شوي ووصلت مولين بدلنا سيارات الاسعاف لاسباب امنيه مستشفى مولين متستقبل اي سياره غير سسياره اسعاف مستشفاها
صعدت وكعدت كدامها صعدو بالسديه فاطمه قسور يباوع صافن واكف ويباوع عبالك نايم
- قسوررر اصعد لك شبيك نزلت صعدته كعد بعيد عنها مرتجي بالشباك نايم وفاتح عينه موصاحي سديت الباب فز طلعت السياره مولين ركض عقمت الجرح تباوعلي ترجف وتخيط براسها كانما تكلي ضلما شرف او لا قسور تباوعله تكول كانما جسد فارغ صافن يباوع على رجلها وصلنا المستشفى ركض ركض اباوع قسور اختفى قسور قسور ماكو وينه هذا دخيلك ربي والله ماضل بيه حيل لك قسسووووور طبيت وره مولين عفته قابل حيضيع اي ضاع الولد راح ومراح يرجع مثل قبل -----
- طبينا للمستشفى بدقيقتها فتحو محضر سرقه واغتصاب دخلو فاطمه تحليل دي ان اي تاكيد للاغتصاب طلع ماكو شي يثبت الاغتصاب غير كم شعره منه باسنانها وعلى جسمها
- حيدر- طلعت من المستشفى مدااكدر بعد اختنكت توها تشك الفجريه تمشيت بحديقه المستشفى حتى بجي بجيت اخويه انتهى شنكول للعالم اذا تخبل اخويه شون
- اهلها شنكولهم محافضنا على بتكم امشي واعض اصبعي لو منجب وكاعد ورايح قسور وحده لو رايح وحدي امشي ولمحت واحد واكع ماكو غيره قسور ركضت شلته وعدل لبيت سلمى ضلت تبجي محمد اجه ويايه للمستشفى بقه ساعه ورجع لحد الان اهلها ماماخذين خبر شكوللهم شكووووول اخويه كضاها تصفن حبوب ومسكنات محمد مستلمه لان بس صافن كال لازم يهدا ويضل نايم هالفتره لان حيموت روحه هو اصلا فاصل من الدنيا ضربتين بالراس توجع
- صحت فاطمه --- سما سما
- مولين- موجوده لتخافين فاطمه منو سوه بيج هيج تقربت منها كوه تحجي نصيت اذني على شفتها
- باكو كلشي
- ولج محاسه شسوو بيج
- ضربوني بجعب السلاح متحملت الالم
- ها ماشي طلعت لحيدر هاي محاسه متدري اذا مغتصبيها لو لا يمكن ضربوها بالسلاح اغمى عليها وراها الله ليكولها
- شوكت نتيجه التحليل
- ساعه
- الله يطيح حضهم ولج اخويه حيموت شوري عليه شسوي شوري عليه انتي العاقله الفاهمه ولج لتبجين مولين رحمه للكعبه كعدت عالسكمليات البره الردهه لعد اني شكول راح شرفنا كمت ادك على راسي شوي واجه شاب سلم وقدم روحه اني المحقق رائد لازم احقق وياها
- مولين- البنيه تعبانه مستحيل اخليك تفوت منا لباجر لمحت علي اجه يركض علي علي
- مولين شكو شبيها فاطمه شبيها شنو تكول سما دم براسها شنو حرامي احجي حتخبل وابويه مرتفع ضغطه اخذه وسام لمستشفى اليرموك
- علي فاطمه بجيت يمكن مغتصبيها
- لا يا الله لا هاي مااتحملها واعيش بيها مااكدر كمت الطم الهي مجايين يم عرض احد لااني ولا اخويه دخيلك الا العرض
- حيدر- طب الضابط وي مولين واني انهزمت من شفت علي يبجي بالزاويه بياوجه يشوفني واشوفه انهزمت
- مولين- فاطمه هذا المحقق يريد يحاجيج بيج حيل
- اي فاطمه خلي يطب وانتي تعاي اشاورج
- شكو
- باعي بمجر خاله مال الميز يم راسها اكو فونً جيبي وتعاي
