أحببتُ عسـكري ❤️💍

الحلقة 3❤️

الحلقة 3❤️💍

طلـع معتصم ومشي لجماعته تاني كانو ملتمين ع النار ورضوان راقد ع رجـل معتصم
مجد : بنعدي نرقد ي جماعة تعبان
رضوان : مرقد جدي
مجد : في راسك ان شاءالله
حازم : تعال ي رفيقي حتى اني بنرقد تعببت
وناضو فرشو ورقدو وقعد رضوان ومعتصم
رضـوان : احكيلي هي
معتصم : شن نحكيلك بالزبط
رضوان : كلمها شوفها
معتصم : انتَ تعرفني مانحبش العبرج الزايد متعهم
رضوان : غير شوفها بسس مرات ضروف حاجة
معتصم تنهد وخدي تاليفونه واتصل وردت
عداري وحددة مززيتة بككل مش عارفة كيف طاح فيها ديما المزيتات حظهم سمح 😂
عداري : ايوا اهلين
معتصم : عاش من سمع صوتك وينك الزح
عداري : معتصم مش عارفة كيف بنقولهالك بس اني انخطبت امس
معتصم : شنوووو شن تخرفي انتي عداري انتي بوعيك تتكلمي ؟
عداري :اني  عمري ماحبيتك كنت نحب فلوسك بس سامحني وتوا اني مخطوبة مانقدرش سامحني
سلام 
معتصم شبح لـ رضوان : هادي تبصر ولا شني ؟
رضوان : ان شاءالله الي سمعته غلط قالت انخطبت ولا ؟
معتصم هز راسه
رضوان خبط رجله ع الارض : بنت الـ ..&$@
معتصم وعيونه دموع : صدقني مش حنخليها الـ غيري
رضوان ضربه على كتفه ويعلي في صوته : انتَ واعي ؟ تي امتا وليت هكِ تي تبكيك بنت ي راجـل ؟ باعاتك الززحح واناَ مزال تبيها هي باعتاك وانتَ اعطيها ببلاش
معتصم : انتَ مش حاس بالنار الي فيهاا وخبط يده ع قلبه : نحبها
رضوان ضحك ضحكة هزوة : تي هادي وحدة $$@
ناضو حازم ومجد
حازم : شن في خيركم
مجد شعره مشفشف ويشوفلهم
رضوان : انخطبت
مجد : ماتقولهاش ي راجـل
حازم : انا قلتلك الف مرة ي راجل فوتها ي معتصم راه ماتستاهلكش وانتَ شني مصكر راسك تبيها خودلك هي
معتصم ناض خبط رجله ع الارض وركب سيارته وطلع
مجد مشي جري وركب سيارته حتى هو : مانقدرش نخليه بروحه
حازم ورضوان جو يجرو وركبو معاه وطلعو
لقوه قاعد ع البحر نزلو وقعمزو معـاه

عند معتصم " كنت مـدمر بكـل صدمتني لما سمعت منها كلمة انخطبت ، مش عارف امتا وكيف حبيتها ، بس حبيتها من كل قلبي "
وبعتلها رسالة " مش قلتيلي كُل ما يضايقوك اني حـ نكون معاك وجنبك ، توا ضيقتي منك وينك انتِ ؟💔"

____________

عندي اني كنت مقعمزة مع منى في دارها ونهدرزو ومعانا نجوى
منى : تعرفيها بنت عمي حسين ي نجوى بتتزوج وتسيب قرايتها نديدتنا تخيلي يا بشـرى
اني  :- عمـركـم سمعـتو بـراجـل سـيب قـرايتـه بـاش يتـزوج غيـر انتـم متعـات عـار بـس🤣😂
منى ضربتني : شن انتم هادي قلت بنت عميي مش اني
نجوى تضحك : دمككك عسل ي وخيتي
اني : سلمكك ي حنة انتي العسسل
منى : ماتعدليش عليها ي نجوى هادي مافيش افلح منها في الدوة هادي
اني : اعلاش الحسد وحضنت نجوى : حبيبتى نجوى على فكرة
نجوى شدتلي خدودي : صراحتاً اني نحبك خدودك اكتر منك
اني : ميرسييي 😂❤️
منى : حتى اني نموت ع خدودها
اني حطيت يديا على وجهي : الا خدوديي ايواه
عزيزة طقت الباب : خيرك يا بشرى مقعمزة اهني نوضي ساعدي امك مسكينة
اني وجعتني : حاضر
منى  : ماما خيرك خليها
عزيزة : اسكتي انتي 
اني نزلت ودموعي ع خدي وبديت نساعد في ماما شويا
منى : ماما اعلاش هكِ
نجوى : اي يا خالتي حرام عليك البنية صغيرة
عزيزة : اني مانبيش الجو هذا خايفة على ولادي يخشو في الحـرام وهي بنت حلـوة
منى : انتي عارفة ان امجد متزوج ومازن زي اخته ومعتصم مش ديما قاعد
عزيزة : مانبيش حد يناقشني في الموضوع هـدا !