اجمل صباح لحبايب قلبى الحلوين
اللى قاعدين في قلبى مربعين 😘
اهو حاولت الم فصل النهاردة بسرعه
عشان خاطركم بحبكم كلكم في الله
😍😍😍😍😍😍😍😍😍😍😍
الفصل ال 52
،،،،،،،،،،،،،،،،،،،،،،،،،،،،،،،،،،،،،،،
حضرت زينة الاكل هى ووالدتها
زينة.............انا طالعة يا ماما اوضتى
والدة زينة.........ليه مش هتاكلى
زينة........لا ماليش نفس
وطلعت فوق بسرعة
والدة زينة..........اتفضل يا حاج الاكل جاهز
الحاج رجب........اتفضل يا أحمد يا ولدى
احمد........دور عمه بااكرسى المتحرك لاوضة السفرة
الحاج رجب......يلا يا ولدى مد يدك بالهنا والشفا
احمد.........حاضر يا عمى
الحاج رجب......اومال فين زينة يا حجة
والدة زينة.......طلعت فوق
الحاج رجب.........هى مش هتاكل ولا اية
والدة زينة.........بتقول مالهاش نفس
الحاج رجب........ايه الكلام الماسخ دا اطلعى قوليلها تنزل على طول
والدة زينة.......حاضر يا حاج
وطلعت وفعلا نزلت زينة معاها
الحاج رجب......مالك يا زينة مش عايزة تاكلى ليه
زينة........ابدا يا بابا ماليش نفس بس
الحاج رجب.........لا لازم تاكلى معانا يا اما محدش هياكل وانا كمان مش هاخد العلاج
زينة.........حاضر يا بابا
الحاج رجب........تسلميلى يا بنتى
وقعدوا ياكلوا متجنبة احمد ونظراته ليها
-----------------------------------
دخل فارس وجمال الفيلا
وقفوا لما سمعوا صوت ندا وياسمين في المطبخ
ندا.........حرام عليكى كفاية كدا
ياسمين........يعني هو بمزاجى هو انا بقصد اعمل كدا
ندا.........خلاص اما معدتك مقلوبه بالطريقة دى كان بلاش الاكلة اللى تعبت اعصابنا كدا
ياسمين........لا خلاص انا هديت اهو ومش هيحصل تانى
ندا.........متأكدة المرة دي اصل عشر مرات تقولى كدا وبردوا هووووب وسباق الجرى للحمام
ضحكت ياسمين ههههههه انا بعمل سباق يا ندا ماشى الوقت لما بس تدويقى الكشرى بتاعى هتحلفى بحياتى
وخرجت ياسمين وندا من المطبخ
ندا.........كانت ياسمين عملتلها شعرها ضفيرتين
وكوكى خرجت معاهم من المطبخ
كوكى........مامى عايزة اكل كشرى
اتفجئوا بوجود فارس وجمال قاعدين في رسبشن الفيلا
ياسمين.........اتفزعت اول ما شافتهم وصرخت هاااا
ايه دا انتم هنا ازاى ومن امتى
ندا..........بإحراج
: ايه دا فارس انت جيت
كوكى جريت على فارس بابى انا عملت اكل مع مامى وطنط ندا
فارس.........مش مهتم باى حد ومركز مع ياسمين اللى عاملة شعرها على هيئة كورتين ورابطاهم بتوكة من بتاعت كوكى
ياسمين.........احمممم قربت من جمال سلمت عليه
ياسمين........اذيك يا جمال عامل اية وبهمس انت ايه اللى جابك مع فارس
وإيه اللى جاب فارس اصلا
جمال........ابتسم اذيك يا ياسمينة عاملة ايه
ردت كوكى بسرعة عاملة كشرى
ابتسم جمال لكوكى اذيك يا كوكى عاملة ايه يا حبيبتي
وسلم على ندا اذيك يا انسة ندا عاملة ايه
ندا.......الحمد لله اذيك انت يا باش مهندس
ياسمين............قربت من فارس........انت ايه جابك الوقت مش كنت قايل انك هتتاخر عشان عندك شغل
فارس..........بكل هدوء اتفضلى يا مدام حضرى الاكل
ياسمين.....هو في ايه مالك
فارس........بحدة بقولك حضرى الأكل سمعتى
ياسمين........خافت منه حاضر
فارس.......تعالى يا جمال نقعد جوا عقبال ما الاكل يجهز
______________________
: في الصعيد
---------------------------
قاعدين ياكلوا وهما ساكتين
الحاج رجب.......ايه مالكم قاعدين ساكتين كدا ليه
والدة زينة.......للدرجة الاكل حلو مش قادرين يتكلموا
ضحك الحاج رجب
