حيدر- قسور
ها
شنو سالفتكم متكولي
يابه شبيكم هي الوكعت ليش تتبلون عليه
ليش وكعت غير مهزومه منك
يطبها طووب
تنهدت خويه ديربالك على عائلتك حرامات مرتك دره مال الله
من ياناحيه قصدك
حتندار عليه قسور اني اخوك صحت بيهولك مثل ابوك اني اباوع على مرتك قسور اصحى لروحك كافي شك دمرتنا
الا اطيح حضها
قسور راح تخسر كلشي تره
شسوي لعد فهمني
عوفها ترتاح عوفها شوي ساجنها
ماشي تنهدت ماشي وبكلبي نار
فاطمه- بقيت اسبوع تعافيت سما يمي ارتاحيت هنا كل يومين يجي قسور اني مااطلع يبقى ساعه ساعتين يم سما ويروح
قسور- الحقيره متطلع بس خل ترجع واني اعرف تصرفي وياها
فاطمه- وسام خطبناله وسن بت خالتي وهالاسبوع سويناله المهر وره اسبوعين العرس هيج احنا من ماعدنا شي المن نجر ونعر بالخطوبه هالفتره ابويه اشتره البيت اللي بصفنا سوه البيبان والحدايد كلها لان هو حداد بيده سواها نوبات احسه اقوى انسان بكل الدنيا البيت كمله خله واحد للولد وواحد النا وسام مقبل يطلع اجرناه سوينا المهر اجه قسور وحيدر حسب مكال علي وراحو وي طلعه الولد مر شهر على بقيتي هنا احس صارت اصعب رجعتي من يجي ابويه يكوله اني اجيبها من تريد يسكت ابد ميحجي وياخوفي من سكوته ياخذ سما ويرجعها ثاني يوم او3 يوم اتخابر وي نهى احاجي خالتي مشتاقتله بس اكو شوي حقد بكلبي وخايفه ارجع وياذيني لان حيصير اكثر من اربعين يوم تاجل عرس وسام اسبوعين لخ
وتحدد بقاعه حنسوي عزمه بابا اله ولاهله للعرس
وصار يوم العرس لبست فستان اسود طويل وحجاب ذهبي وردن الفستان ذهبي خليت كحله حمره خفيف سما لبستها بدله وبركع وبوكيه الورد بيدها طلعت عروسه حبيبي
قسور- انام بليل وحدي اضل اتككلب تعلمت بحضنهاشون دتنام هاف دتحاجي احد بالتلفون لا مستحيل كم مره بليل خابرتها من فون اني دك سديته راسن كلت اذا مشغول يعني دتحجي تفكيري وصخ من الشفته بحياتي اخيرا حشوفها شايل هم لعرس اخوها والله لو يمي فلا اخليها تروح شون ياللله شواح تلبس بس لا تتمكيج هواي حتخبل بدلو اهلي وطلعنا طبيت للقاعه شفت سما تفتر ركضت عليه شلتها شطالع حبيبي
بابا حبيبي حضنته قوي
وينها ماما شاورتها اشرتلي على ميز بعيد كبال العرسان كاعده وحدها وامها وابوها حايرين بالمعاريم استغليت فرصه اريد اكطعها ميبرد كلبي
فاطمه- توقعت مراح يجي شفته فات بخزرته يدور كعدت عدل طيته ضهري كمت ارجف هاي شبيه والله بس يكيسني الم العالم عليه وصل يمي
- رحت يمها جريت الكرسي وكعدت بصفها مباوعت عليها مجرد وجودي يمها دكه كلبي تغيرت كمت اهز برجلي متوتر اخيراا باوعتها بغضب
- كلبي وكف خوف وشوق اله باوعلي بخزرته المعتاده بس هالمره حسيت عينه حتطلع ويهز برجله باوعتله ونصيت برطمت
- ها مرتاحه لو تردين بعد ترتاحين خاف تعبانه همست واحجي واضغط على سنوني
- هزيت واسي اي بلعت ريك
- رفعي راسج تنهدت خل اشوفج
- شنو
- مخليه كحل مو رفعت حاجبي
- غير عرس اخو---قاطعني
