الممرض واليتيمة (مكتملة)

البارت السادس (دموع لا تنتهي )

مرحبا احبتي اعتذر ع تاخيرادري لمتنة حلوة لمن تقرون و بسبب نت بالعراق ربي ينصر اخوتنة المتضاهرين رجعت الكم بارت جديد ادري طولتهة عليكم بس مضل غير كم بارت وتنتهي القصة اتمنى الكم قراءة ممتعة

سارة :رحت اركض حتة افتح لباب عبالي زهراء بس

طلع عمي جاي من الدوام سلمت عليه ودخلت جوة

خابرت زهراء لان تاخرت دكيت اكثر من مرة مترد

....الو وينج ليش متردين

....ولج عمو ابو حسن تخربط مدري شبيه وخذو للمستشفى

...يعمري لتبجين هسة اخابر بابا وعمو واخليهم

يجون للمستشفى واوف بابا اذا يجيبني عليج

...ي والله تعاليلي محتاجتج حروح لان عماتي اجن

...اوك باي سديت الخط ورحت ع عمو وبيبي ابلغهم

سارة... هلاو عمو الله يساعدك خابرت زهورة وكالت متجي لان عمهة متخربط بالدوام وماخذي

للمستشفى ياريت توديني لبيتنة لان عندي دوام واريد احضر دروسي

العم ... صار حبيبتي تدللين بس اتغدي وروحي وكت غداء

سارة ... لاعمو ممشتهية مالي نفس

العم .. يلة حضري روحج حتى هم اكول لابوج ونروح لعم زهراء

سارة .... ي عمو كايمة ابدل

ورة ربع ساعة طلعت لكيت عمي منتظرني بالسيارة

سلمت ع بيبي ودعت عمتي احتمال بعد ما اشوفهة

وكتلهة اذا الله راد يجمعج ابنتج اصبري والله كريم عفتهة وطلعت نص ساعة وصلنة لبيتنة سلمت ع
اهلي وانصدمو لان اجيت سولفتلهم على وضع

عمهة لزهراء بابا اخذ عمي وراح للمستشفى

سارة .... الو الله يساعدك بابا بشر شخبار ابو حسن

الاب.. والله يبنتي حالتة خطرة صايرة عندة جلطة

وهسة هوة بالانعاش العصر اخذج ترحين يم بت عمتج تطمنين عليهة

سارة ... ي والله ياريت منتظرتك

انتضرت ابوي وهوة ماكو ادك عليهة وميرد للستة يلة رد هاا بابا بشر شو ما اجيت

الاب ... وديت اخوج يجي يوديج لبيت جد زهراء تعزينهة بعمهة

زهراء ...من جابو خبر موت عمي ذكرت موتت ابوي بقيت ابجي لان طول الفترة الي اني بيهة خلاني

بس اضحك ممستوعبة الحد الان شون مات صبح طلع مبيه شي الله يرحمة مات ابوي الثاني اوووف
من اجتني سارة عبالك طلعت من صدمتي حضنتهة وبقيت ابجي واصرخ من كل كلبي طلعت وجع

اسنين من صرخت بقيت ابجي واصيح بوية ليش عفتني ورحت

*طبعا عمي مجان عندة بنات بس ولد ثلاثة

متخرجين ولولد كلش حبابين ومؤدبين محسسوني بيوم همة ولد عمي حسيتهم اخوتي جابو التابوت وحظنوا امهم وبقوا يبجون او يثغبون واني اباوع عليهم وعمتي (مرت عمي )

اشرتلي اجي بحظنهة حظنتهة وبقت تبجي وتصرخ مات ابوج حسيت عباك واحد وزربني ع راسي عيوني غوشت وكلشي مشفت نوب فتحت عيني ولكيت واحد من ولد عمي

(حسين )خريج طب اسنان يفحص بضغط مالتي وسارة يمي ودموعهة تجري وعماتي الي مراحن للدفنة

سارة ... من تخربطت زهراء رحت اركض الهة وذبينة عليهة مي اريدهة تكعد ماكوا صعدناهة لغرفتهة فوك ابن عمهة فحص ضغط لكاه هابط عدهة شممناهة

عطر حتى تكعد من فتحت اعيونهة احس ردت روحي دموعي كامت تجري بدون ما احس عليهة

زهراء ... شبيج تبجين مبية شي

سارة .. شلون ما ابجي وانتي جان رحتي من ايدي

حسين ...مبيهة شي روحي سويلهة لبن مالح حتى ترتاح .

سارة ... تحاجيني

حسين ... ليش اكو احد غيرج هنا

سارة ... (تحجي بداخلهة ) عابتلك عود دكتور وشايف روحة علية الا اصير دكتورة واكسر خشمك الي شكبرة

حسين .. اذا خلصتي صفنتج روحي سويلة شي تاكلة

سارة ..... ترة اني مو خدامة عندك وتتامر هاي

صديقتي ورويحتي اسويلهة بدون محد يطلب
من حجيت احس عيونة صارت بكصتة ولا عبالك ابو ميت شو ممهتم شاورت زهراء

حروح اسويلج شي لان اذا ابقة يصعد ظغطي من ورة ابن عمج الحقنة لج مينبلع شون مستحملتة

زهراء ... (كوة كاتمة ضحكتي )امشي روحي راح تفضحينة حتى هنا تحششين

الى هنا وينتهي البارت انتظروني في بارت جديد ويوم ممتع جديد لتنسون التصويت للبارت وتعلقون وتنطوني رائيكم بهذا البارت تصبحون على وطن🌹 💖