اجمل مسا على قمرات الجروب
----------------------------------
الفصل ال 60
&&&&&&&&&&&&
فى المستشفى
فارس........دخل ياخد ياسمين
فارس........ شايفه الدكتورة قالت ايه لازم ترتاحى اكتر من كدا وتبطلى طنتيط بقى
ياسمين........هو انا عملت حاجه
فارس.........وبعدين معاكى الدكتورة قالت انك لازم ترتاحى في السرير
ياسمين........ايه الكلام دا انا كويسة اوى ويلا عشان نروح عشان البنات
فارس.........بجدية ياسمين لازم ترتاحى عشان مش كل شوية تقعى كدا
ياسمين....... حاضر بس يلا نمشى بقى
فارس ........بس بالراحة
ياسمين......حاضر
وهما في الطريق تليفون فارس رن
فارس......رد وكان جمال
فارس......... دا جمال اخوكى
ياسمين....... جمال دا وحشنى اوى
فارس.........خدى ردى انتى
ياسمين.......الووو على فكره مخصماك
جمال.......ايه دا انتى اللى بتردى عليا
ياسمين.......ايه مش عجبك ولا ايه
جمال.......انتى فين انا اتصلت على تليفونك كتير ولما قلقت قولت اتصل بالباش مهندس اطمن عليكى
ياسمين.........مش تقلق احنا بخير بس كنت عند الدكتورة
جمال...... بلهفة انتى تعبانة ولا ايه طمنيني عليكي
ياسمين.........لا مش تعبانة دى متابعة حمل عادية
جمال........ الحمد لله انك كويسة
ياسمين.......مش ناوى تيجى تزورنى طيب بلاس تزورنى انا تعالى زور ابن اختك الواد كل شوية يسالني على خاله اللى مش معبرنا
ضحك 😂 جمال عن قريب ان شاء الله سلميلى على الباش مهندس والناس اللي عندك
مع السلامه
ياسمين..... مع السلامة
وصل فارس وياسمين الفيلا
__________________________________
&&&&&&&&&&&&&&&&&&&
دخل فارس وياسمين
فارس......على مهلك بقى ولازم ترتاحى
ياسمين.......هما فين البنات
فارس.......معقولة ناموا دا لسة بدرى
ياسمين......اطلع اطمن عليهم بسرعه قلبى واكلنى عليهم
فارس......اهدى بقى يعني هيحصل ايه
يلا اطلعك انتى الاول وبعدين اشوفهم
ياسمين......يوووه انا اللى هطلع بقولك قلقانة
فارس......بصوت عالى ندا كوكى
الظاهر انهم ناموا
ياسمين.....سابته وكانت طالعة بسرعه
فارس..... واحدة واحدة
وطلعوا على اوضة كوكى لقوها نايمة في الارض
ياسمين...... شكلها نامت وهى بتلعب معلش يا فارس نيمها في السرير وغطيها كويس
وتعالى نشوف ندا
بعد ما نيموا كوكى خرجوا على اوضة ندا
طق طق طق على باب الاوضة
فارس......شكلها نامت بلاش نخضها ولما تصحى اكيد هتيجى تطمن عليكى يلا بقى عشان ترتاحى
كفاية لحد كدا
ياسمين..؟.... حاضر
فارس......هنزل اعملك حاجه تاكلى
ياسمين.......لا ماليش نفس
فارس .......وبعدين
ياسمين....... بجد معدتى مقلوبة ولو اكلت اى حاجه هرجع ارتاح شوية وبعدين اكل
فارس......طيب براحتك
وقعدوا يتكلموا لحد ما راحوا في النوم
&&&&&&&&&&&&&
***************
تانى يوم
فى الصعيد
زينة.............كانت قاعدة مع والدتها في المطبخ
