ورود في تربة الجحيم / الكاتبة منال منولة

مزال هناك امل

الحلقة 71 قاعدة ومقبلاتو .. مش عارفة وش الي جابو ولاوشكون الي حكالو علا بلاصتهااا .. قلبهاا يدق وهي تبحلق فيه وشعال زيان .. وشعال اللحية الطويلة زادت فيه النص .. حبت تنهي الموضوع لانها مش قادرة تتحمل اكثر ..رح تضعف ورح تحن من جديد ..
حنين طرطق في صباعتيهاا واش جابك وش تحب من عندي
نزيم طلع حاجبو .. وش هاذي تاع واش جابك ..سقمي هدرتلك خير منوض نكسرلك راسك
حنين صحااا
نزيم وش راكي ديري هناا بعيد على داركم علاش هربتي وخليتني اه وانا محتاج كوانا مرمي فالمشفى
حنين خليتك لاني مانحبكش لاني حبيت نبعد وجهي من وجه ملك ..كرهتلنا حياتنا خلاص ماعادش فياا طاقة باه نواجهااا
نزيم ناض وانا واش راني نبانلك ..شعال من مرة حميتك
حنين بدات تعيط انت تخليت علياا ..مانتنيش حبيتك تما تضرب هاذوك الي جاو يدوني .. تخيل بسبة امك بت فالحبس وعلى شعرة كن حندخل للحبس
نزيم خبط الطابلة .. ربك رح تهبليني .. قليل ماكنت معاك قليل ماعونتك جامي ظنيتك هكااا جاميي ظنيتك ترحي وتخليني وانا الي كنت رح نجيبلك يماك واختك
حنين خلاص مانحتاج والو منك كثر خيرك .. براا خرج من داري .. منحبش نشوف ..ك
نزيم قرب منها وجبد البرطابل .. شعل فيديو بقات تشوف فيه ..كي كمل بعد شوية كاين زوج نسخات منو ياتروحي معايااا يا ننشر رب الفيديو
حنين اطرطقت بالضحك ههه ضحكتني زعما رح نخاف منك ونروح معاك .. تعرف علاه من بين خاوتي واقفت نتزوج واحد فاشل كيفك .. لاني كنت نعرف بلي ملك تحبك كنت رح ننتقم منها بيك ..
نزيم ضحك بتمسخير انا فاشل ..
حنين عمري ماحبيتك .. كرهتك من اول مرة شفتك فيهاا وعلا هذاك بعثتلك فيديو الي ملك تقول فيه بلي تكرهك ..
نزيم انصدمم اما عارف قصدهاا تحب تجرحو برك .. اويك رح ننشر الفيديو خلي الناس كامل تشوف حنين شكون هي وجي الشرطة تديك وتحبسك في سبيطار المهبيل ..
حنين عضت شفتهااا ..انت رخيس ارخس واحد شفتو في حياتي ..
نزيم قرب منهاا وهو يغلي شدهاا من شعرها ولواه على يدو وشدها بكل قوتو ... وحصرها مع الحيط ..ولزها ليه .قلبها حب يخرج .. بق يشوف في عينيهااا .. ممبعد حط شفافو على شفافيفهااا ..وبقاا يبوس فيها بلكل غل .. وهي اول ماا حط شفافيفو عليهاا هبطو دموعهااا ..كيما يقولو انكسرت اللعنة ... الي بينهم ..لعنة الانفصام ...
يوسف بقاا طول الطريق يخمم في حكاية بوه .. يحب يتعرف على ملك يحب يعطيهاا فرصة ..اما جاياتو صعيبة بزاف .. كان داخل حتى شاف دارين جاية مع عشق وسمر ... عشق كانت حابة دير حملة للعطر نتاعها الجديد ..وعلى ذاك اختارت شركة جميل بدون علم منهااا .. ايراد هو رشحلهاا الموضوع وحكالها بلي اكيد رح يكونو في القمة ورح يدرولها برباجنداا واعرة ..
يوسف اهلا اهلا .. عسلامتكم ..
عشق تبسمت الحمدللله سلكنااا على شعرة ..
سمر تضحك ايه والله شوية ونروحو فيهاا ..شوية وكلش يتخلط
يوسف شاف في دارين .. تعرفو لخرى خير من هاذي ..هاذيك تضحك وتلعب هاذي قاع العام مزيرة وجهااا ..
دارين تبسمت اخرتك على يدي غير الحبس الي ندخلك ليه فهمت ..
يوسف بو خفت ..ياو الي تقدري عليهاا دريهااا .. تفضلو لبنات ..كانو داخلين حتى سمر شافت نظال ..راحت تجري وركبت معاه .. يدات تنشغل بزاف عليه .. والجاست نتاع البارح مزال محكاوش عليه ..اكيد رح يديرلهاا سعدها في يدهاا اليوم .. · · الحلقة 72 رافدة صندوق في يدهاا ..فيه ولادهاا كيما تقول هي ..واقفة عند الباب ..عند باب فيلة الرافعي .. حنين الي من شهرين راحت منااا .رجعت بتهديد نزيم ليهااا..خافت صمعتهاا تروح كثر .. خافت حايتها ترجع تنقلب من الاول وجديد ..نزيم كان موراهااا .. ادخلي راكي حابة عرضة واقيلا ..
حنين شافت فيه بنص عين .. واش دخلك حابة ندي وقتي ..
نزيم ادخلي ادخلي .. مزال اللي جايك والله غير نتوبك يالمكلوبة هبلتيني معاك ..
