ورود في تربة الجحيم / الكاتبة منال منولة

اول خطوة نحو الجحيم

· جوة كان بارد ..الشتاا تطيح .. والريح تصفر .. الرعد يضرب والانوار كامل طافية .. البرق كان النور الوحيد يضرب كيما الفلاش خطرة على خطرة ... كان السكات وصوت نباح الكلاب يقتل ويخوف .. في فيلا كبيرة ... كان ضوت اع وحد الشومبرااا شاعل .. وطففلة صغيرة في عمرهاا 18 سنة .. شادة فالغطاا وتعيط بااكل قوتهاااا ....
البنت اه مانجمتش رح نموت رح نموت اه اه
القابلة تمسحلها فالعرق تنفسي غير بالعقل وادفعي بكل جهدك مابقاش بزاف ادفعي .. بقات الطفلة تفع بكل قوتهااا وجهدهااا ..القابلة كانت شادة النص وتحاول تعاونهااا ...دقايق معدةدة حتى سمعو صوت بكااا نتاع بيبي صغير ...
القابلة رفداتو وناضت .. لفاتو في غطاا صغير ... وبقات تمسحلو على راسو .. الطفلة كانت موجوعة شبه غايبة عن الوعي .. همست بكلمات صغار .. طفل ماشي هاكا ..
القابلة تبسمت ايه راو طفل ..
الطفلة اعطيني نشوفو ..اعطيني ولدي نش ريحتو ... كانت تحكي حتى دخل عليهم واحد ..وجهو عابس ومنارفي ..الشر يخرج من عينيه ... شاف فيهااا ممبعد قرب للقابلة اعطيني الطفل ..
الطفلة عيونهاا معمرين دموع خوياا ربي يعيشك خليلي ولدي نشوفوو ونشبع منو ..
الراجل دار بظهرو وشدا الطفل .. تكبري وتنساي وتديري عايلة وذرري بزاف ..
الطفلة بدات تبكي اعطيني ابني اعطيهولي خوياا حرام عليك عيشك ..تبكي وتمدلو في يدهااا ..خلاها تبكي وخرج .. رافد هذاك البيبي الصغير الي كان يبكي حاب يرضع .. حاب يشم ريحت يماه ..
بعد 30 سنة
قاعدة على طابلة الفطور .. الخدامة تجيب فالماكلة .. وهي واقفة تشوف وتلاحظ بعينيهااا .. تحب كلشي منظم .. كلشي على الشعرة الغلط عندها ممنوع .. كل غلطة بفلقة .. كي كملت الخدامة الحط نتاع الطباسى وكلش شافت فيهااا
ملك امراة كبيرة اما ستيل وشخصية .. ولادي ناضو ولا مزال
الخدامة السي نزيم دخل الصباح نظن راقد و سي نظال خرج يدير السبور .. سي ادم راه قاد قدام البيسين وسي رحيم بكر للشركة قالي نقلك ماتقارعليش للعشا
ملك قعدت تسقم فالسربيتة على عنقهااا وتنهدت عيطي لادم قليلو الفطور وجد ونظال كي رجع قوليلو يجي للفطور
الخدامة بامرك مدام .. Manel
العمر يجري .. ولادي كبرو بسرعة الريح .. نتفكر البارح كي زاد نزيم .. مورراه نظال الي عذبني باه قدر يمشي .. ورحيم الي كان من بكري مسؤول تقول هو الكبير ..واخر العنقود ادم هههه .. على سيرت ادم .. جاي يتمشى ويجر في رجليهااا .. قرب منها وسلم على يدهااا
ادم جبد كرسي سلطانة ملك ..صباح الخير
ملك تبسمت صباح النور .. صباح ربي البيسين .. فطر معا ماماك قبل ممبعد روح وين تحب
ادم خلاص يلالة عفو ورضااك ..
ملك فالتبلعيط مكانش كيفك ..غير اسكت مرات نامنك ..
ادم ..ياعمري والله نحبك انتي العشق والكبداا والعمر مواه .. قاسلها بوسة فالهوا وقعدو ياكلو ويحكو .. اصلا ادم الوحيد الي بقى يفطر ويتعشى معاهاا لخرين كامل هاملين ..
Manel