والدة زينة....... عارفه يا زينة مش شروق بنت خالك جايا عند خالك النهاردة
زينة....... بجد دى وحشانى اوى
والدة زينة.......ما تيجى نروح نسلم عليها انا وانتى
زينة......... ماشى يا ماما
والدة زينة.......طيب يلا نحضر الفطار لابوكى وابن عمك ونروحلهم على طول
زينة.......بدرى كدا
والدة زينة ......وفيها ايه
زينة........لا يا ماما شكلها مش حلو نخليها على الضهر ولا العصر تكون قعدت مع خالى ومرات خالى واخواتها شوية اكيد وحشاهم اكتر مننا
والدة زينة.......ماشى يا قمر على فكره بتعرفى في الزؤؤق يا بت يا زينة طالعة لامك وضحكوا سوااا
&&&&&&&&&&&&&&&&&&&&&
على السفرة
حضرت زينة ووالدتها السفرة وقعدت جمب والدها وبعد شوية جه احمد
احمد........ صباح الخير
الكل صباح النور
احمد كان لابس وشكله خارج مشوار بعيد
الحاج رجب......انت لابس كدا ليه يا احمد يا ابنى
احمد.......اتنهد بصوت مسموع وبتوتر اصلى مسافر مصر يا عمى اتفاجئوا كلهم
الحاج رجب........مصر ليه يا ولدى حصل حاجه بعد الشر
احمد.......لا مافيش حاجه بس انا وبدأ يتوتر اكتر اصلى محتاج حاجة من البيت عند بابا
الحاج رجب......بدهشة حاجه ايه
احمد........محتاج كتب واوراق بتاعتى من البيت
وقولت اسافر اجبها
الحاج رجب ......امممم وسكت
احمد......انا معلش هقوم عشان الحق القطر
والدة زينة ......بدرى كدا من غير حتى ما تفطر
احمد.......معلش يا مرات عمى عشان الحق ارجع بدرى
والدة زينة.......تروح وترجع بالسلامه يا ولدى
احمد....... الله يسلمك يا مرات عمى
الحاج رجب.........تعالى اقولك كلمتين يا ولدى بس تعالى نتكلم جوا
احمد......زق عمه بالكرسي المتحرك لحد اوضته
الحاج رجب.........اقفل الباب يا ولدى وتعالى
احمد........نعم يا عمى خير
الحاج رجب.........خير أن شاء الله
انا عايز اقولك سامح ابوك وامك هما عرفوا غلطهم وكفاية العقاب اللى انت ادتهولهم وبعدك عنهم المدة دى سامحهم ولو غيرت رائيك وعايز تفضل معاهم خليك انا مش هزعل
احمد.......اسامحهم ممكن لكن عمرى ما هرجع اعيش معاهم تانى انا هرجع بعد اذنك يا عمى
خلاص انا لقيت نفسى هنا فى وسط الناس الطيبة
الحاج رجب........انت تنور ودا بيتك ومطرحك
تعالى يا احمد قرب شوية
احمد......نعم يا عمى
الحاج رجب.........اخد فلوس كتير من على التسريحة خد يا ابنى
احمد.......ايه دا يا عمى
الحاج رجب........ دى حاجة بسيطة لزوم الطريق
احمد.......بس انا معايا فلوس الحمد لله
الحاج رجب......عارف يا ولدى بس ريحنى وخد الفلوس
احمد........ حاضر شكرا اوى يا عمى يارتنى كنت انت ابويا
الحاج رجب.......جرا ايه يا دكتور ما انت ابنى بردوا
احمد .... .ربنا يخليك ليا
الحاج رجب......يلا اتوكل على الله ومش تتاخر علينا
احمد....... حاضر السلام عليكم ورحمه الله وبركاته
الحاج رجب........ وعليكم السلام ورحمه الله وبركاته فى حفظ الله يا ولدى
&&&&&&&&&&&&&&&&&&&&&&.