دخلت حنين .. رجل القدام ورجل للوراء .. الفيلا الي زادت وكبرت فيهااا ..رجعتلهاا بعد المدة هاذي كامل ..طالعة فالدروج ..وعارفة بللي راه في بيروه كيما العادة .. يشرب في قهوتو مع انو الطبيب نبه عليه معاداش يشربهااا .. ممبعد يبقة يدقق في الدسيات هاذي عادتو من وقت طويل .. حطت قطتهااا وحلت الباب غير بالعقل .. كي شافهاا من قوة الصدمة شهق .. حنين
حنين تبسمت وراحت لعدو تتمشى غير بالعقل .. ونحنات وحطت راسهاا على صدرو .. من وقتاش وهي توحس على حضن دافي ..كامل هاذوك الليالي الي فاتو كانت دايماا تحوس عليه .. كانت متشوقة ليه ..اما ماحبتش ترجع ولاحتى تطيح بنيفهااا ...
نزلو من الطموبيل ..غالقلها عينيهااا .. وهي تتمشى غير بالعقل ..ايراد وعدها بمفاجئة ..اما ماعرفتش وش هي .. بقات تتمشى وقلبها يخبط .. تحبو هذا حب حياتها الكبير .. عمرها ماحست هكاا مع شخص اخر الا معاه .. دخلها لدار تهبل .. فيلا صغير .. داها للجنينة .. وفتحبها عينيهااا .. شهقت شهقة .كانت اكبر جنينة شافتهااا .. في لحظة قدرت تعرف بلي فيهاا ..انواع بزاف من الزهور ..دارت ليه وحضناتو .. عشق نحبك نحبك ..
ايراد نفنى عليك ياعشقي وحياتي نتي .. بعدها شوية وركع على رجليه .تقبلي تتزوجي بيااا
عشق دارت يديها على وجهاا .. شافت الخاتم ..
ايراد طلع حاجبو رح نبات هنااا ول ..ركبتي وجعتني ..
عشق نقبل نقبل ...
ايراد رفدها وقعد يدور بيهااا .. مبعد جبدلها ورقة من جيبو .. شوفي هاذي
عشق فتحت الورقة وبقات تقرااا .. نت وليت طبيب ايراد ..طبيب بالرسمي ..
ايراد باسلهاا يدهااا وهذا بفضل حبيبتي وعشقي .. وهاذي رح تكون دارنا بدايتنا الصغير .. دخلت في حضنو وباستو من رقبتو .. هاذي حبيبتو الي شجعاتو يرجع يقراا ..بيها قدر يطلع ويعلي ...قدر يكون انسان .. ببساطة الحب يدير معجزات ..
دخلو لبنات العشية .. كل وحدة رافدة خبر مهم .. اول مالمحو حنين راحو يجرو لعندهاا ..شمس من كثر صدمتهاا ..بقات تبكي من فرحتهااا .. عشق وسمر حاضنينها بكل قوتهم ..بكل جوارحهم .. اخيراا اكتمل الرباعي الخطير .. عشق وسمر حنين وشمس الاصيل ... دارين كان تشوف من بعيد ووتبسم هي وحياة .. حنين مارعفتش واش دير اذا كان تسامح ولا واش دير ..تبسمت تبسيمة خفيفة تعبر على حاجة ..انها رح تحاول برك ..
العايلة كاملة مجتمعة .. سمر هياا حنين دارين طفو الشمع ... حنين غمضت عينيها وتمنات ممبعد طفات الشمع .. الكل بداو يصفقو فرحانين .. قعدو كامل متجمعين .نزيم كان واقف يشوف في حنين ويتمعش فيها من بعيد ..كان يصيب يروح يرفدهاا ويديهاا لبعيد .. . شمس شافت رحيم كان متوتر وقاعد تقول على الجمر .. راحت ليه ..وش بيك حنوني ..
رحيم والو برك ..تبسلها يطمنهااا ..
نظال نقزو هياا نطق عزرينك نبات هناا واقيلا ..
رحيم تنفس بعمق ..وعلاش راه خايف ..هاذي شمس حياتو ..الشخص الي يعشقو ويموت عليه ..خلاص كيما جات جات .. حمحم ياجماعة مدام راكم كامين مجتمعين .هاذي فرصة ياخلي باه نتقدم ونطلب يد شمس ..
شمس عينيهااا توسعو من الفرحة ..بقات تبحلق فيهم
مصطفى تبسم يااني شوف راي الطفلة هي الي تقرر كلش ..
شمس لا رد ..من الصدمة بقات فاتحة فمهااا ..
رحيم هياا رح نبات لهناا واقيلا .. واش رايك ايه ولالا خفيني ..
حنين ضحكت السكوت علامة الرضااا ..
شمس تنهدت وعيونها معمرين دموع ايه نقبل نقبل ... ناضو كامل يصفقو ويضحكو على هبالهم ... ويوسف يشوف في دارين وهي تشوف فيه بنص عين وتتحلف فيه  · الحلقة 73 ملك كانت في سهرة مع جميل ..الي حب يعوض ..كلش .. على الاقل يعوض ايامهم الي ضاعت بعا على بعض .. حب يعرضها للبره ..اما هي اصرت تكون السهرة عندها فالفيلا .. على الاقل كلش يكون على اشرافهااا .. وزيد هي وعداتو في يوم من الايام طيبلو .. كانت تحط فالطباسا عى الطابلة
جميل تبسم ..وعلاش عذبتي روحك هكاا ..كنتي خليتيني ديتك لبلاصة شابة
ملك قعدت لا رك متفكر وحد النهار قتلك نطيبلك ونغسلك حابة نعوض ..
جميل ناض وسلملها على يدهااا .. وجبد باطة صغير فيها سنسلة رقيقة ..راهالها في عنقهااا ورجع قعد
ملك تتلمس فيهاا .. وعلاش عذبت روحك ..وجودك يكفيني
جميل حاجة ماهي بقيمتك .. ياعمري ..كانو يحكو حتى دخلو لابوليس .. ملك انخطف وجهاا .. جميل ناض وهداها بعينيه .. غير الخير حضرت المحقق ..
