حبايب قلبي الحلوين اللى دايما علي المحبة متجمعين
😍😍😍😍😍😍😍😍😍😍😍😍😍😍
الفصل الثاني
ــــــــــــــــــــــــــــــــــــــــ
مر شهر على سفر جمال
وفي يوم من الايام كان والد جمال فى شغله جاله اتصال
خليل....... السلام عليكم
الطرف التاني........ وعليكم السلام الاستاذ خليل معايا
خليل........ ايوة انا خليل مين معايا
الطرف التاني.......... انا مهندس بهاء زميل جمال فى شرم الشيخ
خليل......... اهلا وسهلا يا باش مهندس
بهاء.......... اهلا بحضرتك هو انا كنت عايز ابلغ حضرتك ان جمال تعبان شويه
خليل....... بلهفة وخوف تعبان ازاى ايه حصله قولى بسرعه يا ابنى
بهاء....... اهدا بس يا عمى جمال كويس بس هو تعب شويه وهو الوقت في المستشفى
خليل......... يا ساتر يارب يا ساتر يارب الطف بينا يارب
بهاء........ ارجوك صدقنى جمال كويس بس هو قالى ابلغ حضرتك واقولك العنوان عشان تيجي تطمن عليه بنفسك هو طلب منى انه عايز يشوف عيلته
خليل....... لو سمحت يا ابنى جمال ابنى حصله حاجه وانت مخبى عليا
بهاء....... صدقنى ابدا يا عمى هو كويس وان شاءالله تيجي بنفسك تشوفه وتطمن عليه بنفسك
خليل........ ان شاءالله من النجمة انا جاى انا ووالدته
بهاء........ ان شاءالله يا عمى
والعنوان اهو مرة تانية وتليفونى دا اللي بكلمك منه اول ما توصل رن عليا وانا اجى اخد حضرتك
خليل........ ان شاءالله هاجى من بدري
بهاء........ ان شاءالله مع السلامه
خليل........ مع السلامه استرها يارب
ووقف يكلم نفسه يا ترى يا ابنى فيك ايه
رجع خليل البيت وهو بيحاول يتماسك قدام مراته وبنته ومش عارف هيبلغهم خبر تعب جمال ازاى اللى هو اصلا مش متأكد اذا كان تعبان اول لقدر الله حصله حاجه اكبر من كدا
دخل خليل........ لقى ياسمين بتتفرج علي التليفزيون ومهتمة بالبرنامج
دخل وقعد ساكت اول ما شافته ياسمين قربت منه
ياسمين........ مالك يا بابا انت تعبان ولا ايه
خليل........ مافيش حاجه يا بنتى
ياسمين......... مالك بجد يا بابا فى ايه
خليل......... اتلفتت حول نفسه اومال ماما فين
ياسمين....... ماما راحت تزور طنط ام سالم جارتنا عشان تعبانه شويه
خليل........ طيب كويس بصي بقي قومى حضرى شنطة هدومك
ياسمين.......... باستغراب شنطة هدومى ليه احنا هنسافر
خليل........ بحزن 😔ايوة كلنا هنسافر
ياسمين....... هنسافر فين
خليل........ هنسافر شرم الشيخ
ياسمين...... انا مش فاهمه حاجه وفجأة وبصوت عالى بابا جمال حصله حاجه
بصلها فى صدمة مين قالك
ياسمين ...... وبدات تعيط 😭جمال ماله قولى يا بابا حصله ايه
خليل....... واحد صاحبه اتصل بيا وانا فى الشغل وقالى انه تعبان وطلب نروحله عشان نشوفه وهنسافر بكرا ان شاءالله
ياسمين....... جمال اخويا تعبان وفي المستشفى وقعدت تهمهم بكلام مش مفهوم وهى بتعيط
خليل....... اهدى بس يا ياسمين انا مش عارف هقول لمامتك ايه انا لو قولتلها اكيد هيحصلها حاجه قبل ما نوصل لاخوكى
ياسمين....... بعياط 😭اومال هنعمل ايه وهنقنعها ازاى اننا هنسافر لجمال
خليل........... انا اخدت اجازتى السنوية وهقولها اننا هنروح نصيف ونغير جو عند جمال وانا وانتى نحاول مش نخليها تاخد بالها ولا تفهم اى حاجه
ياسمين...... بعياط 😭حاضر يا بابا انا هدخل احضر شنطتى وهنام عشان مش هقدر امسك نفسي قدامها وحضرتك مش تخليها تصحينى غير واحنا ماشين
خليل........ طيب يا بنتي ربنا يسترها معانا
وقعد يكلم نفسه
اللهم لا اسألك رد القضاء بل اسألك اللطف فيه
