اجمل صباح لاجمل قمرات
ورجعت ليكم من تانى ومع
ابطالنا الحلوين😘😘
---------------------------------------
الفصل ال 26
____________________
في المستشفى
خبط فارس على اوضة دكتور احمد
احمد.......ادخل
فارس.........مساء الخير دكتور احمد
احمد.......وهو مدايق مساء الخير اهلا
فارس........ايه يا دكتور انت مدايق انك شوفتنى ولا اية.......لا ابدا بس مش كنت متوقع اشوفك تانى
فارس......لا طبعا انت هتشوفنى وهتشوفنى كتير كمان
احمد.......اممم وبعدين
فارس.........مالك يا دكتور
احمد.........ماليش بس الصراحة انا مش عارف انت عايز ايه منى
فارس.......عايز اعرف باقى حكايتك مع زينة
احمد......شكلك واحد محترم ايه اللى لمك على فتاة ليل زى دى
فارس......بحدة مهما كان دى بنت عمك
احمد.......صدقنى كلنا اعتبرناها ماتت وهى كانت السبب في فضيحة العيلة كلها ومرض عمى والذل من اللى يسوا ومن اللى مايسواش
فارس........قبل ما تحكم عليها لازم تعرف ايه وصلها لكدا
احمد.....بغضب ايه اللي هيكون يعني اللى وصلها لكدا غير استهتارها وعدم احترامها لاهلها ولا عوايد بلدها من الصعيد فاهم يعني ايه من الصعيد
فارس.....بصوت هادى عندك استعداد تكملى حكايتك مع زينة
احمد.......اتنفس بصوت مسموع هحكيلك عشان بس تصدقنى انك مخدوع في الاشكال دى
فارس.........تمام اتفضل
احمد........انت اسمك ايه
فارس.......فارس زهران
احمد.......بحزن بص يا استاذ فارس انا بعد ما سمعت كلام بابا وروحت اشوف العروسة
حصلت حاجه مكنتش متوقعها
فارس.......ايه اللي حصل
احمد .......روحت البلد ومن غير ما اقول لحد ولانى بقالى كتير مروحتيش سالت على مكان البيت وكان اى طفل ممكن يوصفلى مكان البيت
وفعلا روحت ودخلت
جه حد من اهل البيت من الشغالين معرفش المهم سالنى انت مين
قولت انا دكتور احمد كان بيحسبنى الدكتور البيطرى الجديد وقبل ما اعرفه انا مين نده لبنت شكلها مش صعدية بس لغتها شوية صعدية
فارس........كانت زينة صح
احمد.......للاسف صح
فارس......وبعدين
احمد........اول ما شافتنى زعقت فيا
Flash back
------------------------
زينة........بصوت عالي انت اتأخرت ليه
احمد......اتاخرت هو انتى عارفه انى جاى
زينة......بسخرية طبعا عارفه احنا مبلغين بقالنا يومين عشان تيجى تشوف البهايم إللى في الزريبة القبلية
أحمد.......بحدة ايه الفاظك دى ما تلمى لسانك دا
زينة........بغضب الم لسانى تصدق انك مش محترم
احمد بصوت غضبان مش محترم تصدقى انك انتى اللى مش متربية صحيح مين هيربى حتة خدامة لا راحت ولا جات بس مش عارف انتى مين اللي مشغلك هنا
وفجأة ومن غير حساب رفعت زينة ايديها وضربته على وشه بالالم
احمد ......بغضب وصوت عالى انتى اتجننتى ومسكها من دراعها انتى ازاى تمدى ايديك عليا انتى يومك اسود على دماغك النهاردة
زينة خافت وشدت دراعها من ايده وطلعت تجرى وهى خايفة
احمد......فضلت واقف لوحدى وانا هتجنن ازاى دا يحصلى ومن مين من حتة خدامة
جه راجل كبير في السن كان شبه بابا
الراجل.......انت مين وجاى هنا ليه وعايز ايه
احمد.....بغضب اووووف هنعيده تانى من الاول
الراجل......هو ايه اللي هتعيده
احمد......عشان اخلص انا دكتور احمد محسن
فجأة الراجل ضم احمد لحضنه انت احمد ولد اخويا محسن يا صلاة الزين يا صلاة الزين
ولد اخويا لا وايه بقى دكتور قد الدنيا
احمد باحراج حضرتك عمى رجب