- شنو مالمن
- معلليج ومحد يدري بي مولين ابد
- اوك باوعت للمحقق شوي وجايه
- انتضر بره لعد
- مشكور رحت ركض بسياره وللد دكتور ويايه اخذت الفون مجان اكو احد بالبيت سديت البيبان ورجعت للمستشفى طبيت الها هاج
- صيحي المحقق
- شكو
- مالج دخل صيحي
- طب المحقق فتحت الفون كدامه
- دخلت عالوي حات مو كلش اعرفه بس هي متحاجي غيره طبيت لكيت صورته بلوعت عالوحمه نفسها جنت متاكده سيدي هذا السواها
- متاكده
- اي
- وشنو صله القرابه
- باوعت لمولين تفر براسها سيدي هذا مصادق حماتي الصغيره بس ابد لتحجي تره اخوتها يذبحوها والله ضل يحر منها معلومات وطبو باكونا
- بس لازم احجي هاي جريمه اغتصاب
- شنوو اغتصاب منو باوع المحقق لمولين فك عينه كلها مولين خلت ايدها على عينها تبجي منو مولين ولكم منو احجو نهى سما خومبيها شي خليت ايدي على كلبي لو --- غمضت عيني تذكرت نضرته النكسه لالا مولين الله يخليج لو كاتليني ولا مسويها
- قوي روحج وهديها لخاطر سما بعدنا ممتاكدين والله لزمت ايدها دفعتني تريد تكوم
- مولين لج مولين كمت الطم على راسي فقدت المحقق مصه وطلع خرمشت وجهي لحد ماخربت ومولين تلزم بيدي تهديدبيه ضربوني مسكن يومين مثل الحلم مرن بس احس دااحلم واحس بمولين من تضربني الابره وصوت قران اني وخالتي تهمس الله لا ينطيهم خربوًحياتنا كعدت صافنه قسور قسور بالي يمه احجي بداخلي ابد انهزم من الواقع مغمضه عيني واني صاحبه ماريد اواجه لحد مامكدرت بعد اشتاقيت لسما كلش وقسور دمرني مداسمعه حتخبل وينه
- مولين
- ها شونج اليوم
- زينه وين سما
- يمه فطومه حبيبتي
- ماما بجيت بقهر شفتي شصار بيه صوت بابا سمعته هذا بابا انداريت تخبلت عبالك شايب هيج سويت بيك حضنته بجه اكثر مني ويردد اذا اصابتهم مصيبه قالو حسبنا الله ونعم الوكيل مخنوك حيب كوه يجر النفس حبيبي شكد صبور طيني من صبركً كلشي منكدر نسوي بس نبجي وره كم يوم القو القبض عليهم وحققو وياهم طلع الحقير توه يتقرب مني متحرش جنسيا سموها بالشرطه توه يقترب وسمع صوت الباب اندكت يدور معرف وين انهزم خاف ينلكف وحقق ويايه المحقق كتله عضيته من ايده قبل ليضربني كلي هذا تفسير الشعره اللي لكيناها بين اسنانج انسد المحضر ورجعو كل اللي اخذو انحكموا 10سنين ووحيدر كعدهم فصل وانمنعت جيتهم لبغداد بعدما يطلعون من السجن شيرجع الشرف بعد كل هذا تسترنا عالقضيه لان فضيحه رجعت لبيت اهلي ثاني يوم حيدر وخالتي جابو سما يمي ---- يمه ارتاحي هنا كم يوم وارجعي لبيتج معززه مكرمه
- خاله قسور شكال
- مكال شي يمه كال الحمد لله مكتلوها
- خاله قسور ميريدني بعد موو
- خاله لتكولين هيج ميصير وبعدين الوكت كفيل بالمسيان امي
- خاله ميريدني بعد لج عيني اني اعرف رجلي
- تحسرت الله كريم ويلطف بحالكم حالته لاتسر عدو ولازحبيب تصعب عالكافر بس صافن ويبلع بهالادويه حتى ينام ذبي حمولج على الله هو اليحلها
- بجيت والنعم بالله مر اسبوع لا خابر لا سال وحيدر ومولين كل يومين يمي ويرحون
