اسيا : هذا انتة !!!!؟؟؟؟؟؟
يوسف : هاي انتييييي ؟؟؟؟
الكل تعجبوا : شنو تعرفون بعض ؟
اسيا : هذا الشخص الي كلتلكم راح اصير مترجمة الة الي اجة من العراق
احمد : سبحان الله باع الصدفة
يوسف :( سبحان الله ابد ما جنت متوقع ارجع اشوفهة بحياتي وانوب طلعت بنت عمي ،، ما ادري عندي بنت عم هيج حلوة )( يحجي بكلبة)
اسيا : هلا بيك يوسف
يوسف : وبيج اكثر
ليلى : لعد شلون ما عرفتوا انو انتم ولد عم ؟ معقولة ؟
اسيا : والله ماما اني حتة ما اتذكر شكلة لان جنة اصغار بس اتذكر شلون جنة نلعب اني وعلي وهوة يلعب ويانة بس ما اتذكر ملامحة
يوسف : حتة اني ما اعرفهة
اسيا:( يبوووي طلع هذا الصاك ابن عمي ،، غير تحجون من البداية جان رحت زحفاً زحفاً للعراق 😂😂)( تحجي بكلبهة)
ليلى : يوسف امك شلونهة
يوسف : والله بخير تسلم عليكم هواي هواي
الكل : الله يسلمهة
يوسف : اكلك عمي انتة ما الك نية ترجع للعراق ؟
احمد : والله بهاي الفترة جاي افكر هيج تفكير احتمال نجي زيارة نكعد ع كلبكم فد شهر ونرجع
يوسف : والله تشرفون ونحطكم ع روسنة وبعيونة
احمد : يسلم راسك يا طيب
اسيا : يلة حضر العشة تفضلوا
احمد : يلة كوم اكيد لعبت نفسك من اكل الفندق واشتاقيت لاكل العراق
يوسف : اي والله
اسيا : الكل كاموا للسفرة اني خليت الجاي ع النار واجيت كعدت لان متعودين ورة العشة لازم اكو جاي ونكعد كلنة نسولف
يوسف طول العشة وهوة كل شوية يباوعلي حتة لبكني وما تعشيت زين
واني متاكدة راح اضل الليل كلة احوص لان بقيت جوعانةوما تعششيت زين من ورة يوسف افندي
يوسف : العشة كلة اني اباوع عليهة مو بيدي كل ما اشيل عيني عنهة غصباً عليه ارجع اباوع شكلهة الطفولي والبريئ يخليك غصباً عليك تباوع عمري وحياتي ما ركزت بابنية مثل ما ركزت باسيا وبملامحهة شعرهة طويل ومسويتة طوبة مدري كبة وراخية ونازلة خصل ع وجهة يبووووي تموت
شبيك يوسف اعقل شنو تخبلت ( استغفر الله ربي اللهم اجعلها في عيني بقرة 😂😂😂😂)
احمد : شنو يوسف شبيك تضحك
يوسف : لا عمي ما بية شي بس تذكرت صديقي
احمد : ها بيهة الخير
يوسف : الحمد لله ان شاء الله دايمة وعاشت الايادي
الكل : بالعافية
احمد : اكلك يوسف احنة عدنة غرفة فارغة نضيفة وكاملة تحب تنام وحدك لو تحب تنام وية الولد بكيفك
يوسف : لا عمي نبقة نتونس اذا الولد ما عدهم شي وعود من اريد انام اروح بالغرفة
احمد : تمام براحتك
اسيا : صبيت الجاي وقدمته الهم من انطيت لبابا رجعت انطيت ليوسف
يوسف : مدنكة ومادة الصينية مالت الجاي يعني اخذ الجاي مالتك مديت ايدي ع الصينية وباوعت بنص عينهة وكلتلهة ( عاشت ايدج )
اسيا : بالعافية ، رجعت انطيت الجاي لاخواني وودين الصينية بالمطبخ ورجعت لميت الاكل وية امي وكلتلهة
اسيا : ماما روحي امعدي يمهم اني اغسل المواعين واجي
ليلى : ماشي حبيبتي
اسيا : كملت المواعين بسرعة نضفت المطبخ ورجعت كعدت يمهم
فراس : اكلكم شتحبون انسوي انشوف فلم وناكل بوشار لو نلعب لو شنو
علي : اني اكول خلي نلعب
احمد : خوب انتة تبقة طفل
علي : اي يابة شنو خلي نتونس
فراس : اسيا انطينة رايج
اسيا : اني برايي فلم رعب وبوشار واجواء احلا من اللعب
فراس : وانتة يوسف شتكول
يوسف : اني رايي فلم الرعب احلا من اللعب
فراس : خلص لعد انشوف فلم رعب ، بابا انتة وماما هم تباوعون لو لا
احمد : لا اني بالنسبة الي اكوم انام وانتم اخذوا راحتكم ، اعذرني وليدي يوسف بس والله تعبان اعتبر البيت بيتك
يوسف : لا عمي اخذ راحتك لا تهتم ولا تعتبرني شخص غريب
احمد : ليلى تباوعين وياهم لو تكومين انام
ليلى : لا عيني اني مو صلح وية افلام الرعب
اسيا : ماما كومي نامي احسن لان انتي تنعلين ام المتعة مالت الفلم وادري بيج بنص الفلم وتكولين خلي يولي طفوا ، مو اول مرة نبع الحنان تسويهة بينة 😜
