أحببتُ عسـكري ❤️💍

الحلقة 2

الحلقة 2 ♥️

كلينا وروحنا فرحنات ع خـاطر جاوبنـا ❤️
منى مشت ركبت لـ أمها وحضنتها : الله ي ماما مش مصدقـة واخيراً كملت
عزيزة : ربي يفرح قلبي بنجاحك 😍
انا كنت نشبحلهم من بعيد وكنت ندور في ماما سهيلة لين القيتها في الكوجينة اطيب في الغدا
حضنتها : ماما واخيراً كملت
لفت اعليا : ربي يوفقك ويسعدك ي بنيتي
اني : اممم شن درتيلنا اليوم الريحة تهبل 🤤
سهيلة ضحكت : درت كسكسي ي روحي امشي غيري باش تتغدي
اني : حاضر
طلعت بسرعة خبطت بِ مازن
مازن : يا عساها خبطتي ديما 🤤😂
اني ضربته على راسه : مهبووول ومشيت
مازن : توا نوريك اعليها ي فرخة
سهيلة : سامحني امسحها في وجهي
مازن : عيب عليك ي خالتي شوشو وخيتي 💛

_______________

عند مُعتصم في منطقة معـزولة كان مع صحابه ملتمين ع النّار ! كانت الدنيا شتاء وببرد
خليني نعرفكم على صحاب معتصم
مجد 25 سنة جوه يهبل زيه  شرقاوي 😂😍
رضوان  27 سنة يحب الماكلة والبرادة بسس 😂
حازم 29 هدا صايـع لقـروب وراس ماله البنات 😂

مجد : كنك معتصم ساكت
رضوان خبطه على كتفه : بالله فكني من دوتك الي تجيبلي ف صداع شن كنك هادي تكلم كويس
حازم كان يضحك
مجد : كنك تضحك انتَ عاجبك ؟
رضوان شبح لمعتصم : قال كنك تاني ولا ؟
معتصم هز راسه بمعنى اي
رضوان ناض وبدي يتعاركو ويبصرو
حازم : اووووو الموضوع مافيشي بصارة بكل عصومي مضايق اليوم
معتصم : ماكلمتنيش اليوم بـكل !
" حبيبته اسمها عداري "
حازم : اني قتلك فوووتها البنية مش مزبوطة
معتصم عقد حواجبه : ماتجبدش سيرتها !
مجد بدي يصفق : ناعليا انا 😂❤️
رضوان بدي يغني : الحب وناره
وحازم يرد عليه : الحب وناره مازلت صغير ي خسارة
معتصم ضحك من قلببه : يانعن شكلكم ماخاطريش نضحك والله
مجد : الدنيا مش مستاهلـة اضحك
معتصم : شن رايكم نكملو الاغنية
رضوان ناض وجاب الدربوكة
مجد وحازم ناضو يرقصو 😂
معتصم كان صوته يهبل : يـ الغـوالي حال الغايـة يـٰ لغوالي يـ لغوالي مايشكارني فيكـم والـي 🤤🔥
حازم : اسمعو خلاص تو يهجمو علينا
معتصم : سلاحي في جيبي مش خايف منهم
رضوان صفر : اقووااا عليهم

