Mis Poemas

Aking Tesoro

Nagkakilala tayo sa pekeng mundo,
kung saan tayo nagpapanggap bilang ibang tao.
Sa panahong iyon ay di ko inaasahang makilala ka,
Makilala ang lalaki na saki'y nagpapasaya.

Pinapasaya mo ako kapag ako'y may problema,
minsan nama'y pinag-aalala mo ako ng sobra.
Pero kahit nagkakilala tayo sa pekeng mundo,
itong nararamdaman ko para sayo ay totoo.

Ang pagsasama natin sa loob ng maraming buwan,
ay kailanma'y di ko malilimutan.
Dumaan man ang pagsubok sa atin,
ito'y sabay nating lulutasin.

Sana hanggang sa huli ay tayo parin,
dahil hindi ko alam ang gagawin kung mawawala ka sa akin.
Mahalaga ka sa buhay ko.
Mahal na mahal kita aking tesoro.