- هو المعرس لو انتي خليت عكسي عالميز ثنينهن ايدي باوعتلها بصفي تباوعلي وانصي احس تعبت من العصبيه والتوتر----شون وياج
- شنو باوعت بعينه شبيك دمعت عيني بقه يباوع بعيني نزلت دمعتي
- كافي تنهدت بس سكتي -- خففت من حدتي كوه مسيطر بس خل تجي يمي -- اليوم اخذج ويايه؟
- ماه
- باوعتلها تردين كلشي ينتهي بيناتنا
- مااعرف شريدنصيت راسي
- احجي صار 50يوم مو يمي اكو مره تعوف رجلها هالمده نترت بيها وكل مااجي متطلعين مو هزيت رجلي هزيت راسي زين فاطمه صرت اعصاب
- اذا رجعت تضربني همست
- باوعت بعينها جريت نفس وذبيته لا همست
- كول والله
- مااحلف اني وادرين مااكذب
- اي صح همست
- وهسه
- ميخالف بس اروح لاهلي اجيب--- قاطعني
- ماكو روحه
- اجيب هدومي
- عوفيهن نترت بيها كمت اهز برجلي اقوى احس نار تطلع من وجهي
- اهدا
- شنو هادي مخبل دتشوفيني
- حشاك همست باوعت بعينه
- شوكت يخلص العرس
- حيل توه بده
- واضل انتضر اربع ساعات من هسه تعبت
- لتهز برجلك خليت ايدي على رجله البصفي وكفها نفسه تغييرنصه راسه عالميز--- همست مشتاقتلك
- باوعتلها بعتب ذبلت حتى عيوني مشتاقلها اكثرًكل الوعود الوعدت بيعا روحي اضربها واعاقبها تلاشت بهاللمسه مشتاقلها اكثر بس مااعرف اعبر--- كذابه
- والله برطمت
- لعد ليش عفتيني هلكد
- ضايجه منك وخايفه هم جريت نفس
- هزيت راسي كتلج لتكسرين حجايه هاي صار مرتين
- اي
- لزمت ايدها جوه الميزضغطت عليها مشال عينه من عيني
- حيدر- ها شونج فاطمه شنو وين سماوي
- ههلو حيدر كعدنا عدل قسور حك كصته ونصه -- ذيج يم علي ومولين
- هيهي مولين هناخل اروح اسلم باوعت لقسورمنتهي بعد اخيك ويصب عرك ابتسمت ضربته على كتفه وعفتهم ياخذون راحتهمالضاهر فاطمه حتنور بيت اخويه اليوم
- مولين
- هلو حيددر
- هلو عمو حبيبي شلتها تك ايد بجيبي والتك الثاني شايل بيها سما ولج شطالعه
- شونج مولين اسفه الاميره مالتنا اخذتني
- هلو الله يخليك تعال تفضل يمنا ميزنا شبابياعرفك اخويه سجاد وهذا علي تعرفه
- هلوًحيدوري
- خبيبي ابو حسين يوم الالك
- هل اتخرج
- تخرجت طلابه
- لالا ماجستير
- الله يقسمها الك كعدت يمهم سوالفهم حلوه تضحك صنفو لوسام ولاجن ابنهم خربوني ضحك كلسا اباوع على قسور وفاطمه دايرين وجههم عايفين العالم وواحد بوجه اللخ ---- مولين باع ذوله
- اي انتبهت ضارب عكس وديزحف
- عههه زاحف
- خطيه صار كومه مرايحه لبيتهم باوعتله انت مثل اخوك مو
- لا والله اني حباب متشوفين حضي طايح
- لا اسم الله لعد ليش طلكت ولو تدخل اسفه
- تحسرت مولين رند ميصير عدها اطفال
- لا بربك خطيه
- اسكتي وخليها هاي الخطيه بس اني والله نعرف شكد عانينه بيعا فركت وجهي بايدي مكايلتلج فاطمه
- عيني كلشي متحجي ذابته سايلنت تعلمت من اخوك شوفهم واحد صافن بوجه اللخكلشي ميحجون فد يوم ينسىن اللغه كلها
- ههههههه اي والله ههههه -- اااعادي اخذ رقمج
- شتصخم بي ماعدي مجال اسولف تمل والله
