-انداريت شفت يوسف وراية ومحاوطني بايديه يريد يجر البطانية جرهة وضل واكف وعينة بعيني
اسيا : احم احم هاي البطانية لكيتهة تريد بعد شي
يوسف وخر منهة وكال : لا شكراً واسف لان ازعجتج
اسيا : ولا يهمك مصار شي يلة تصبح ع خير
يوسف : وانتي بخير
اسيا : رحت لغرفتي ضليت افكر بالموقف الي صار وشلون هيج صار وشلون يوسف دخل لحياتنة اصلا بعدين عفت هاي الافكار كلهة ونمت
يوسف : ضليت افكر باسيا ومعاني وجهة وبشكلهة وبطولهة وبكلشي يخصهة وبتصرفاتهة الي ابد مو بكد عمرهة يعني الي يشوف تصرفاتهة يكول عمرهة 30 سنة بس هية 17 سنة فقط حتة عقليتهة تختلف واعتقد سفرها لخارج العراق الة دور جبير بهذا الموضوع المهم عفت هاي المواضيع استغفرت ربي ونمت
______________________________________________
(في الصباح )
اسيا : كعدت الساعة 7 اليوم جمعة غسلت ولبست ملابسي ونزلت سويت توست وجبن بسرعة اكلت وطلعت للدوام
يوسف : كعدت الساعة 10 كللش ارتاحيت بالنومة حسيتة صدك مثل بيتي كعدت حاجيت امي خليتهة تطمان عليه كتلهة يلة لازم اروح سلمت عليهة وكطعتة نزلت جوة
يوسف : صباح الخير
ليلى : صباح النور هلا عيني شلونك
يوسف : هلا عمتي والله بخير
ليلى : ان شاء الله ارتاحيت بالنومة
يوسف : اي والله كلش ارتاحيت
ليلى : يلة وليدي تعال اتريك وياية
يوسف : اييي والله ميت جوع
يوسف : اكلج عمة
ليلى : كول عيني
يوسف : اريد اسالج شي بس شوية مستحي منج
ليلى : ههه كول عيني لا تستحي
يوسف : خالة ليش اسيا هالكد كتومة وهادئة يعني هية هيج ؟ بس اعتقد شهد جانت من تحجي عليهة تكول كلش حركة وتحجي هواي وتشتاقة هواي وايجابية دائما بس الي دا اشوفة اني غير شي يعني دا اشوفهة هادئة وكتومة ومتحب تحجي هواي ولا تحب تختلط
ليلى : يوسف شهد حجيهة صحيح اسيا مجانت هيج بس هاي الفترة هيج صارت
يوسف : زين ليش ؟
ليلى : ما اعرف بيوم وليلة تغيرت احوالهة كلش بيوم من الايام دنية ليل الساعة 3 سمعنة صوت طبة قوية بغرفتهة فركضنة اني وابوهة لكيناهة متخربطة فمن اخذناهة للمستشفى الدكتور ورة ما كشف عليهة كال انهيار عصبي اكو شي مضوجهة ومقهورة كلش من عندة لهذا السبب داخت ووكعت وضلت ثلاث ايام بالمستشفى ووراهة طلعناهة ومن طلعناهة لهسة ما تقبل تحجي شنو الي صار وياهة وليش وشلون هيج صار وضلت هيج هادئة وكتومة وتحاول تنعزل عن العالم كلة حتة اصدقائة الي وياهة بالدوام هم ابتعدت عنهم
يوسف : اها يعني لهذا السبب هيج صارت
ليلى : اي لهذا السبب
يوسف : زين ماكو امل انو تطلع من هاي الحالة ؟
ليلى : كالو انو اكو امل بس كلش قليل انو لازم تطلع من هاي الحالة ومستحيل تطلع الا اذا حاولت تنسة الشي الي صار وياهة
يوسف : يلة الله كريم اول وتالي تنسة ،، اسف عمة اتدخلت بشي ميخصني
ليلى : لا عيني قابل انتة غريب ، بس اريد منك شي
يوسف : كولي بعيوني
ليلى : الشي الي سمعتة يبقة بيناتنة مااريد احد خارج عائلتنة يعرف يعني حتة عائلتك مااريدهة تعرف رجائا
يوسف : ولو ميحتاج توصيني
ليلى : يلة هسة همة ع وصول مراح تلحك تضوج
يوسف : ان شاء الله
دخلت اسيا : مرحبا
ليلى ويوسف : هلا
اسيا : ماما اني راح اصعد ابدل بلا امر عليج بس صبيلي غدة ميتة جوع
ليلى : ماشي حبيبتي روحي بدلي وتعالي
اسيا : صعدت بدلت ونزلت لكيت بابا والولد جايين
اسيا : هلو
الكل : هلو
ساعدت ماما بصب الغدة وكعدنة نتغدة وجان يوسف يفتح اهم موضوع
يوسف : اكلك عمي
احمد : كول عيني
يوسف : انتة مو تريد تروح للعراق ؟
احمد : اي والله اريد اروح زيارة وارجع
يوسف : زين ليش ما تروحون وياية نروح كلنة سوة
احمد : انتة شوكت رجعتك ؟
يوسف : بعد يومين بالليل
احمد : بس ما اعتقد نلحك !