_ رانا نحوسو على مدام ملك ..
ملك انا هي ..وش كاين غير الخير
_ مدام ملك انت موقوفة بتهمة القتل مع سبق الاصرار والترصد للسيد وائل الرافعي .. وحرق ممتلكات خاصة والقيام بمامرات ..
جميل ..شاف في ملك .. ودار للمحقق اكيد كاين غلط اكيد
_ كل الادلة تشير لادانتهااا .. وحتى كاين فيديو فيه محادثة بينها وبين واحد وهي تتفق معاه .. داروها الكلبشات وخرجوهااا .. وهي تشوف موراهااا .. تشوف في الحياة الي ضيعتها بالانتقام ..
ايمن كان قاعد في بيروه ..حاط كامل الاوراق قدامو.. يخدم على بحث ليه .. كان مركز وغايس في عالم اخر .. حتى شاف زينب فاية لبيروهاا ورافدة صندوق صغير .. استغرب وناض وقف عند الباب ..
ايمن رايحة لكاش بلاصة ..
زينب تبسمت بوجيعة .. جاتني خدمة في لندن على مرض الانفصام .. رح ندير ابحاث باه نقدر نعاون الناس الي كيما حنين ..
ايمن حس بوجيع راهي رايحة مرة اخرى .. كيما عاويدك تهربي
زينب خبطت الصندوق ..نهرب باخي اعتذرت منك اف مرة واش ندير كثر ..بصح من قلبك راح مع حنين
ايمن تبسم بتمسخير .. كامل يحسبوني نحبهااا .. بقرة نحبك نتي ونتي خليتيني .. كي سمعتي هدرة بلي خوياا منغولي وخفتي تتزوجيني وتجيبي مونغولي
زينب ضربت البيرو خلاص خلاص عي عليه .. رحت لانو كان عندي كونسار فارحم وقلعولهلي لانو المرض اطور فهمت .. ماقدرتش تتحمل وجات هاربة .. ايمن حكمهاا بيديه وهي تعافر فيه .. اطلقني اطلقني ..
ايمن بقى حاضنهااا ومزير عليهااا ... كان خايف يفقدها مرة اخرى .. حسبها خلاتو حتى ظهرت تحبو وراحت لانها كانت مريضة برك .. رجعها للداخل وبقى شادها بين يديه يهدي فيهاا .. عمرو مانساهاا ولاحب غيرها 10 سنين كل يوم يحلم بخيالهااا .. وخلاص ضرك لازم ينسى ويبداو من جديد ..  · الحلقة 74 اليل ليل كاين ناس مايقدوش يرقدو ..كي يحطو ريسانهم على المخدة يفتحو نوافظ للماضي ويبقاو ينبشو في الذكريات ..هذا حال حنين الي كانت قاعدة فالكوزينة قدام الفريجادار .. قاعدة تاكل فالقاطو الي تزايد من الحفلة .. تخمم في واش كان رح يصراا لوكان حياة بقات معاهم .. بزاف صوالح واولهم مرضهااا .. نفسي الئ بالنسبة لدارين الي ماقدرتش ترقد ..خرجت للجنينة تشم هوااا حتى شافت ضو طفيف جاي من الكوزينة .. جبدت كابوسهااا ..حسبت سراق .. دخلت على لقات حنين قاعدة على الارض وتاكل ..
دارين تنهدت افففف خوفتيني يالرهج ..وش راكي دري لهنااا ..
حنين دايرة المغرف في فمها وتاكل .. نخترع في الاقزام قاعدة ناكل عميتي واقيلا
دارين قعدت بحذاها مديلي شوي تاكلي وحدك
حنين مدتلهاا شوية فالطبسي .. وقعدو ياكلو بالسكات ..
دارين تعرفي عندك نفس عادة نتاع يمااا .. حتى هي مرات نصيبهاا تاكل في وسط اليل وبنفس الطريقة
حنين شافت فيهاا .. نفس العادة والمسافة كانت بعيدة وش ينفع ضرك ..زعما كي راكي تحكي وش رح يتبدل ولا شئ ..
دارين .. حتى حناا حياتنا كانت صعيبة حنين .. تفهمي شوية الوضع هاذ مانطلب منك .. مانيش متوقعة حاجة كبيرة
حنين حطت الطبسي تعرفي وجودها معاناا كان رح يفرق بزاف .. لوكان شهر برك تشجعت وجات كان رح يتبدل صوالح ...
دارين قصدك على مرضك هكاا
حنين جات تنوض .. كان رح تنوض ودارت ليهاا .. لا كان قدرت نكون بنت مراهقة عادية في طوع لانكون ام في بلاصتهاا ونحاول نعوضهااا .. خرجت حنين طلعت لبيتهااا ..وححياة الي كانت قاعدة تسمع دموعهاا هبطو .. صح كانت رح تكون مراهقة عادية في طوع لاتكون تحاول تصير امهم ..
اول اشعة شمس طلعت .. على الناس الكل الا على ملك الي باتت فالحبس الاحتياطي .. طول اليل جميل قاعد معاههاا .. يحاول يساعد باي طريقة .. حتى هو عنو ذنب في الي تحولت ليه وصلتلو اكيد .. اخبراها انتشرت في كل المجلات والمحطات التلفزيونةي ... دارين كانت فالصالون شعلت التلفزيون تحب تعرف الاخبار هاذي عادتهاا من بكري .. حتى سمعت المذيعة " امس البراح قد القي القبض على سيدة الاعمال الناجحة ملك الرافعي ..بتهمة لقتل مع سبق الاصرار والترصد في حق وائل الرافعي ..وقد اعلنت مصادرنا انه قد سجل لهاا فيديو مع شخص مجهول الهوية للقيام بقتل وحرق ممتلكات مصطفى الرافعي سنوافيكم باحدث المعلومات " .. مصطفى كان يسمع فالخبر ومش مصدق .. حط يدو على وجهو وبقاا يمس فالعرق .. ممبعد حكم التلفون
حنين الي كانت هابطة فالدروج وسمعت شافت فيه ..ماتقليش رح تخرجهاا من الحبس
مصطفى افهمي حنين هاذي عمتك وبلاك اي واحد يكون لفقلهاا التهمة
حنين مانيش مامنة .. رح نهبل كيفاه ياخي ثاني مش هي الي حرقت مخبر عشق وحاولت تدخلني للحبس
مصطفى عيط على حنين .. حنين ماتدخليش ورحك بيني وبين اختي تبقاا عمتك كرهتي ولاحبيتي ..
