أحببتُ عسـكري ❤️💍

الحلقة 9

الحّـلقة (9) 💘

لو تعلمين
بأنني في كل صبحٍ
ما انْتظرتُ الشمسَ تشرق، إنّما
قد كنتُ أنتظر الصباحَ بلهفةٍ 
كيْ تُشرقين
هل كنتِ يومًا تعلمين ؟ !

نمشـو لـ منى ! الي كانـت واقفـة حايرة شن بـدير هل تصدقـه وتكمل معـاه او تفـوته وتطلق !
بس منظر أسـامة كان صـادق ! كانو عيونـه دموع وقلبه كان ينـبظ بسـرعة! زعما يكـون صـادق ؟

مـنى شبحتله بكسـرة : ندمت ع كل شي صار بينـا وندمت حتى على الي بي بطني لانه منـكك ! 💔
أسـامة أنشل من كلمتها : لحظة لحظـة ! انتِ حامل ؟
منى جت بتمشي بس فجئة في يد منعتها كانت يد أسـامة الـدافيـة ! غمضت عيـونها بحـرقة وقالت : شن تبي تـاني ؟ زعما لو لقيت وراقـك ح طلقني ؟
أسـامة قعمز ع ركبتـه : ندير أي شيء باش تسامحيني نـوعدك نتـوب ونمشي زيّ ماتبي بس ماتخلينيش وحـ نحكيلك ع كل شيء بس اسمعني ع خاطر ولـدنا ع الأقـل
منى قعمزت : تفضل نسمع فيـكك
أسـامة تنهـد تنهيـدة طوويـلة تعبر عن كل الحرقـة الي في قلبهـ وعن ماضيـه الأسود الي لازال يطارد فيـه ! : شوفـي اسمعيني للأخـر ! اني كنت نتآجر في المُخـدرات والحشيش كُنا عِصابـة
منى اهني أنصدمت ! صدمة ورا صدمـة !
تعرفو شعـور الي لما تجي تربـط كل الأحداث تشوف روحك قداش ما كنت غبي !
ايـوواه هدا شعور مُنى بالظبط
أسـامة : منى الله يربحك خليني نكمل
منى هزت براسها !
أسامة : خوك بدي يطارد فينا هو وجماعتـه لأن كنا نحاربو فيهم اكتر من مرة وبعدين تلاقينا حتى في الحرب والمعسكر وهكي عرفت مُعتصم وعرفت انه عنده اخت والي هي انتي !
مُعتصـم عنده أدلـه ان كنت نتاجر وان متهجمين عليهم اكتر من مرة بس الاسم مش مكتوب قاعد يدور فـيه ! فا كان ماعنديش الا الحـل هدا !
بس والله ماحبيت حد غيـرك انتِي ! وراس أمـي انتي الدنيا وما فيها ماتخلينيش والله مانتحمل مانبيهمش لـوراق حتى لو قالولي بنحبسوك غـدوا عادي المهم نكون جنبك
منى انهمرت بالدموع وماعرفتش شن ادير في اي مصيبة ! مصيبة ان تزوجها غصب ولا مصيبة ان في اي وقت ممكن يحبسوه
أسـامة حضنها بقـوة وحضنه هدا خلى مُنى تبكي اكتـر كانت محتاجة حد يحضنها
ولأن مُنى كانت تحب أسامة حد المـوت قررت تسـامحه وهـو وعدها يتـوب ويمشي في الطريق الصـح !

عنـدي أني فعلاً لميت حجاتي كللها وطلعت وصلني مـازن لحوشنـا خشيت كان متغير حبتين !
ادكرت كل شيء من اول مانخلقت
ادكرت ماما ومشاكلها هي وبابا أدكرت لما طلعت وخلتني كنت نبكي ونقولها ماما ماتخلينيش اهني بس هي ماتلفتتش وراهـا !
ادكـرت حُلمي الي حلمت بيـه من صغـريّ ! 💔
ادكـرت كل ضحكـة وكل دمعـة ف ها الحـوش !
و ... هه ادكرت مُعتصـم ! الـي كنت نشوفه الدنيا ومافيهـا ! بس هو بكـاني اكتر ما ضحكنـي !