الكل : ههههههههه
علي : اي ماما كومي نامي احسلج
ليلى : هههه يلة تصبحون ع خير
ليلى : اسيا تعالي شوية ماما
اسيا : اي ماما اجيت
اسيا : ها ماما
ليلى : باعي بنتي البوشار تندلينة وينة هوة والعلبة مالتة والنكهات هم بالكاونتر واكو ببسي طلعوا اذا تريديون ماشي حبيبتي
اسيا : بعيوني ماما لتهتمين اني اسوي كلشي انتي روحي نامي
اسيا : راحوا ماما وبابا ينامون واحنة كعدنة سوة
فراس : عدكم مقترح لو لا
يوسف : اني بالنسبة الي ما عندي مقترح
اسيا : اني اعرف فلم اسمة ........ طلعة كلش حلو شفت العلان مالتة
فراس : تمام
- طلعنة الفلم ولبين ما فراس ربط الموبايل ع التلفزيون اني سويت البوشار سويت علبتين وحدة اني وعلي ووحدة يوسف وفراس
فراس : ولج اسيااااا يلة شنو متتتي هوة بوشاااار
اسيا : ايييي اجييييييت بس خلي اخلي النكهاتتت
خليت النكهات طلع يخبببل اخذتة ورحت للصالة واشوفلكم فراس رابط الموبايل وعلي واكف يم النقطة مالت الضوة منتضريني اجي علمود يطفون الاضوية اجيت وكلتلهم
اسيا : تعالوا نكعد بالكاع احلا
فراس : اي صدك ، يوسف جيب هاي البطانية الي يمك
كعدنة سوة كعد فراس ع اليمنى ويوسف بصفى وعلي بصف يوسف واني بصف علي صرنة مثل السرة والتلفزيون كدامنة ومتلفلفين بالبطناية
فراس : من هسة الي يخاف خلي يكول
يوسف : اني ما اخاف
اسيا : ولا اني اخاف
علي : ولا اني
فراس : متاااااكدييين
الكل : اي
كعدنة وحطينة البوشار بيناتنة وكعدنة فراس شغل الفلم وعلي طفة الاضوية وبلش الفلم
اول مشهد رعب علي صاح صيحة فززنة كليتنة 😂😂
يبوووي ما احجيلكم ع الاحداث مدري نضحك ع التفاعل مدري نبجي من الفلم صدك مرعب بس اني ما اتاثرت
يوسف : اني مشايف بنية عدهة هيج كلب يعني ولا تحركت ولا عاطت خرب بيومج حتة اني هم اكو لقطات فزيت بيهة وهية ولا يمهة
اسيا :( اني صحيح بينت انو مخايفة بس صدك خفت بس ما بينت لاحد )
المهم خلص الفلم وكمنة صعدنة لغرفة
يوسف : والله تونسنة كلش
فراس : اي والله يلة ان شاء الله يومية نسوي شي بس هسة يلة كومو انام لان باجر ورانة دوام
اسيا : اني وعلي عدنة مدرسة
يوسف : اني ما عدني شي فراح ابقة نايم للضهر 😂
فراس : ههههه البيت بيتك
يوسف : وين الغرفة الي راح انام بيهة
فراس : اسيا روحي دلي يوسف ع غرفتة وروحي نامي واني راح الم الصالة وعلي يلم البوشار
اسيا : تمام ، امشي يوسف
يوسف : يلة تصبحون ع خير
فراس ويوسف : وانتة بخير
اسيا : صعدت الدرج ويوسف يمشي وراية علمود ادلي ع غرفتة
اسيا : هاي غرفتك وهاي غرفة علي وهاي غرفة فراس وهاي غرفتي الي هية اقرب غرفة ع غرفتي وهذيج البعيدة غرفة بابا وماما واذا تحتاج شي دك الباب علية
يوسف : شكراً
اسيا : تدلل
يلة تصبح ع خير
يوسف : وانتي من اهل الخير
يوسف : دخلت للغرفة شفت كلشي موجود بيهة بس البطانية ماكو ولكيتهة حجة علمود اصيح ع اسيا
اسيا : اني هستوني دخلت لغرفتي فتحت شعري اريدة يرتاح شوية واندك الباب علية فتحتة
يوسف : اسف اذا ازعجتج بس ماجاي الكة بطانية مثل ما تشوفين الجو بارد كلش
اسيا : تمام هسة اشوفهة الك
مشيت لغرفتة جانت البطانية فوك الكنتور فدخلت حاولت اوصل الهة بس الكنتور عالي كلش وما كدرت الوحهة
يوسف : شفتهة تكمز اتريد توصل للبطانية فصرت وراهة اريد اجرهة
اسيا : التفتت لكيت يوسف صاير كدامي رفعت راسي عليه واجتي عيني بعينة وجان صفن بعيوني ويباوع ع كل تفاصيل وجهي وجااان .......................
يخلص الباااارت هههههه لهنا خلص بارت اليوم اتمنا يعجبكم واحاول اكتب البارت الجاي بسرعة
ولعيون صديقتي الي اكلت راسي وهية تكولي نزلي البارت هههه
احبكم ❤️❤️❤️
(1110) كلمة