حنين تبسمت هههههاي خرجها من الحبس باه تكمل الي بداتو . خرجهااا وستعيش الارنب في سعادة ... طلعت لشومبرتها وصفقت الباب بكل قوتهاااا .. وبقات تروح وتجي من الزعاف وتخبط في رجليها على الارض ..Gérer · · نزيم الي كان في حالة لايحسد عليهااا .. كان يعمل في مجهودو باه يقدر يخرج ملك مع انو شعال من مرة حذرهااا وقالهااا .. رح الطمع يديك لبلاصة موحشة ..الانتقام مارح يفيد بوالو ..كان قاعد مع المحقق حتى دخل يوسف .. وش فرار كاش ماعرفتو
نزيم الشرطة تقول بلي عندهم فيديو فيه تتفاهم مع واحد باه يقتل وائل ..
يوسف قعد زعما مايكونش ملفق ولا حاجة ..
نزيم مانعرف بلاك .. رانين حاول نوصل لمجد مساعدهااا اما مكان حتى اجابة منو
يوسف ..اسمع المحامي ره تما معاهااا قالي نقنعهم باه يخرجوها بكفالة وزيد تتحاكم برااا ..
نزيم هاذيك هي حتى نفهم كلش معي اني متاكد بلي الفيديو صحيح ماشي ملفق ...
يوسف خلي هذاك لمبعدد فرار ..
نزيم رح نروح لبلاصة اقعد لهناا .. حتى تخرج صحاا نتكل عليك .. خرج نزيم وهو يغلي بكلو .. كان يسوق ومزير على الفولون ..حتى يديه بيضاو .. كي وصل دخل ديراكت عرفها راهي فالمرسم نتاعهااا ..دخل يجري لعندهاا وشدها من يدهااا .. نتي الي درتي هكاا نتي الي بعثتي الفيديو ..
حنين تحكي بالمرتاح ... ماشي انا .. بصح الي دارهااا الله يسلم يديه نشاء الله
نزيم زير على سنانو ز***** اليوم ***** .. رح تقولي بلي الفيديو مفبرك امشي
حنين نترتلو يدو ..ماشي انا روح ت*** غادي ..شوف هي معامن خربت ..روح للمساعد نتاعها الي نهر واللييل قعدين يديرو فالبومبات
نزيم شدها من رقبتهااا .. تعرفي ياحنين ونعرفك بلي نتي رح ندمرك رح نمحيك من الدنيااا
حنين اترشقت بالضحك .. تمحيني اصلا راني ممحية ..امك قضاتلنا على حياتنااا ومستقبلنااا وش من حياة بقات .. نترت روحهاا منو
نزيم بعد عليهاا وجا خارج .. تعرفي اكثر حاجة ندمان عليهاا ..اني عندي بنت خال كيفك واني في يوم حبيتك وعطيتك قلبي ..
حنين رجعت ترسم .. حتى انا حشمانة انو عندي عمة كيف امك وحشمانة اني ضيعت وقت معاك .. خرج وخلاهاا .وهي   · الحلقة 75 الانسان الشرير ..طول عمرو مايتبدل وخصوصا الي تربى على ايذاء الناس .. يلم في صوالحو .. من البيرو .. وينحي في كل شئ يخصو ويربطو بملك واعمالهااا .. دخل لبيروهاا .. بقا يقلب فالقجورة ..مبعد جبد ساشي فيها بزاف ادوية ..وقعد يحطه فيهم في قجورتهاااا .. وفرغ النص على الارض .. ممبعد جبد صور لمصطفى وبناتو وبقى يقطع فيهم ويكتب عليهم في صوالح ...
وقف مقابل صورتهااا الممعلقة فالحيط .. من سنسن وانا نخدم لعندك .. عمرك ماقدرتي واش ندير على جالك ..غير حط دير عمل .. حسبتيني ادت برك .. رح ننتقم منك شر انتقام .. طفى الضو ورفد الصندوق الي فيه صوالحو وبلع الباب وخرج ..
فات نص النهار عليه ..وهو يخمم غالق على روحو في بيروه .. والافكار دايرين بيه .. حتى حاجة ماتقدر تريحو .. حكى مع المحامي وراح لعند ملك .. كانت واقفة وقبلاتو ... قلبها واجعة عليه .. وعلى الي صرا فيه ممبعدهاا ..دخلت ومشات بخطوات ثقال وقابلاتو
حياة .. اكيد رح تخرج ..ماتلقش روحك ..
مصطفى كان محتاج يفرغ ويحكي شاف فيهااا ... اي راهي فيه ذنبي انااا ..انا الي حرمتهاا من ابنها وراجلهاا وزوجتها من ولد عمنااا .. كلش بسبتي
حياة .. نتا وين كنت تعرف بلي جميل يخدم مع المخابرات وكان عامل غطاء انو تاجر ممنوعات وسلاح .. كان لازم تحميهااا .. العصابة مارحمت حتى حد ولا اي حد
مصطفى .. كنت حاسب بلي طيش مراهقة اما هي كانت تحبو ومتعلقة بيه .. ضيعت حياتهاا مع راجل ماتحبووش اصلا ...