"أحببتُ عسكري"
العسكـري يستمتع عِند رؤيـه هزيمة أعدائـه ، هل يا تُرى أستمتعَ عِند رؤيتي مهـزومة !
أخبـروه بإنهُ رَبِح المعـركة ! وكنتُ أنـا الهدف فيها

ماما كانت مش موجـوذة حـاولت نطلعه من راسي بس. كيف نقنع قلبي انك قعدتت ماضي ؟؟
ماضـي وحا يتـلاشـى ، ممكن حا يتـزوج بعد فتـرة ويكون عنـده صغـار وحيـاته الخاصـة
بس أني حا نقعد في زاويـة من زوايـا غرفتي ندكـر في عيـونه الحلوة لمّـا يبتسم !
لا مش هكِ بس شعـره أول ماينوض من النـوم ياخدني لمكان بعيـد !
اوووف خلاص حطيت راسي ع المخـدة ومشيت فيها ..

٠٠٠٠٠٠٠٠٠٠
عنـد مجـد كان قاعد مع خطيبته في الكلية  أسمها " يُسرى "
مجد : مسحلـها دموعهـا وقـاللها :
ڪيف بنتـي تـزعل وتبڪي وأنـا قـاعد 💛 .
يُسـرى تمسح في دموعها : اني شفتك كيف تشبحلها
مجد : كنك انتِي ؟ والله متربعة في وسط قلبي ومافي غيرك

الله ! 💛 الحُـب يبي راجـل يا جمـاعة
راجـل الي خايف ع زعلـك ودموعـك ! الراجل الي ماتزلش  معاه دموعك الا دموع الفـرح !
لمـا تكون مش قد الحرب ماتخشلهاش ! 💛🙋🏻‍♀️

٠٠٠٠٠٠٠٠٠
بعـد مرور أسبـوع عنـد معتصـم !
كـان مصكر تاليفـونه نهائيـاً وكان تعبـان ويبي يشـوف بشـرى بس ! كان نـادم علي داره ويبي تردلـه وهدا مزال ماعرفش حقييقـة عداري !
أتئكد أن يحبها لمـا خـلاتـه كان يموت كل دقيقة ع فراقهـا !
خدي مفاتيحه ومشي لـ رضوان
معتصـم : تصـدق ان الحـوش بلاهـا ظلام لمـا نخش نحسه كأنه مهجور !
حتى التريات مش ضاويات زي قبل ! صوت المية وهي تقطر يوتـرني !
نمشي في الحوش بخطوات بطيئة نحس بخوف مش عارف اعلاش ؟
المشكلـة مش اهنـي ! المشكلـة ان الحوش كله بدي اسـود !
اني ندكر ان كان فيه لون احمر في الصالـون بس وينه ؟
كيـف نخليها ترجعلي كيف بسس ! 💔
رضـوان تنهد وحط يـده ع كتفه : اني صاحبك صح بس انتَ غلطت يا خـوي وغلطتـك مش شويـا بس مهما كـان لو تحبها حـارب ع خاطـرها .
تـدكر لما كنا في الحرب وكان القصف من جميع المحاور ؟ كان نسبة ان نطلع منها صفر في الميـة بس طلعنا ! تخيل روحك في الحرب توا وحارب زي ماكنت تحـارب
معتصـم : مش حا نسيبها لين ترجعلي ! ونـاض

- اللي عنده صحاب مِحنة ، المفروض يحافظ عليهم ، زي روحه واكتر ،.💙

عندي " أني "
خلي نبشركـم 💛 طلعت حـامل بس فرحتي كانت ناقصـة ! كنت مستاحشـته مـوت ...
‏"يرقد الحِزن فِ قلبي وقلبي برجعته يحلم💔؟"
شوي ورن تاليفـوني كان مُعتصم ! اي كان معتصم
خايفـة نـرد !  خايفة نسمع صوته نحن و نضعًف و نريح فيهَا ؟
درتـه ع الصامت وطلعت نوتي في العشي مع ماما
درنا رز  وكان خـاطري فيه من اول اسبوع نتوحم 😂🙋🏻‍♀️
حطينا العشي وكلينا وكملنـا خشيت لـداري كلمتني منى اني ومنى كنا يومياً نهدرزو بس ماحبتش تدخل بيني وبين معتصـم !
شوي وجاني مسـج من معتصم كان فيها " استاحشـت قلبك و عيـونك  ردي وارحميني💔!
اني غلطت عارف ونبي نصلح غلطي "

ناري مابتش تنطفي ف قررت نـرد عليه :" شن منظرك لما تعطي شخص وعد تخليه يبني حياته عليه بعدين ترخي بيه وتفوته، ؟ تعرف شنـي طلعت مش قـد الثـقة ومستحيل نورط روحي معاك مرة تانيـة الي انكسر مايتصلحش . ودرته ع وضع الطيـران وحطيت راسي ع المخـدة ونفكـر

هلبه حاجات لازم تبعد عليها عشان تشوفها واضحهه، البُعد مش ديما يأذينا ! 🔥

....