عايزة تروحى لمامتك
ياسمين........ ايوة ومش هغير رائ ابدا
فارس....... طيب ممكن تقوليلى مالك متغيرة ليه
ودخل وقفل الباب وراه
ياسمين....... لو سمحت اطلع برا
فارس...... قرب منها يا حبيبتي فيكى ايه بس
ياسمين...... عيطت عشان وسكتت
فارس...... ايوة عشان ايه بقي اهو فى حاجه مزعلاكى قوليلى ايه مزعلك
ياسمين...... لسة بتعيط
قرب اكتر وضمها لحضنه
ياسمين....... عيطت على كتفه هى فين كوكى
فارس..... على فكرة كوكى هتتعب من غيرك اوى
ياسمين....... مش هقدر اقولك اخدها معايا لانها مش بنتى
فارس....... بصلها باستغراب مش بنتك
ياسمين...... بتعيط اكتر ايوة مش بنتى
فارس........ بعدين نتحاسب على كلمة مش بنتى دى وبحدة
ويلا حضرى نفسك عشان هننزل القاهرة حالا
ياسمين...... بصتله والدموع فى عيونها
وسابها وخرج
ياسمين...... لبست اسدالها ونقابها القديم ولمت هدومها القديمة اللى جات بيها اول مره
ياسمين.. نزلت من اوضتها
شافت ندا واقفة هى وكوكى
نظرة حزن من تحت النقاب
كوكى....... اول ما شافتها جريت عليها
كوكى....... مامى مامى انتى رايحة فين يا مامى
ياسمين....... نزلت لمستوى كوكى وبصوت العياط رايحة اشوف ماما
ندا...... هتوحشيني يا ياسمين
ياسمين لسة بتعيط وانتى كمان
ندا...... اخدت ياسمين بحضنها
فارس....... خرج من اوضة المكتب يلااا
كوكى........ بصوت عالي بتنده على ياسمين
مامى مامى مامى مش تمشى وتسيبى كوكى لوحدها
مامى مامى مامى وعيطت كوكى
ياسمين...... عيطت وخرجت تجرى
ركبت العربية جمب فارس ومشى على طريقهم للقاهرة
______________________________
فى بيت زينة بالصعيد
____________________
الحاج رجب....... يا ام زينة
والدة زينة...... دخلت الاوضه نعم يا حاج عايز حاجه
الحاج رجب....... ايوة فين زينة
والدة زينة....... فى المطبخ بتعملك حاجه حلوة
الحاج رجب........ طيب تعالي اقولك علي حاجه
والدة زينة....... نعم يا حاج عايز تقولي ايه
الحاج رجب....... عايزك تتصلى باخويا محسن وتقوليلوا انى تعبان اوي
والدة زينة...... بسرعه بعد الشر عليك يا حاج
الحاج رجب...... اسمعينى بس اتصلى بيه وخليه يجى هو وابنه ومراته ولو لقتيه مش راضي يجى قوليلو الحاج عايز يكتب وصيته قبل ما يموت
والدة زينة......بعد الشر عنك يا يااخويا
الحاج رجب....... اسمعينى بس ونفذى اللى بقوله وابعتيلى زينة
دخلت زينة.ماما تليفونك بيرن
والدة زينة..... مين
زينة...... مش عارفه مكتوب انتصار
الحاج رجب........ مين انتصار دى يا ام زينة
والدة زينة....... مااعرفش هرد برا وارجع لكم
اقعدى انتى يا زينة مع بابا شوية وسابتهم وخرجت
الحاج رجب........ هااا قوليلى بقي بتعملى حلو ايه يا حلو انت
زينة....... بعملك حاجه كدا اسمها كريم كراميل هيعجبك اوى يا بابا
الحاج رجب..... كل اللى من ايدك هيعجبني يا حبيبتي
زينة....... بتبص لوالدها
انا بحبك اوي يا بابا
الحاج رجب....... وانا كمان يا حبيبة بابا
دخلت والدة زينة....... مرة تانية وهي مبتسمه
عارفه يا زينة مين اللي كان بيتصل
زينة...... مين يا ماما
والدة زينة....... مش هتصدقى
زينة........ ليه يعني
والدة زينة...... دى الحاجة انتصار اللى كانت معانا في القطر واحنا جاين من المستشفى