&&&&&&&&&&&&&&&
صحي فارس وياسمين على صوت خبط على الباب
قام فارس بكسل مين
صوت من برا انا يا بابى
فارس........ادخلى يا كوكى
فتحت كوكى الباب ودخلت
فارس.......تعالى يا حبيبتي
كوكى......بصت لياسمين مامى نايمة
فارس.....ايوة اصلها كانت تعبانة بس الحمد لله بقت كويسة تعالى بوسيها وصحيها
ضحكت😂 كوكى زى زقزقة العصافير
وطبعت قبلة على خد ياسمين اصحى يا مامى
ضحك فارس عليها
اصحى بقى يا ياسمين انتى نومك بقى تقيل كدا ليه
ياسمين......بكسل هى الساعة بقت كام
فارس.......قومى يا ياسمين الساعة بقت ٣العصر
ياسمين.......بفزعة ايه العصر هو احنا نايمين من امبارح
ضحك فارس 😂الظاهر كدا وقام دخل الحمام
ياسمين.......ياااه الموضوع دا بقى صعب اوى
كوكى......قربت من ياسمين
مامى انا جعانة
ياسمين......حاضر يا حبيبتي هحضركم الغدا
كوكى......لا يا مامى انا عايزة اشرب اللبن بتاعى
استغربت ياسمين......ايه قصدك انك لسة مش فطرتى
كوكى.....هزت راسها بحزن
ياسمين........إيه دا معقولة اومال ندا فين
فارس......خرج من الحمام في ايه يا ياسمين
ياسمين........هااا لا مافيش بس هشوف ندا
فارس.. ......وبعدين معاكى أنتى مش عايزة تسمعى الكلام ليه
ياسمين..........معلش يا فارس لحظة وارتاح في السرير تانى
فارس.......طيب هننزل المكتب اكلم جلال أشوف الدنيا عاملة إيه النهاردة
ياسمين........طيب وانتى يا كوكى ادخلى أوضتك وانا هجيلك عشان تاكلى
كوكى.......حاضر
••••••••••••••••
فى الصعيد
-----------------------
والدة زينة........هاااا يا زينة يلا عشان نروح لبيت خالك
زينة......ايوة يا ماما هاجى معاكى
والدة زينة........طيب قومى البسى
زينة......حاضر
خرجت زينة ووالدتها لزيارة شروق فى بيت خالها
والدة زينة...........عاملة ايه يا عروستنا والعريس عامل ايه
شروق.......الله يسلمك يا عمتى وحشينى
زينة ........بابتسامة احلويتى يا شوشو بعد ما اتجوزتى
شروق...........يا سلام يا اختى انا طول عمري حلوة
والدة شروق........عقبالك يا زينة لما نفرح بيكى
زينة.......بحزن ربنا يخليكى يا مرات خالى
شروق.........عن اذنكم احنا بقى
والدة شروق.......ايوة ما انتى جاتلك حبيبة القلب
شروق.......أيوة يا ست ماما هى حبيبةقلبى
المهم .......لو ممدوح جه اندهى عليا
والدة شروق.......هو فين
شروق........هيسلم على طنط وعمى واخواته ويجى
والدة زينة.......ربنا يهدى سرك ويعوض عليكى بالذرية الصالحة
شروق.....لسة بدرى يا عمتى
وطلعت هى وشروق
&&&&&&&&&&&&&&&&&&&&&&&
!&&&&&&&&&&&&&&
طق طق على باب أوضة ندا
******************
.ندا كانت نايمة وعيونها باين عليها العياط وكانت مقطعة الجواب والصور اللى بعتهم مصطفى النجار
ياسمين.......طق طق
ندا........مش عارفة تفتح عيونها وصوتها مبحوح من العياط
ياسمين.......حاولت تفتح الباب لكن طبعا كان مقفول
ياسمين......لسة بتخبط
ندا.......ايوة ايوة لحظة واحدة
وقامت بسرعة تلم الورق المتقطع
وخبته تحت المخدة وفتحت
ياسمين.......ايه كل النوم دا العصر هيأذن
ندا......معلش راحت عليا نومة
ياسمين......باستغراب ايه دا أنتى معيطة ليه