حياة .. شدت مصطفى من يدو .. نشاء الله كلشيي يتصلح .. بربي نشاء الله ..
مصطفى دمعة طاحت من عيونو
حياة انت اليوم قصيت على حنين ..راضيهاا راهي تعذبت بزاف .. حرام الي صرا فيهاا ..
مصطفى مسح دمعتو لازمها تفهم انو الماضي فات وتركز على قرايتهاا وكلش عندهااا ...
حيا ة اكيد .. نخليك ترتاح ضرك .. خرجت حياة وبلعت الباب .. وهي ندمانة الف مرة على انهاا بعدت وراحت ..اما مش بيدها مش بيدهااا كانت مجبورة تروح ..
واخيرااا ..طلعت بكفالة .. كانت تمشي ومش مصدقة ليلة فالحبس خلاتهااا تراجع حساباتهاا .. وتخمم في الي رح تعملو من وجديد .. اكيد رح تغير طريقة تفكريهاا الي وصلتهاا لتهلكة .. اما تموت وتعرف شكون اي بعث هذاك الفيديو .. جاو خارجين حتى شافت الشوفور نتاع مصطفى .. مدام تفضلي معيااا
ملك لوين نحب نروح لداري ..
الشفور مدام .. سي مصطفى طلب مني نديك لعندو ديراكتمون عيشك اركب معايااا .. ..ركبت معاه وطول الطريق ساهية ..في حياتهااا في مستقبلهاا .. وش رح يكون يعني .. باش تفوت هكا الي بقى من عمرها تحارب في مصطفى ..هاهي خرجلها عدو جديد مجهول ..
دخلت تمشي بخطاوت ثقيلة .. ومهبطة راسهااا .. مش عارفة كيفاش رح تواجه خوهااا من بعد الي كانت تخطط تقتلوا بنو وتشردلو عايلتو ...
مصطفى اهلا بيك .. حمدلله على سلامتك
ملك الله يسلمك .. علاش جبتني لهناا غير الخير ..
مصطفى هاهو الشوفور جابلك صوالحك ..اطلعي دوشي وضرك لبنات يعملولك حاجة سخونة ..فاليل نحكو
ملك تنهد خلاص ..برك قلي وياين راهي شومبرتي ..
مصطفى الي كانت نتاعك بكري كي كنتي عايشة معاياا ..تبسمت وطلعت فالدروج ..حاسة روحها ثقيلة ..ثقيلة بزاف ..  · الحلقة 76 قاعدين كامل على طابلة العشااا .. متلمين ..هبطت ملك وقعدت بعدما ماارتاحت ..زادو لبنات وحدو ورى لخرى .. وجاو الاولاد عرضهم مصطفى .. عندو هدف وغاية حابب يوصللها .. حب يبلع جزء هذاك نتاع الحقد ويبداا جزء جديد .. نظيف وابيض ..
حنين هبطت للعشاا كان بسيف .. كي شافت ملك رجعت ..انا مانقعدش معاهاا في طابلة وحدة
مصطفى حنين ماتخلينيش نستعمل اسلوب اخر ..
حنين طلقت ضحكة وخرجت شخصيته الاخرى .. هههه واش دير تحبسني ولا ماتخلنيش نتزوج بالراجل الي نحبو اه ..
ملك خلاص خلوني نروح لداري احسن ..
مصطفى مكانش واحد رح يتحرك .. عندي هدرة لازم نقولهااا ..
نزيم اقعدي بركاي من التبهديل تاعك .. هبلت معاك
حنين عوجت راسههاا ياوااا .. وستعيش الارانب في سعادة كبيرة هكااا ..
نظال ناض عرف بلي النوبة رح تحكمهااا .. حنين اقعدي اختي بلعقل نتفاهمو برك ..
حنين مارحش نقعد مارحش نقعد ... بسبتك نتي حياتي انقلبت راسهاا على رجليهااا ..روح نقعد معاك في طابلة وحدة ..
دارين ناضت وشدت حنين غاضتها اختها التوام .. حنين راني حاسة بيك اما هدي روحك
حنين تطرقشت بالبكااا .. حياتي معشتهاش كيف الناس .. تعذبت بزاف ..كانو يوقلولي امكم هربت خلاتكم امكم وحدة ق**** .. كنت طول عمري خايفى خايفة تجي ملك وتخطفلي بابا ولا عشق ولا حتى وائل ةوكي كبرت عدت خايفة خايفة نتزوج ونجيب ولاد وملك تديهملي ولا تهددني وتجبرني نروح ونخليهم تعبت ماقدرتش نعيش بشخصتين ماقدرتش .. نحب نولي مليحة نحب مانسمعش الاصوات في راسي
كانو الكل واقفين غاضهتم حالة حنين .. كملت تحكي كنت نشوفها فالمنام امي وهابطة تجري في واد ولابسة لكحل وانا نقلها ماتروحيش ماتخلينش وهي تبعد تبعد واانا نبكي ..انحرقت بفراقكم انحرقت من يوم رحتي حياتناا تبدلت تبدلت بزف ..
نزيم عينيه تعمرو دموع وتفكر بوه اي مات بجلطة وخلاه .. قرب منهاا وحضنهااا حضنه بكل قوتو .. لانو الوجع ماعادش يتحملوه .. طاحت بين يديه وكانهااا استسلمت لقدرهاا ولمرضهااا ..  · لحلقة 77 مهما كانت حياتنا واعرة ..لازمنا نوقفو على رجلينا ونكملو .. من الصباح وحنين فالمكتبة ..قاعدة تكتب السوتنوناس نتاعها مابقاليهاش بزاف .. كانت فاتحة كتوبتهااا وحاطة نواظرهاااا .. وفاتحة البسي نتاعهااا ..تحب تكمل وترتاح .. كانت في عالم اخر ..حتى وقف بحذاهااا .. حنين وش خبارك هاذي غيبة
حنين طلعت راسهاا .. ياسر وش راك .. والله راك عارف بين الخدمة والقرايا اهيه
ياسر كاش جديد حنون .. توشحناك ..