زينة........ بقلق وهى بتتصل ليه يا ماما
ابتسمت والدة زينة عايزة تيجى تزورنا
زينة........ فهمت طبعا ليه الزيارة
زينة....... عايزة تيجي تزورنا ليه
والدة زينة....... هو لما واحدة تجيب ابنها وتيجي تزور حد يبقى ايه يا عروستنا
زينة....... تانى يا ماما هنعيده تانى
الحاج رجب....... لا يا بنتى مش هنعيده
والدة زينة........ بس الناس جاين النهارده
زينة........ ايه ليه كدا يا ماما
والدة زينة........ مالك يا بنتى فى ايه
زينة...... يا ماما كنتى اعتذرتى وخلاص
والدة زينة...... عيب يا بنتى واحدة عزمت نفسها اقولها لا متجيش عيب عليا
الحاج رجب........ معلش يا زينة يا بنتى امك دى
زينة...... ايه رائيك اشوفلك عروسة حلوة كدا مزة صغيرة كدا تدلعك
ضحك الحاج رجب بصوت مسموع
ضحكت والدة زينة بطلى دلع يا بت انتى
زينة....... شوفت يا بابا الغيرة ظهرت اهى
ضحكوا كلهم
والدة زينة....... المهم مش تكسفينى قدام الناس
زينة...... بصت لوالدها
الحاج رجب....... معلش يا زينة قبلى الناس وخلاص عشان كدا عيب هما فى بتنا
زينة....... حاضر يا بابا
والدة زينة........ روحى بقي هاتى الحاجه الحلوه اللي عملتيها لبابا
ضحكت زينة اسمها كريم كراميل يا ماما وسابتهم وخرجت
الحاج رجب....... عملتى ايه فى موضوع اخويا يا ازهار
والدة زينة......... ايوة عملت كل اللى قولت عليه وزودت شوية دموع من عندى
الحاج رجب....... ايوة عايز اشوفهم بفارغ الصبر
والدة زينة....... هيكونوا عندك بكرا
الحاج رجب........ عايز انتقم لبنتى على اللى عملوه فيها
والدة زينة........ لازم يا حاج لازم
لسة فارس وياسمين فى الطريق
ياسمين..... بتبص على الطريق وبتعيط
فارس....... على فكرة انا حاسيس بدموعك بس مش عارف سببها ايه
لو فى حاجه مزعلاكى منى قولى
ياسمين.......بصتله
وعلى العموم حقك عليا من غير ما اعرف انا مزعلك ليه
فارس........ لاحظ انها لبسة اللبس القديم بتاعها
كلم نفسه يا ترى ناوية على ايه يا ياسمين
قلبى حاسيس ان وراكى حاجه بلبسك القديم دا
_________________________
زيارة انتصار
_________________
والدة زينة....... اهلا وسهلا يا حبيبتي نورتى
انتصار....... منور بأصحابه يا حبيبتي
والدة. زينة اهلا وسهلا يا ابني نورت
وحيد....... اهلا بحضرتك يا طنط
والدة زينة........ اتفضلوا الحاج رجب جاى حالا
عن اذنكم دقيقه واحده
انتصار........ اتفضلى يا حبيبتي
: دخلت والدة زينة اوضة الحاج رجب
هااا يا حاج يلاا الناس جات برا
الحاج رجب....... طيب فين زينة
والدة زينة........ لسه فى اوضتها
الحاج رجب....... مش عايزين نضغط عليها المرة دي ونسبها براحتها
والدة زينة...... دا الجدع زى القمر ربنا يجعله من نصيبها
الحاج رجب......... اللى فى الخير يقدمه ربنا
والدة زينة....... يارب
وخرجت الحاج رجب بالكرسى متحرك لانه لسة مش بيمشى
اول ما خرجت والدة زينة والحاج رجب قام وقف وحيد وانتصار
الحاج رجب....... اهلا وسهلا بيكم نورتوا
انتصار...... دا نورك يا حاج والف سلامه عليك
الحاج رجب....... تسلمى يا حجة اتفضلى
اتفضل يا ولدى
وحيد....... متشكر لحضرتك يا حاج
الحاج رجب....... ايه يا حجة ام زينة فين واجب الضيافة
