أحببتُ عسـكري ❤️💍

الحلقة 6

الحلقـة 6

كنت فِـي دار ماما نايمـة في حضنها ودموعي ينزلو بدون صـوت ، كنت محتاجـة حضن حنين كلمـة حلو تنسيني همـومي ، كنت محتاجة حد يـقولي كل شيء حـ يكون بخيـر بس مالقيتـش !
كـنت نبي بابا ياخدلـي حقي ويـدافع عليا
كنت نبـي ماما الي ماشفتهاش من لما عُمري 10 سنين ، زعما تغيـرت ؟
نضـت غسلت وجهي توضيت وصليت ودعيت من كل قلبي انَ نرتاح في حيـاتي وربي يقدرلي الخير
ارتحت نـوعاً ما كنت نبي نركب بس مانبيش نشوف معتصم بكل ! 💔 الشخص الي كسـرني ودمرني حرفياً

عرس مُنـى كان غـدوا وكانوا الكل ملتمين فـوق والدنيا زحمـة بس اني خاطري مكسـور ومانبيش نشوف الناس بكل
شوي وجتني ماما
سهيلة : خيرك يا بنتي ماتبيش تركبي مش شريتي زوز قفاطيم للعرس ناقصاتك حاجة ؟ عندي شويا فلوس
اني : لا ماما عندي كل شيء غير تعبانة ومخاطريش نركب خليني توا بعدين شويا نركب
سهيلة : به ع راحتـك اني حـ تلقيني فوق
اني ابتسمتلها : تمام
مرر الوقت واني ف غرفتي مرة نستغفر مرة ندعي مرة نبكي ومرة نشد التاليفون لين غفيت من التعب

__
عندهم فـوق !♥️🙈👰🏻

مُنى كانت في قمـة السّـعادة ، حاتاخد الي تحبـه من سنة ♥️

هالة : وينها بشرى مكانها قـاعد
منى : والله قداش مرة نكلم فيها قالت تعبانة
هبـة : خيرها مريضة ولا شني ؟
منى : مش عارفة بس شكلها تعبانة
هالة : توا شوي تاني ننزل نشوفها
مريم بنت عمتهم : خيركم من بشرى هادي
منى  : الي ساكنة عندنا
مريم : اها بنت الشغالة قصدك
منى : مريم احترمي نفسك وماتقوليش ع البنت هكي
مريم : اعلاش هدا كله شن قلت اني اللطف وطلعت
هبة : ارزينا فيها بسس

______
عند معتصم
رضوان : اني تعبت يا شباب من ها الوضع المغبر خلونا نروحو لحياشنا ومش حايلقونا اصلاً
حازم : حتى اني نقول هكي عيينا الحق
مجد : حتى انا نبي نعدي لبنغازي يومين تلاتة
معتصم كان مش معاهـم اصلاً
حازم ضربه ع كتفه ضربة خفيفة : ها خيرك يا راا شن في ؟
معتصم : لالا ماديرش في بالك موضوع هكِ وحا نحله ان شاءالله
مجد : رضوان انتَ عارف صح ولا ؟
رضوان : معتصم نقوللهم ولا شني
معتصم بصوت رجولي : سكر فمك احسن
حازم : هو هكِ صار من امتا بينا اسرار احني لا وتقول لـ رضوان واحني لا منور عليها وناض
معتصم : عاجبك توا ؟
رضوان : اي بنقوللهم ، تعال يا حازم
حازم : خلاص مانبيش نسمع اقعدو فيها
رضوان : غير تعالا معتصم غلط راه
حازم ومجد شبحو لبعضهم : كيف غلط يعني
الي في بالنا قصدك ؟
رضوان : اي وحكالهم
حازم : ولد الـ .$@ اعلاش ماقلتوش الزح راه قتلته وشربت من دمـه
مجد : غير فوت الوليد توا البنت شن وضعها ؟
معتصم : حاناخدها شن بندير يعني
حازم : اي اكيد لازم

________

يوم عرس مُنـى

عـارفيين الععادات والتقالييد في الاععراس الليبية ♥️