رجب......ايوة يا ولدى انا عمك مش عارفنى ولا ايه العيب على ابوك اللى حرمنا منك وحرمك مننا وخلاك مش عارف عمك الوحيد
احمد......معلش يا عمى حضرتك عارف ان الظروف كانت غصب عن باباوهى اللى غصبتنا على كدا
رجب......عارف يا ولدى عارف تعالى اقعد وطمنى
كيفيك وكيف احوالك
احمد........الحمد لله بخير اومال فين بابا وماما
رجب.........بصوت عالى يا محسن يا ولاد يا كل اللى فى الدار تعالوا بسرعة ولد اخويا الدكتور أحمد جه
كل اهالى البيت اتلموا على احمد
محسن.....ايه دا انت جيت مقولتش ليه
احمد........معلش حبيت اعملها مفاجأة
رجب.........احلا مفاجأة حصلت في حياتي
محسن.........ايه رائيك يا حاج رجب في ابنى احمد
رجب.......صلاة الزين عليه بقى راجل قد الدنيا
والدة زينة......الله اكبر عليك يا ولدى لولولوللولى لولولوللولى
رجب.........يا واد يا عوض انت يا واد يا عوض
عوض...........نعمين يا ابا الحاج
رجب.........ادبح الدبايح وفرق الشربات
عوض ليه يا ابا الحاج احنا عندنا فرح ولا ايه
رجب.........يا واد عندنا احلا من الفرح عندنا ولدى وولد أخويا الدكتور احمد بقى دكتور قد الدنيا
عوض ...........حاضر يا ابا الحاج
احمد..........بضحك يا عمى انا لسة في كلية الطب
رجب.........وايه يعني انا ناوى بعد ما تخلص وتبقى دكتور قد الدنيا انا هبنى ليك دوار هنا وابنى ليك مستشفى باسم العيلة شغلها على كيفيك
ما هو لما يكون في عيلة الرشيدة دكتور يبقى لازم يكون في مستشفى باسم عيلة الرشيدة ايه رائيك يا ولدى بقى في المفاجأة الحلوة دى
احمد........بابتسامة باهتة لسة بدرى على الكلام دا
يا عمى
رجب......يعني ايه يا ولدى مش عجبك كلامى ولا ايه
محسن بسرعة لا يا اخويا هو حد يقدر يكسر كلامك
احمد.........اصبر بس يا بابا
رجب.........استنى بس يا محسن يا اخويا سيبه يقول اللى على خاطره قول يا ولدى
احمد........يا عمى انا طبعا بشكرك على كل اللى حضرتك عايز تعمله عشانى بس مش تتعشم وتتفاجأ بعد كدا انى مش هاجى اعيش هنا
رجب...........ايوة كدا فهمت انت خدت على عيشة مصر وماينفعش تعيش في البلد تانى
احمد........مش قصدى يا عمى بس انا
رجب......لايا ولدى لا بس ولا حاجة انا فهمت قصدك خلاص يا ولدى
محسن........متزعليش يا حاج رجب هو هينفذ كلامك ورجله فوق رقبته
احمد........بعضب ايه الكلام دا يا بابا
محسن........بغضب أخرس واتاسف لعمك يا واد
احمد........يا بابا انا معملتيش حاجة غلط عشان اتاسف
قطعت كلامهم والدة زينة يعني على كدا لما تتجوز بتى هتاخدها وتعيش في مصر
احمد.......بصوت همس هو انا كنت وافقت اصلا
والدة زينة........بتقول ايه يا دكتور
احمد.....مش لما توافق الاول زينة عليا
والدة زينة........احنا معندناش حد يكسر كلمة الحاج رجب الرشيدى
احمد......يا عمى بعد اذنك انا بقول نستنى لما اخلص الاول وبعدين نتكلم في الموضوع دا
محسن.........اسكت بقى يا احمد انت من ساعة ما جيت وانت مقولتيش كلمة عدلة
والدة احمد......ايه يا محسن هو قال حاجة هو بياخد ويدى مع عمه بس
محسن.......اسكتى انتى احنا اتفقنا انا والحاج رجب على كتب الكتاب وكنا مستنين الدكتور لما يجى واهو جه خلاص
احمد.......بحدة ايه الكلام دا يا بابا
محسن.......مسك احمد من دراعه عن اذنك يا حاج
لحظة واحدة وراجعين
رجب.......براحتك يا اخويا
محسن........تعالى يلى مش بتفهم وشد احمد من دراعه ودخل اوضه تانية
---------------------------------------------------
