وره كم يوم دز بابا الولد سالو ورجعو باحسن الاخبار ناس مستورين ومطالعلهم صوت والولد لاطبه ولا طلعه من المعرض للبيت وعده فوك شقه ومنزل درج عالشارع هو واخو وعدهم درج مشترك وي امهم جوه عده اخت وحده منتزوجه ومحمد اللي اجه رجل اخته الجبيره فرحت اكثر لان بيت وحد بس هم بعدها الخوفه بيه مااعرف افرح لو اخاف شو عيونه تخوف بس عده بيمه بي ام وهيبه شكله وطوله عاااا وافق والدي وصارت قرايه الفاتحه العجيني شنو ترسو الشارع بالمشيه ومن وافق والدي وهلهلو طلع رمه تك ايد والايد الثانيه يدخن بيها برهاوه فتحت برده الهول اباوع فدشي مشايفته قبل بالفاتحه يرمون وذوله عود طاكين وسكنه زيونه الله يچرم اندار باوعني كلبي وكف رفع حاجب وخزرني راسن سديت البرده راحو اهله وثاني يوم اجوي اخذوني اني وماما اشترينا الذهب كانو مستعجلين
عيني ام وسام ابني قسور عده شقه فوك بصف شقه اخو اني هيج بيتي بي 3 شقق فوك والبيت جوه انشاء الله تجون وتشوفو
اي شكو منها عيني ام حيدر
هالاسبوع المهروالاسبوع الوراه العرس ماعدي شي وشتامرون للعروسه الخلوه تتدلل لو تريد لبن العصفور تتدلل
تسلمين متقصرين
جنت فرحانه بالعرس والملابس والبدلات والشقه ومن اتذكره اخاف
باجر المهر اخذوني حفولي بصالون يمهم خصلت شعري كم خصله هو اصلا جان اشكر وطويل البدله مال مهر كلش مشلحه كحليه وطويله والفتحه توصل لنهايه رجلي والصدر مفتوح والضهر كله دلع وعليه شيفون ستريد ردنه يعني كله مبين
ماما شون حنزل بيها استحي
ماما غير عيالج جابوها اني شنو
تسريحتي جانت رفع وخصلتين تبين طول شعري مكياجي لبناني سموك اختيار اخت العريس حبابه حيل جابو الكيك كومه وتجملو حتى الاكل مخلونا ندفع شي السيارت ترست الفرع تريد سياره مو عالزيرو ماكو اجه علي متخبل صوراياها كلي باعي ذوله يمكن حراميه ههههه
دخلت للمهر وكفو كلهم متعجبين على جمالي وام حيدر ام الولد مكيفه ومفتخره حبيتها كلش وحبتني غنولي وهلهلو وكالو حيطب قصور لشتي كامت ترجف بالفعل طب بهيبه وخزره عيونه وغضبه ميبتسم ابد امه شاورته
تقرب من راسي باسني لبسوني الذهب اشوف عيونه على جسمي خجلت عدلت من يم صدري خزرني
عوفي شبيج باوعت بعينه ونصيت متت خوف كوموتي خواته كومي ركصي واني ميته خجل
رجعت كعدت بالكوه يباوع على بياض رجلي ويدير وجهه مد ايده لزم ايدي كمت ارجف اكثر باوع بعيني
كومي ركصي يحجي بنبره الامر واني مدري شبيه شيكول انفذ خوفا منه جرتني اخته وكمت امايل بجسمي مااعرف شون اركص وهو اكلني بعيونه الغاضبه ضحكه وحده مضحك كمل تلبيس الذهب لبسوني بالكيلو ومحد طلب منهم هلكد همه من كيفهم وره شوي طلع يابه من طلع يله ارتاحيت كمت اركص براحتي وعفويتي كملت الحفله نمت واني افكر بي خوف ورعب ومدري شبيه شيكول اسوي غفيت وحسيت ماما تكعدني من صباح الله
كومي ولج اجه رجلج
عزه صدك شنو ساعه بيش
ب8
صدك تحجين
والله ابوج جوه ديسولف وياه دكومي عاد بينما تغسلين وتبدلين ساعه
ماما يعني هو شعده جاي
يمه صار رجلج كومي عيب لتخزينا بله انتي مال زواج
