اي اي عفت الباقي وطلعت ايدي متجرحه كبل للحمام اغسل وابجي مثل الجهال ويمي البنات مااعرف من يااقسام--- تره عادي هو جرح بسيط مياذي واني اهز براسي الجرج بكلبي ومحد يدري لفيتها بكنينس وطلعت
علي- طلعت من المكتب كاع مكتبي بورسلين ابيض اباوع عالكع كلها قطر دم شكد ثوله النوبه انجرحت يطبها طوب لنهايه الدوام جان عدي محاضره 2 يمهم اخذهم مادتين طبيت عيوني كلسا تصير عليها تنصي وادير وجهي بالي يم ايدها خاف جرحها جبير تسويلي سالفه النوب وعدنا نضري بعد شوي خاف تلتهب جروحها وتورم ايدها كملت المحاضري والنضري طلعت وطلعتها من راسي تلاكيت وياها بالكراج باوعت عليها ونصيت راسي شفت اصابعها ملفلفه وصلت للسياره شفت ماكو احد انداريت عليها دخلت السويج بالباب --- شونها اصابعج كلتها ببرود
- باوعتله متفاجاه مجرد وجوده رعب والنوب يسالني عن حالي نصيت راسي هزيت راسي زينه همست
- تنهدت من ترجعين خليلها سبرتو ومرهم تره تورم من وره الاسيد اللي استعملنا
- اي دكتور بقيت منصيه
- صعدت للسياره وطلعت تندمت حاجيتها بس اعتبرتها حالها حال اي طالبه
- حيدر- خليت السفر على قسور باجر طالع لدبي يجيب مناك سيارات توصاه كم شخص موصي على سياره مميزه ودزيت قسور هم يغير جو وهم يشتغل هالايام اشوفه بس مكسور وتعبان امي مريضه مولين بدت خفاراتها قبل فتره ودحت بالجهال سلمى كامت تبات يمنا وهي ونهى وسما حارو بالجهال اني ردت انهار الا شوي شسوي بفلوس مولين اني جهالها مشبعانين حنان منها ابد
- سما- كمت يوميه ابات بيت جدي عطله نص السنه بالنهار اروح شوي يم امي وارجع لبيت جدي علمود جهال عمي وعمه سلمى هم تبات اضل متونسه وي مريم وعمار --- عمار سما وين طالعه بهالليل
- اريد اكعد بالحديقه
- ولج تعاي هسه تطلعين
- عمار ليش انت هيج تخاف عليه
- باوعت بعينها والله مااعرف ليش اني حاليا صف رابع علمي اساعد والدي بشغل الصيدليه واعرف كل انواع الادويه تقريبا حلمي اكون صيدلاني والزم صيدليه ابويه واطورها هواي مشاريع ببالي اسويها بس اتخرج ----
- سما- طلعت وطلع ورايه
- سما شوكت تتحجبين مريم تحجبت
- ماريد تنهدت اريد سنه التجي باوعت بعينه ليش شعري محلو
- هو لان حلو لازم يتغطى
- ميخالف عالسنه النجي كعدت على كراسي الحديقه
- ليش ضايجه
- اشتاقيت لبابا كلش وحتى لماما باوعت على عمار اني من اتزوج لو اموت مااتطلك واخلي جهالي يتاذون
- همه مرتاحين هيج
- بس اني ممرتاحه عمار اتمنى امون ساحره وارجعهم سوه اتمنى اعيش ولو يوم واحد نفس مجننا عايشين كبل
- الله كريم متعرفين الله شضاملهم
- يمعود والله ولا يرجعون لا ابويه اليطخ راس ولا امي التعوف عنادها تنهدت والله حرام عليهم
- محتاجه شي اني موجود والله
- محتاجه الهم لحياتهم سوه للحب بينهم الجنت اشوفه تدري احسدها لمريم ومن تتعارك وي عمه اكولها حمدي ربج وشكري تروح تصالحا راسن
- اعرف كايلتلي مريم سماوي من اكدر اسوي شي اواعدج اكولج
- شون يعني
- متعرفين نوبات تصير شغلات تساعد واني رجال وافتهم