- شوكت ميصيرلح مجال خابري ندردش
- صايرين ابتسمت طيته رقمي كملت الحفله وزفيناهم
- فاطمه- بس طلعو جرني للسياره حتى سما عفناها يم خاله وحيدر
- قسور- خفت لترجع وي اهلها اخذتها وكبل لبيتنا اول مطبت ضلت تباوع عالشقه اني كالبها كهوه الجكاير بالكع نصت دتلم حضي دتلم---جريتها لحضني ابوس بيها منصدك بروحي لازمها استسلمت كالعاده نضراتها دمرتني اني المااحجي حجيت --- اويلي يابه دمرتيني
- همست ليش ذبت بكلمه منه
- بستها من ركبتها على كيفي ادري بيها تحب الرقه تاذيت ببعدج لزمتها من ركبتها قوي ردت ااذيها متروحين لاي مكان بعد من صدك راح احبسج
- احبسني بس لتاذيني
- اسمعي الكلام وادللج
- ماشي همست------
- مرت الايام واني كلامه مااكسره ن خوفي منه وعليه صارت سما ب1 ابتدائي جنت طايره بيها الصدريه والقميص الابيض والاشرطه والجنطه ممصدكه بيها تمنيت اشوفها تدخل المدرسه مقبل لا يشوفوج منطقتنا تخبلت سكتت واخذها ورح كلسا تلتفت تباوعلي تبوسني بالهوا واني دموعي تجري عبالك مو مدرسه رايحه حيدر ومولين صارت سوالف بينهم يوميه يروحلها للمستشفى مالها مجال تطلع تاكل ياخذلها لفات ريوك دقايق يكعد وياها ويرجع مولين من الاطباء الاكفاء بالمستشفى لذلك متزوجت ابد ماعدها مجال منو يقبل بهج وضع وبيوم من الايام رجع من المستشفى وفاتح امه بالموضوع وكال اتقدملها ضليت صافنه مولين تختلف جذري عن رند مراح يكدر يعيش وياها العرفته راد اطفال ومولين هم رادت زواج واطفال وزوج يتحمل الضاهر اتفقو متدخلت بس انقهرت على رند متت قه نهى كبرت واشترولها موبايل حتى محاضرات تروح تجي يخابروها انتيهت عليها هواي تخابر خفت عليها جانت كلشي تحجيلي هسه مقلله هواي
- تزوج حيدر بعرس بسيط بطلب من مولين لبست جبه بسيطه بعرسهم وقسور صار نار كلشا ضامني وراه ولتضحكين لتحجين صوتج شنو مخليه حمره --- اعرف بيه يغار وميحجيها غيرته بشك وانشاء الله بمرور الايام يصدكني ماراح اخونه شنو اللي مخلي متاكد مااعرف بس كلمه تدمرت ببعدج تكفيني حبيته اكثر تعلقت بي وتعلق بيه احسه يريد يضمني بقوطيه ومحد يشوفني --- حيدر بنه شقه ثانيه صارت بلكونتي تطل عليها كمت اكدر افتح البلكونه لان حواها شقه حيدر كمت اشر الهدوم بيها ومن اكمل ارجع اقفلها طبعا من اطب بيها لابسه حجابي حيدر مقبل يسكنون بشقه رند وبعده كل فتره يصعد ينام بيها صفناته رجوعه للتدخين حسراته الله يعينه على بلواه كبرت سما صارت صف ثالث ابتدائي قسور هواي تغير ونهى صارت صف رابع عام قسور عاف المانع من وحده حياتي تحسنت وياه بس بعده ميضحك ويسولف واني هم تعلمت مثله اكون هادئه وجامده وبعد ميقبل من يطلع يطلعني يكول اضوج وكلما نطلع نتعارك لتطلعين احسن بس لاهلي ونوبات زيارات معترف بحبه بس عيونه من يقترب تسولف قصص ولا اعترف بغيرته سكوته دمار شامل ميهمني مدام مرتاحه ويا طلعتي اله عميه وبعطله الثالث -------
- وللحكايه بقيه
