قال لصحبو و الله انا حاسي مشوارك دة حيضيعنا خلي يوم تانى قال لي لا وبطل جبنك دة عاين لي قال انا م جبان بس م حابي اتعرض لعرض حد و لا اعصي ربي و ريحة شنو دى؟ قال لي دة عرقي حنعز نفسنا هناك و اسكت خلينى اسوق حنان قاعدة مستنية قال ليها عندى مشوار بعملو و بتصل ليك و نساهر للصباح بكرة الجمعة و حاقول ليك الكلمة ديك فرحت و قعدت مستنياه اتصلت لصحبتها قالت ليها شغالة بس بوعدك دى اخر يوم و تانى بتوب و بوقف اي شئ حنان قلبها ماكلها ختت التلفون جمبها بتعاين ليهو و خايفة حاسة انها تانى م حتسمع صوت و لا واحد في الناس البتحبهم كل م تحب حد بمشي و بسيبها كل شوية تعاين لتلفونها و تتاكد انو م صامت و وعدت روحها اول م يتصل واحد فيهم حتقول لي انها بتحبو لو صحبتها و لا حبيبها هو وصل مع صحبو دق الباب فتحت بت اول م شافها فتح خشمو مترين و هى ختت يدها ف خشمها و صرخت جرى ركب العربية دورها جات جارية عليها رجع فيها وقعت و بتردد حبيبتك م دخلها بالموضوع حنان نقية لحدى اغمى عليها هو ببكى خش شارع و هو بحاول يتصل لي حنان اول م فتحت الخط خش في باص سياحى التلفون واقع جمبو و الخط فاتح كانت هى بتتخجل و تاكل اظافرها و بتقول لي ليه م رديت علي و لا م سمعتنى انا قلت ليك بحبك رفع الخط شاب لقاها في الخط قال لي الشاب دة عمل حادث لو انتى قريبتو اسبقيهو علي الحوادث قعدت في محلها اتجمدت مسافة مسكت تلفونها مسحت صورو و ارقامو و بقت تقول انا م بعرفو انا كنت بحلم انا م بعرفو انا كنت بحلم امها قشطتها كف تعرفي السرقة و كترت المرقا قومى الجنجويد دخل البلد و البلد جايطة و انتى حلمانة لي بالشباب فتحت عيونها علي ابوها بنقل في اخوانا و الجو دخان و حرايق ضحكت بعمق لمت ملابسها و طلعت من القطية جارية و بتضحك..
تمت