- تدري نوبات اوثق بيك اكثر من ثقتي بابويه بابا جتي اوقات خذلني بس انت ولا فد يوم خذلتني من صغري واشوفك رجلي الاخضر اول ماواحد ضوجني تعلسه ومن اريد فد شي تروح ركض تجيبه متخليني اطلع حتى الاسواق اللي براس فرعنا وحدي ومن انكسر ريمون السبلت الكنتور ركضت جبت مال بيتكم اامن من اتذكرك
- ابتسمت سما انتي قطعه من كلبي شون متفهميها فهميها
- افهم عمار لتشوفني صغيره بعمري تره عقلي جبير
- بعد وكت لهالحجي تنهدت
- محمد- طلعت وراهم عمار كبر وسما بت قسور يعني وريدي وكفت وره الحايط اتصنت الحجي يوميه انبهر اكثر بعمار نعمه الله جابها الي واني اشوفه غبي من احاجي مو راسن ينفذ بس ابني ذكي يفكر بكلشي قبل ليتصرف تذكرت سلمى بعمر سما غمضت عيني مبتسم سما متصير لغير عمار رجعت طبيت شوي وطب عمار يبتسم مرتاح بعدك صغير عالحب باباتي كبر ابني وصار رجال التسمتله وضربت على كتفه انت حزامي بوكعتي يابه
- ليش هيج تحجي بابا عكدت حاجبي
- هو الابن حزام ابو قابل شحجيت
- اي ياب صح طبت سما باوعتلي وفاتت لشقه هاله مولين وي امي وخالتي نهى والجهال
- فاطمه- مرت الايام وقسور رجع لسفره شهر ويرجع وشهر يسافر سما تاذت كامت تفتح كامره باليوم كم مره وتحجي وياه
- قسور- سماوي باعي شجبتلج
- شنو هاي بابا
- هاي لعبه تخبل حتى اني العب بيها وياج لمحت واحد خطف من يمها --- منو يمج بابا
- امي وخالو
- شو وينها امج دااسلم عليها
- هيانها ماما بابا ديسلم عليج
- فاطمه- لبست حجابي ماكو داعي بس لخاطر سما تنهدت ابتسمت هلو قسور
- هلو ام سما شونج
- الحمد لله بقيت اباوع بعينها شهور مشايفها اني -- عذريني حمل سما كله صار عليج
- ليش سما بيها حمل باوعت لسما سما فراشه
- اي والله نصيت راسي باعي سما درت الفون على سكه موت كلش عاليه
- سما- الللله بابا هاي شنو
- رفعت حاجبي اضحك هاي سكه موت هسه حصعدها
- فاطمه- ااا بس عاليه خاف توكع خطره يمعود عكدت حاجبي
- باوعت بعينها ابتسمت حلو خوفها عليه لالا عادي
- لا ابوسما تخوف والله
- هاهي عمي منصعدها ها سما بابا تردين شي
- اريدك الك بابا ضجت بعد لتسافر
- مره لخ اخذج ويايه كلت لعمج
- خوش يس يس
- هههههه وجه فاطمه مبتسم يباوع لسما يخبل ارتاحيت من شفتها وهافت عليه جماله اليوم الله ربي سديت الخط وره كم يوم رجعت -----
- نهى- كمت من اداوم ابد ميباوع عليه طالبه عاديه كانما ارتاحيت لهالشي كلش مرت كم يوم وبده النضري الوحيده اني ميجي يمي واضل حايره اباوع عالبنات واتعلم منهم الا ان فارت وحده من القارورات بالسائل وكام يتطشر طلعو كل الطلاب بقيت واكفه صافنه فشله كدام 60طالب باوعلي رافع حاجبه وكف بصفي وعلمني اخيرا--- اسفه استاذ
- اكو شغلات متنحل بالاسفه مالتج ست نهى خليت المواد بعصبيه وعفتها ورحت
- جمدت بمكاني لازم اكعد ويا واحاجي لازم كملت المحاضره ورحت لمكتبه --- استاذ ممكن دقيقه
- لا عدي شغل
- استاذ بس استاذنك من تكمل محاضرات
- مسائي عدي 4 محاضرات منصي عالمكتب واحاجيها
- ميهم ميهم انتضرك همست
- شتردين رفعت راسي
- اعزمك على كهوه بس اريد احاجيك وهاهي
- بابا اني دكتور وانتي طالبه شون تردين اطلع وياج حتى اصير حجايه اذا عدكم عادي عدي بيها بلاوي سمعه هاي سمعه
