Thanks for your support!
مريض لحد ماطاب الف يالله مرضه يمنعه من الزواج ضل يتعالج وماايس لحد ماصرح الدكتور انه يصلح الزواج وراد يجدد شبابه طلب من اهله يتزوج وحده صغيره وشتريد حاضر وفعلا لكوله بنيه صغيره حلوه كلش بس نسه انه عقلها مثل عمرها تزوج والدي وره سنه جيت اني وبعد مصار عده اطفال والدي بعيد كل البعد عن امي هي بديره وهو بديره كلمن عالمه بس ابد منقصر ويانا بشي مدللها ومدللني كضه حياته سفر علاج وشغل بالسيارات وي والد قسور زوج عمتي مرت الايام كبرت صار عمري 15سنه قسور ويايه خطوه بخطوه لعبنا سوالفنا خبالاتنا خباثتنا كلها سوه جان قسور من امه تضوج ابسط مابيه يركصلها حتى يضحكها جان نسمه تطيب بيها الجروح لحد مافد يوم ---
-قسور امشي نروح لبيتنا ابويه مستفر وهاي عمتي ممركبه واني كلت لامي رايح انغده بيت عمتي طلعتو انتو التردون غده
-اي يله اوكف خل اجيب الجوستك جوسنكك يشكل وتغلبني
-- يله جيبه رحنا لبيت اهلي فتحت الباب من جوه وصعدت كبل انزل الاكس بوكس صعدت ويايه قسور لغرفتي كل ضني امي بالغرفه مالتها طبيت ملكيتها امي صار عمره 35سنه وابويه 65فرق عمري فكري وعدم تواصل عاطفي
-- يوم يوم
قسور- تره بالسطح هسه شفتها مشت سريع
- ها طبينا للسطح ضلينا نفتر شفت كطوف جكاير بالكع باوعت لقسور قسوه كان عمره 10سنين بقيت افتر لكيتها وره التانكي خاتله وي ولد ابن جيراننا تقريبا بعمرها بس لبسها نص ردن وبنطرون ضليت صافن باهت وقسور ورايه الولد كمز ممن السطح لسطحهم اني بس صافن اتفرج من شوي حسيت اني تقربت ضليت اضرب بيها بكل قوتي هي تدفع وتصيح عليه اصيح واكولها الا اكول لابويه نزلت ركض وطلعت للشارع رحت لبيت خالي الجانو نفس منطقتنا كلت لرجل عمتي ابجي ارجف وقسور يرجف ورايه رجل عمتي طب حجه لعمتي خابرت خابر ابويه وعلكت ابويه كان طريق خارجي ضليت ارجف لحد ما وكعت والدي توفى اثر حادث غلطت عمتي من اتصلت بي واني انهزمت اللي يكول راحت للمحافضات واللي يكول خارج القطر لا هي ولا الجان وياها فص ملح وذاب من صحيت صارت عدي حاله مثل الصرع عمتي معافتني ولا رجل عمتي بالذات بعد وفاه ابويه اهل ابويه حملوني الذنب اللي سوته امي من دون عمتي قسور كان ويايه لحضه بلحضه جنت اذب دمعه يذب عشره من اباوع بعينه اشوف الشفناه سوه كامت تجيني حاله افز نص الليل اصيحح بعلو صوتي واملخ بروحي مثل الكهرباء تمشي بجسمي سالفه دقايق وتروح حاولو ويايه لاسيد خلو لا شيخ لا طبيب اخر شي كالو حاله نفسيه ونوع من انواع الصرع يوميه هالحاله تصير اخجل من يلتمون عليه بيت عمتي سلمى وقسور اللي ينام يمي وحيدر ورجل عمتي وعمتي اريد ابقى وحدي لا اني الاكدر الزم روحي ولا اني الاصيح براحتي طلبت من عمتي انام وحدي بالصاله لحد ماطيب واذا صيحت لحد يجي يمي توسلت بيها قبلت حتى ماانحرج وفعلا نمت بالصاله وحدي قسور كوه قنعته كتلهم حتى لو تسمعوني لحد يجي الصاله اخر شي بالبيت شوي الصوت بعيد يصير وفكرت احصر وجهي بالمخده وفعلا فزيت وصارت الحاله عدي توني اصيح والكه بت خالتي سلمى صف خامس ابتدائي حضنت راسي وتمسد على شعري ترد البسمله ببراءه اني فاقد اصيح بس حاس على حركتها البريئه بعد ما انهد حيلي رجعت راسي
- سلمى ليش جيتي اني شكلت