حنين حتى اناا راني مع الميموار راك عارف مابقاليش بزاف ..
ياسر فاتوك بزاف صوالح .. تحبي نعطيك ديري فوتوكوبي وممبعد ريفيزي في غرضك
حنين عوجت فمهاا ..وش رايك تجي لعندي منها تفهمني ومنهااا مانبقاش حاصلة مع صوالح كبار عليااهههه
ياسر .. اهيه خلاص مالا ملتقانا بالعشية نشاءء الله ..
بعد ياسر وهي بقات تكتب .. لازمها تكون قوية ..الي صرى من يومين ..ماشي نهاية العالم ..لازمهاا تكمل تعيش حياتهاا عادي ..كانو ماصرى والو ..
مصطفى الرافعي ..حياتو لعنة وخلاص ..من يوم تسلم الورث حاجة ماقعدتش وماطاحتش عليه .. اما حتى هو حابب يبلع الفصل الي فات ويبدا فصل جديد في حياتو ..فصل فرحة بعيد على الانتقام وعلى كلش ...
فات على شومبرتهاا .. دخل يتفقدهاا ..من اخر مرة رافضة تحكي معاه .. وهو احترم قرارهاا اما اليوم حب يشوفهاا ويحكي معهااا .. دخل للشومبراا نتاعهااا .. اما مكانش استغرب من الموضوع ..كان القطط نتاعها برك .. طبطب فالدوش مكانش ..اترعب عليهااا كثر وكثر .. قرب لسريرهاا لقاا ورقة " روحت للجامعة برك ..نرجع العشية " ..تنهد وحط الورقة ..
نزيم هو لاخر الي كان في غيبوبة ..دموع حنين نشفولو قلبو ..قاعد يفكر كيفاش يقدر يكسبهاا من جديد ..كيفاش يخليها تحس بالامان .. رجع لخدمتو منهاا يتلهى ومنهااا كان قاعد يخدم على قضية جديدة اما بالو في بلاصة اخرى .. دارين كانت تحكي وتشرح ليه وللفريق .. الو نزيم وينك ياخي ركز
نزيم هاني مركز .. تحبي نعادولك وش قلتي ..
دارين تبسمت وبقات تكمل وهي عارفة بلي مش معاها من الاصل ..كملت وراحت قعدت بحذاه ..فاش راك تخمم غير احكيلي برك ..
نزيم نخم فالمكلوبة نتاع اختك هبلتني راني نعيط وماهيش تربوندي
دارين تكون راقدة ولاترسم ..انت ركز انا وخيتك لازمنا خيط صحيحح ..
نزيم تسم وانا قاعد لهنااا هابل ...كمل الاجتماع وخرج نزيم وهو يتحلف في حنين ... اكيد رح يوريلها كيفاه هو يعيط وهي ولا هنااا . لحلقة 78 اليل عسعس كلهم كانو ملمومين عند مصطفى ..حت يوسف ...قاعين يلعبو فالبلايستيشن .. والبنات ملهيك قاعدين يخرو في روبة الخطبة نتاع عشق وشمس .. حنين حاطة قطوطتها في حجرهاا وتلاعب فيهم
عشق طلعت حاجبهاا وضربتها بالمخدة ..يالرب تقول مانيش اختك هياا يابنتي خيري معاايا
حنين شافت فيها بنص عين وش نديلك كي نتي ختي ..
سمر اعطينا رايك .قولي حاجة علا شراكي ساكتة ..
عشق ايه علا شراكي ساكتة وحطي القطوطة هاذوك لانوض نرزيك فيهم ..
حنين بلعي توشيلي ولادي تشوفي ..
جوزيف ملهيه سمعهم .. ولادك ..جبتي ولاد وانا ماعلاباليش ..
حنين اي جبتهم كنت في انطاكيااا هايلين ....
ادم يلعب ومركز حنين اختي راني زعفان منك بزاف ..
حنين وعلاش ثاني غير الخير ..
ادم الصباح كنت واقف مع صحابي ونتي مع بنات يهبلو مماعرفتيش تقولي نعيط لولد عمي امغبون هذاك
يوسف وعلاش مقلق انت اكثر واحد مقلق في حياتك ..شاف في دارين الي كانت قاعدة ..تشبه لحضرة المحققة .
دارين شافت فيه بنص عين وكملت تختار معاهم حتى صونا الباب ..فاتت الخدامة تفتح .. حنين كانت قاعدة وتلعب وعشق تشوف فيهاا تقول رح تقتلهااا .. حتى جات الخدامة حنين كاين ناس يحوسو عليك
حنين بتمسخير ياك ماشي لابوليس
كانت رح تحكي حتى ياسر قرب سلام حنون وش راكي ..
حنين قربت منو وعنقاتو اهلا بيك ... وسارة تاني جيتي توحشتكم رهجات ..
نزيم طلع راسو كي شاف ياسر عينيه انقلبو وبقاا يلعب من فوق القلب ..
دخلت حنين معاهم لبيت الشاي كيما يعيطولو هومااا .. فيه نباتات بزاف وجاي مصنوع من الزجاج .. وفيه طابلة فالوسط ..المهم قعدو ونزيم قعد يسمعلهم .. ياسر قاعد يشرح لحنين ويضحك
نزيم ربو هاذ اجا باه يفهما ولا باه يمتسخر ز***
يوسف يلعب ومركز رح يطرلك بالمدام ياجدك بشيعتك كبير
نزيم كي ضرك نوض نكسرلو سنانو ولاكيفاه ضرك
نظال ريحو بركاو من المناقرة ياربي اقعدو خطرة بلا مناقرة برك ..
