قسور- تعبت ومكدرت اريد اخلص خابرت علي
الو هاعلي شونك
هلو قسور
اشرت لفاطمه رفعت خاجبي همست قسور خلت ايدها على حلكها
قسور- اااا علي شسمه فاطمه موجوده
اي تريدها ابو سما تحاجيك
لالا ا شسمه اني اريد ينتهي كلشي اريد اطلك تكدتجيبها باجر
باجر
اي ياريت والله لان اريد اطلع لدبي وراها
اي هاهي تتدلل باجر جايين بيش ساعه
ب10 الصبح تلكاني بمجكمه الزوراء
تسلم تنهدت رحمه الله والديك عالتفهم
لا عادي لواحتك وراحه اختي بيننا سما واني خالها ابو سما
اي والله صح مع السلامه
الله وياك
باوعت لفاطمه دمعت عينها بستها من راسها ماريد دمعه منج توكع عيب عليه تره ماعوفج فاطمه وداعه امي
خايفه شون حتواجه وياه
اني بضهرج
لتكول لوسام عفيه
لا يابه شكول مخبل اخوج
قسور- قررت امسحها من حياتي كانما مدخلتها تعبت كلش اريد اهج ابقى هناك فد سنه بلكن ارتاح
فاطمه- من سد التلفون لحد هسه اني بس نايمه اكوم اساعد امي تغسل لابويه وارجع انام بس افكر شون صدك هاهي ماكو رجعه عشر سنين شويه علي يمي يرفع معنوياتي كعدت الصبح وبدلت باوعت لعلي يبتسم حتخلصين حتخلصين والله العضيم
الله يسمع منك
ارتاحي حبيبتي ارتاحي كلفي توتر واعصاب تلفانه ها خابر ها نرجع ها لا باعي شجايبلج
شنو تنهدت شنو جبت
هاج فون سويتلج فيس بي وفايبر وهاي هنا شعدج صديقات ضيفيهن تعرفين فيسهم هاي مولين وحيدر دزيتلهم طلب صداقه
الله عاشت ايدك شوي يونسني اكلب اكلب شفت رند رند خالد اكيد هي دزيتلها طلب ممصدكه قبلتني شويه ودزت رساله انتي فاطمه مو
لج ايييي كم ام سما الضامي تعرفين لج
ولج مشتاقتلج كلش
موكدي كعدنا نحجي ساعات ومرت وسام تطب وتطلع وتحجي تذب سم حجيتلها على حيدر شون ضل كل يوم يصعد بشقتها حتى من تزوج ومعاف هالعاده ابد لحد ما طلعت رند هم انضلمت بجت عليه من عرفت الصار رند بيتهم بزيونه ورانا بكم فرع بصف مدرسه سماوي كم فرع ابوها يشتغل مدير بالمدرسه مال ثانويه الولد
وامها مدرسه بثانويه البنات اساسا تعرفو على بعضهم بالجامعه مال تربيه وصارت قسمتهم ---
ثاني يوم الصبح بدلت اباوع على روحي بالمرايه جريت نفس نزل علي باوعلي
يله?
اي يله نزل وسام صار بوجهنا
ها على خير
علي- نزور ونرجع يله فاطمه بابا حبيبي اروح ازور وارجع غمزتله اباوعله كاعد ميكدر يحجي شوكت تفك يابويه دكوم لحيلك عاد ---
علي شون حخلي عيني بعينه
انتي كدها فاطمه والله ميخليج تاج على راسه متخلي نعال برجلج
اي
انتي تحملتي هواي اخلصي ابدي حياتج من جديد
تساعدني علي
طبعا تنهدت لتخافين لج
انشاء الله وصلنا المحكمه مجرد احساس حخلي عيني بعينه يرجفني طبينا ضلينا كاعدين اني وعلي بالاانتضار شويه وفات بكشخته ومناضره الشمسيه بقيت صافنه عليه
علي- ها قسور هنا هنا
ها علي شونك تصافحت ويا حاولت ماباوعلها درت وجهي ورجع حجه علي حاجيته باوعت لفاطمه درت وجهي راسن تحرك كلبي شوفتها منصيه راسها متباوع بعيني تنهدت هسه يجي المحامي
علي - ليش وكلت محامي هو طلاك
حتى المصلح الجتماعي ميتدخل
ها مااعرف هالسوالف
اكولك صدك جايب الاوراق مال ابوك الهويات جناسي هالسوالف
ها اي بالجكمجه
زين دجيبها مو يطلبوها
هسه باوعت لفاطمه هسه اجي رحت لاكراج
فاطمه- اباوعله واكف ناطيني ضهره ميباوع عليه مكتف ايده واني كاعده عالمصطبه وحدي منصيه راسي ابد مباوع اجه ولد كعد بصفي تدنيت باوعلي منصيه تدنى اكثر تدنيت اني باوعت عالمكان البيننا انه بياحال والدفان يغمزلي
باوعله قسور خزره حس بي ديتحارش
شوي خويه كوم منا
يابه المحكمه باسمك لو باسم ابوك
خويه مرتي تنهدت
العفو راح بقيت اباوعلها منصيه راسها حسيت بيها خايفه واني الداز اخوها سالفه نخوه موغير شي اجه علي شوي واجه المحامي طبينا كلنا رشيت المعقب دخلنا قبل العالم الحاكم كال شنو سبب الطلاق انداريت عليها تعاي هنا دورنا مباوعت بوجهه