- انت ليش محسيني احنا انكس خلق الله تره احنا هم ناس مستورين روح اسال علينا وشوف بيت الضامي شنو من الشي والشي الصار لا بيدي ولا بيدك
- ضربت عالميز ووكفت لا بيدج جان بس انتي وحده متستحين
- دكتور والله مجنت اعرف بي مجرم برطمت
- اطلعي بره اشرتلها بنتره
- طلعت وصعدت فوك بالطابق الثاني كمل دوامي ردت اكعد وحدي فرغ الطابق خابرت السايق ميجي بقيت صافنه ساعه تمشي طياره ردت ابقى بعيد عن هوسه الجهال يكفي الضوضاء اللي براسي صفنه وره صفنه
- علي- لمحتها من الشباك بالطابق ال2 بعدها مطالعه ساعه4 شعدها فوك هاي عفتها مالي دخل
- دكت امي كتلهم عدي امتحان بالمسائي اتاخر بس ردت ابقى وحدي حسيت احد ورايه جمدت انداريت عليه دكتور علي
- شعدج هنا همست
- بلعت ريك انتضرك دكتور
- التفتت خاف احد يشوفنا مراح اخلص منج
- مردت شي بس تسمعني وهاهي
- امشي خل اخلص نطلع بره الجامعه بس وراها اي كلمه منحجي
- ماشي اني راح اخذ تكسي اكو كوفي اسمه رويال قريب عالنهرين صغير
- هزيت راسي اي اي اعرفه عاكد حاجبي ديله هناك نتشاوف عفتها ونزلت
- نزلت وره شوي اخذت تكسي ورحت طبيت اشرلي رحت كعدت كدامه نصيت راسي
- احجي هلصيني اريد ارجع تعبان
- تشرب كهوه طيبه كهوتهم
- لزمت طرف انفي اللي يم عيني غمضت عيني اني غده منتغدي
- ولا اني هسه نوصي لفات
- انتي ششايفه روحج متكوليلي بت ملوك عكدت حاجبي رزلتها
- اسفه استاذ تنهدت كمت اخيط واخربط سكتت كمل رزالته جابو المي باوعلي حتحجين لو نروح متكو داعي لكعدتنا
- شتريد احجي
- اي شي يخليني اعذرج واكمل دوام الجامعه بدون ماشيل هم لطبتها لان انتي بيها
- دكتور علي والله مجنت اعرف بي مجرم
- هاي اعرفها غير هالشي
- استاذ والله العضيم اني احبها لفاطمه مو قصدي ائذيها
- لو اني منج اقل مابيه اكول لاخويه كلشي شمرت الفون عالميز صرت اعصاب نزعت الستره كتفت ايدي باوعتلها ماعدج شي تكولي اريد ارجع
- دكتور فاطمه سامحتني الله يخليك تغفرلي انت هم حاول تسامحني
- مستحيل اكدر نصيت راسي واذا انتي عدج ضمير متكدرين تعيشين تره فضيحه بنيه وخراب بيت شون عايشه انتي باوعت بعينها مستغرب دمعت عينها انتو فاصلين انتي وان جان اخوج ماعدكم احساس كمت من مكاني اترخص اذا تردين تفضلي اوصلج ويايه تنهدت رفعت راسي
- حسيت روحي مايسه خليت ايدي على وجهي ابجي متعرف شصار بيه بوكتها اني مجرد اتذكر الحادثه ابجي النوبه عرفت من ورايه انهاريت متدري شصار بيه من دااسمع صوتها ولمن شفت ولد راح وبقه الثاني عرفت حيسوي شي تخبلت وصوت فاطمه ماكو سما ترجف بحضني واني مااعرف شسوي
- كعدت اريد اسمع بس جسمي يرجف
- والله تملخت كمت اشهك -----
- تعاي كومي كعديزهنا العالم تباوع كعدتها بمكان بالزاويه كدامنا حايط وبصفحتها حايط وبصفي الجام عالشارع والناس صارو بضهرنا
- كمت ماريد احد يشوفني ابجي
- كملي منين عرفتي
- بلعت ريك ابجي واحجي ماما اشترت موبايل حديث صديقاتي كلهم يحجون بهل السوالف والعلاقات حبيت اجرب دخلت عالوي جات وتعرفت عليه تنهدت ابجي دخللي ولد وبقيت اسولف وياه ضل يسال واني اجاوب عدنا معرض وبيتنا بزيونه وعدي 2 اخوه وهكذا احجي وابجي مخلي كف ايده على حافه الكرسي مالتي يستمع بالم كلسا يجر حسره