يوسف يشعل فالنار ضرك تخلي المدام معاه ولا كيفاه .. دار شاف في سارة الي كانت رح تاكل نزيم بعينيهاا .. شوف هاذيك رح تهبل عليك ..عينيهاا رح يخرجو
ادم طلع راسو وينها وينهااا
نظال انت قعد واحد ماعيطلك ..ياولدي تهد الله يعطيك هدة
نزيم طلع حاجبو وشاف لبسته غير المقطع والعريان تبان ق*** غير تاع ليلة ووفوت .. نحب انا الاصلي ماشي نتاع التمسخير .. كملت هاذيك السهرة بطلوع الروح لحتى راح ياسر .. وحنين قلبها يخبط عارفة نزيم مارحش يسكت على الشئ الي دارتو لحلقة 79 ملك وجميل حبو يجربو حظهم هوما ثاني ..على هذاك عاود عرضها للعشا ..اما كان موجديلها مفاجئة شابة .. حاب يشوف ضحكتهاا الي تقتلو تخليه يفيبري بروح ..بعد هاذو لسنين كامل مزال يحبهاا ويعشقهااا ...مزال متمنيهااا .. بقاية نجمة يحلم يمكلهااا ..
جميل كانو قاعدين يتعشاو .. حتى طرطق صباعيه للجارسون .. وطفى الضو .وبدات الفرقة الموسقية ..ملك تبسمت شدها من يدهاا وناضو يرقصو .. كانت دقات قلبهاا مسموعة .. تحس بقلبها رح يطير بالفرحة .. شوية وبعد عليهاا وركع .. جبد الخاتم ..ملك اميرتي تقبلي تتزوجي بيااا
ملك دارت يدهاا على وجهاا .. جميل
جميل اي نبقة هكا طول الليل عندي خدمة اليوم ..وزيد القاضي راه يقراعلنااا
ملك تبسمت نقبل .. القاضي دار لجميل وانت جميل قاسمي تقبل بملك زوجة لك فالاسراء والضراء
جميل ايه نقبل .. وقعوه وزادو الشهود موراهم ..قرب منها باسها على جبهتهااا ورفدهااا
ملك حمارت وش رك دير مهبول هبطني ..
جميل مرتي وانا حر ..رح تبقى هاذي اليلة تتفكري فيها طول حياتك ..رفدها وركبها فالطموبيل ...واخيرا تحقق الحلم الى كانت تحلم بيه طول عمرهااا ..
حنين كانت كيما خرجت من الدوش .. قاعدة بالكاب تدير فالكرام على جسمهاا كامل .. لبست بيجامة نتاع بيستي وشورت في لكحل .. ووقفت قادم المراياا تنشف في شعرهااا .. كانت متوحشة نزيم بزاف .. من يومين ماهيش حابة تحكي معاه ولا حتى تشوفو بصح قلبهاا متشوقلو بزاف .. كان واقف عند الباب يسمع في صوت السيشوار .. متردد يدخل ولا يقعد لبراا قاعد ..ممبعد فتح الباب ودخل
نزيم طلع حاجبو ..حسيتي بلي جنازتك اليوم ( في قلبو راكي تهبلي )
حنين حطت السيشوار وبقات تلم في شعرهااا .. علاش واش درت تاني شكون الي قتلتو
نزيم قرب منهاا .. وشدلها يدهاا همسهاا في وذنهااا خليه مفتوح يهبل عليك ... وباسهاا على طرف شفافيهاا ..
حنين بقات تتنهد بلعقل وشدتلو وجهو وحطت خدها على لحيتو الي تحبها وتعشقهااا ..تشم في ريحة البارفان المخلطة بريحة السيجار .. قرب منها كثر .. لزها ليه وحط شفاففو على شفايفهاا ..وبقاا يبوس فيهاا بلهفة .. صدرها الي كان باين شوية من البيستي مخلى فيه حتى عقل زاد هبط لرقبتهاا ..يبوس فيها بوسات حنان .. ممبعد شعلت غيزتو بعدهااا ..انا نروح خيرمن نجيبلك بيبي هنااا
حنين تبسمت وهي هكاك مخذرة من البوسة .. بقات تشوف فيه وعيطتلو نزيم بصوت شبه مسموع
نزيم حك شعرو وشاف فيهااا ..
حنين ابقى معايااا اليلة برك .. نزيم قرب منها وشدلها يدهااا ..دخل بحذاها فالفراش ..وبقا يغطي فيهااا ..ويعدي في يدو على شعرهاا ..باالرغم انو كل حاجة فيها كانت تعيطلو بصح كان صابر ومخلي روحو قوي قدامهااا .. دخلت في حضنو وحطت راسها على سدرو ورقدت ..
لخرين ماقدروش يرقدو ..على هذاك حطو فيلم وقعدو يتفرجو .. عشق حضها ايرد وحطت راسهاا عندو وبقا تتفرج .وخطرة على خطرة يقلها نحبك . سمر كانت دايرة يدهاا في يد نظال ويتفجو وخطرة على خطرة تهمسلو بحاجة .. رحيم كان يخدم في بيروه وشمس مقبلاتو خطرة على خطرة تبادلو النظرة الحنينة نتاعهااا .. يوسف كان قاعد فالجنينة ومشعل سيجار ويكونكتي .. يخمم في المستقبل مش حاب شكون وريث ابوه ..حاب يدر حاجة خاصة بيه هو .. دارين خرجت تشم هو حتى شافتو قاعد ومقتبل البسين .. حبت تتمسخر بيه اوه جوزيف ولا يوسف
يوسف شاف فيهااا مش حاب يطير ليلتو .وش خصك سيادة المحققة تبعي فيااا
دارين ضحكت على هدرتو .. عمري لانغلب نقعد نتبع فيك حتى طيح في يدي ..
