يوسف ... كعدت الصبح سبحت وبدلت ونزلت يم امي يوسف : ها ماما صباح الخير ام يوسف :هلا حبيبي صباح النور يوسف : امي حبيبتي حضريلي الريوك لبين ما ابدل علمود اطلع للمطار ام يوسف : صار يمة تدلل يوسف : صعدت بدلت لبست ملابس رسمية لانو شغل رسمي والحكومة دازتني لبست مثل هذا القاط ...... 👇خليت عطر وشسورت شعري ونزلت
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
ام يوسف : اللهم صل على محمد والله محمد يمة يوسف منين جايب هذا الحلا كلة يوسف : غير منج يا يمة ههههه ام يوسف : يمة فدوة لحلكك.. يلة تعال تريك شهد : صباح الخير الكل : صباح النور شهد : هاا يوسف شهالجمال هذا كلة والعطر واصل الاخر الشارع شنو هذا كلة للدوام يوسف : والله يا خيتي اني اصلا نسيت انو عندي اخت ولج انتي وينج صارلي يومين ما شايفج شهد : والله يا يوسف انتة مو تدري بية اروح للدوام وراك يعني ما الحك اشوفك الصبح واجي العصر قبلك واصعد كبل الف راسي وانام واكعد بالليل ادرس الكاك نايم شنسوي والله الخامس صعب يوسف : يلة ميخالف اهم شي انتي مرتاحة والله يوفقج بحياتج واشوفج احلا دكتورة شهد: عيييع يوسف انتة مو تدري بية اكره الطب لان كلة دم يوسف : لعد شراح تدخلين ؟؟؟ شهد : اريد صيدلة يوسف : والله حلوة هاي منين هاي الفكرة هاي الفكرة مو فكرتج يا شهد لتقنعيني انتي هيج تفكريج حلو 😂😂😂 شهد :هههه لا مو فكرتي يوسف : لعد فكرت منو ؟؟؟ شهد : فكرة اسيا يوسف : اسيا منو ؟؟؟ شهد : ولك اسيا بنت عمو شبيك نسيتهة يوسف : يااا تصدكين نسيت عندي بنت عم غير نبأ شهد : عييييع وانتة تجيب اسيا الوردةلنبأ الهايشة يوسف : لا ولج صخلة 😂😂 ام ييوسف : ولكم عيب هيج تحجوون ع بت عمكم يلة تريكو وبعدين يلة يوسف لا تتاخر ع المطار يوسف : يلة بسم الله شهد : شتسوي بالمطار ؟؟؟ يوسف : عندي سفرة لفرنسا اسبوع وارجع شهد : حبيبي تروح وترجع بالسلامة يوسف : الله يسلمج حبيبتي شهد : عاشت ايدج امي الغالية ام يوسف : بالعافية حبيبتي ملاحضة/ شهد كلش مدللة لان وحيدة ومن هية صغيرة فقدت ابوهة فصاروا يدللونهة علىود لا تحس بنقص حنان ابوهة فكلهة تدلعهة وتدللهة شهد : صعدت سبحت كعدت ع الموبايل اليوم ماكو دوام فكعدت راسلت صديقاتي واجة ابالي اخوية بسرعة كمزت خفت لا يروح وما اسلم عليه نزلت ركض لكيتة واكف بالباب وجاي يودع امي واخوية كبل ركضت عليه شهد : ليش ما صحتني يعني لوما نازلة ماجان ودعتك ييوسف : يلة بنيتي مو مشكلة يوسف اخذ جنطتة وطلع ورشت ام يوسف (ماء) وراه علمود يرجع بالسلامة ومااكلكم ام يوسف وشهد كلبوهة مناحة ضلوا يبجون الي يشوفهم يكول بعد ما يرجع يوسف : ودعت اهلي واخذت جنطي وصعدت بالسيارة الي دازتهة الي الوزارة توصلني للمطار بعد ساعتين طريق .... وصلت للمطار يوسف : تسلم والله ما قصرت السايق : ولو يوسف تدلل انتة عزيز يلة تروح وترجع بالسلامة وان شاء الله من ترجع هم اني اجيك يوسف : تسلم يالغالي يلة سلملنة السايق : الله وياك توصل بالسلامة يوسف : اخذت جنطي ودخلت للمطار كملت الاجرائات وشحنت الجنظ وكعدت انتضر بس الحمد لله ما انتضرت هواي ووراهة صعدت للطيارة ما اكللكم كضيتهة اكل ونوم 😂😂 وصلت لفرنسا واني هلكاااان والساعة 5 العصر كبل رحت للفندق سبحت واكلت ونمت لثاني يوم _________________________________________ اسيا : شفت رسالة من شهد فحجيت وياهة اسيا : هلللو شهودة كلبي شلونج شهد : هلا حياتي تمام وانتي اسيا : تمام شهد : لو تدرين اليوم منو راح لفرنسا اسيا : منووو شهد : اخوية يوسف دزوا بعثة لفرنسا اسبوع ويرجع اسيا .. احس كلبي عصرني واني تذكرت