- كملي
- لحد ماراحو للنجف جنت احاجي كتابه بس ابد ممخابرته كتله لليل يله يرجعون آخ يابه تالي جوي فاطمه بجيت بقهر اريد اسكت مااكدر خله ايده على كتفي اذا متكدرين تحجين خلص هاهي
- لازم احجي محاجيه لاي احد غير بس فاطمه تدري فاطمه خلتني بالبلكونه وقفلت الباب كالت كعدو بالزاويه متبينون ولو شما يصير لتطلعون صوت اخذت سما وجسمي يرجف فاطمه جانت اكثر من اخت الي امي جابتني وهي بالاربعين سلمى تزوجت من وكت تقربت كلش من فاطمه حذرتني هواي بس اني تقشمرت ومسمعت كلامها جتي ايام زعلت عليه واني مدرت بال اشهك بالم واحجي كلسا لازم كتفي يكولي كافي هاهي لتحجين واني مستمره بعد انفتحت
- اباوعلها تبجي بالم وجهه صار دم عيونها خشمها تعض بشفتها وتحجي وتبجي انقهرت عليها
- طلع اول واحد ضليت صافنه ليش الثاني مطلع وره وين كمت ادك بالباب بقوه واصيح حسيت ديسوي شي لفاطمه شوي وطلع الحقير كمت اشهك متحملت
- كافي كافي سكتي هاهي ماريد اسمع شي تنهدت كافي
- كمت ادك بالباب فاطمه مترد لحد مااحري اخوتي المغرب فتح حيدر الباب منضر قسور جان مرعب مرتجي عالحايط ااشر بيدي واوصف وابجي وهو يهز راسه بالم --- عبالك ميت فاتح عينه عرفت اذوها خليت ايدي على وجهي كمت اشهك والله ردت اموت وقبل اشهر من عرفت ردت اقتل نفسي بس فضيحتين شتسوي باخوتي دكتور شتسوي بيهم اني لتشوفني عايشه هسه كلما تطب سما لبيتنا اموت ميت مره هذا بيتها المفروض واني الاطلع منه واخويه اللي حالته لاتسر لا عدو ولا حصديق لتضن بس عليك صعبه باوعت بعينه ابجي لتتوقع بس من تشوف اختك صعبه عليك عليه هم صعبه اخويه عاف حياته بعد عشر سنين زواج واني السبب كمت اعصر باصابعي اني السبب
- لزمت ايدها نهى تدرين شكد صعبه يعني فصلناهم وطردناهم من بغداد كلها من غير سجن 10سنين وهذا كلبي مبرد تنهدت لتلوميني اللي مصبرني شغله وحده بس انه محاسه وانه اختي عايشه وانه ممقترب توه ديتحارش وصوتج خوفه تدرين لو مقترب حركه وحرك احوج وحركج ميكفيني كامت تشهك --- انتي هم مالج ذنب طفله وغلطت وسبحانه الميغلط باوعتها كسرت كلبي
- كمت وكفت اخذت جنطتي
- وين
- اغسل وجهي رجعت كعدت ابجي مدااكدر اسيطر على نفسي
- كافي تنهدت كافي نهى بس اسف اذيتج وحملتج الذنب
- كمت فتت لاحمام غسلت وطلعت من الكوفي راسن مشافني من طلعت بس ردت انهزم تعبت كلش مكدرت حتى اباوع بوجهه
- ضليت كاعد صافن منضر وجهه ودموعها عانت مثلي وعذاب الضمير اذاها واني فوكاها انتضرت عشر دقايق ماكو اخذت الستره والفون سالت بالحمامات كالو فارغه عرفت بيها طلعت طلعت اني هم اول موصلت للبيت كبل نمت مكدرت اباوع بوجه فاطمه لليل يله كعدت بقت ببالي دموعها ووجهه كلامها وصوتها اليرجف اذيتها وفتحت جروحها اه يابه ثاني يوم داومت ردت اشوفها شونها ممداومه ضليت اسبوع على هالحاله نهى متداوم ضل بالي شفت سما دتبدل -- ها خالو ترحين بيت جدو
- اي خالو هسه بابا اجه من السفر حيمر عليه
- ها اوصلج اني ردت اوصلها بلكن اشوف نهى
- لا هياته اجه باوع دك هورن