حكوم كمت راسن بدلت وسبحت مدري شبيه حاصرتني البجيه ما ما واكفه بصفي تعدل بثوبي سويت شعري ضفيره رجعت فليته رجعت شلته
لج ماما شبيج تخبلتي امشي نزليله صارت ب9
اي ماما كعدت عالجربايه ابجي
هاي شبيج
استحي واخاف
ماما حبيبتي كلنا هيج امي جانت تكول الرجال من ياخذ المره ياخذ مي وجهه هالشي مرقت وتصيرين صديقته وامه واخته وحبيبته
ماما يخوف والله
لج يخبل جنه هندي بنات هالج تخبلن عليه ثوله خلي يحبج
تنهدت وكفت باوعت على روحي اخر مره نزلت وماما ورايه طبيت للهول سلمت
السلام عليكم
بابا وهو --- عليكم السلام ضل يتفحصني ونصه راسه جنت لابسه كيلود طويل وفوكاه تيشرت ويلك طويل كوستم بصلي
ابو وسام- تعاي بابا فاطمه كعدي يم رجلج اني اترخص من وكف بابا هو هم وكف احتراما اله شكد حلو طلع بابا وسد الباب وراه بقيت واكفه صافنه عالباب
تعاي كعدي
نتر بيه بهدوء كعدت ارجف مد ايده على فخذي فزيت تدنيت
كومي بدلي دنروح لبيتنا تشوفين الشقه
اي همست ارجف لبست الشال كدام المرايه يباوعلي يهز برجله جان لابس دشداشه خمري والسبحه بيده
هيج تطلعين
اي مستر
بعد ماكو طلعه بدون عباه
اي صعدت لبست العبايه الجابوها الي ونزلت صارت بوجهي ماما --- يكول نروح لشقتنا
اي يمه روحي شوفيها
ماما هاف يبوكني
شنو هالافلام الهنديه البراسج ماما ههذا رجلج وبعد سبوعين عرسج لازم تكعدون تسولفون تتقربون هاي شغله اعتياديه
اي ماما تنهدت علي من فوك عالدرج واكف
علي- بابا يصير اروح وياها
بابا شبيكم همس لتطلعون صوتي رجال ودياخذ مرته
اي ياب
طبيت للهول
قسور- ها كملتي اباوعها بالعبايه احلى قرص وجهه وي الخجل ابيض محمد والرصاص اللي بعينها يكتل وي الرمش والحاجب المرفوع وين اضمها شسوي بس هاي اللي ارتاحلها كلبي --- يله امشي طلعت كدامها وتمشي ورايه صعدت بالسياره صعدت وسدت الباب ملطوشه بالباب
هاي باول طسه توكعين بالشارع نترت بيها
اي اي تقربت ارجف بس ينتر وصوته خشن شون حكضيها ويا وصلنا للبيت منطقتهم حلوه وهادئه مابيها جهال يركضون بالمنطقه ويلعبون
يله نزلي
اي نزلت اباوع عالبيت قصر بس صنطه
شنو ماكو احد
لا طالعين للنجف تنهدت اضوج تحجي هواي
طببني للشقه الشقه ملكيه تخبل كلها سيراميك بنفسجي فاتح والبردات نفس اللون الحيطان موصبغ تغليف بالوان تخبل غرفه النوم كلش حلوه بقيت افر براسي
تعاي هذا الهول
اي ضليت اباوع كلش حلو قنفات ناعمه ومرتبه وشاشه بلازما وسبلت
وهذا المطبخ تعاي شبيج
اي همست طبيت بخبل باحلامي مجنت اتوقع هيج بيتي جان لونه اخضر وبي كاونترات تركي مرتبه مطعمه اخضر وابيض ثلاجه منهاي الطويله وبردات مال اجانب كلشي من تحسن مايكون وميز جام بالزاويه اخضر وابيض
هاعجبتج الشقه باوعتها صافنه تفر براسها شبيج
كلش حلوه همست ابتسمت باوعت عالطباخ تخيلت روحي اوكف اطبخ اموت عالطبخ حسيت جرني من عباتي فزيت اخذني للهول يحضن بيه ونفسه تغير اني ماكو احساس فاصله بس خايفه ومستغربه وشكو خجل بالدنيا بيه نزعني الربطه وباسني من خدي وركبتي جرني للقنفه كمت ادفع كمت اضوج من قساوه لمسته --- كافي عفيه