والدة زينة....... حاضر من عنيا
انتصار........ تسلمي يا حجة مش تتعبى نفسك
والدة زينة....... تعبك راحه دا اقل واجب دا انتم زيارتكم النهارده تستاهل نعملها فرح
انتصار...... ان شاءالله الفرح يجى وربنا يفرح قلوبنا وبصت لوحيد
وحيد........ ابتسامة باهتة لانتصار
الحاج رجب..... اهلا بيكم
وحيد...... اهلا بحضرتك
جات والدة زينة ومعاها عصير وجابت مرة تاتية فاكهة
انتصار.... ايه دا كله يا حجة
والدة زينة....... دى حاجه بسيطة عقبال العشا ما يجهز
انتصار........ لا عشا ايه دا كتير اوى
الحاج رجب....... لا يا حجة انا لو كنت بصحتى كنت عرفت ارحب بيكم
انتصار...... ربنا يديك الصحه والعافيه
اومال فين عروستنا الحلوه
بصت والدة زينة للحاج رجب
انتصار..... تحب تتكلم انت يا وحيد ولا اتكلم انا
وحيد...... ابتسم ابتسامة باهتة
انتصار......... بابتسامه جميله بصراحة كدا يا جماعة عشان مش بحب اللف والدوران انا جايا اطلب ايد الانسة زينة لابنى ونور عيني وحيد
والدة زينة....... ابتسمت لانتصار
الحاج رجب........ بيبص لوحيد
وحيد......... متوتر احممم يكون ليا الشرف لو وافقتوا عليا
انتصار....... ان شاءالله احنا بس ناخد موافقة العروسة ويجيوا الرجالة
يطلبوها رسمى ونتفق على كل التفاصيل
والدة زينة........ بتبص للحاج رجب
الحاج رجب...... بعدين الكلام دا يا حجة نشوف الاول رائ زينة
قومى يا حجة اندهى على زينة تسلم على الضيوف
والدة زينة....... حاضر يا حاج وطلعت تنده لزينة
طلعت والدة زينة لاوضه زينة اول ما دخلت شافت زينة بسم الله ماشاء الله ايه القمر اللي انا شايفاه دا
زينة...... بتوتر ايه يا ماما الكلام دا
والدة زينة...... ايه يا بنتى خايفه عليكى عيونى تحسدك ماشاء الله ولا حول ولا قوة الا بالله العلي العظيم
زينة...... ربنا يخليكي ليا وميحرمنيش منك يا ماما
والدة زينة..... طيب يلا الناس بتسأل عليكى تحت
زينة...... بتوتر ماما انا قلقانة اوى
والدة زينة...... لا مافيش قلق خلاص ابوكى وانا مش هنعمل غير اللى انتى عايزاه وبس يا حبيبتي يلا بقي الناس قاعدين بقالهم كتير
زينة........ اتنفست بصوت مسموع حاضر ونزلوا هما الاتنين على تحت
اول ما دخلت زينة عليهم لمعت عيون الحاج رجب
انتصار........ ما شاء الله زى القمر واخدتها فى حضنها
اما وحيد فضل واقف يبص لزينة لان شكلها كان مختلف عن لما شافها فى القطر اول مرة
انتصار......... مالك واقف متنح كدا ليه اقعد
قعد وحيد ولسة بيبص لزينة وزينة بتبص فى الارض
الكل ساكت
انتصار........ قولت ايه يا حاج ابعت الجماعة امتى عشان نتفق على كل حاجه
زينة....... بصت لوالدها
الحاج رجب....... بابتسامه جميله لزينة ورجع بص لانتصار معلش يا حجة نسيبهم يفكروا الاول وبعدين كل حاجه بعد كدا سهلة
انتصار........ احنا موافقين وبصمين بالعشرة 🤚✋على كل طلباتكم
نعرف بقي رائ عروستنا
زينة....... بصت لوالدها ووالدتها وبصت فى الارض
والدة زينة........ هو احنا هنلاقى احسن منكم وابتسمت للحاج رجب
انتصار....... خلاص يبقى كدا اتفقنا
الحاج رجب....... استنوا بس يا جماعه ندى زينة وقتها عشان تفكر وابتسم لزينة
زينة اطمنت من كلام والدها