- يله روحي الله وياج كعدت عالقنفه صافن صلحت اوراقهم درجه كامله كالعاده ابتسمت فاتها امتحانين ضليت اكل بروحي البنيه شاطره مستواها تراجع بسبب غياباتها وبسببي كمت اعز برجلي
- فاطمه- ها علاوي شبيك
- باوعتلها فاطمه تدري نهى بجامعتي تعرف حاجيلها ومحلفتني مااقترب منها واحاجيها حجايه وحده بس اني مسمعتلها---/ فاطمه تره نهى صار اسبوع ممداومه
- شنوو ليش
- مو تنهدت قبل اسبوع كعدنا وحجتلي كلشي وراها بعد مداومت
- لا بربك لك بابا انت شبيك مصر ترجع الالم الشفته اني وياها علي نهى مالها ذنب تقشمرت
- هزيت راسي ادري تنهدت هسه دخابريها سالي عليها كوليلها ليش مدتداوم جيب الجهاز معلك خلف الله عليك دكيت ضل يدك يله ردت --- الوو
- هلو نهاوي شنو شبي صوتج لا سلامتجمحتاجه شي والله اذا تردين هسه اجيج ماشي حبيبي يمج العافيه
- شبيها عضيت شفتي
- فقر دم حاد شسويت بالبنيه علي
- مسويت شي بس سولفنا
- هي من تنقهر حتى اكل متاكل حتى مي متشرب علي عوفها
- ماشي تنهدت كامت من يمي صعدت نامت صارت عصبيه عليه بقيت الوب اريد اخابرها لاخاف عيب يابه عادي احنا نسايب ودكتور يسال عن طالبته اخذت تلفون فاطمه دكيت عليها طبيت لغرفتي دكه دكتين ردت بتعب
- ها فطوم
- الو جاوبت
- سكتت شوي ورديت دكتور علي
- اي اي تنهدت شون صرتي
- احسن اليوم بديت اكل
- ديريدبالج على نفسج امتحانات عدج تنهدت
- ايدانشاء الله ااامتحنو مال اسيدات مو
- اي بس راح اعيده
- همزين
- المحاضرات يمج لو ادزيالج
- والله نصها يمي
- هسه باجر ادز الباقيات وي سما تنهدت
- شكرا
- عفوا تدللي جريت نفس اشوفج بخير
- شكرا دكتور
- مع السلامه
- الله وياك سديته بقيت صافنه عالفون هذا صدك يحجي معقوله انقهر عليه ثاني يوم دز المحاضرات وي سما كيفت قريتهم كلهن وراها بيوم داومت اول مطبيت --- نهى
- نعم دكتور
- وج هاي شنو خلصانه وجهج صار اصفر جان مداومتي ارتاحيتي بعد
- اختنكت من البيت باوعت بعيني يبتسملي ارتاحيت كلش
- اسم الله عليج همست انتيهت على معالم وجهه وجه مدور اسمر فاتح شفاف رفيعه وانف قلم شامه يم شفافها ودكه بالحنك والحاجي ثخين وطويل عيون بنيه واسعه ورمش كثيف جنها عيون قسور بس مبيها قساوه ومن تضحك تجيب اجلك نصيت راسي وفتت للقاعه جان عدنا امتحان وزعت الاسئله اي وبي باوعت بعينها مبين بيها التعب بقيت اراقبهم عيوني عليها من تحل كلسا تلزم راسها وترجع تكمل حل ضل بالي يمها سلمت الورقه باوعت بعينها --- لتضلين تفترين بالسنتر كعدي مكان في لتوكعين
- ابتسمت نصيت راسي اي دكتور طلعت كعدت بالفي شوي واجه الفراش هذا من دكتور علي انتي بت عمه مو
- ااا اي بت عمه اخذت كلاص عصير برتقال التفتت عالشباك شفته واكف بمكتبه ابتسمت وابتسم اشرلي شربي رفع حاجبه
- احساسي باني اذيتها وجع كلبي البنيه مالها ذنب من ورايه تاذت قررت مااتقرب الها بعد هاهي موضوع انسد كافي البنيه شاطره وهالشي دياثر على مستواها
- نهى- مرت ايام والدكتور عادي جدا ويايه الحمد لله لحد مافد مره مريت لفاطمه علمود جهال حيدر لان كالتلي من يصيرلج مجال مريلي واليوم ماعدي شي وداني حيدر وي الجهال
-
-
