💞الملكة والإمبراطور💞 مكتملة💞

💕الفصل السابع💕

مرادبصدمة :الملكة انتى الملكة
عشق بإستغراب منه: ايوه انا الملكة هو انت مالك مستغرب كده هو فى حاجة ولا ايه
مراد: لا مفيش بس انا كنت فاكر ان الملكة دى ست كبيرة اوراجل متستر وراه قناع الملكة مكنتش اعرف ان الملكة انسة فائقة الجمال كده بعيون ملونة وشعر طويل وبشرة حلوة كده
عشق بحدة: افندم انت بتعاكس ولا ايه ماتحترم نفسك يا أخينا
مراد: اخينا انتى جاية من فين
عشق بسخرية:جاية من مصر ليه هو الاخ من بتوع بابى ومامى ونينا ومسقط البنطلون ولا ايه اشحال انك مدير شركة كبيرة ولا انا غلطانة
مراد: هو انتى تعرفينى ولا ايه يا انسة عشق
عشق : ايوه اعرفك كإسم مش اكتر انما كشكل ماظنش انى شوفتك او انك شوفتينى قبل كده
مراد: وانتى برضو قلتى عنى انى راجل كبير كده زى ما انا قلت عنك انك ست كبيرة
عشق: تؤتؤ.بلعكس الأفكار اللى عندك بتوحى انك شاب المهم حضرتك ناوى تطلق سراحى امتى عاوزة امشى وارجع بيتى
مراد: مش قبل ما اطمن انك بقيتى كويسة وبعدين انتى طمنتى اهلك عليكى ماتقلقيش انتى فى امان معايا
عشق: متشكرة جدا تعبتك معايا بس انا حابة ارجع بيتى
مراد: ياستى تعبك راحة متقلقيش
عشق: ممكن اسألك سؤال
مراد: اتفضلى اسألى
عشق: هو انت بتعمل ايه هنا فى فرنسا يعنى قابلتنى على نفس الطريق يعنى
مراد: كان عندى حفلة جاى احضرها لصديق ليا هنا بيفتتح مشروع جديد ليه
عشق : مشروع ايه ده
مراد: ممكن اعرف ايه لازمة الاسئلة دى
عشق: ياساتر عليك ادينا بندردش مع بعض يعنى احنا ورانا ايه وبعدين هو انت خايف من الكلام ولا ايه ماتخفش مش هاكلك
مراد: ايه ايه حيلك حيلك مسورة كلام وانفجرت اهدى على نفسك شويه عموما ياستى هو مشروع فنادق سياحية وصاحبها الدون ده لقبه وهو ساعدنى قبل كده فى مشاريع كتيرة وصفقات سياحية
عشق بصدمة: الدون مستحيل
مراد بإستغراب : عشق مالك سهمتى كده ليه اول ماسمعتى اسمه هو انتى تعرفيه
عشق بهدوء: هاه لا ابدا اول مرة اسمع اسمه معلش انا تعبانة شويه هاروح اوضتى استريح عن اذنك
مراد : اتفضلى ياعشق مالها دى
&&&&&&&&&&&&&&&
فى مصر
تجهز كلا من عاصم وسليم ونورين وسلمى اغراضهم وذهبوا الى المطار وركبوا الطائرة الذاهبة الى فرنسا وصلوا الى مطار فرنسا واستقلوا تاكسى وذهبوا الى قصر الزعيمة
&&&&&&&&&&&&
فى غرفة عشق
كانت عشق تجلس مع نفسها تفكر ترى ماهى علاقة الدون بمراد الجارحى هل له علاقة بالمافيا ام مجرد مشاريع عادية فهى خائفة من ان يتورط مراد بالمافيا عن طريق الخطأ
بعد فترة من التفكير قامت عشق بإتصال على فهد وطلبت منه ان يأتى لها بمعلومات عن علاقة مراد بالدون ولما اتى الى فرنسا حتى تؤمنه وافق فهد على طلب عشق وامر رجاله بتنفيذ ماطلبته عشق &&&&&&&&&&&&&&&&
فى قصر الزعيمة
وصل كلا من عاصم وسلمى وسليم ونورين الى القصر وقام جون ويذيد ومايكل بالتعرف اليهم
جون : اهلا وسهلا بعاصم باشا واللى معاه
عاصم بإستغراب: هو انت تعرفنا
جون: طبعا ياباشا اعرفك امال ايه المهم حضراتكم اكيد جايين تعبانين من السفر تقدروا تستريحوا فى الجناح بتاعكم وانتوا كمان يا انسات استريحوا ومن بكره لينا كلام مع بعض وهجاوب على كل سؤال عاوزين تسألوه جاك
