(في الصباح)
يوسف ...
كعدت واني متحمس لليوم لانو راح نروح للعراق بصراحة كلش ضجت بدون اهلي ولوما بيت عمي احمد جان طكيت وبنفس اليوم الي خلصت بي الشغل رجعت للعراق بس الحمد لله تونست وياهم كلش والحمد لله الي كدرت اقنعهم انو يروحون وياية للعراق ....
______________________________________________
اسيا...
كعدت واني متفائلة كلش لانو راح اشوف عمامي وخوالي اخيييراً راح التقي بيهم كلللش مشتاقة اشوف شهد وخالتي ام يوسف وعمي الثاني وبنتة وياترى راح تكون مثلنة وتصير صديقتي مثل شهد لو لا وهواااي شغلات .... المهم بدلت ونزلت جوى
طلعت لكيت يوسف بوجهي
اسيا : صباح الخير
يوسف: صباح النور
نزلنة
يوسف واسيا : صباح الخير
الكل : صباح النور
ليلى : يلة عيني تعالو تريكوا
كعد الكل ع سفرة الريوك وتريكوا
يوسف : عمي اريد اطلب منك شي
احمد : كول يابة أأمر
يوسف : اريد اروح للسوك اجيب كم شغلة وهدايا للوالدة ولشهد ولمحمد
احمد : اي عمي تدلل اخذ واحد من الولد وروح
فراس : يابة اني تعذرني اليوم اريد اروح اشوف اصدقائي
علي : واني لا تباوعون عليه ما عندي سيارة
احمد : يابة اسيا تكدرين تودين يوسف ؟
اسيا ( رفعت عينهة وتباوع ع ابوهة مصدومة ) : اني ؟؟
احمد : اي لان اني هم ما اكدر اروح وياه لانو اريد اروح للشغل اضبطة قبل لا اروح للعراق
يوسف : خلص عمي عوف الشغلة متسوة اكيد اسيا هم مشغولة
اسيا : خلص اني اخذك ما عندي شي ( ما حبيت ازعجة وهم حقة يريد ياخذ شي لاهلة )
يوسف : لا خلص مو مهم
اسيا : دا اكلك اني اريد اروح وبعدين انتة متعرف رأي شهد ولا تعرف تشتري للنسوان اني اشتري للنسوان وانتة للزلم
يوسف : اوك
يوسف : شوكت تحبين نروح ؟
اسيا : بس نخلص ريوك ونروح لان هم يلة نلحك
احمد : تمام بابا وخليج وية يوسف لانو ما عندة موبايل وميندل ولا يعرف يحجي فرنسي لا انوب يضيع منج
اسيا : ههههه اوك بابا
يوسف : 😒😒 هسة تروحون بالعراق وانشوف منو الي يضيع 😂
الكل : هههههههه
اسيا : يلة الحمد لله اني اكوم ابدل
يوسف : اني هم اكوم ابدل
كلمن راح يسوي شغلة واسيا صعدت تبدل
اسيا : افففففف شراح البس واني ملابسي كلهن ضميتهن بالجنط وبقيت بس الملابس الي اروح بيهن ... خلص خلي البس الملابس الي اروح بيهن وهسة من اروح اشتري ملابس اروح بيهن للعراق ... لبست بدي ابيض وسترة سودة وبنطرون جينز وحذاء رياضي ابيض وبي اسود وقلادة سودة وفتحت شعري وخليت حمرة خفيفة ومسكارة وكحل بيجي يكبر العين طلعت لعابة
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