________
عنـدي اني بدلت ع السريع وجتنا نجوى وملوكة
ومشيت نساعد في ماما في الغدا وبحداي ملاك❤️
اني نشدلها ف خدودها : محلاها ياربي ❤️
ملاك حضنتني
نجوى : تصدقي ي بشرى تموت علييك 24 ساعة تقولي شوشو شوشو تقول انتي امها 😂
اني : محلاها ومحلاني 😌 موتي قهر انتي
نجوى ضحكت وخش علينا مازن
مازن : الفرخة اهنيي
اني : مش فرخة 😌🙈
وجت منى : ها خالتي سهيلة نوتي معاك حاجة
سهيلة : لا ارتاحي ي بنتي على اساس معاي بشرى وهي تلعب  ربي يصبرني وخلاص
مازن : قتلك ي خالتي ماتعبيش عليها هادي بايرة
اني طلعت لساني : مادخلكش انتَ
مازن : محلاك ي كبدي وخلااص
منى : تحشم ي فرخ
مازن : روحي ي شينة
منى : اني شيينة توا نوريك عليها
وسمعنا صووت عياط
مازن طلع يجري شن في شن في
عزيزة : وليدي روح
معتصم حضن امه : اعلاش هدا كله امس كنت معاكم
اني ماعدلتش عليه اصلا سلم ع الكل ودار الحولة اعليا لكن توا نوريـه 😭😂
المشكللة ان حلو هلبا 🔥😭😂
شكري : الحمدلله ع السلامة ي وليدي امتا ح تم العدواة هادي بسس
اني : شن فيه ي عمي يعني يطاردو فيه هوا بس
معتصم بدون مايشبحلي : مافيش داعي تحشي راسك في حاجة ماعندكش بيها علاقـة
اني انحرجت ونزلت راسي : سامحني ي عمي
شكري : لالا يابنتي مافيش مشكلة زي ماقلتي يطاردو فيه هو وصحابـه لان هادو جماعة مافيا كبيرة وقطع عليه صوت معتصم الي كان يعيط
: مافيش داعي تقوللها ع كل شي وناض
ماما قرصتني
اني : احي ي ماما حارة
منى وشوشتلي : تستاهلي ورقصت حواجبها 😂
وهربت واني لحقتها
فجئة معاش لقيتها ف بديت ندور ف كل الغرف
خشيت لـ اخر غرفة سمعت حركة : لقيتتتك ي كلبة اطلعي هيي
ونشوف وراي متعصم الي كان طالع من الدوش ولاف المنشفة عليه حطيت ايديا على وجهي : سامحني والله مانقصد نحسابك منى
معتصم بدي يقرب لين لصقني ف الحيط : تحسابي حركات المفرخ مانعرفهاش ! جو ادوري في منى باش تخشي لغرفتي ! قوليلي شن تبي ؟ تبي فلوس ؟
اني جتني الكلمة زي الصاعقـة وفمي تقوس وعيوني تعبو دموع دفيته : احني صح فقراء وماعندناش فلوس ولا حوش ولا نلبسو زيكم ولا نسافرو زيكم صح ماعندناش المجوهرات والڤيلا الي عندكم بس عندنا التربية وعزة النفس وانتَ الحاجة هادي مش عنـدك وصعب تشريها بالفلوس
معتصم ابتسم ع الجنب : اها ومن رباك ؟ امـك الي مشت وخلاتـك ؟ ولا بوك الي تبرا منك ! اا نسيت الخدامة هي الي رباتك صح ؟
اني عطيته كف بكل قوتي وخنقتني العبرة وطلعت بسرعة نزلت لداري وبديت نبكي بقوووة
معتصم قعد شاد خده مكان الكف وخشت اعليه منى : ماشفتش بشرى ؟ كانت تلحق فيا
معتصم في خاطره " يعني حق كانت تلحق في منى يارب اني شن درت نحساب كل البنات زيها " يقصد حبيبته !
وين غرفتها ؟
منى انصدمت : اعلاش ؟
معتصم : قولي بس
منى قالتله ع المكان ونزل لداري طق شويا بعدين فتح لقاني مغطية وجهي ب الفراش
اني : ماما تعبانة بنرقد
معتصم جي جنبي وقعمز : اني مش امك
اني نحيت الفراش شويا ولقيته قدامي ونعيطط
صكرلي فمي : حييي عليك بيجونا ويفكرو غلط صكري فمك مش حـ ناكلك
اني بعدت يده : شن تبي وكيف خشيت لداري هكِ
معتصم : هئحم اني جاي ع الكلام الي قلته ! اني ... اني ..
اني : خيرك الإعتدار صعب لدرجة هادي ؟
معتصم : لا بس ... اسف
اني : اعتدارك مش مقبول اطلع لو سمحت
معتصم ناض : احسن مانبيش تقبليه اصلاً اقعدي فيها