شلون جنة نلعب من جنة اطفال يا ترى بعدة حلو مثل ما جان قبل شهد : الووو ولج اسيا وين رحتي اسيا : وياج بس شردت شوية ... لعد ليش احنة منعرف انو اخوج اجة وبعدين هوة ليش ابفندق ليش ما اجة بقة يمنة شهد : مااعرف بس سالت امي اذا راح يبقة يمكم كالت لا يبقة ثلاث ايام بالفندق علمود شغلة لان يكول اذا بقيت يمهم اني اتقيد واقيدهم وياية فيخلص الشغل ويجي يبقة يمكم اربع ايام اسيا : يلة براحتة وهلا بي ينور شهد : حبيبتي ديري بالج ع اخوية ترة اموتج اذا صار بي شي اسيا : ههههه بعيوني شعندي غيرج شهد : يروحي اسيا : يلة لعد اني اروح ونتراسل ان شاء الله شهد : ماشي حبيبي سلميلنة اسيا : يوصل يلة باي شهد : باي حبي
اسيا : مااعرف ليش ضليت افكر بموضوع يوسف هواي بعدين استغفرت ربي وطلعت كعدت وية اهلي شوية بس ما كلتلهم ع يوسف ما حبيت احرجة وية ابوية __________________________________________ يوسف : كعدت الصبح بدلت ونزلت تريكت بالمطعم مالت الفندق واخذت الباسوورد مالت النت وصعدت لغرفتي خابرت امي ضليت احجي وياهة شوية وراهة كلتلهة اني لازم اروح لانو اجاني اتصال من الشغل المتصل : السلام عليكم يوسف : وعليكم السلام هلا المتصل : حبيبي يوسف اني جوة بالفندق كاعد بصالة الانتضار البس ملابس العمل وانزل علمود افهمك شغلك بهاي الثلاث ايام يوسف : انتضرني دقائق ونازلك يوسف : بدلت بسرعة ونزلت لكيتة كاعد ينتضرني ورة سلام وحجينة شوية وهسة وقت الشغل الشخص : شوف يوسف اني حاجيت الجماعة وعرفوا انو انتة بالفندق فكالوا انو احجوا وية الفندق واحنة نجي نخلص الاجتماع بالفندق لانو الفندق اكو مكان بي خاص للعمل والاجتماعات فحجينة وية الفندق والفندق ما رفضوا فانتة ماراح تتعب كل الي عليك انو تكمل شغلك وانتة هنا واتطمن اكو ابنية اني اعرفهة عراقية راح تكون المترجمة بينك وبين الاشخاص يوسف : تمام هسة كلشي صار واضح ،، شوكت يجون الجماعة الشخص : باجر ان شاء الله من الصبح يوسف : تمام واني بانتضارهم سالمت الشخص وطلعت شوية افتريت واشتميت هوى ورجعت للفندق __________________________________________ اسيا : الو شخص : هلا اسيا عمو شلونج اسيا : هلا عمو بخير تمام وانتة شخص : تمام ، عمو اسيا انتي مو تعرفين تحجين عربي وفرنسي وانكليزي اسيا : اي عمو اعرف بس ليش تسال الشخص : عمو اكو موضف اجة من العراق بس ما يعرف يحجي فرنسي يحجي بس انكليزي وعندة اجتماع وية اشخاص فرنسيين فالوزارة كفلتني انو الكة مترجمة عربي فرنسي والمبلغ الي يدفعونة زين فشنو رأيج ؟؟ اسيا : تمام عمو ما عندي مشكلة بس اتاكد انو لخاطرك مو علمود الفلوس الشخص : تسلمين بنيتي هسة اني راح ادزلج عنوان الفندق والوقت وكل التفاصيل برسالة اسيا : تمام انتضرك اسيا : دز الوقت والي هوة باجر ودز العنوان بصراحة اني ما اهتميت لانو كلت اكيد رجال بكد جدي ما خطرلي للحضة انو يكون ولد شاب فحفظت العنوان عندي وباجر اروح ع الفندق بسيارتي وانشوف شيصير ويانة والله كريم __________________________________________يوسف : حاجاني نفس الشخص وكال انو المترجمة جاهزة وراح تجي باجر قبل الموعد بنصف ساعة كلتله تمام ،، بصراحة ما اهتميت لانو كلت اكيد مو عراقية واكيد جبيرة ومتزوجة وعدهة جهال فهما اهتميت لموضوع المترجمة ابدااااا
وهييييج يكون خلص البارت متحمسين للبارت الجاي ؟؟؟؟ رجائا الي يباوع يتفاعل علمود استمر بالقصة لانو جاي اتعب والله والبارت كلش طويل واذا شفت تفاعل ع هذا البارت اوعدكم انو انزل البارت الثالث عن قريب ورجائاً شاركوا القصة وية كل الي تعرفونهم ❤️❤️❤️ (1040) كلمة
