الفصل ال 58
&&&&&&&&&&&&&&&&
طلع فارس وراها لقاها قاعدة على السرير مقموصة
فارس.......انتى اللى كمان زعلانة
ياسمين ......لا انا مش زعلانة انا مقموصة
فارس.......طيب متزعليش يا مقموصة
ياسمين........عايزنى ما ازعلش بجد
فارس.......قرب منها اؤمرينى وانا انفذ
ياسمين...... بمكر قربت منه انا عايزه اشوف ماما وبابا
فارس........استغرب منها ايه
ياسمين.......ايه فيها ايه
فارس........مفيهاش حاجه بس ازاى
ياسمين.......نسافرهم كام يوم
فارس........ اولا انا معنديش مانع
ياسمين.......بفرح بجد
فارس...... أيوة بس
ياسمين.....بس ايه
فارس.......انتى مش ينفغ تسافرى الطريق دا كله
وانتى لسة في الشهور الاولى
تانى حاجة صدقينى انا عندى مشاكل مش مخلينى شايف تحت رجلى ومش عارف هتتحل ازاى
سكتت ياسمين بحزن
فارس........ وحياتك تشدى حيلك بس انتى وتعدى المرحلة دى اكون انا خلصت وحليت المشاكل اللي عندى
زعلانة منى صح
ياسمين......بحزن لا معاك حق خلاص
فارس......متزعليش ان شاء الله ربنا يدبرها من عنده
ياسمين......ان شاء الله
انا هنزل احضرك الاكل
فارس.......بقولك ايه ما تفضلى مقموصة شوية وانا اعمل نفسى لسة لصالحك
ياسمين......لا غير هدومك وانزل ورايا
فارس...... حاضر يا حبيبتي على فكره
رجعت ياسمين قبل ما تخرج خير
فارس.........انا كلها يومين وهقدم لكوكى في المدرسة
ياسمين.......بفرح جريت على فارس واتعلقت في رقبته بجد يا فارس
فارس....... أيوة بجد
ياسمين.......ياااه اخيرا انت عذبتنى
فارس.......طيب ما تيجى نعذب بعض شوية
ياسمين.......ضربته على صدره لا وبطل حركاتك دى خلص وانزل ورايا وسابته ونزلت
_______________________
في الصعيد
زينة قاعدة مع والدها
الحاج رجب.......مالك يا زينة يا بنتى
زينة...... ابدا يا بابا مافيش حاجة
الحاج رجب.........على ابوكى بردوا
زينة....... بجد يا بابا مافيش حاجه اقوم اعملك شاى
جات والدتها من وراهم لأ خليها قاعدة انا عملتلكم الشاى اهو
الحاج رجب.........القاعدة دى كانت ناقصة الدكتور أحمد
زينة..........بصت لوالدها بتوتر
والدة زينة........ الصراحة الجدع شايف شغله ما شاء الله والناس كلها في البلد بتحبه دا حتى الناس اللى فى البلاد اللى جمبنا بقوا يجو يكشفوا عنده
الحاج رجب........على فكره وبص لزينة احمد عايز يتجوز
انصدمت زينة وظهر عليها التوتر والحزن
والدة زينة......يا بختها اللى هتكون من نصيبه
بس يا ترى هو عايز حد معين
الحاج رجب. .....انا سألته
وهو قالى انه هياخدنى معاه اخطبهاله بس لما يقف على رجله
والدة زينة....... الصراحة هو يستاهل كل خير
زينة........ عن اذنكم
الحاج رجب........رايحة فين يا بنتى
زينة .........ومانعة دموعها بالعافية طالعة فوق يا بابا عن اذنك
وطلعت تجرى على اوضتها وقفلت على نفسها ورمىت نفسها على السرير تعيط
الحاج رجب.......لاحظتى اللى حصل يا ازهار
والدة زينة...... ايه اللى حصل
الحاج رجب.......زينة اديقت لما عرفت ان احمد عايز يتجوز
