أحببتُ عسـكري ❤️💍

الحلقة 4💚💍

زدتلكم حلقـة إضافيـة

الحلقة 4 💍❤️

تـاني يوم عندي اني كنت كيف نايضة وشعري على وجهي ونسمع في صوت ضرب خفيف ولقيت ماما مش موجودة شكلها فـوق لميت شعري خشيت للحمام اكرمكم الله توضيت وصليت وبدلت جيت بنطلع جاني معتصـم كان كلله دمـممم !
اني شهقت وحطيت يدي ع فمي : مم معتصم خيرك
معتصم : تعالي ساعديني
جيت وسندتـه عليا وحطيتـه ع َ فراشـي كان متصاوب عَ كتفـه
اني نبكي : معتصم كيف اندير تـوا نركب نقول لـ بوك
معتصم حط يده ع فمي : اسسس الكلام يطلع منك ندفنك
اني : خزي حتى انتَ متصاوب مش محترم
معتصم رفع حاجبه وتنهد بألم : الدكتور بيجي توا مافيش داعي
اني : كيف تصاوبت
معتصم : مش عارف
اني : حاسس بألم ؟
معتصم : لا
اني : اعلاش تكابر عارفة انك تتوجع توا
معتصم وهو يغمض ف عيونه : امم كيف عرفتي
اني انخلعت : لا معتصم بالله عليك ماتغمضش عيونك
معتصم : تعباااان شن تبيني نشبح لـ عيونك الي كيف الغوريلا ؟
اني : معتصم بلا برادة ماتخوفنيش
معتصم : ساعديني انحي التيشرت
اني ساعدته بعدها غمضت عيوني
معتصم : على اساس ماتشوفيش فيهم في التلفزيون والبـحر ؟ 🙄
اني تجاهلتـه وجبتله كمادات لأن كان سخون هلبا
في البدايـة ماباش بعدين اني سكرت راسيي
لين طق الباب بشويا وخش الدكتـور ع السريـع
ولأن داري كانت لـوطا وبعيدة فَ مافيش حد ركـز
معتصم : اطلعي
اني : اعلاش ؟
معتصم فنص عيونه واني خفت وطلعت
قعدت ورا الباب ليـن طلع الدكتور ومعـاه رضوان
اني : معتصم انتَ كويس
معتصم بصوت تعبان : ايي
اني : تبي حاجة جيعان ؟
معتصم : لا
اني : تمام ع راحتك اني راكبـة فوق
ركبت فـوق وكنت خايفة حد ينزل لـوطا ويشوف معتصم فـي دارييّ
كنت ماشيا لـ منى طقيت وفتحت حسيتها خافت
اني : بسم الله خيرك
منى : شن درت يعني اني تشكي فيا انتي تعرفيني مش متع سريب هدا
اني ضحكت : خييررك يعني فضحتي روحك بروحك
منى : بصـراحة نحب واحد ونموت عليه وعلاقة سنـة
اني : حي علييك ليش ماقلتي ؟
منى : والله مش عـارفة في البداية كـنا صداقـة
اني :فرحتلك من كل قلبيي واخيراً بنديرو عرس من هو به وكيف شكلله ؟ حلو ؟
منى : اي يا حنة أسمـه اسامـة ونديد معتصـم متخرج من القانون وتعرفت عليه السنة الي فاتتت في عرس بنت خالي
اني : به هدا بيخطبك ولا يجري بيك
منى : قالي غدوا جاي وتوا بننزل نقول ل ماما
اني : وقرايتك ؟
منى : نكملها عنده عادي ورقصت حوابجها موتي😌
اني : ريتي ها الإنجاز الي بديريه
ضحكنا شويا ونزلنـا لـ امها
منى : ماما فاضية ؟
عزيزة : اي تعالي
منى : ماما صاحبتي كلمتني وقالتلي ولد خالها واحد جاي يخطبك غدوا
عزيزة : جو متع ولد خالها وصاحبتي عارفة سريبه ماتكونو غير علاقـة يا فرخة توا نوريك
منى : ماما عارفتيني انتي ماعنذيش في الجو هدا
عزيزة : اي اني الي عارفاتك من هو الولد ومن عيلة مني ؟ انتِي عارفة انَ مستحيل تاخدي واحد اقل من مستوانا لا انتي ولا خواتـك وشبحتلي
اني في خاطري " على اساس اني ميتة فيكم "
ونادت عليا ماما الحمدلله انقدتيني
اني مشيت لـ ماما : نعم
سهيلة : خودي مني الصفرة حطيها عـ الطاولـة
اني : حاضر ، ماما بنقولك حاجة
سهيلة : نعم يا بنتـي
اني : ماما اني بنمشي نسجل في كليـة الهنـدسة ونبي من يرفعني ويجيبني مانقدرش نمشي على رجليا بعيدة ! وحاجة اخيرة بس مترددة نقولك !
سهيلة : شن فيه ؟
اني : نبي نمشي لسوق هلبا حاجات ناقصتني
سهيلة : يابنتي ماعندناش فلوس
اني : اني عندي من زمان كنتت انلم فيهم
سهيلة : به من بياخدك ؟
اني : مش عارفة توا نشووف
ونزلت لـ دراي لقيت معتصم راقـد كان شكلـه بريئ ويهبل قلبي قعد يدق بسـرعة
شن صـار ! خيرني ! وخيره قلبي يدق هكي !
قعدت نتأمل فيه لين فتح عيونـه واني درت روحي نلعب بالتاليفون
معتصم كتفه قعد يوجع فيه
اني بخوف : معتصم خيرك ؟
معتصم : شـيء كتفي وجعني شويا وتوا تمـام
وناض يلبس في بدلته العسكرية
اني : وين ماشي
معتصم : بنولي
اني : وانتَ هكِ بكتفك
معتصم : عادي متعـود
اني : معتصم مايصيرش هكِ لازم ترتاح تطلع نقول لـ بوك راه
معتصم بدي يقرب مني : تهددي فيا ؟
اني : اا لالا مش هكِ بس
معتصم : سلام
اني : معتصم اعطيني ايميلك او رقمك نطمن عليك
" مش عارفة كيف تجرأت وقلتها بس كنت خايفة عليه مووت
معتصم شبحلي ورفع حاجبه او وراني ايميله سجلته بعدها طـلع