ندا.......بعدت عن ياسمين وبتوتر ابدا وانا هعيط ليه
ياسمين........انتى مش شايفة نفسك عيونك ورمة من العياط
ندا.......بتوتر واتلغبطت لا مش كنت بعيط دا يمكن من السهر واللعب مع كوكى وانا مستنياكم ترجعوا من عند الدكتور
بالحق انتى عملتى ايه امبارح ياسمين شافت حتة من صورة مقطوعه عرفت ان ندا شافت الجواب
ياسمين........الحمد لله الدكتورة طمنتنى
بس قوليلى هو حد جه امبارح واحنا مش هنا
ندا.....بسرعة لأ لأ محدش جه خالص
ياسمين.......طيب كويس قومى اغسلى وشك عقبال ما احضر الغدا
ندا.....طيب انزلى وانا جايا وراكى
ياسمين.....اتحركت خطوة كانها نازلة وندا دخلت الحمام
بسرعة ياسمين شالت المخدة و اتأكدت ان ندا جالها جواب والمرة دي استلمته وعرفت كل حاجة
سابت ياسمين الورق زى ما هو وخرجت على طول
ونزلت تحضر الغدا
ندا........خرجت من الحمام الحمد لله ما اخدتش بالها من حاجة المفروض أنها متعرفش حاجة خالص عن الموضوع دا ولا حتى فارس ياخد خبر وانا هخبى الورق دا فى مكان محدش يقدر يلاقيه
&&&&&&&&&&&&&&&&&&&&&
في أوضة شروق
شروق.........وحشتيني اوي يا زينة
زينة..........وانتى كمان طمنيني عليكي
شروق.........انا كويسة الحمد لله
المهم انتى أخبارك إيه ووصلت حكايتك مع أحمد لايه
زينة..........بحزن سافر النهاردة مصر
شروق..........بصدمة ايه سافر ليه
زينة........بيقول هيجب كتب وحاجات من بيت عمى
زينة........بصت لشروق تفتكرى ممكن مايرجعش تانى وتكون دى نهاية التمثيلية
شروق........بحدة دا يبقى قليل الاصل بجد
اتنهدت زينة بصوت مسموع
شروق..........للدرجة دى بتحبيه
زينة........بعدت وشها عن شروق
شروق.......رجعت وشها تانى وبصتلها بتركيز انتى بتحبيه وبتحبيه اوى كمان
زينة......غصب عنها عيطت المهم هو بيحبنى ولا لأ
شروق........انتى لازم تعرفى عشان عذاب ووجع قلبك دا
زينة.......طيب لو مش بيحبنى
شروق........بحدة وقتها يبقى عرفتى وتحاولى تنسيه وتبدئى حياتك مع حد تاني
عيطت زينة اخدتها شروق في حضنها
---------------------------------------------
في فيلا فارس زهران
__________________________
ياسمين.......حضرت الاكل وخبطت على فارس الغدا جاهز يا حبيبي
فارس.........بغضب مين حضر الاكل
ياسمين......انا
فارس........قام من مكانه يا سلام برافوا عليكى
هى دى تعلميات الدكتورة
ياسمين.........اهدا بس يا حبيبي
فارس.......اهدا ايه بس وفين ست هانم ندا
ياسمين......بقلق احممم ندا تعبانة شوية وشكلها اخدت برد اوعدك دى اخر مرة
فارس......لسة غضبان
قربت منه خلاص يا حبيبي وبص عشان تصدقنى رجع الجماعة تانى يشوفوا البيت
فارس.......جماعة مين
ياسمين.......قصدى عم عبد التواب ودادة سميرة ودادة سميحة
فارس.......ااه الشغالين
ياسمين.......بلاش كلمة شغالين وخدامين دى
فارس........يا سلام
ياسمين.......أيوة بص نقول عليهم موظفين في الفيلا زى الموظفين في الشركة ويلا بقى عشان احنا جعانين
اتجنبت ندا ياسمين وفارس باقى اليوم وحبست نفسها في اوضتها
*******************************
..............
