بتكلم بالتلفون مرا بركن نقاش قال ليها امى كلمى راجلك دة يحول لي القروش انا فلست عديل و عايز اسجل امو قالت لى ي ود عيب دة بابا مش راجلي بعدين انت تيت تيت قفل الخط و اتصنم مكانو بعاين فتح خشمو رجع التلفون في جيبو براحة ووقف جمبها قال ليها ديل بتكلمو عن العنصرية و نسو العنصرية البينا و بينكن كانت بتقرا كتاب لابن تيمية بتكلم عن حق الزوجة علي زوجها قفلت الكتاب و ختتو علي فخذيها بعد دخلت اصبع شان تحفظ مكان صفحتها الواقفة فيها قالت لي نعم؟ قال ليها سلام عليكم ردت لي بعد طلعت نضارتها و عليكم السلام و الرحمة قال ليها بعد قرا غلاف الكتاب تعرفي رحلة الزواج دى اقصر رحلة ممكن تمر عليك في حياتك عدلت نقابها كانها عايز تركز في كلامو قال ليها عبارة فستان ابيض و بدلة سودة دى بدايتها بتنتهى لما الفستان و البدلة دى يقعن في الارض تحت سرير الدبل و جنبهن جزمة رجالي وجزمة نسائي طبعا دة هنا بس لكن في اوربا يمكن الاتنين يكونن رجالي او الاتنين يكونن نسائي كانت بتعاين لي عبر قوس نقابها المجرد من السهام لانو بدا عفوى في كلامو عاينت بغرابة كدة و استحياء و هو بحكى بتوتر و توجس لدرجة انو ما واعي هو بتكلم عن شنو و مع منو خشتو حالة من الارتباك و اللا مبالاة لدرجة خلتو يقفل السكة في امو مجرد م شاف الكعبة المشرفة المكسية بالاسود و ليها عيون قال ليها الناس بتسافر مكة تحج و انا لقيتك كعبة مشرفة في طريقي فشكلي حاشد الرحال بيوم و اكمل فيك شعائر الحج دنقر تحت لانو حس بخجل من فرط ثرثرتو قال ليها اسف ممكن اقعد وصفت لي بيدها بعد زحت طرف و خلت مساحة كبيرة قال ليها انا م سمين للدرجة دى م مشكلة كل المساحات حامشيها حافي لحدى احجك قال ليها ممكن اواصل المعلومة الجبيل قالت اتفضل
يتبع....