والدة زينة........ طيب وهى تدايق ليه ايه استنى اوعى يكون قصدك
الحاج رجب......... أيوة قصدى كدا
والدة زينة..........بس ازاى وهو عايز يتجوز واحدة تانية غيرها
يا عيني عليكي يا بنتى على كسرة قلبك
الحاج رجب ...... بعد الشر من كسرة قلب بنتى
والدة زينة.......انا هطلع اطمن عليها الوقت تلقيها بتعيط
الحاج رجب........لا سبيها ومش تفتحى الموضوع معاها ولا مع احمد واللى عايزة ربنا هيكون
والدة زينة....... ونعم بالله
&&&&&&&&&&&&&&&&&&&&&&
في شقة جلال
علياء......مالك يا جلال
جلال........ ماليش يا حبيبتي
علياء.......لا في حاجة انت زعلان من حاجه
جلال.......لا بس مشاكل الشغل انتى عارفه مش بتخلص
علياء...... ربنا يوفقكم
جلال.........يارب
علياء .........بقولك ايه ما تيجي بكرا نخرج شوية
جلال........نروح فين
علياء.......نروح نزور فارس حتى اى مكان انا زهقانا من قاعدة البيت
جلال.......اللى فى الخير يعمله ربنا
&&&&&&&&&&&&&&&&&&&&&&
بتمر الايام بسرعة على فارس وهو مش عارف كريم هيكمل شغل الديكور الباقى ولا لا
في مكتب فارس زهران
فارس.......... سناء ابعتيلى صلاح
سناء........ حاضر
الحق يا صلاح الباش مهندس فارس عايزك
اكيد قلقان من كريم مش عارفه انت ليه اتسرعت وعملت اللى عملته
صلاح ........انا املى في ربنا كبير وكريم كمان شاطر وهيعرف يلم الليلة
سناء........ربنا يستر قوم أدخل بقى
في مكتب فارس
صلاح...........تحت امرك يا باش مهندس
فارس.........بيبص لصلاح
صلاح.........متقلقش يا باش مهندس ان شاء الله كريم هيقدر يخلص الشغل قبل ميعاد التسليم
فارس....... يعني انت عارف انا عايزك ليه
صلاح........ أيوة وعارف كمان ان حضرتك مش مصدق ان كريم ممكن يخلص الشغل بس بجد كريم شاطر هو والناس اللي معاه وان شاء الله هيخلص
طيب عارف حضرتك الناس مسمياه ايه ايه
مطلعين عليه اسم العفريت عشان اى مكان يدخله بيخله تحفة فنية ومع ذلك مالوش حظ وكل فين وفين لما يجيله شغل
فارس......اتنفس بصوت مسموع
صلاح........عارف حضرتك كان مكان شركتيهم فين
فارس........بيسمع وهو ساكت
صلاح..... كان في بدروم عمارة
واهو زى ما سمعت الوقت قاعدين في السطوح يعنى عايزين يشتغلوا ومش ساكتين بيحاولوا على قد الصعبات اللى بتقابلهم
فارس........بس هو ليه مانع اى حد يروح يشوف الشغل
صلاح.......انا سألته وقالى أنهم ليل ونهار شغالين ومش عايزين حد يعطلهم وقال ان هتكون مفاجأة كبيرة للكل
فارس....... ربنا يستر
صلاح.......ان شاء الله عن اذنك
وسابه وخرج
وهو قاعد لوحده فجاة رن تليفون فارس وكانت ندا بس اتصلت من تليفون ياسمين
فارس...... وحشتيني اوي
ندا......بلهفة الحقنى يا فارس
فارس......بفزعة ندا في ايه يا ندا
ندا.......... ياسمين تعبانة خالص الحقنا بسرعه
فارس....... أنا جاى حالا
وخرج وركب عربيته وبقى سايق زى المجنون لحد ما وصل
&&&&&&&&&&&&&&&&&&&&&&&&&&
في الصعيد
زينة قاعدة في جنينة البيت لوحدها سرحانة
فجأة ظهر احمد قدامها