- قسور- حالتي متنحجي ماريد اتذكر حتى شكلها كسرت كل الصور اللي بشقتنا هدومها ذبيتهن جوه يرجف كلبي من اتذكرها لمسها غيري اني نضره تشعل عشيرتي النوب لا زمها ماريدها بعد الله يخليكم لتخلوها تجي هنا اطلع من البيت ضلو اهلي يقنعون بيه حرام عليك سما بينكم ومالها ذنب هي يمه ميصير وهي متاذايه واني لعد ممتاذي بكد اذيتها قاطات اني متاذيها اني ميت يوم ميت لتشوفيني واكف على حيلي تره ميت امشي احجي وااشر على صدري واكف بنص الهول الجوه حيدر واكف لازمني من ايدي كلسا الطم وامي تتوسل سلمى تبجي كدامي وتبوس بيه وتتوسل روحي تحترك لاعب بيها لعب لابن الكلب ربي طفي نار كلبي فقدان ذاكره انفجار بالمخ اريد ارتاح --- رحمه لابويه لتجي كاريد اشوفهااااا----- مر شهر اتصل ابوها على حيدر ودزو على خوالي وعمي الوحيد وعلينا رحنا جنت قافل عالطلاق مدااكدر حتخبل مترجع بعد من طبينا اني حيل تعبان صفيت نصي ولحيتي تارسه وجهي وبس ابلع فاليوم وانام اريد انسى --- ظلو عمامها يحجون راسي صار شكبره واني بس اهز براسي واهمس مااكدر ابوها ساكت خطيه حالته مو احسن من حالتي كلما جابو اسمها ينصي يبجي اعد اني شكوول
- وسام-خويه قسور انت هم مصوج عايفها وحدها وطالع للنجف والبيت شكبره متكولي شون يصير اني امي ماعرفها وحدها بهالوكت الاكشر احنا مذابين بتنا عليك بس انت تتحمل واحنا نتحمل بينكم بنيه تتعقد ميصير وشي ثاني لو يمنا صاير اللي صار طب بعيننا وكول بتكم ماريدها محافضتو عليها بس يمك وانت تتحمل ---
- خوالها ضلو يحجون نصيت راسي حسيت مكدرت بعد احجي حيدر خله ايده على كتفي
- حيدر- خويه والله حرامعليه حرام عليه لعد موحرام الديصير بيهاباوع بعينه واحجي بداخلي لان مااكدر اجاوب عالم اكبر مني اني هيج ربيت عالاصول رجعت للبيت اول موصلت للطرمهفتحت الباب الجبيره بالسياره دعمتها محد حاس بناري طبيت للبيت مخليت شي مكسرته امي تلزم من صفحه وحيدر من صفحه عوفوني خل اموت روحي حتى ترتاحون مدتحسون شديصير بيه مرتي مرتي غيري لزمها لك حيدر باوعني تقبل واحد شارب ياكل بخاشوتك وترجع تاكل وراه بنفسها متلعب روحك النوب السالفه بيها شرف ودين نصه راسه حيدر لعد اني شكول شون تقبلوها الي شون احجي واملخ بروحي دكم القميص مضلت ولا دكمه شكيت هدومي عليه
- المره مالها ذنب
- ولا اني الي ذنب ولا اني صحت ماريددددها اموتها لنفسي اذا شفتها
- زين زين يمه باوع تجي لهنا لشقتها وانت ضل هنا يمي ونسني ها شتكول متصعد فوك شون من جنت ولد اقلها سما يمك ويمها
- لالالا ماريد
- سما ولك شلون يمه
- يمه حتى سما ماريدهاااا صحت بعلو حسي كعدت بالكع انهد حيلي انتجيت عالحايط اللي بالهول ومددت رجلي من التعب رفعت راسي حيدر كدامي ميدري شيسوي واكف يباوعلي انتبهت وراه سما حاضنه رجلي وتبجي بهدوء وهو يمسد على راسها صافنه مبرطمه حسها مطلع يمكن جتي وي سلمى واني محاس بيها خاتله وره حيدر خايفه لازمه رجله نصيت راسي ابجي
