ورود في تربة الجحيم / الكاتبة منال منولة

كل شئ يجوز في الحرب ومن اجل المال

اعصابهم على نار .. ملك من جهة تحب تنحي كلش لمصطفى .. ومن جهة تحب تلم ولادهااا ..في هاذي المرحلة كلش يعتمد على الوصيى نتاع عمهم .. اكيد رح تنحيلهم كلش ... وتخلليهم في الشارع ..
العيلات للزوج دخلو لقاعة الاجتاماعت ... في شركة المحامي رمزي .. قاعدين مقابلين بعضهم .. ملك قاعدة فالمقدمة ... نظال ورحيم بحذاهاا .. نزيم مقبلهم وبحذاه ادم قاعد يتبهلل ويرمي فالهدرة على نظال .. شوية ووصلو لبنات .. دخلت عشق هي الاولى كانت بومباا نتاع زين بارفانهاا جاي لاخر الممر .. سمر تجر في مصطفى الي كان على كرسيه المتحرك .كلهااا اناقة وكاريزماا وشخصية . وشمس الاصيل اخر العنقود الطفلة الدلولة وهذا الشئ كاين باين من لبستهااا ..
الاولاد ماركزوش بزاف لانهم يحوسو يفضو حكاية الوصية وخلاص .. وزيد ملك قاع العام قاعدة تنتقد في مصطفى وبناتو ...
ملك عينها طاحت في عين مصطفى ... تبسمت بخبث اهلا بخويااا الكبير .. على حساب ماراني نشوف مزالك بصحتك ..
مصطفى تبسم اهلا باختي الصغيرة ... حتى نتي مشاء الله كل يوم تزيدي تصغاري اناقة وجمال مشاء الله
ملك تبسمت وهاذوما بناتك مشاء الله ..
مصطفى تبسم بفخر .. عشق وسمر واخر اعلنقود شمس الاصيل ... تبسمو البنات معاهاااا
ملك دارت لولادهااا .. نزيم ونظال رحيم واخر العنقود ادم .. الاولاد ردو الابتسامة ..
ملك استقعدت اهيه .. نبداو القراءة ..
المحامي رمزي مزال زوج من اولاد مصطفى .. وائل وحنين ..
عشق شافت في سمر بفف تهردت علينا اليوم .. وين راهي حنين وش بيهاا طولت ..
سمر عيطتلي قاتلي رح نبطاا شوية على هذاك
عشق نشاء الله تجي والا شوفي عمتك كي راهي دير كيما الاناكوندااا
شمس الاصيل قصدك بيكاتشو ههههههه
عشق وسمر طرطقو بالضحك .. شاف فيهم نظال وعجباتو كيفاه متواضعين ويضحكو ... ضحكوناا معاكم بنات عمي .. وتبسم مع سمر
عشق حبت تلم الموضوع .. والو هذا برك شمس الاصيل كي تبدااا تطلق في هبالهااا .. هوما يحكو حتى دخلت حنين ... ومعاهااا
حنين تلهث وترفد في الشعر من على وجهااا .. سامحوني طولت عليكم .. لحقت في السريكلاسيون هياا وائل مزال مابدواش .. نزيم كان لاهي كي شافهااا بقى مركز معاههاا .. كانت لابسة كلش كحل وحاطة روج غامق .. عينيهاا زرق وبشرتها بيضاا تهبل .. مبعد استجمع روحو ودار روحو مشااف والو ...
دخل يتمشى غير بالعقل .. زين وطول وعرض .. كيف الجبل .. لابس كوستيم بالاكحل .. حواجبو غامقين .. وسمر
وائل سامحونااا .. جبد الكرسي وقعد .. البنات الكل داهشين فيه .. شكون هذااا ..
ملك اتنفضت من بلاصتهاا وبقات تدخن والدخان يخرجلي من وذنيهاا .. تبسمت بخبث وناضت .. سامحوني نخرج نحكي تلفون برك ... خرجت ملك تجري .. دخلت التواليت الي في الشركة .. خبطت البوشات على المراياااا وعيطت جبدت التلفون ودارت نمروه ..
ملك تحكي بالزعاف .. الو وي .. يابهيم وش هاذا الي درتو
مجد مستغرب وش درت مدام فهميني .. كاش ماصرااا
ملك لازة على سنانهااا ماشي قتلك اقتلو وش رهو يدير لهنااا .. بهيم بهيم راهي عندي
مجد .. خلصت اكبر قاتل ماجور .. طلبت منو يقتل وائل ونظن بلي دار خدمتو عادي وقتلو ..
ملك خلاص بلع فمك .. بهايم راهم عندي الظاهر فيه قتل شخص اخر .. خلاص خلاص ممبعد نحكو .. حطت التلوفون ... سقمت الروج نتاعهاا وخرجت تمشي بكل ثقة .. اكيد باش يكون مخطط اخر يدور في راسهااا ..