صدفة

البارت الاول

في الصباح في (بغداد) الساعة 7:30
يوسف: صباح الخير امي حبيبتي ف
ام يوسف : صباح النور يا روح امك ،، شلونك وليدي
يوسف : تمام الحمد لله
ام يوسف : عساك دوم ان شاء الله
يوسف : يلة يمة اني رايح للدوام
ام يوسف : شنو ما تتريك ؟!
يوسف : لا يمة اخاف اتاخر واصلا اني ما اشتهي
يلة يمة دعيلي
ام يوسف: روح ربي يبعد عندك اولاد الحرام ويفتحهة بوجهك قادر يا كريم
يوسف : يلة في امان الله
ام يوسف : الله وياك توصل بالسلامة
ملاحضة: ام يوسف كلش كلش طيبة وحنونة
___________________________________.
في الصباح في (فرنسا) الساعة 9:30
اسيا في المدرسة
تحجي فرنسي بس راح احجي عربي فصيح علمود تفهمون
رينكا صديقة اسيا : اوووه لا لدينا اختبار اليووم
اسيا : لا تخافي يا عزيزتي انه سهل كثيراً
رينكا : اسيا اريد ان اسالكِ شيئاً هل يمكنني ؟
اسيا : بالطبع عزيزي اسالي
رينكا : انتي لستني من فرنسا صحيح
اسيا : صحيح
رينكا : ولاكن هل تشتاقي لبلدك الحقيقي ؟
اسيا : اوووه يا رينكا لا تتوقعي كم اشتاق للعراق واتمنا ان ازوره ولاكن لا يمكنني فعل شي فحياتي كلها هنا
رينكا : ولاكن لماذا لا تذهبي زيارة أي ان تزوريه وترجعي لا تبقي هنالك
اسيا : امممم فكرة جيدة اعتقد بانني سوف انفذها.........
____________________________________
يوسف : افففففففف
احمد صديق يوسف : شبيك تأفئف من صباحية الله
يوسف : يمعود هذا المدير هسة مو صاحني
احمد : اي شيريد منك
يوسف : يكلي عندك بعثة لازم تروحلهة كلش مهمة لفرنسا اسبوع لازم تقابل سيد ........
احمد : اي ما تسافر يحضي لعد شعندك كاعد ومكابل وجهي
يوسف : ماادري والله يا خوية الله كريم
احمد : اكلك انتة مو عمك بفرنسا
يوسف : اي بس مراح اكلة لان كلهة اسبوع وارجع ميحتاج يعرف
احمد : براحتك ... زين ما كلك شوكت ؟
يوسف : الجمعة
احمد : ليش اليوم شنو ؟
يوسف : ولك يوم اربعاااء يالفاهي
احمد : اييي نسيت
يوسف : يلة امشي خلص الدوام
احمد : يلة امشي
__________
في بيت ام يوسف
ام يوسف : هلا بهالطول الحلو
يوسف : هلا بيج يا نضر عيني شلونج
ام يوسف : بخير اذا انتة بخير
يوسف : يمة اني صاعد ابدل واجي عندي سالفك وياج خلي شهد تصبلي غدة لان ميت جوووع
ام يوسف : يمة شهد بعدهي ما جاية من الدوام هسة اني اصبلك
يوسف : ما جاااية من الدوام لهسة ليش بيش الساعة ؟؟؟؟؟؟
ام يوسف : يمة الساعة بال 3 وهية تجي بال 5
يوسف : يااا عبالي بال 5
ام يوسف : لا يمة انتة اليوم جاي من وكت
يوسف : اي لان ما عدنة شغل ... يلة اني صاعد صبيلي غدة بلا امر عليج
ام يوسف : بعيني
يوسف : صعدت سبحت وبدلت ونزلت ( اني من النوع الي كلش مرتب وغرفتي تلهث من النضافة اتخبل من الهوسة ومن الكركبة .... بدلت ونزلت جوة .. ها ماما صبيتي ؟
ام يوسف : اي يمة تعال
يوسف : بسم الله
ام يوسف : اي يمة يوسف احجيلي شنو الموضوع الي ردتني بي ؟
يوسف : امي اليوم المدير حاجاني كال لازم تروح بعثة لفرنسا اسبوع لانو لازم اقابل ناس مهمة جداً هناك
ام يوسف : روح يمة الله يسهلك بس خابر عمك علمود تبقة يمة
يوسف : لا ماما ما يحتاج هوة اسبوع
ام يوسف : لا عيني اذا درة عمك والله يزعل ومايهون علينة زعلة
يوسف : لعد ان شاء الله اول ثلاث ايام ابقة بالفندق علمود الشغل ومن اخلص اروح ابقة يمة لحد ما ارجع ... المهم رضاج يالوالدة