احمد ........ تسلم ايدك يا مرات عمى
والدة زينة....... بالهنا والشفا يا ولدى
الحاج رجب..........شوفتى يا زينة مش الدكتور أحمد عايز يسافر ويسيب البلد
زينة.........بصت لاحمد وهى ساكتة
الحاج رجب ........مقولتيش رائيك يا بنتى في الموضوع دا
زينة.........وانا رائى هيفيد بايه هو ادرا بمصلحته
الحاج رجب...... يعني انتى شايفة كدا
زينة.......انا لو كان في ايدى شهادة أقدر افيد بيها اهل بلدى عمرى ما كنت اسيب بلدى ابدا مهما كانت قابلتنى صعوبات فيها بصت لاحمد ممكن نهرب ونبعد شوية عنها لكن مسيرنا نرجع لها تانى
احمد.......وجه كلامه لزينة بس انا هقعد اعمل ايه هنا بعد كل اللى حصل
زينة..... يعني تعمل ايه انت دكتور ولو استغلت مهنتك دى في مساعدة المحتاجين كشف ومش قادرين مش هقولك ببلاش لكن ممكن بتمن قليل هيكون افضل ما تسافر وتشتغل بيها في بلد غير بلدك علشان اللى مالوش خير في بلده عمره ما هيكون ليه خير في حد ابدا
ابتسم الحاج رجب عشان دا اللى كان عايزه يعرف اسلوبهم في الكلام شكله ايه
الحاج رجب........كلامك حلو يا زينة
احمد......ايوة الكلام حلو لكن التنفيذ صعب انتم عارفين يعني ايه يكون عندى عيادة خاصة
دى لازمها حاجات كتير اوى
زينة.......انت عارف لو عملت عشة وكشفت فيها على الناس احسن من اى عيادة ومستشفى
كل دا والحاج رجب ووالدة زينة بيسمعوا الحوار بين زينة وأحمد
الحاج رجب........قومى اعملنا كوبيتين شاى على مزاجك يا حجة
والدة زينة........من عينى وكمان هجبلكم من كنافة البت زينة عملتها وطالعة حلوة اوى
الحاج رجب......
قاعدين على السفرة كلهم خلصوا اكل وهى لسة بتاكل
فارس......بيبص لها وبمكر على فكرة دا تالت طبق تاكليه وكل دى شطة ودقة
انتى من امتى بتحبى الشطة كدا
ياسمين...... وهى بتاكل ايه انت بتحسب عليا الاكل وايه يعنى نفسى راحت للشطة فيها ايه
جمال.......بهمس لياسمين ايه الاسلوب دا عيب كدا
ياسمين وهى بتاكل اخر اكل في الطبق مش هاكل خلاص سدتوا نفسى وسابت المعلقة
: ندا....... في ايه يا جماعة سيبوها تاكل براحتها دى بقالها فترة اكلها مش حلو خالص
فارس.........وانتى بقى المحامية بتاعتها
زعلت ندا من كلام فارس
ياسمين........اخدت بالها
ياسمين.......ايوة هى المحامية بتاعتى وهخليها ترفع دعوة عليك وكمان تدفعلنا غرامة
قرب فارس من ندا بعد ما اخد باله انها زعلت وانا موافق اللى تؤمر بيه سيادة المحامية
ياسمين...... ضحكت يلا دى فرصة مش بتيجى كتير استغليها واطلبى حاجه كبيرة
ندا.......عايزة ايه وانا اطلبلك
ياسمين.......امممم اطلبى انه يفسحنا برا
وقبل ما ندا تتكلم
ياسمين.........استنى اطلبى منه يدخل كوكى المدرسة
فارس.......بصلها بغيظ
ضحكتله ياسمين وغمزتله😉
: ندا.........اهى طلبت ناوى تنفذ ولا تكسفنى معاهم
فارس......بيبص لياسمين اتفقتوا عليا يعني
ياسمين وندا في وقت واحد ايووووة
وضحكوا
فارس...........وانا موافق
ياسمين...... .بصوت عالى هيييه اخيرا
ياااااه دا انت كنت مجننى
: فارس......هاااا ناوين تخرجوا ولا هترجعوا في كلامكم
ياسمين......لا هنخرج دقيقه وهنلبس يلا بسرعه نطلع نلبس يا ندا قبل ما يرجع في كلامه واخدت كوكى وطلعوا يلبسوا
فارس.......احكيلى بقى كنت عايزنى في ايه
جمال.........انا عرفت ان بسطاوى ناوى يرشى العمال اللى عندنا عشان يسيبوا الشغل ونتاخر في ميعاد التسليم
فارس........بغضب ايه وانت عرفت من مين
جمال..........انا كنت براقبه وعرفت ان في عامل عندنا هيدفع مقدم شقة وواحد تانى هيجيب موتوسيكل وكل العمال بتتكلم