وكفت بصفه جسمي كله يرتعش مو رجفه رعشه حتى اجزاءي معدتي كلبي كليتي ريتي ترجف
قسور- باوعتلها من سال الضابط مردت سيدي ممتفاهمين ومتفقين عالطلاق نصيت راسي باوعت على ايدها ترجف منصيه
شون منتفاهمين غير اعرف السبب هنا محكمه مو كلاوات
سيدي انور شرف منكدر نحجيها
فاطمه- باوعتله اريد ابجي وضامتها مختنكه بعبرتي شفته منصي قابض ايده اندار باوع على صفحتي مو بعيني ورجع دار عينه
القاضي- خلي عينك بعينه وكولها انتي طالق
بلعت ريك رفعت راسي جريت حسره منصيه ودموعه تنكط عال ميز مال قاضي تمسح بحجابها
بنتي رفعي راسج
فاطمه- هزيت راسي اي كوه رفعت راسي وعيونها كلها دمع من التقت عيني بعينه شريط حياتي كله صار كدامي العشره سنين كلها من حياتي رباني على ايده وحيعوفني هسه انتهت قصتي وياك قسور ولازم انساك عيونه حمر وشفته ترجف وخط احمر بعينه صاير من كالها انتي طالق بلع ريك سمعتها مثل الصدى اسمعها 3 مرات وجعت كلبي وطلع راسن حسيت نفسي حوكع لزمت الميز حسيت واحد لزمني من وره سند ضهري فزيت لكيته علي حزامي وسندي شافني بهالحاله دمعت عينه
علي- الله موجود خليها ببالج اللي متاخذه سنه ولانوم انتي انضلمتي وسبحانه ميقبل بالضلم
والنعن بالله اخذني حوكع طلعنا --- ابقي هنا اوكفي هسه اطلع السياره من الكراج واجي اوكفي هنا عالرصيف رحت للكراج ركض
اوك علي-- وكفت عالشارع مثل الفاصله محاسه عالدنيا شكو حياتي وياه وسام الشايله هم من يعرف شيسوي كلشي يخوف حبي اله حادثه الصارتلي فقداني لطفلي ب7 كلها ببالي عبالك نايمه مااسمع الا هورن قوي فزيت عليه باوعت ولد راد يدعمني طلعت نازله عالشارع محاسه بروحي صاح شبييج نايمه نصيت راسي اي والله نايمه وصحييتني بداخلي وفات قسور بسيارته البي ام مطيحت حضي غير البي ام حلم الطفوله باوعلي ودار وجهه جن عيونه تودعني اخر نضره حودعك واودع حياتي الحقيره وياك اجه علي صعدت
علي- عبالك وجهج احسن مو
كلش زينه تنهدت لتخاف عليه اني اخت علي العدها اخ مثلك متخاف من باجر
هيج اريدج سبعه وصلنا للبيت صار وسام بوجهي عا رجعتو
اي باوع وسام فاطمه تطلكت شتريد تسوي تسوي
شنو شنو ولك انت شسويت ليش خليته يطلكها يتخلي عن مسووليتها مالك دخل بيها فوتي لج ااح دخل انتي
لك بابا هذا شرف مو لعبه خلي يتحمل الصار هو اللي هملها مو احنا
انت معليك عود اني اوكلها عمي
فاطمه - من من تمرض ابويه مكدر بعد وسام اللزم المصروف وي اجار البيت ومطيح حضنا بالمصروف وعلي بعده طالب دكتوراه بالنفط هالسنه بلكن ياخذها يارب طبيت حضنتني امي وكبت العيطه عياط وصياح رجع ابويه تخربطت تقربت يمه خاول يبتسم وكال بصعوبه احسن شي سويتي
...
...قسور- مرت ايام صعبه حيدر راد يسافر لدبي يجيب سيارات كتله اني اروح رحت ارتاحيت من طلعت بس بكلبي فرررراغ بليل من انام ادور ريحتها بفراشي صدري يدور حضنها لمسه شعرها سوالفها الترفه ضحكتها الهادئه نضراتها اذا صفنت شبيك قسور شنو المضوجك قلقها من اجي عصبي وضايج الله يساعدك بابتسامه والكهوه اللي تجي بوكتها من دون ماكولها جيبي مشتاق للمستها لشعري من اغفى لصوت سوزه يس على راسي من انام كلها حاسس بيها ىعبالها ماادري شغلات حبيتها بحياتي تفاصيل روحي تسال عنها اذا غابت اخذو حياتي مني سما يوميه اخابرها مرت هالها ضاربتها وعلي مطرود من البيت وماقبل ترجع لبيت جدها تتخابر وي امها من احجي وياها احاول ماخليها تجيب سيرتها لان اتعذب كل ماافتر بالسوك واشوف ثوب اتذكر جسمها اللي كلشي بكعد عليها لا سكينه ولا ضعيفه حبيبتي الدنسها الغريب اليوم ارجع مشتاق لوجه امي الكله طيبه وحنان مشتاق لحيدر غبت شهر عنه وعايفه وحده مرته حامل ب6 نهى المااعرف شبيها من الحادثه ليهسه مشفتها تضحك
.......