ام يوسف : ربي يرضة عليك
دخل محمد : السلام عليكم
الكل : وعليكم السلام
محمد : ها ضلعي شلونك
يوسف : هلا باخوية تمام الحمد لله وانتة
محمد : زين اذا انتة زين
يوسف : دومك ان شاء الله
ام يوسف : اكلك يوسف انتة شوكت سفرتك ؟
يوسف : ان شاء الله الجمعة
محمد : يا سفرة ؟
يوسف : عندي بعثة مثل كل مرة
محمد : هاا خير ان شاء الله ،، ووين هالمرة ؟
يوسف : لفرنسا
محمد : اييي اخوييية راح يشوف الصاكات ، اكلك خوية انتة شمالك ماتجيبلنة وحدة مناك شكرة وعيونهة خضر غير المنتوج شوية
يوسف : انجب اني غير عراقية ما اخذ
ام يوسف : فدوة هذا الحجي الزين مو حجيك يالاغم ، واشرت ع محمد وغمتة 😂
محمد : اشكرج يمة شبعت
اليوم الثااني العصر
ام يوسف : اكلك يمة ما تخابر عمك وتكلة
يوسف : لا ماما اروح هناك ومن اخلص شغل اكلة اني بفرنسا واريد اجيك لان اذا اكلة من هسة فمراح يخليني ابقة بالفندق وهيج راح اتقيد وماراح اكدر اشتغل
ام يوسف : ماشي يمة براحتك بس اريد اكلك اليوم عمك جاي هوة وعائلتة يريدون يشوفونك قبل لا تمشي
يوسف : هلة بيهم (بكلبة لا هلا هم راح تجي الصخلة نبأ)
ملاحضة : نبأ بنت عم يوسف عمة الثاني ونبأ تحب يوسف بس هوة ميحبهة لان هية حية وماتنحب بصراحة
المهم خلي نكمل
ام يوسف : هلة هلة نورتونة
ام نبأ : هلا بيج عيوني شلونج
ام يوسف : بخير الحمد لله
نبأ : شلونج خالتو
ام يوسف : هلا بنيتي زينة الحمد لله تفضلو تفضلو
ملاحضة : نبأ مغرورة وشايفة نفسهة وهية جنهة صخلة ع كولة يوسف 😂
يوسف : هلا عمي شلونك
ابو نبأ : هلا وليدي شلونك
يوسف : والله بخير الحمد لله
ام نبأ : ها يوسف شلونك
يوسف : هلا مرت عمي شلونج
ام نبأ : كم مرة كلتلك كلي عمتي لا تكلي مرت عمي
•يوسف ميريد يكول عمتي علمود لا نبأ تصدك انو هوة يريدهة لانو همة مقررين انو نبأ ليوسف وبصراحة همة بوحدهم يقررون 😂
يوسف : لا مرت عمي احلا
نبأ : هلاو سيوفي شلونك
يوسف : هلا خيتي شلونج
نبأ عيونهة نطن لانو يوسف كللهة خيتي
نبأ : زينة
ابو نبأ : اي عمي يوسف كالو راح تسافر باجر
يوسف : اي والله عمي شغلوانتة اعلم
ابو نبأ : يلة تروح وترجع بالسلامة
يوسف : الله يسلمك ماقصرت
بعد ساعة ونص
ابو نبأ : يلة احنة نترخص صارت دنية ليل خلي نعوف يوسف يرتاح باجر وراه سفر
ام يوسف : وين خوية دبقوا ع العشة
يوسف : لا عمي ابقة نتعشة وروح
نبأ : اي بابا خلي نبقة بعد شوية
يوسف ( لا يا الله بس لا راح يصدكون ويبقون وانوب هاي وجه الجوب ما صدكت )
ابو نبأ : لا غير مرة يلة مع السلامة
ام يوسف ويوسف : الله وياكم
ودعوا يوسف وراحوا
يوسف : يلة يمة اني اصعد ارتب جنطتي واروح اشوف احمد وارجع انام علمود الحك اشبع نوم واروح للمطار مصحصح
ام يوسف : روح يمة
يوسف : صعدت رتبت جنطتي وخابرت ع احمد يروح للكهوة ونتلاكة هناك
(بعد الوصول) في القهوة
احمد : هلا والله بالعزيز
يوسف : هلا بيك يالغالي شلونك
احمد : بخير انتة شلونك
يوسف : الحمد لله
ضلينة نسولف بحدود الساعتين وودعتة ورجعت للبيت لفيت راسي ونمت وباجر اطلع للمطاااار

- حبايبي هذا اول بارت ومثل ما وعدتكم البارت طويل وان شاء الله كل البارتات هيج طويلة بس موعد النزول راح يكون كل جمعة واذا شفت تفااعل فراح انزل بمدة اقل
(10010) كلمة في البارت