جاك : اؤمرنى سيدى
جون: خذ كل واحد منهم الى غرفته
جاك : امرك سيدى
&&&&&&&&&&&&&
فى شقة التعلب
كان يجلس التعلب ويفكر لما انقذته الزعيمة ولم تسلمه للكينج ماذا تريد منه ومن هى وهل المخابرات المصرية لها علم عما جرى معه ام لا فاق من شروده على صوت زوجته مريم
جاسر : فى حاجة يا مريم
مريم : انت اللى فى حاجة مالك واحنا هنا بنعمل ايه
جاسر : احنا هنا فى امان متقلقيش انس فين
مريم: انس نام من شوية ومش هيصحى دلوقتى
جاسر: مريم معلش ممكن تسبينى لوحدى شوية
مريم : حاضر يا جاسر انا هخرج
خرجت مريم من الغرفة وتركت جاسر وحده يفكر وتذكر كيف اتى الى هنا
FlashBack:
الزعيمة:انت هتروح مكان امن مع رجالتى وخد التليفون ده خليه معاك لو عوذت اى حاجة اتصل بيا انا عارفة ان فى اسئله كتير بتدور فى دماغك ماتخفش هجاوب عليها فى شخص هيجيلك بعد اربع ايام من دلوقتى بيتهيئلى انه عزيز عليك قوى مع السلامة تشاو بقى
جاسر بلهفة: استنى قبل ماتمشى انتى صوتك مش غريب عليا اكشفى وشك عاوز اشوفه
الزعيمة : سورى ياتعلب طلبك مرفوض تشاو بقى
End Back:
برضو مسيرى هعرف انتى مين يا زعيمة
&&&&&&&&&&&&&&
فى قصر الكينج
كان هناك من يخطط لقتل الكينج حتى يحتل مكانه فى عالم المافيا نعم يا سادة هو البرت الملقب بالسفاح فهو يكره الكينج كثير حتى ان له جواسيس فى قصر الكينج فهما بينهم علاقة قويه فألبرت يكون اخ زوجة الكينج
كان هناك حديث يدور بين البرت واحد رجاله عن طريق الهاتف
البرت: نفذ بكرة عاوز اسمع خبر موت الكينج بأسرع وقت فاهم
الطرف الأخر : امرك يا باشا انت حدد اليوم والتنفيذ عليا
البرت: تمام استنى من اتصال وحاجة كمان عاوز اعرف الزعيمة مخبية التعلب فين وهى اختفت مرة واخدحدة وراحت فين فاهم
الطرف التانى: فاهم يا باشا مع السلامة
البرت : سلام
مسيرك هتقع فى ايدى ياتعلب وساعتها مش هرحمك والزعيمة اللى بتتحاما فيها مش هرحمها هى لأخرى
هكذا كان يتحدث البرت مع نفسه غافلا ان هناك عيون تسمع وترى وتنقل الاخبار الى الزعيمة فهم جواسيس عشق
&&&&&&&&&&&&&&&
فى غرفة عشق
كانت عشق فى غرفتها نائمة حتى اتاها اتصال ايقظها من نومها انتفضت عشق من نومها حينما رأت من المتصل
عشق: الو ايوة تحت امرك
الطرف الأخر: المهمة قربت تخلص مطلوب منك المعلومات كلها تكون جاهزة فى خلال 48 ساعة الجاية
عشق: يافندم المهمة مهمتى وهتم على اكمل وجه بس يا افندم تارى لسه مخلصش ومعرفش من هو الكينج يا فندم
الطرف الاخر : عارف وعلشان كده مهمتك الجاية هتكون اصعب عاوزها فوضى ياعشق
عشق: اوعى يا فندم تكون قصدك اللى فهمته
الطرف الاخر : ايوه يا عشق الزعيمة لازم تموت
عشق: بس كده يا فندم هيكون فى خطور على حياة اشخاص كتير
الطرف الاخر: متقلقيش فى شخص جديد لازم يظهر فى نفس وقت موت الزعيمة
عشق بإستغراب : مين يافندم
الطرف الاخر : القناص ياعشق
عشق بجمود: اتفقنا يافندم مع السلامة
&&&&&&&&&&&&&
انتهى البارت هو مش طويل قوى
تقيمكم للبارت
تقيمكم للروايه
ياترى مراد ليه علاقة بالمافيا ؟وياترى عاصم واصحابه يعرفوا مين هى الزعيمة ؟ ومين هما جواسيس عشق فى قصر الكينج ؟ والتعلب يعرف انه عشق هى الزعيمة ولا لأ؟ومين هو الشخص اللى كان بيكلم عشق؟ ومين هو القناص؟