بحثت وعرفت أن دا هيحصل
: فارس..........ياولاد ال؟؟؟؟
جمال......لازم ناخد بالنا اكتر من كدا
فارس.......انا لازم اقتل اللى اسمه بسطاوى دا هو واللى مشغله الكلب ماجد عباس
جمال.......لا لا يا باش مهندس اهدا شوية لازم نفكر بهدوء
وعلى فكره في حد اكيد بينقله اللى بيحصل في الشركة
فارس......سىرح شوية وفجأة مافيش غير الحية اكيد هي اللى بتنقل كل الاخبار للكلاب اعدائى
جمال......قصدك على مين
فارس.......هااا لا مش تشغل بالك انت انا هتصرف في الموضوع دا
نزلت ياسمين وندا وكوكى
لاحظت ياسمين شكل فارس المتغير
ياسمين....... هو في ايه انتم كنتم بتتخانقوا ولا ايه
جمال .......لا مافيش حاجه احنا هنتخانق ليه بس
قربت من فارس مالك في ايه
فارس.......فتح درج المكتب وطلع علبه سجاير وولع سيجارة
فجأة ياسمين ايه دا سجاير يا فارس اووووف ريحتها وحشة اوى وبدأت تكح اطفيها يا فارس اتخنقت من ريحتها
جرى عليها جمال مالك يا ياسمين
وندا....... جريت هى كمان جابت كوباية ماية
فارس......بسرعة طفى السيجارة ومسك ياسمين معلش حقك عليا كنت متعصب شوية جمال بيحاول يهوى على وشها بورق كان على المكتب
ندا........جابت الماية وشربت ياسمين
فارس.........بيمسح عرق على وش ياسمين انا اسف مش قصدى
ياسمين.........بدأت تهدا انا الحمد لله بقيت كويسة ايه مالكم في ايه اتخضيتوا عليا كدا ليه
انا زى القردة اهو ولسة بتقوم مرة واحدة حست بدوخة
ياسمين........اااه راسى
فارس.......اقعدى الوقت لحد ما تبقى كويسة
ياسمين.......صدقونى مافيش حاجه يمكن راسى لفت بس من الكحة
يلا عشان نخرج
ندا........لا نخرج ايه وانتى بالشكل دا
ياسمين.........انا كويسة يلا يا فارس نخرج عشان خاطري
فارس........ متأكدة انك كويسة
ياسمين....... أيوة
فارس..... . طيب يلا بينا
جمال.......احمم طيب امشى انا بقى
ياسمين........ خليك اتفسح معانا يا جمال
جمال........لا يا ياسمين مش ينفع خليها مرة تانية
ياسمين......ايه اللى مش هيخليها تنفع بس وبصت لفارس
فارس.......فهم نظرة ياسمين
فارس........ تعالى يا جمال مش هيحصل حاجه
وفعلا خرجوا
خرجت ندا وجمال وكوكى
ياسمين.........مسكت ايد فارس متشكرة اوى يا حبيبي ربنا يخليك ليا وميحرمنيش منك ابدا
وخرجوا سوا في عربية فارس
___________________
في الصعيد
__________________
زينة ووالدتها جابوا الشاى والكنافة
وقعدت زينة جمب والدها
الحاج رجب........ تسلم ايدك يا بنتى
زينة.......عجبتك يا بابا
الحاج رجب........حلوة اوى امك عمرها ما عملت كنافة حلوة كدا من ساعة ما اتجوزتها شكلى خدت مقلب فيها وضحك بصوت عالى حتى زينة ووالدتها وأحمد كمان ضحكوا
زينة........ خلاص ملحوقة احنا نشوفلك عروسة حلوة كدا تكون بتعرف تعمل كنافة حلوة🤭🤭
والدة زينة.......كدا بعتينى عشان صينية كنافة انتى وابوكى
ضحكت زينة.......... احمد كان مركز معاها اوى
زينة........ضمت والدتها أيوة يا ست ماما انا اهم حاجه بابا والحلويات اللى بيحبها
والدتها طيب يا زينة أما واريتك
الحاج رجب ...... تعالى هنا جمبى محدش يقدر يعملك حاجه طول ما انا في ضهرك تعالى هتفضلى طول عمرك بنت ابوكى
زينة.......طبعت قبلة على راس والدها ربنا يخليكوا ليا وميحرمنيش منكم ابدا
الحاج رجب.........بمكر
إيه رائيك في الكنافة يا دكتور احمد
احمد....... بص لزينة حلوة اوى تسلم ايدك يا انسة زينة
زينة....... اتجنبت نظراته وردت بهدوء الله يسلمك
❤❤❤❤❤❤❤❤❤❤❤❤❤❤