- تعاي بابا
- ماه متحبني
- بابا تعاي حبيبتي هنا اشرت على صدري عالمكان الجانت تغفى بي بامان ومتغفى بس عليه رغم كبرت وصارت صف رابع
- ماه
- بابا سما اختنكت كمت ابجي لفيت راسي بايدي حسيت بيها وكفت كدامي لزمتني من وجهي كفوفها الصغيره خلتها على وجهي ثنينهن على لحيتي
- بابا حباب لتموت مثل ابو صديقتي امو وراك والله
- باوعتلها رفعت راسي مسحت دموعي هزيت راسي اي تقربت مني بخوف متردده هذا الحضن الجنتي تكمزين بي ركض ابتسمت بالم بكل مابيه من قوه بقت نامت على صدري كمت اشهك وابجي وابجي لبجايه ويايه واهلي هم يبجون شلتها ورحت لفراش امي نمت اني وياها تعبانين ثنينه كعدت الصبح حيدر يلملم بالكزاز اللي طشرته البارحه وجايبين ابوجام مالي هلك لشي ابد بقيت اتفرج عليها من نايمه الصبح تشبه امها هواي يارب صبرني لخاطر بنتي يارب هاي روحي من هالدنيا لا نسالك رد القضاء لكن نسالك اللطف فيه كعدت فتت للحمام زينت لحيتي حيدر نزل شافني حضنتي سبحت وطلعت صحت على امي -- يوم -- يوم
- ها يبعد روحي
- يمه جوعان سما كعدت
- اي مو تتدلل تعال مولين مسويه شون ويوك الك ولحيدر
- السلام عليكم شونج مولين
- هلو قسوره هلو سماوي يله تعالو تريكو
- انداريت عليها تفرك بعينها --- بابا ليش كمت شافتني ابتسمت ضحكت ركضت بحضني ابتسمت شلتها اخ ربي منك الصبر
- بابا تحبني
- اموت عليج بابا
- يعني متريدني
- طبعا اني كم سما عدي
- بس اني
- اي بابا بس انتي يله تعاي ناكل بدينا ناكل دك التلفون مال مولين باوعتلي
- سما- هاله هاي ماما
- ااا اي تحاجيها
- اي -- هلو ماما حبيبتي ههههه اي نمت يم بابا بحضنه على عنادج وانتي ماكو تشيليني تخليني بفراشي
- قسوره- غمضت عيني كمت فتت لغرفه امي باوعتلي امي يمه ابجي لتخليها بكلبك موزين ادري صعبه عليك وانت رجال تعال ابجي بحضن امك --- كعدت على ركبي وهي كاعده عالجربايه خليت راسي بحضنها وبجيت طلعت كل قهري فتحت الباب سما --- يله بابا ناكل
- اي بابا الغرفه ضلمه مسحت دموعي ماريد تشوفني منكسر بعد كعدنا ناكل كوه اجرع اللكمه بس لازم اتقوى سماوي كاعده بصفي تاكل بشهيه كملنا وكمت رحت للشغل احاول اتعايش
- حيدر- ها خويه شحتسوي هسه
- شسوي تنهدت
- تجي ام سما لخاطر سما وتبقى فوك اني اتسوك وسما تصعده متنزل وقت جيتك ابد
- هزيت راسي ماشي وبعدين باوعتله بطرف عيني تاليها شون حيدر
- الله يداوي الجروح
- متداوت شلون
- تره مصار شي بس تحرش
- ممم تحرش يعني كمكشها من فوك ليجوه تونس بجسمها تونس مووو
- استغفر الله لك خويه وكل الله وهو يداوي جروحك
- واذا متداوت اطلكها
- سوي اليريحك ابو سما بس خلي بنتك كدام عيونك
- الله كريم شال الموبايل وطلع بره المعرض يفتر بين السيارت ديحجي بي معقوله يحجي وي فاطمه ههههههاي باع اني قسور عليمن دتغار عرضك انداس شيل الغيره من راسك متفيدك ااااخ يانار كلبي-----
-