والدة زينة....... قومى يا زينة هاتى البتاع اللي انتى عملتيه النهارده
زينة....... هزت راسها ودخلت المطبخ
الحاج رجب...... ايه يا ولدى ساكت ليه
وحيد...... بص للحاج رجب
انتصار....... شكله مكسوف يا حاج بس عارف من يوم ما شاف زينة وهو معجب بادبها وكل شويه يقولى نروح نزورهم
وحيد...... بص لانتصار
الحاج رجب...... ابتسامة باهتة ااه ما هو واضح
انتصار...... معلش هو بكرا لما ياخد عليكم مش هتعرف تسكته
دخلت زينة ومعاها الصنية عليها اطباق كريم كراميل
والدة زينة...... قدمى يا زينة
زينة....... بتقدم لوحيد اتفضل
وحيد....... اخد الطبق شكرا
وقدمت لانتصار
انتصار......... تسلم ايدك يا حبيبتي
ورجعت زينة قعدت جمب والدتها
انتصار....... نقوم احنا بقي
والدة زينة....... لسة بدرى لما نتعشى سوا
انتصار....... ان شاءالله مرة تانية والجايات اكتر من الريحات
والدة زينة....... ان شاءالله
انتصار....... ان شاءالله اتصل بيكى زى النهارده عشان نعرف رائ عروستنا وربنا يجعلها من نصيب ابنى
الحاج رجب....... ربنا يقدم اللي فيه الخير
انتصار........ ان شاءالله
وخلصت الزيارة
انتصار ووحيد فى عربية وحيد فى طريقهم لبيتهم
انتصار........ ايه يا وحيد انت قعدت ساكت كدا ليه
دا بردوا اللى قولتلك تعمله
وحيد...... يا ماما ما انتى شوفتى الراجل عامل ازاى
بيقفل كل موضوع بتفتحيه
انتصار....... ايه يا ابنى هو مقالش حاجة غلط هو عايز البنت تفكر بس قولى المهم انت ايه رائيك
وحيد........ يعني مش بطالة
انتصار....... مش بطالة دى البنت قمر
ابتسم وحيد وكمل سواقة وهو بيفكر في زينة
____________________________
بعد مشوار طويل
وصل فارس وياسمين لبيت اهل ياسمين
وقفت ياسمين تبص على بلكونة شقتهم من الشارع
فارس...... هنفضل واقفين كدا ولا هنطلع
ياسمين...... احمم اتفضل
وطلعوا لحد الشقة
خبطت ياسمين.. لكن محدش رد
فارس........ وهو مش راضي عن اللى بيحصل
شكلهم مش جوااا المفروض كنا اتصلنا قبل ما نيجى او حتى واحنا في الطريق
زينة........ بصت على جمب باب الشقة من فوق وبالتحديد على عداد الكهربااا اللى برا الشقة وفجأة شبت على صوايع رجليها ومدت ايديها جوا العداد
فارس....... استغرب منها بتعملى ايه ووقعت شوية تراب على فارس
وهى لسة بتحاول تجيب مفتاح الشقة الاحتياطى اللى كان دايما والدها ووالدتها يحطوا فى علبة عداد الكهرباا لاى طوارئ
ياسمين...... كانت هتقع لولا لحقها فارس ومسكها
فارس...... فهمينى بتعملى ايه
ياسمين....... اتنفست بصوت مسموع
ممكن تجيب المفتاح اللى هنا
فارس...... بصلها وهو مستغرب كلامها
فارس...... مفتاح ايه
ياسمين....... فى مفتاح هنا وشاورت على عداد الكهربااا
فارس....... يا سلام وانتى مين قالك ان فى مفتاح هنا
ياسمين....... بسخرية اصل دا بيتى وانا اعرف كل حاجه فيه وكل حاجه عن اللى عايشين فيه
فارس...... قرب منها بيتك
ياسمين...... بقلق وتوتر ايوة هات المفتاح لو سمحت
فارس مد ايده وفعلا لقى المفتاح
فتحت ياسمين الباب ودخلوا
ياسمين...... يااااه اخيرا
وندهت بصوت عالي ماما ماما بابا بابا
فارس...... تفتكرى يكونوا راحوا فين فى الوقت دا الساعة داخلة على واحدة نص الليل
ياسمين........ مااعرفش
