ورود في تربة الجحيم / الكاتبة منال منولة

اول بوادر لحرب العشق

· الحلقة 23 قاعدة ومقبلاتو حاطة رزمة نتاع صور قدامهم كل ماتصحلها الفرصة تروح لعندو ماتحب حتى شئ يفوت بلا بيه اليوم قصتلو من شعرو وسقمتلو اللحية تاعو كان ديمااا يريقل امورو لوحدو اما ضرك هو غايب على الوعي مش حاسس بلي داير بيه
حنين رفدت اول صورة نزيم ظابط شرطة سابق السن 29 سنة ممبعد نظال 26 سنة طبيب نفسي رحيم 24 سنة رجل اعمال واخيرا ادم سنة ا21 سنة طالب هاذوما ولاد عمتي ملك نزيم حتى هو دخل للسبيطار على جال الغبرة حتى هو ماسكلش من ملك عمتي تعرف شعال مفتقادينك وائل عيشك ماتخليناش فالمحنة هاذي
كان يتفقد في المرضى نتاعو حتى فات على شومبرا نتاع وائل شافهاا قاعدة شحال يحب كي يشوفهم مع بعض خسارة المرض فرقهم
الطبيب ايمن طبطب نقدر ندخل
حنين تلفتت ليه صصباح الخير تفضل ايمن مرحبا ابيك
الطبيب ايمن اني نشوف فيك متلاهية بيه يعطيك الصحة
حنين بقات تلم في الصور غيابو علينا كسرلنا ظهرنااا منعرف واش ندير في حكاية الورث وزيد ايراد مايعرف حتى حاجة على حياة وائل عام وش من عام سمانة يبان كلش
الطبيب ايمن شد حنين من يدهااا نعرف بلي نتي قدهااا بالنسبة لاايراد ممم ديريلو دورة فالشركة وزيدي حاجة مم خليه ديماا معاك ويريلو الصور مانعرف انا الصوالح هاذوماا
حنين ربعت يديهااا وخطيبتو والناس الي يعرفو وائل كيفاش رح ندير معاهم
الطبيب شد حنين وجبدها من يدهااا على هذاك من الاحسن ليكم تقبلو تسكنو مع بعض منها تبعدو على المحيط هذاك منهاا تقدرو تكسبو وقت
حنين حطت يدها على كتف ايمن ربي يجيب الخير لازمني نروح ضرك اتهلى فيه
فاتت سمانة اليلة ملك عاملة عشااا على شرف نزيم عرضت فيه كامل العايلة حتى مصطفى وبناتو كان العشااا فرصة باه تفاتح مصطفى في الموضوع نتاع الورث كانت واقفة تحب تحضر كل حاجة بروحهااا تحب كلشي يكون متناسق مع انو عشاا صغير للعايلة برك بصح ملك تحرص كلش يكون مضبوط كلش يكون فخم
دخلو لبنات كيفف العاة في كامل اناقتهم وحنين تجر في كرسي مصطفى ملك اول مادخلو حطت عينيهاا عليههم وعلى ايراد الي كان واقف بجنب حنين ويحكو قاعدة دير الخطط في راسهااا دبر وتعاود تحب كلشي يكون متناسق رحبت بيهم وقعدو على العشااا
ملك شافت في حنين ماقتليش واش تقراي واش ديري
حنين تبسمت تحاول تخبي في توترهااا من تجاهل نزيم ليهااا نقراا تاريخ حديث
ملك تبسمت ممممم انتي ماكيش كيم اخواتك انتي سبيسيال شخصية فريدة نظن انو حياة امك كانت تقرا تاريخ
حنين بقات تاكل تحاول تتمالك اعصابهااا ايه امي كانت استاذة نتاع تاريخ في الجامعة ونحب نكون كيفهاا
ملك ممم نشاء الله ماتكونيش كيفهااا وتهربي وتخلي راجلك وولادك
مصطفى شاف وجه حنين كيفاه تبدل ملك مش وقت الهدرة هاذي ترعفي الموضوع هذا شعال حساس
نزيم شاف في حنين ووجها كيفاش تبدل معليش تبدلو السيرة نحب ناكل في غرضي وبركاي مادخلي في روحك في الناس تقراا واش تحب
ملك تبسمت بخبث لا نحكي برك هاا خلاص معدتش نحكي
حنين ناضت تبسمت سامحوني نروح للدوش
ناضت حنين وهي حاسة روحهااا مخنوقة اصلا هذا الموضوع سر لازمو يبقى في العيلة حست ملك قاعدة تستفز فيهااا بلعاني ولغير وجه حق هذا موضوع وجع حنين وبكاها فالليل وعلاش ملك قاسية هكا معاهم وعلاش
Manel