في تركياا وتحديدا في اسطنبول ..
في فيلا كبيرة .. في اسطنبول ... كانت الموسيقى هي الي تحكي .. ضياف بزاف ..لابسين اغلى الماركات واغلى الفساتين ... الجارسونات واقفين يحبو بالضياف مصطفى اكبر رجل اعمال في تركياا والعالم العربي .. شركاتو تقيريباا عندها فروع في كل بلاصة فالعالم .. عيطولو "مصطفى ملك اللحوم ولا ابو لبنات .. لسببين السبب الاول لانو مشهور في مجال اللجوم ..عندو مزارع كبيرة .. تحت اشراف احسن الخبراااء ..السبب الثاني لانو عندو اربع بنات ..
طلب من الحارس الشخصي يطلعو للمنصة .. لانو مقعد من 10 سنين مايقدرش يوقف اما اليوم يوم خاص جدااا .. شد فرشيطة صغيرة وطبطب فيهاا في كاس الشامبانيااا .. الكل دارو معاه وشافو فيه .. كانو متشوقين يعروف سبب الحفلة هاذي ..
مصطفى تبسم اليوم يوم خرافي بالنسبة ليااا .. قارعتلو من 28 سنة .. اليوم ابني وائل صاب الحب ..وقرر يخيلني جد هههه اليوم خطبة ابني وائل من الانسة لميس .. وبهاذه المناسبة السعيدة انا رح اعلن ابني خليفي في شركات مصطفى الرافعي للحوم ...
الكل قعدو يصفقو .. ودخل وائل مع خطيبتو .. ولفت الانظار ليهم .. كان الكل مركز معاااه طول وعرض ..عيون خضرة ولحية تعشق .. بدات الموسيقى ...اول رقصة لوائل مع خطيبتو .. الكل كان حاسدين لميس .. خذا ت راجل طول وعرض وثروة ..
3 بنات كانو واقفين يتبسمو .. وحدة سمرر وعيونهاا خضر .. هاذي عشق معروفة برازنتهاا وزينهاا العربي .. هي اصغر من وائل 25 سنة .. عندهاا شركة عطور ..
سمر 24 سنة صغير بعام عليهااا .. تقرااا ادارة اعمال .. عيون عسليين وقفة وشموخ .. تعتبر المغرورة بين البنات الكل ..
شمس الاصيل 18 سنة تعتبر اصغر بنات مصطفى والدلولة نتاعو .. هي مومو عينيهاا امهاا ماتت وهي تجيب فيهااا .. اما الكل كان كيف السند ليهاا .. داخلة لمعهد موسيقى ..
مممم وحنين وين راهي حنين .. حنين 22 سنة شخصية جادة .. عيونهااا وحدهم فيهم حكاية كبيرة .. اما هي ماتحبش الاختلاط .. تدرس تاريخ حديث .. انسانة عفوية ومهبولة اما برك مع الناس الي تعرفهم .. وهي بطلتنااا فالكرونيك هاذي ..
كملت الموسيقى .. وائل خلى خطيبتو وهبط لتحت يشم هواا ..حس رحو مخنوق في التمثيلية هاذي .. خاطب بنت مايحبهاش برك باه يرضي مصطفى ..اه المصالح قتلتنااا ..
حنين كانت قاعدة في الجنينة .. حاطة كتبها قداهاا .. هي الوحيدة الي ماحبتش تحضر لانهاا تعرف وائل .. وتعرف بلي مغصوب على الخطبة هاذي .. شوية حتى سمعت صوت رصاص "بوم بوم"