يوسف خطرتلو فكرة ..ناض وقرب منهاا ..وهي خافت بقات تبعد وتبعد حتى لصقها بالحيط .. وش خفتي ضرك وش صرى ..وين راهي سيادة المحققة
دارين بعد عليااا .. ماتمسنيش ..
يوسف بقاا يشوف معاهاا في عينيهاا في شواربهاا الي يرجفو من البرد ..ماتخافيش مانعضكش
دارين متتلمسنيش ..هو بعد عليهاا وهي دخلت لداخل تجري ..خايفة منو اما عجبهاا قربو ...تعجبهاا رجولتو الي تبعثرها وتخليهاا تخاف في لحظة . الحلقة 80 الانفصام هو مرض يخيلك تتوهم بحاجات وتشوف حاجات مكانش منهم .. يصيب الانصان كي يتعرض لصدمة قوية .. بلعت الكتاب ماقدرتش تكمل .. جات ناضية للدوش تكمل لبستها باه تخرج تقراا .. فاتت على المرايااا .. اانااا نسخة منك ..ماتقدريش تتخلصي مني
حنين رجعت وشافت انعكاش صورتهاا .. نتي وهم ..نتي مش حقيقة راني نتخايل برك
انعكاس الصورة .. راكي حاسبة نزيم يحبك ..يلعب بيك حتى واذا تزوجتي ملك باش تديلك ولادك كيما دات دارين وحياة ..
حنين حطت يدها على وجهاا اسكتي اسكتي ..واحد مايقدر يديلي ولادي ولا حب نزيم ..
انعكاس الصورة رح تتعذبي حنين رح تتعذبي بزاف
حنين حطت يديها على وذنبيهااا اما الصوت ماحبش يسكت ..رفدت قرعة نتاع ريحة وخبطتها على المراياا الي تكسرت وطاحة طراف طراف ..
حياة كانت فاية على شومبراا نتاع حنين ..كي سمعت الحس دخلت تجري لداخل ..لقاتهاا متكمشة وطايحة على الارض .ويدها مجروحة .. هبطت لعندهااا وحضنتهااا ...كانت حنين في هستيرياا كبيرة ..تبكي وتهذي بحاجات حياة خلاص راني لهناا خلاص
حنين ترجف وتحكي كلمات متقطعة رح تجي م_لك وتديك رح تديك بعيد
حياة واحد مارح يدني نوعدك نبقى معاك صدقيني نبقى معاك .. بقات هكاك حنين تحكي وتهذي حتى غافت في حضن امهااا ... المرض قاعد ويطورلهاا .. هوسهاا قاععد يزيد ويكبر ..لازمهاااتتحرك وتنقض بنتهاا ...
مصطفى كان مع عشق وسمر الي كانو يختارو في ديكور الخطبة ... باقي سمانة برك على اليوم لكبير وهوما مزالو مختارو حتى شئ .. هبطت حياة وقعدت معهم ..شافها مصطفى متغيرة ..على هذاك حب يعرف وش بيهااا .. حياة وش بيك وينها حنين
حياة والله يامصطفى حالتها تدهور مع الايام .. خايفة ومرعوبة
عشق حطت المجلة وناضت طالعة لعندهااا ..نساتها كامل مع زحمة الخطبة
حياة خليهااا ماتطلعيش لعندهااا راهي راقدة
عشق حتى كانت مليحة واش بيهااا .. اكيد صرات حاجة خلاتهااا هكاا
مصطفى خوف حنين الكبير من ملك .. على هذاك كي قربت الخطبة وكلش راهي خايفة يصرا كيما صرا في خطبة وائل ..
سمر عندي فكرة وش رايكم اليوم نخرجو نروحو لبلاصة .. هكا حنين تقدر تبدل جو وش رايكم
عشق فكرة مليحة ... نروحو لمطعم ولا حتى نروحو لبيت الجبل نفوتو ايام شابة ..
حياة احسن حل ..انتوما كملو الي في يدكم والباقي ممبعد ... قعدت حياة تخير مع بنتهاا اما عقلها عند حنين طول الوقت .. لازمهاا تلقى حل وتخليهاا تنسى الي عاشتو
بالنسبة ليوسف الي كان يخمم في مشروع جديد ..مستقل يقدر بيه يبدا حياتو بعيد على جميل وحكاية الورث .من جيهة يبعد على مجال المخذرات والسلاح ..هذاك كان برك لانو كان حاس بالفراغ بالوحدة ..عذر تافه اما كي تكبر بلا ام تقدر دير اي حاجة .. سيءة او بشعة . جا طالع في شركة ملك لانو حب يشوفهاا .. حتى شاف رحيم فايت ..
يوسف وش مكانش صباح الخير ..كيراك خويااا
رحيم دور وجهو .. عندي 4 خاوة برك انت مش من ضمنهم فهمت ..
يوسف تبسم يعرف رحيم قلبو طيب على هذاك قاعد يجبد فيه .. وش رايك تنسى الحكايات قدم ونبداو من جديد
رحيم هههه وش ننسى .. انا اصلا ناسيك روح برك
يوسف شدو من يدو .. ماعندي حتى ذنب نت على الاقل كانت معاك انا تربيت لوحدي حاسبهاا ميتة
رحيم نتر يدو .. كون غير ماتت وريحتنا منها ومن شرهااا ..
يوسف طلع حاجبو صح صغير في عقلك واحد يتمنى الموت ليماه ...
رحيم ماحبش يكمل لهدرة وراح وخلاه وهو يغلي .. عاش طول حياتو يشوف في امو تبكي على يوسف .. حتى انهااا كانت تهملهم باه تروح وتحوس على وليدهاا الي ضاع منهاا