- ماه ماه اخاف عليك وحدك تصيح خاف تموت
- موتتهم تنهدت روحي بعد لتجين
- اي هاك مي اشرب
- ماريد ولللي صحت بيها طلعت من الغرفه مبرطمه موبيدي الديصير صعب حتى عليه كل يوم اكرل اني رجال وعادي اتقبل الموقف بس من انام ويرهى جسمي تجيني الحاله بكهرباء عبالك يمشي بجسمي ثاني يوم نفس الحاله غفيت توني وصرخت وهم جتي سلمى تركض حضنت راسي قوي وضلت ترددالبسمله وتمسد بشعري راحت الحاله باوعتلها اذا وصلتي اكسر رجلج بعد راحت واني كوه نمت هاي شبيها ليش هيج تسوي واليوم الثالث نفس الشي بس اصرخ تجيني راسن كمت ارتاح من تعصر راسي وتردد البسمله مثل عمتي مااخجل منها بس اخاف تنطرش من صياحي راحت الحاله بقت تباوعلي تنتضر اطردها مبيه حيل حتى احجي شربتني مي تباوع بعيني
- سلمى- هسه تطيب وتصير زين
- انشاء الله بس حبابه لتجين بعد
- اجي عفته وطلعت مااتحمل اسمعه وماروح ابد مااكدر
- مرت الايام واني شهرين الحاله متتابعه سلمى معافتني ابد كلما تجيني الحاله تركض تحضني كمت احس بامان من تسوي هيج تعلمت اردد البسمله وياها لخد مايوم قاومت روحي من جتي الحاله اول صيحه جتي حضنتني عصرت روحي سديت حلكي كوه تباوعلي وتبجي
- صيح محمد موزين بابا يكول صيح الله يخليك
- فكيت مهدود حيلي
- ليش هيج سديت حلكك
- اخاف على اذنج تنفست بقوه بقيت اباوعلها تباوعلي بقلق --- سلمى انتي تحبيني
- اي احبك وكتله لبابا من اكبر اتزوجك
- لا بشرفج كلتي لعمي
- اي بابا كلشي اريده يسوي
- يعني اذا كبرتي وشفتي واحد احلى مني متعوفيني
- اصلا انت موحلو بس اني احبك لان تصلي وحباب كلش وشاطر مااعرف ليش احبك هههه
- روحي بابا روحي يجي يوم من تذكرين حجيج تطمين روحج
- من ذاك اليوم الحاله راحت كمت افز اختنك شوي وتفك بس ماصيح مرت الايام سلمى تداريني حالي حال قسور وخيدر تمسح حذائي وتكوي هدومي عمتي جابت نهى وسلمى بين اخوتها وبيني وبين نهى تعاون امها وشاطره بالدراسه اجه اليوم اللي امها تبعدها عني تخاف علينا واني هم اخاف عليها كمت مااطلب منها شي اكول لحيدر يطلبه منها اني جنت الاول دائما رغم ازمتي زوج عمتي ماانسى فضله طول عمري اجر بيتنا وخلالي الاجار ينجمع بالبنك كنت المتفوق دائما ابد مفرق بيني وبين قسور وحيدر وصلنا جامعه حيدر دخل نفط واني صيدله بس قسور حالته متحسنت يمكن اثرت بي الازمه اكثر من بيه كام ميضحك ودائما عصبي وميحجي خفت عليه كلش لان كان طفل يتعقد بدون محد ينتبه اله سلمى انزرعت بكلبي اتفرج عليها من تفتر بالبيت مثل الورده تبتسم وتخليك تبتسم من اطلب منها شغله تركض تسويها نضراتها التخبل تخليني اجر نفس راحه لكيت بيها الواحه الطفوليه الفقدتها لااراديا زوج عمتي تمرض من صرت صف 2جامعه مرضه موزين جمعنا اني وحيدر
- بابا حيدر ومحمد اني تعبان اريد ازوجكم ارتاح واتطمن عليكم
- عمي بعدنا صغار
- لتكولون صغار بعمركم تزوجت ريحوني
- اباوع لحيدر عيوني تجري الضاهر سالفه رجل عمتي صعبه
- حيدر بابا امك تريد تخطبلك
- يابه اني اريد رند بت خالتي وامي تدري بيه احبها
- اي ياب ادري باوعت لمحمد صافن وانت بابا المن تريد بس اشر نمشيلك عليها نطلع الموجرين ومن ترجع من جامعتك تروح لمعرض السيارت تشتغل وي حيدر
- والله عمي تنهدت باوعت لحيدر اني رايد وحده ومخلي عيني عليه مااعرف ينطوها اهلها لا