يوسف : ليش ما تلحك باجر انروح نحجز التذاكر وهنا بالبيت يلمون الجنط وبعدين انتم باجر مو عطلة اسبوعين مدري شكو
احمد : اي صحيح ،، شنو رايكم
ليلى : والله علواه اني راح اموت ع العراق واهلي هم صارلي شكد ما شايفتتتهم
فراس وعلي : واحنة هم ماعدنة شي
احمد : بابا اسيا شنو رايج ؟
اسيا : بابا اني ما عدني مانع
احمد : تمام لعد جهزوا نفسكم باجر نروح اني ويوسف نحجز التذاكر وانتم تلمون الجنط وراح نحجز ع نفس الطيارة
---- الكل فرررح بهالخبر وفراس وعلي واسيا كلهم كامو من السفرة
اسيا : الووو
لج شهد راح نجي للعراق
______________________________________________
( في اليوم التالي )
راحوا بابا ويوسف يحجزون التذاكر واني وماما وفراس وعلي نلم بالجنط
اسيا : ولك عليووووي هاي جنطتيييي لا تخبط غراااضي وغرااااااضك
علي : لعد شسووييييلج جنطتتتتي ما بييييهة مكاااااان
ليلى : ولكم كااافي عرك شوكت تكبروووون
احمد : ها عيني
الكل : هلاا هاا بشر
احمد : حجزت التذاكر هاكم كلمن ياخذ التذكرة مالتة
(يوسف ضحتة واصلة لاذانة 😂)
ليلى : اكلك عيني شكد نبقة هناك ؟
احمد : اسبوعين لحد ما تخلص العطلة ونرجع
ليلى : حجزت للرجعة ؟
احمد : لا بس روحة
ليلى : ليش ؟
احمد : يلة مو مشكلة مناك نحجز
ليلى : تمام
احمد : خلصتوا الجنط ؟
اسيا : اي بابا بس بقة نوزنهن
احمد : يلة يوسف
يوسف : ها عمي !
احمد : شيل الجنط بما انو انتة ما شاء الله عليك وزنك 90 مدري شكد
بابا اسيا تعالي شوفي شكد الوزن
يوسف : هههه تدلل
اسيا : ماشي بابا
يوسف : شلت الجنط اني اشيل الجنطة واسيا تكول شكد الوزن واذا لازم يفرغون منهة او يحطون بيهة ومن هالحجي
احمد : يلة تمام خلصنة الجنط بعد ما عدنة شي ننتضر باجر الطيارة الساعة 3 لازم بال 12 احنة بالمطار تماام ولحد ينام علمود تكدرون تنامون بالطيارة ،،، يلة هسة روحوا ناموا علمود ناجر تكملون اغراضكم
الكل راح نام
وباجر يوم جديد وحياة جديدة وراح تبدي القصة الحقيقية من تروح اسيا للعراق واحداااااث هوااااي راح تصير وراح تتغير هوااااي شغلات انتضروا البارت الجاي ان شاء الله (اذا شفت تفاعل راح اكمل واذا ما شفت فاعذروني لانو القصة ماكو عليهة ايييي تفاعل راح اوقف القصة مؤقتا لحد ما اشوف التفاعل ورجائا شاركوهة علمود استمر بيهة )
انتضروني بالبارت الجاي
بباااااي ❤️❤️
(887) كلمة
