.انين الرووح
البارت....رابع
.
بعدما قريت ذكريات ثائر ..رديت ع كلامه في الصفحه الاخيره من دفتره
.
شفت دفتر حياتي مطرز احزان
وبجيت هواي يوم إلي قريته
أول صفحه بيها اشكال و ألوان
قريت الثانيه راح الي هويته
ثالث صفحه دوخه وشدت البال
قريت الرابعه وما كمليته
شمال الخامسه شضمتلي الأيام
قريت السادسه وبيدي طويته
اذاني زماني وعكس وياي
وهمي الغيري والله ماشكيته
انا ادري الدنيا بيها هواي طيبين
زرعت الطيب ولا مره جنيته
قصتنه بدت ابغلطه وعتاب
ولا حسبت بيها حبنه بدينه
انه حبيتك صدك يفلان
بس كمشت حلكي بالكلمه الاخيره
خفت اكولك اني من يا ديانات
وانت تصدني وماترد الي .
.
الحياة دوم تكون عكس السير .لازم نضوك مرارتها حتى نشعر بحلاوتها .
.صح اكو تجافي ابيني وبين ثائر وحب جان بارد وصامت
بس بعد القاء الاول اتغير هذا التجافي والصمت الى احساس دافي وامان .
.في كلام وشعور وحب ثائر
انسه نفسي اني مسيحيه وتمنيت ربي خالقني مسلمه حتى ما افقد حبي لهل انسان الرائع
حسيت ديانتهم جدا حلوه وبيها اشياء كثيره تختلف عن دياناتنا
اغلب كلامه عن دينهم وعن نبيهم وعن اهل بيتهم مثل ما يكول هوه
...اول مره من كلي اهل البيت مجنت اعرف شيقصد بعدين علمني عليهم
وشنو المراسيم اليتخذوها في شهر محرم .
مجنت اعرف
شنو مواكب وشنو التحضيرات المحرم
ونواع الطبخ والتشابيه
..علمني عليها كلها تكولون استاذ ويعلم طالبته .
.يلبسون السواد شهرين
..اشياء كثيره حجالي عنها .
. وبعد اسبوع طلع بابا من المستشفى كان بالعنايه
..وبده الاقارب والجيران والاصدقاء يجون يقدمون الواجب ع سلامه بابا
..اني اخذت اجازه يومين حتى اكدر اعتني بزدوالدي لان امي صحتها هم اشويه تعبانه ومتكدر وحدها تهتم ابابا والخطار
اليوم وفاء اتصلت
..الووو .جوري تره اليوم كلنه راح نجي البيتكم علمود سلامه والدج
..اي حبي عادي كل الهلا بيكم
ساعه ١١ الصبح اندك الباب
..فتحت اغلب الطلاب الي ويايه بالقاعه جايين يسلمون
فوتتهم للبيت وعرفتهم ع بابا
وبابا رحب ابكل زملائي وفرح حيل بيهم
امي فرحت من شافتهم شلون مهتمين بيه وجايين الخاطري يتحمدون ع سلامه والدي
..كمت احضر الشربت اندكت الباب
..طلعت فتحت وتفاجاءت بثائر وعمار ابغير سياره
..شلونج جوري
..اهلا عمار اهلا ثائر
..شلون الوالد
بخير تفضلوا
..ثائر لا شكرا اني جيت بس اسلم واروح
لان ظل بالي يمكم
..ميخالف فوت سلم ع بابا عود اطلع