- منو بس كول واحنا نروح ونشوف ادز عمتك
- باوعت لحيدر نصيت باجر عمو اكولك منو
- خوش يابه حيدر بابا اخذ قسور وروح للمعرض ويايه لازم اعلمكم كلشي
- بابا لتخوفني الله يخليك
- يابه الاعمار بيد الله
- مشت كم يوم واني اخجل اكول لعمي اريد سلمى شون اكول لعمتي اخجل اكثر اذا كلت ورفضو معناها ميصير ابقه هنا بعد اخ ربي شون اني احس روحي وياها مملت مني شهرين كامله وهي طفله من تكبر شون عسه عمرها 16سنه منو ينطي بنته بهالعمر والنوبه لمعقد مثلي طبت تفرشلي بالصاله اني صافن مبتسم اباوعلها
- شبيك
- ماكو شي شكرا تعبتج
- كم مره اكولك لتكول هيج هاي المي مالتك باي
- هلو سلمى جريت نفس تمددت
- سلمى- داانام سمعت ماما وبابا يحجون يكولها يكول احب وحده ويريدها على محمد تخبلت منو هاي وشوكت منين جتي تاخذه مني اني رسمت طفولتي ويا انتضرت ينامون اروح احاجي اشوف فلمه نامو اهلي طبيت للصاله بس لزمت كتفه فز
- منو
- اسم الله اني سلمى شبيك فزيت
- ها سلمى شبيج تنهدت بنعس
- محمدانت المن تحب وتريد تتزوج
- علكت الضوه اليمي باوعت بعينها ميته بجي --- منو كلج
- سمعت بابا يكول لماما جاوبني
- ليش تسالين كعدت عدل لبست المناضر بقيت اباوعها
- احجي شبيك صفنت
- منو تتوقعين باوعتها بتساول
- شمدريني من الكليه من الشارع من العشيره اني ادري
- وليش هلكد ضايجه
- مضايجه بس ردت اعرف
- ماكو داعي تعرفين
- كيفك دمعت غيني اختنكت بعبرتي بقيت اباوع بعينه معقوله يتزوج غيري وكفت دااطلع من الغرفه صاح سلمىسلمى تعاي
- عا نصيت راسي
- ابتسمت بمكر وكفت تقربت منها خليت نبضي على نبضها هالنبض جنتي صغيره اسمعه وي صراخي يدك يم خدي طيتيني وعد من الصغركتيلي من اكبر اتزوجك وكلت لبابا دتشوفين نبضنا شون ديدك سوه نفس الدكه سكتت خليتها تسمع وتحس
- اي همست ذبلت عيني شنو قصدك محمد
- اني اريدج الج سلمى احبج الج انتي الوحيده الملت مني رغم اطردج وابعدج وانتي مو يمج يوميه اتخربط وانتي طفله ونومتج عزيزه عليج وتجيني ركض تحضنيني حنانج من جنتي طفله مصاير مابدلج ببنات العالم كلها
- اني هم احبك والله
- اموت عليج سلمى مراح تخونيني مو
- انت ماكو بكمالك ليش هيج اسوي
- يعني مراح انصدم بيج تره تعبت يبت عمتي دنيتي اذتني
- من الصغر ماخذه عهد على روحي من تكبر نكبر سوه اسويلك احلى بيت اعوضك عن اللي فقدته واني عد --- كطع حجايتي
- جريتها حضنتها مااعرف شصار بيه يكفي هالكلمه الكلتيها عوضيني متشوق ابني وياج حياتي من جديد واكون اخلى عائله روحي نامي حبيبتي ولتخافين عيوني الج ماباوع لغيرج
- ولا اني ههه باي رحت نمت براحه ثاني يوم كال لوالدي امي رفضت طبيت حاجيتها توسلت بيها قبلت وصارت القسمه كملنا سوه اخذ شهاده الصيدله واخذت شهاده السادس صار عموري بعد 4سنين زواج ثمره حبنا علاقتنا من اروع مايكون حيدر تزوج رند ومصار عدهم اطفال بس هم علاقتهم تخبل قسور نفس الخاله من حضن لحضن من بنيه لبنيه بس مستحيل يرتبط والدي توفى ووصاه يتزوج توفى قبل سنه وكاله هاي وصيتي فكر قسور من لاجاره بهالشي محمد اخذت الماجستير والدكتوراه والفلوس الهلاها اله ابويه فتح بيها صيدليه والصبح ينطي محاضرات بالجامعه ترك الشغل لقسور وحيدر