تانى يوم فى الصعيد
وبالتحديد علي الفطار
الحاج رجب.......يا ترى عملت ايه يا احمد يا ولدى مع ابوك وامك
والدة زينة........ ربنا يستر الجدع يا حبة عينى مش طايقهم من ساعه اللى حصل
الحاج رجب...... ما هو معذور بردوا وبص لزينه وكمل بمكر الا هو ممكن ابوه يأثر عليه المره دى ومايرجعيش
زينه........ بصت فجأة لوالدها
والدة زينة....... العلم عند الله وحده
الحاج رجب....... وانتى ايه رائيك يا زينه
زينة....... هااا انا ماليش رائ دا شيء ما يخصنيش
عن اذنكم
والدة زينة....... كملى فطارك
زينة....... الحمدلله شبعت وطلعت تجرى علي اوضتها عشان تعيط لوحدها
&&&&&&&&&&&&
مرت الايام
وخلص الشهر الباقى لتسليم الموقع
فى شركه فارس زهران
كان التوتر والقلق مسيطر علي مواظفين الشركة من اول موظفين الاستقبال لحد مدير الشركه
في مكتب فارس زهران
-----------------------------------------------
فارس...... بيكلم جلال بغضب
فارس........ خلاص ناقص يومين علي التسليم وسى كريم اللى جابه صلاح مظهرش
وتليفونه مقفول
جلال........ اهدا بس يا فارس
فارس........ اهدا ازاى بس يا جلال دى هتبقي اول مرة يحصلى كدا
وفجأة خبط على الباب
طق طق طق
فارس......... بغضب ادخل
دخلت سناء
فارس...... بيبص لسناء بغضب
جلال........ ايوة يا سناء في حاجه
سناء........ صلاح جه ومعاه
فجأة وبسرعه الرد وفي نفس واحد من فارس وجلال
كررييييم كريم
اتخضت سناء ايوة
فارس....... هما فين خليهم يدخلوا بسرعة
دخل كريم وصلاح
صلاح ..... صباح الخير
فارس..... بص لصلاح ولكريم لكن كان صدمه فارس وجلال من منظر كريم
اللىكانمنظرهفظبع دقن طويلة وهدومه متبهدلة
فارس....... قرب من كريم هو عامل كدا ليه
ابتسم صلاح اصل هو كريم لما يحط حاجه في دماغه يسيب كل حاجه وينسى كل حاجه لحد ما يخلصها
&&&&&&&&&&&&&&&&&&&
&&&&&&&&&&&&&&&
فارس..... يعني قصدك انه خلص باقى الشغل
صلاح....... اسمع منه احسن
فارس....... ما انا عايز اسمع منه بس زى ما انت شايف ساكت ازاى وبصوا كلهم علي كريم
كريم......... ممكن تطلبلى كوباية قهوة سادة دوبل
فارس....... اطلبله يا جلال
كريم....... قاعد بيشرب القهوه
فارس........ بعصبية ما تنطق
جلال...... اهدا بس يا فارس
كريم....... خلص القهوة
كريم........ اول حاجه احب اعرف منك انت تعرف واحد اسمه ماجد عباس
فارس بص لجلال وصلاح ايه مين
كريم......... ماجد عباس
فارس........ وانت تعرف ماجد عباس منين
كريم...... لا انا مااعرفش دا يبقى مين بس اللى عرفته ان هو ورا حرق شركة الديكور اللى شغلك كان معاهم
ومن هنا نزلت صدمة علي فارس 😲
ومتقلش عن صدمة جلال وصلاح
فارس...... ايه مش ممكن وانت عرفت منين
كريم....... طيب خد اللى بعدها
شغلك انت بس اللى اتحرق بس فى شركة الديكور
فارس........ مصدوم اكتر من الاول
انت بتقول ايه وانت اصلا عرفت ازاى كل دا
كريم...... اصلى انا قبل ما ادخل اى شغل او اكمل شغل مكان حد لازم اعمل شوية دراسة عن كل حاجه
جلال........ دى اخر حاجه اتخيلها من ماجد زفت
فارس....... قاعد ومش قادر يصدق اللى بيسمعه
كريم....... قام وقف
مبروك يا باش مهندس كل شغل الديكور خلص وكمان ظبطلك شغل الشركه اللى قبل منى
فارس........ انت بجد خلصت الشغل
كريم........ بينى وبينك الشغل
تعالى معايا تشوف بنفسك
فارس....... طبعا هاجى هتيجى معايا يا جلال
جلال ........ ايوة يلا يا صلاح تعالى معانا انت كمان وخرجوا هما الاربعة
-------------------------------------------------