زينة ......قامت بسرعه وكانت هتدخل
احمد.......ممكن اتكلم معاكى شوية
زينة........اتوترت خير كلام ايه
احمد......انتى بقالك كام يوم متغيرة ليه من ناحيتى
زينة....... بتوتر متغيرة ازاى يعنى
احمد....... يعني مش بتكلمينى واى مكان بكون فيه بتسبيه وتمشى زى الوقت كدا ما كنتى هتمشى اول ما شوفتينى
زينة.........بتبص في الارض وساكتة
احمد.......ارجوكى اتكلمى هو انا زعلتك في حاجة
زينة........ بصت لاحمد وبعدين بصت في الارض
احمد....... بجد لو مزعلك قوليلى
زينة......هزت راسها لا
احمد......طيب في ايه حصل
زينة........بكل توتر وقلق وحزن على فكره نسيت اقولك مبروك
احمد.........باستغراب مبروك على ايه
زينة........بابا قلنا انك بتفكر تتجوز وطلبت منه يروح معاك يطلبهالك
ابتسم احمد.......هو دا اللي مزعلك منى
زينة......... لأ
أحمد.......اومال ايه
زينة..........مافيش حاجه
احمد.......قرب منها وحاول يمسك ايديها بس هى بعدت عنه
احمد...... تفتكرى لو اتقدمت لاى واحدة في ظروفى دى تقبل تتجوزنى
زينة........بحزن انت اى واحدة تتشرف بجوازك منها
واكيد اى دكتورة هتوافق عليك
احمد.......باسنغراب دكتورة
زينة........ايوة ما احنا عارفين الدكتور بيتجوز دكتورة
ضحك 😂 احمد لا دا كان زمان
الوقت الدكتور ممكن يتجوز اى واحدة حتى لو مش دكتورة
زينة..........قصدك ايه
احمد....... يعني قصدى انى اللى عايز اتجوزها مش دكتورة
زينة........بصتله اومال ايه وفجأة المطر ⛈️مطرت عليهم
زينة........ رفعت وشها للسما الله مطرة⛈️
احمد......يلا ندخل جوا احسن تاخدى برد
زينة........ بتلف حوالين نفسها وبدأت تتبل من المطرة والطينة بهدلت هدومها
احمد......... يلا يا زينة المطرة⛈⛈ هتشد وبعدين تتعبى وشايفة نفسك الطينة بهدلتك ازاى وبهدلت هدومك
انتبهت زينة لكلام احمد
وفجأة زينة بعدت عن احمد فعلا معاك حق الطينة بهدلتنى وبقت لزقة فيا وعيطت
وكانت هتدخل لكن اتزحلقت في الطينة ووقعت في الارض واتبهدلت اكتر
احمد.......بيحاول يقومها ويمسح الطينة من على وشها
لكن هى بعدت عنه لا كفاية انا اتبهدلت بالطينة خليك انت نضيف وبعيد عنى
احمد.....بتقولى ايه مش فاهم حاجه
زينة....... بدموع خليك بعيد عنى احسن طول ما انت بعيد عنى هتكون كويس
وسابته ودخلت تجرى على البيت
واحمد واقف تحت المطر ⛈⛈لوحده
&&&&&&&&&،،،،،،،،،،،،،،،،،،،،،،،،،،،
وصل فارس اخيرا الفيلا
ودخل يجرى على اوضة ياسمين
لقى ياسمين مغمى عليها وجمبها ندا وكوكى
فارس..........هو ايه اللي حصل في ايه
ندا..........معدتها وجعتها وقامت ترجع فجأة صرخت ووقعت على الارض زى ما انت شايف
فارس.......قرب من ياسمين وحاول يفوقها لكن مافيش فايدة خدها في حضنه وهو مش عارف يعمل ايه
ندا انت لسة هتقعد قوم شلها وديها اى مستشفى بسرعه
فارس....... أيوة صح لبسيها الاسدال والنقاب
لبستها ندا وشالها فارس وركبها العربية
ندا اجى معاك
فارس.......لا خليكى عشان كوكى
ندا........طيب ابقى طمنى عليها
فارس....... طيب ادخلى واقغلى الباب عليكم كويس
