أحببتُ عسـكري ❤️💍

الحلقة 7

الحلقـة 7
سامحوني كنت مريضة

في الصـبـح عندي اني "
نضت صبحت ع مـاما ولقيتها راكبـة فوق بتساعد البنات ف الحـوسـة فا ركبت معـاهَا
اني : صبّاح الخير
نجوى : صباح النور حبيبتي
هبة : صباح النـور تعالي
اني : كملتو الحوسـة ولا شني
هالة : كيف بدينا اهو
هبة : مش موضوعنا توا خيرك انتي وضعك مش عاجبني
اني : لا شي عادي غير تعب العرس بس
هبة : حانمشيهالك توا لكن مش حا ننساه الموضوع 😒
وسمعت عمو شكري ينادي عليا
اني : شويا يا بنات نشوفه ونجي

*****
نمشو لـمعتصم
معتصم : شوف يا بوي اني نبي نخطب بشرى
شكري بصـدمة : انتَ شن تقول ؟ انتَ واعي للي تقول فيه
معتصم : واعـي يا بـوي ونبيها 👌🏻
شـگري : وانتَ مش حاتاخدهـا
معتصم توتـر : بس اني غلطت معاها ولازم ناخدها
شكري ضرب معتصم كف بكل قــوة : خسارة تربيتي فيـك ! تعبت عليك عمري كلله في الأخير هدا جـزاتي
معتصم كان اول مرة حد يضربـه : سامحني مش بيدي
شكري بعصبية : كيف مش بيدك كيف
معتصم حكالـه القصة
شكري : توا شن حا نديرو في ها المصيبة الي جت ع راسنا ، الفاتحة غـدوا
معتصم : بس مرات تبي ادير عرس
شكري : عرس شني انتَ شن تخرف ؟
معتصم تنهد : نشوفوها قبل
شكري : الكلام الي عندي قتله ونادا عليا
اني جيت شبحت معتصم معاه انصدمت : اا نعم يا عمي
معتصم نزل عيـونه
شكري : معتصم حكالي القصـة ، ومش مستبعـد انتي ركبتيله متعمـدة ! 👌🏻
اني : انتَ اكبر منيّ وفي مقام بوي بس مانسمحلكش تتكلم على تربيتي باش تخفف ع غلـط ولـدك وجيت بنـطلع
شكري : استني ، غدوا الفاتحـة ويتم الموضوع
اني : كيف فاتحة بس يعني ؟
شكري : بس اي شن تبي اديري تانـي
اني صح كان خاطري مكسور بس نبي نكون كا اي بنت في النهـاية يوم فرحي حتى لو كان من الشخص الي كسـرني تعبـو عيوني دموع وطلـعت لجنـان
معتصم لحقنـي
معتصم مسكني من يدي : استني شوي
اني : ها شن تبي تـاني مني ؟ تبي تعدبني اكتر ما اني متعدبـة
معتصم : شـوفي لو تبي عرس حا نديرلك عرس وعـد مانبيش نكسر بخـاطرك !
اني : انتَ كسرتني يا معتصـم شن تكسر فيا تاني
معتصم : شوفي يا وخيتي نتمنى تسامحيني وربي يسامحني على درتـه بس والله ماكنت في وعيي اني نخاف ع شرفك زي منى بالزبـط ، صح كنت نفوت فيك ومش طايقك اصلاً بس في النهاية انتِ في حوشنـا ومن زمان معانـا مانقـدرش ندير حاجة تزعلك " تنهد وكمل كلامـة " نتمنى منـك تسامحيني ولو تبي عرس نديرلك عرس هو كله كم شهر وكل حد يشـوف حيـاته
اني حسيته نـدمان وقلبي قعد يدق بقـوة ! اعلاش ؟
: لا شكـراً مافيش داعي و و سامحتك بس مانقدرش ننسى
معتصـم ابتسم وبانت غمازتـه " اني نسيت روحي وقعدت نشبحله "
معتصم توتر : اوكِ توا حا نطـلع وتي روحك لـ غدوا
امك ؟ شن كان موقفها
اني شهقت : حي ماما ماتعرفش وخايفة نقوللها
معتصم تنهد : اوكِ حا نكلمها اني اليـوم يوم هزايـب 😅 وحط يده ع كتفي هي خشي برد ومشا
اني كـنت مصدومة ومحس بشيء غريب
معتصم كلـم ماما وهزابتـه شويا 😅 الحق مش شويا هلبا ونادتني
اني خشيت لقيت ماما تبكي جت وحضنتني اني نصدمت من ردة فعلها توقعتها تضربني او شي زي هدا
ماما : ليش يابنتي ماقلتيش ليش بس 💔 ماقدرتش نحميـك انتِ امانة ف رقبتي سامحيني
اني بست راسها : لا يا ماما ماتقوليش هكِ انتي الوحيدة الي وقفتي معاي وححستيني ان معاي سنـد فالدنيـا
ماما تمسح ع شعري : ربي يوفقك في حياتك ياروحي 💔
اني : ان شاءالله 💔
ماما : حسبى الله فيه بس
اني خفت مش عارفة اعلاش : لا يا ماما ماتقوليش هكِ هو مش دنبـه
ماما : انتي كيف دافعي عليه بعد الـي داره فيـك ؟
تعالي هي تعشي وارقدي ارتاحي
اني : ماما راه مافيش عرس
ماما : شنييي ! كيف مافيش عرس ؟ لقيتك ف الشارع اني نعطيك هك وخلاص ؟ توا نكلمهم
اني : لا يا ماما خلاص مافيش داعي للمشاكل
ماما : مش مشاكل هدا من حقك !
وركبت ماما فوق وركبت معاها
ماما مشت لـ عزيزة
ماما : اني بنتي مالقيتهاش في الشارع باش تزوجوها بلا عرس
شكري : والله هـدا الي عندي ، الفاتحة غدوا وحوشي مايندارش فيه عرس منغير ولـادي وناض
ماما عيونها تعبو دمـوع : اني خدمتكم نص عمري وماعمري قللة من احترامكم ولادكم ولادي وحطيتكم في عيـوني ! في الأخير ديرو في بنتي هكِ
مانقول غير حسبى الله ونعم الوكيل 💔
عَ خشة معتصم : شن في خيركم ؟ خيرك يا عمتي؟
ماما : انتَ عارف ان مش حيديرو عرس ولا ؟
معتصم نزل راسه : عارف لكن نوعدك لما نتزوجو حنديرلها عـرس غير خلي تمر فترة بس ومن عيوني
ماما شبحتله ومسكتلي يدي ونزلت
اني : ماما وين حا نمشو ؟
ماما : اليوم ليل غدوا بنطلعو بناخدك نمشو لـ حوشنا القديم
اني : بس ياماما مايساعدش
ماما : عندي شويت فلوس دسيتهم للوقت هدا نديروله شوية صيانة ونقعدو بكرامتنـا
اني حضنتها : ربي مايحرمنيش منك 🥺❤️