قال ليها انتى كمنقبة مش حيجى يوم و حتتزوجى ؟ هزت راسها بايجاب و قالت بس بعد اتخرج قال ليها حلو طيب انا عايز ابقي الراجل الحتنزلي ليهو نقابك و يشوف وشك و يبوسك علي جبهتك عايزة تقوم بدون م يحس مسكها من يدها رجفت و جسمها نشل موية حست بدوار و غثيان م اتوقعتو اصلا يلمسها لم وعى لي نفسو جرا يدو سريع و بقي مذهول و مخلوع هى سرت فيها رغبات كانت بتكابحها من سنين قعدت من فرط الادرينالين الانثوى السرى فيها دة جمعت قوتها مسحت جبهتها من العرق و حمرت لي مسافة قال ليها والله م بقصد و جات عفوا كنت عايزك تسمعينى بس هى متاكدة انو م كان بقصد عبر ليها عن اسفو بكل براءة بس م قدرت تمسك غضبها بدت تلملم في شنطتها الرمتها لم يدها لمست يدو بدا يتكبكب تانى لمسها بدون م يقصد وقفت لمليم و عاينت لي مسافة سرح في عيونها مسافة خلص كروت الاعتذار م عرف يعمل شنو هزا ليها كتفو نظام انا عارف؟ شالت حاجتها و طلعت حصلها و هى ماشة و هو بتكلم حساتناك لحدى تتخرجى حابقي سندك حاكون حاميك بتسمع في كلامو بس هى م واعية روحها كل البجى علي ذهنها احساسها لما اتلامست اجسادهم ركبت المواصلات و خلتو واقف عاينت لي و يدو في راسو مستاء و زهجان خشت داخلية البنات محل ساكنة لقت صحبتها برضو م مشت المحاضرات بعد كم شمار وونسة هنا و هناك عرفت منها انها مشت لاقت ود صحبتها ختت يدها في راسها لا حول و لا قوة الا بالله يعنى نقابك دة و حجابك دة تمويه ساي عاينت فيها و عيونها عايزة تدمع لا لا و الله بس الدنيا و راضية تخلينى في حالي كل م انوى اتفرغ لحلمى و دراستى تظهر لي عقبة صحبتها اتاثرت ليها و مسكتها من يدها قالت ليها و الود دة حكايتو شنو يعنى اخوك و لا قريبك قالت ليها بنظرة حزينة كدة دة قال بحبنى صحبتها ضحكت...
يتبع.....