ندا دخلت وفارس ساق باقصى سرعه
&&&&&&&&&&&&&&&&&&&&&&&
فى الصعيد
زينة........غيرت لبسها المبلول وقعدت تحت البطانية
دخلت عليها والدتها
والدة زينة........ ايه يا زينة انتى صغيرة على لعب المطرة والطينة دى وضحكت
زينة........معلش يا ماما مرة وعدت
والدة زينة........مالك يا زينة فيكى ايه
زينة.........مافيش حاجه يا ماما
والدة زينة.........لا في انتى متغيرة بقالك كام يوم
زينة..........لا يا ماما مافيش حاجه مش تقلقى عليا
انا كويسة طول ما انتى جمبى ومعايا وحضنت والدتها
والدتها ضمتها لحضنها اوى ربنا يباركلى فيكى يا بنتى
،،،،،،،،،،،،،،,,,,,,,,,,,,,,,,
فى فيلا فارس زهران
رن جرس الباب
جريت ندا على الباب بتحسب فارس رجع
فتحت ندا الباب وكان الحارس اللى على الباب
ندا.......فى ايه انت جاى هنا ليه
الحارس........ حضرتك جه الجواب دا
ندا...........جواب لمين ومين ادهولك
الحارس......... واحد ومشى وقال اسلمه للهانم
ندا......... اخدت الورق وقفلت الباب
ندا بتكلم نفسها يا ترى الجواب دا لمين
يمكن لياسمين تانى من صاحبتها يمكن
انا هتصل اطمن عليهم
اتصلت ندا بفارس لكن مافيش رد
ندا......وبعدين في القلق دا بقى
وبصت للجواب اللى قدامها
ندا........بتبص كوكى شايفاها ولا لا
ولما اتاكدت انها لوحدها مسكت الجواب وطلعت اوضتها
ندا.........يا ترى صاحبتك مين اللي بتبعتلك جوابات وليه الجواب كبير كدا وكأنه فيه حاجه
ولسة بتكلم نفسها
هو عيب انى افتح حاجه مش بتاعتى
بس دا جواب عادى
يعنى افتحه الصراحة فضولى هيجننى
هفتحه بالراحة وارجع اقفله تانى ومحدش هيعرف يعنى انى فتحته
ايوة انا افتحه بالراحة
&&&&&&&&&&&&&&&&&&&&&&
فى المستشفى بعد ما اخدوا ياسمين على اوضة الكشف بعد وقت مش قليل
خرجت الدكتورة بعد ما صمم فارس ان دكتورة هى اللى تكشف عليها
اول ما فارس شافها جرى عليها مراتى مالها يا دكتوره
الدكتورة اهدا بس يا استاذ مالك قلقان ليه كدا
فارس........مراتى مغمى عليها من بدرى
الدكتورة الحمد لله المدام فاقت خلاص
فارس....... الحمد لله بس هى حامل
الدكتورة ابتسمت ااه ما انا عرفت انها حامل عارف وحامل كمان في ٣شهور
فارس........ المهم هى كويسة
الدكتورة ايوة وتقدر تدخلها وانا كتبتلها العلاج بس اهم حاجه الحركة الزيادة بلاش منها لان غلط عليها
فارس......مش فاهم يعنى الجنين في خطر
الدكتورة لحد الوقت لا بس مش عايزين نوصل للمرحلة دى اهم حاجه الراحة في السرير كام شهر كدا ولو تعبت في اى وقت تقدر تكلمنى وتجيبها على طول
فارس.......بقلق حاضر حاضر
الدكتورة وعلى فكره
فارس......نعم
الدكتورة........الراحة من اى مجهود واقل مجهود وهمست لفارس
فارس........باحراج
احمممم حاضر يا دكتورة اهم حاجه هى
الدكتورة كدا تمام اتفضل العلاج
________________________
في فيلا فارس زهران
وبالتحديد في اوضة ندا
والفضول خلى ندا تقرر تشوف الجواب فيه ايه
وكانت الصدمة الكبرى اول ما الجواب من مين
&&&&&&&&&&&&&&&&&&&&&&&&