فارس....... قرب منها مش كنتى بتقولى من شوية ان دا بيتك وتعرفى كل حاجه فيه وكل حاجه عن اصحابه
ياسمين......... بتوتر لو سمحت ابعد شوية
فارس..... بيقرب منها اكتر ولو مبعدتش هتعملى ايه
ياسمين........ للاسف مش هعمل حاجه
فارس......... ايوه كدا اقبلى بالامر الواقع
وحاول يطبع قبلة لكن فجأة بعدت عنه ياسمين
لا باش مهندس فارس مش هقبل بالامر الواقع من هنا ورايح انسى دا خالص
فارس....... يعنى ايه مش فاهم
ياسمين...... يعني زى ما سمعت كدا
قرب فارس منها ومسك ايديها الاتنين فهمينى بقي مش هترضي بالامر الواقع ازاى وكان لسة هيحاووول يطبع قبلة
لكن سمعوا صوت من على باب الشقة
عدلت ياسمين نفسها وفارس قعد على كرسي طرابيزة السفرة
فتح والد ياسمين
وكانت مفجأة
والدة ياسمين........ اول ما شافتهم صرخت ايه دا مين ياسمين وجريت عليها وحضنتها
حتى والد ياسمين مش مصدق انه شايف ياسمين
ياسمين........ بتعيط بهستريا وحشتيني اوي يا ماما وحشتيني يا بابا وحشتونى اوى اوى
والدة ياسمين..... ايه المفجأة الحلوة دى مقولتيش ليه انك جايا كنا استنيت فى البيت ومش خرجت
ياسمين....... حبيت اعملها مفجأة
والد ياسمين........ احلا مفجأة
كل دا ومحدش حس بوجود فارس
والد ياسمين........ اهلا يا ابنى معلش المفجأة خلتتى نسيت الدنيا كلها
فارس....... بإبتسامة باهتة ولا يهمك
والدة ياسمين....... انت متعرفش ياسمين كانت وحشانا قد ايه
نورتنا يا ابنى اهلا وسهلا بيك
فارس...... هز راسه وسكت
والدة ياسمين....... مالك يا ياسمين انتى وشك اصفر كدا ليه انتى عيانة ولا ايه
ياسمين..... بدموع لا يا ماما انا بقيت كويسه لما شوفتك
والدة ياسمين........ لا انتى وشك اصفر كدا اوعى تكونى وبصت على بطنها
ياسمين........ ردت بسرعه لا لا يا ماما دا دور برد بس
والدة ياسمين....... برد يعمل فيكي كدا هو انتى مش كنتى بتاكلى ولا ايه
والد ياسمين...... فى ايه يا ام جمال ما هى زى الفل اهى انتى بس عشان بقالك كتير مش شوفتيها
قومى يلا حضرى العشا
والدة ياسمين....... بقلق على بنتها حاضر يا ابو جمال
وانتى يا ياسمين قومى غيرى هدومك انتى وجوزك
افتكرت بسرعه ياسمين ان الموقف بيتكرر تانى لما باتت اول مره فى بيت اهلها بصت لفارس ابتسم لها وغمزلها عشان هو كمان افتكر
ياسمين...... حاضر يا بابا اتفضل غير هدومك
قام فارس وهمس فى ودانها طيب فين ترنج جمال اخوكى ولا هغير ومش هلبس
ياسمين...... ايوة لحظه جابت ترنج جمال ودخلت وراه
فى المطبخ
والد ياسمين....... حاسيس ان زيارة بنتك على غفلة كدا وراها حاجه
والدة ياسمين...... قلبي بيقولى كدا بردوا
والد ياسمين...... طيب سيبها براحتها لما تقول
والدة ياسمين....... انت مش شايف شكلها البت كانها بقالها سنة ما كلتيش
والد ياسمين......... طيب حضرى الاكل وبعدين اندهى عليهم ومش تحسيسها بحاجه
والدة ياسمين...... ربنا يستر
فى اوضه ياسمين
فارس......بخبث الموقف دا مش بيفكرك بحاجه
ياسمين........ بتوتر لا
فارس....... اصلى افتكرت موقف شبه كدا حصل من فترة وقرب منها
ياسمين......بتوترلو سمحت بابا برا
فارس...... ما عارف ان بابا برا
وقرب منها اكتر واكتر
وفجأة!!!!!!!!!!!!!!!!!!!
🤗🤗🤗🤗🤗🤗🤗🤗🤗🤗🤗🤗🤗🤗