شششش سديت حلكها بيدي جريته يمي فتحت سحابها
كام يتلمس باذيه عصرت عيني هذا شبي حسيته مستعجل باوع بعيني اني عيني انترست دمع ضجت كلش رخه ايدي ابتعدت مهزومه سديت السحاب وعدلت هدومي شفته كعد عدل يباوعلي وكام يدخن ويخزر بيه كعدت بعيد عنه منصيه
يله بدلي دنروح
اي كمت لبست شالي والعبايه طلعنا وقفل البوب نزلنا يم مطعم وكعدنا ياكل براحته واني ميته خجل ميباوعلي من ياكل حتى اخذ راحتي بس هم مرتاحين المهم كملنا اكل شابه سفري اكلي ورجعني لاهلي ردت احاجي بالفون بلكن احبه تتغير مشاعري الخايفه بس مكللي اي شي عن الفون غلست نزل سلم على ابويه وراح حتى مباوعلي ضليت كاعده ضايجه ماما حاجتني كسرت عليه
ماما مو كل الرياجيل يصنفون واريحيين مثل ابوج واخوتج هذا انتي تعلمي بمرحج وبسوالفج التضحك حيتعلم منج شونها شقتج حلوه
اي ماما كلش حلوه بيها هول وغرفه صغيره وغرفه جبيره ومطبخ ودرج عالشارع ودرج عالبيت كلش حلوه ومجهزه
اي يمه بالعافيه تعلمي طبخ ونداره حتى يكوم يموت عليج
الله يسمع منج --- مرت الاسبوعين بين تحضير الملابس والتجهيزات مال حنه واخته يوميه تجي سلمى خطيه حايره بالتحضيرات بعد مشفته اله جانت التحضيرات كلها من احسن مايكون اجه يوم الحنه واني مكيفه بالصالون والمكياج والبدلات وبنات خالي صافنين عليه يحسدوني على هالقسمه الكلبي ميت خوف منها بالحنه جتي مرت اخو تخبل ولبسها حيل كشخه واخواته ال2 مرت محمد والثانيه صف اول ابتدائي لل9بليل جتي امه فاتت وره شوي سمعنا طبل ودك جوبي عربي فتحنا البردات شوي شفنا شبابهم جايين ولابسين عربي وديركصون بطرمتنا دبكه عربيه تخبلنا عليهم شوي وطب حناني مباوع بوجهي هيبته صدك تسطر من كالو الهيبه تسطر عينه مرفعها عالبنات منصي راسه حناني وشاورني الباجر شدي حيلج اني كلي هيج مضل حيل بيه اباوع على ماما برطمت بس ردت ابجي شنو متحلفلي خو ما متحلفلي باس راس امي وامه وطلع كملو ركص وراحو ويا خواته وامه ومرت اخو لبيتهم كملت الحنه بقيت صافنه بليل اجه يمي علي ووسام لغرفتي كعدنا نسولف بعيد عن العرس والفراك رغم قساوه وسام بس عزيزه فركته الا علي يمكن حموت من وراه هو وامي وابويه ثاني يوم الصبح اجوي اخذوني صالون ومن الصالون مصور واخيرا شفته عصبي وبس يرزل بس سمعت صوته فزيت مخله لا ابن عمه رزله لاابن خالته استلمهم اكس مربع طب لصاله التصوير شافني تنهد ونصه تقرب مني جتي مصور صورتنا جانت اللقطات كلش رسميه نقذتني من التقاء عيوننا الجنت خايفه منه رجعني للبيت وره ساعه جوي طبو بهيبه وكلبوها للدنيا واخذوني كبل لبيتهم جان متوتر بالسياره كلسا متعارك وي ابن عمه الديسوق باوعلي ونزل البركع كلش اختنكت خوف وقهر على اهلي وصلت للبيت بباب البيت اخو جان ينتضر والطرمه مليانه عالم نسوان ورياجيل ولا واحد من اهلي تره صعبه الزواج والله تلكاني اخو باسني من راسي نورتي بيتج خويه وكدامي ورمه يمكن طير الطلق كلهن عود ذوله اهل زيونه ويكولون منرمي كمت ارجف وين اروح عصرت عيني درت وجهي خليته بصدره جسمي انخض خضه تخت الحذب ادري هو هيج اليفرح
